Display Style:
Column Style
बाफल एसिड आक्रमण अभियुक्तयात थुना तयेगु आदेश
लहनान्युज | ञंलाथ्व १ ११४०,भाद्र ४ बिहीवाः
बाफल एसिड आक्रमणया अभियुक्त मोहम्मद आलम व फैयाज आलमयात काठमाडौं जिल्ला अदालतं पुर्पक्षया लागि थुनाय् छ्वःगु दु ।
ओखलढुंगाया पवित्रा कार्कीयात वःगु साउन ८ गते एसिड छ्वाःकागु घटनाया दोषीयात न्यायाधीश कृष्णजंग शाहया इजलासं पुर्पक्षया लागि थुनाय् छ्वःयेगु निर्णय याःगु दु ।
अदालतं एसिड पीडित मिसायात पीडित राहत कोषपाखे निगु लाख ध्यवा राहत बिइत न आदेश बिःगु दु ।
साउन ८ गते कार्कीयात येँया बाफलय् खाजा नयेत सःता लिहा वनेगु झ्वलय् मोहम्मद आलमं थः ग्वाहालिमि फैयाज आलमयात छ्यला एसिड आक्रमण याःगु धका प्रहरीं दावी याःगु खः ।
पवित्रा थौं कन्ह्य कीर्तिपुर अस्पतालय् वासः याका वयाच्वंगु दु ।
आइसोलेशनय् थः यःथे नयेगु दइ मखु, छु दु सकारात्मक तरिकां उपभोग याये’
लहनान्युज | ञंलाथ्व १ ११४०,भाद्र ४ बिहीवाः
सरकारं आइसोलेशन व क्वरेण्टीनय् च्वनिपिनिगु स्वास्थ्य मापदण्डया अनुशासन पालना ययोत इनाप याःगु दु । स्वास्थ्य मन्त्रालयं थःगु स्वास्थ्यया लागि जूसा नियमको पालना यायेत इनाप यासे छु सेवा सुविधा दु उकिइ चित्त बुझे यायेत धाःगु दु ।
मन्त्रालयया प्रवक्ता डाक्टर जागेश्वर गौतमं आइसोलेशन व क्वरेण्टीनय् च्वपिन्त ग्वाहालिया लागि इनाप यासे थः ज्याःगु अवस्थाय् सरकार नाप उपलब्ध स्रोत व साधनयात छ्यला सेवा बिया वया च्वनागुलि सकसित अनुशासित जुया च्वनेत इनाप यानादिगु खः ।
प्रवक्ता गौतमं ‘आइसोलेशनय् थःम्हेसिया माःगुु व थःत यःगु नयेत दइ मखु । छु दु वहे सकारात्मक तरिकां उपभोग याये धका धयादिगु खः ।’
स्वास्थ्य मन्त्रालयया प्रवक्ता डाक्टर गौतमं सङ्कटया थुगु इलय् सम्पन्न मनूत ग्वाहालि यायेगुलि मवःगु धका धयादिसे थज्याःगु इलय् ग्वाहालि मःयासा गु वलय् ग्वाहालि यायेगु धका न न्ह्यसः यानादिगु खः ।
येँया भिद्यः त्वालय् च्वम्ह कोरोना सक्रमणं मन्त
लहनान्युज | ञंलाथ्व १ ११४०,भाद्र ४ बिहीवाः
कोरोना संक्रमणं येँ छम्ह मदुगु दु ।
कोरोना भाइरस (कोभिड–१९) या संक्रमणपाखे येँ छम्ह मनू सीगु दु ।
येँया भिंद्यः त्वालय् च्वम्ह ६५ दँ दु म्ह छम्ह मिसा काठमाडौं मेडिकल कलेजय् वासः याकेगु झ्वलय् मदुगु खः ।
दैलेखय् प्यन्हुया लागि निषेधाज्ञा जारी
लहनान्युज | ञंलाथ्व १ ११४०,भाद्र ४ बिहीवाः
दैलेखय् न प्यन्हुया लागि निषेधाज्ञा जारी याःगु दु । तीजय् भिडभाड जुइ फइगुलि कोभिड १९ संक्रमणया जोखिमया कारण जिल्ला प्रशासन कार्यालय नं दैलेखय् अत्यावश्यक बाहेकया सेवा बन्द यायेगु निर्णय याःगु खः ।
थौं बिहीवाः २ः०० बजे निसे लागू जुइ कथं ७ गते चान्ह्य १२ बजे तक जिल्लायकं निषेधाज्ञा जारी याःगु प्रशासन कार्यालयया नं छगू सूचं जारी याःगु दु छ ।
वःगु छु ई लिपा जिल्लाय् कोरोना संक्रमण म्हो जुया वःसा तीजया इलय् मनूत छथाय् मूना भिडभाड जुइ फइगुलि प्यन्हुया लागि निषेधाज्ञा जारी यानागु धका सहायक प्रमुख जिल्ला अधिकारी धाःगु खः ।
निषेधाज्ञा इलय् वासः पसः, अस्पताल तथा स्वास्थ्य केन्द्र, लः, मतः, फोहोरमैला व्यवस्थापन लगायतया अत्यावश्यक सेवा बाहेकउा मेगु सेवाहरू सञ्चालन यायेगु निषेध याःगु दु ।
देय् यकं ७०७ म्ह कोरोना संक्रमण पुष्टि
लहनान्युज | ञंलाथ्व १ ११४०,भाद्र ४ बिहीवाः
वःगु २४ घण्टाय् ७०७ म्ह कोरोना भाइरस (कोभिड–१९) या संक्रमण पुष्टि जूगु दु ।
थ्व नाप आः संक्रमितपि २९ हजार ६४५म्ह थ्यःगु दु । अथेहे सीपि १२६ म्ह थ्यःगु दु ।
आःतक वासः याका छेँय् लिहा वःपि १७ हजार ९६४ म्ह थ्यःगु दु् । वःगु २४ घण्टाय् जक २६४ म्ह संक्रमितपि डिस्चार्ज जूया छेँय् लिहा वने धुकुगु दु ।
स्वास्थ्य तथा जनसंख्या मन्त्रालयया कथं देय् यकं प्रयोगशालाय् ११ हजार ८३२ म्हेसिगु नमुना परीक्षण याःगु खः ।
थ्व हे झ्वलय् स्वनिगलय् जक २०० म्ह संक्रमितपि पिहा वःगु खः । उकि मध्ये देय् यकं संक्रमितपि जुगु मध्ये दकलय् अप्व १७४ म्ह येँ पिहा वःगु खः । यलय् १८म्ह व ख्वपय् च्याम्ह पिह। वःगु खः ।
थ्व नाप सर्लाही ९३ म्ह, पर्साय् ५५म्ह, धनुषा व अछामय् स्वीछम्ह, स्वीछम्ह, कपिलवस्तुइ ३०म्ह, मकवानपुर २५म्ह, सिराहा व् बझाङय् नीछम्ह, नीछम्ह, सप्तरी, कास्की व दैलेखय् झींगुम्ह, झींगुम्ह, रुपन्देही १८म्ह, रौतहट, बाँके व डोटी झींखुम्ह, झींखुम्ह, महोत्तरीा १५म्ह, सुनसरी १३म्हेसित संक्रमण पुष्टि जूगु खः ।
तेह्रथुम व मोरङमय् गुम्ह, गुम्ह, बारा व बाग्लुङय् च्याम्ह च्याम्ह, उपयपुर व दाङय् प्यम्ह प्यम्ह, नुवाकोट, नवलपुर व गुल्मीइ स्वम्ह, स्वम्ह, दोलखा, धादिङ, तनहुँ, बर्दिया व डडेलधुरा निम्ह, निम्ह व झापा, धनकुटा, काभ्रे, चितवन, सिन्धुपाल्चोक, सिन्धुली, गोरखा, स्याङ्जा , प्युठान, कालीकोट, जाजरकोट, रुकुम पश्चिम, सल्यान, सुर्खेत, कैलाली, दार्चुला व बैतडीइ छम्ह छम्हेसित संक्रमण पिहा वःगु खः ।
