राष्ट्रिय

Display Style:

Column Style

येँ १६म्ह,यलय् ७म्ह नाप २३म्हेसित कोरोना संक्रमण

शोभा श्रेष्ठ | दिल्लागा तृतीया ११४०,असार २४ बुधवाः

थौं बुधवाः येँ व यलय् याना २३म्हेसित कोरोना संक्रमण खने दुगु दु ।

स्वास्थ्य तथा जनसंख्या मन्त्रालयया कथं येँ १६ म्ह व यलय् ७म्हेसित कोरोना संक्रमण पुष्टि जूगु दु धका धाःगु दु ।

थौंं धाःसा ख्वपय् छम्ह न कोरोना संक्रमण पिहा वःगु मदु । थौ येँ व यलय् पिहा वपि संक्रमितपि गन थासय् च्वपि धका मन्त्रालयय् न मधाः ।

राष्ट्रिय जनस्वास्थ्य प्रयोगशाला टेकुइ परीक्षण यागुलि येँया खुम्ह व पाटन अस्पतालय् याःगु परीक्षणय् येँया १०म्ह व यलय् ७ म्हेसित कोरोना संक्रमण पुष्टि जूगु धका धाःगु खः ।

२५५म्ह कोरोना संक्रमित जुल

लहनान्युज | दिल्लागा तृतीया ११४०,असार २४ बुधवाः

थौं बुधवाः नेपालय् कोरोना भाइरसं २५५म्ह संक्रमितपि पिहा वःगु दु धक धाःगु दु । स्वास्थ्य तथा जनसंख्या मन्त्रालयया कथं बुधवाः तक संक्रमितपि १६द्धः व ४२३ म्ह थ्यःगु दु ।

बुधवाः जक प्यद्धः व ६९६म्हसित आरटी पीसीआर विधिपाखे कोरोना परीक्षण याःगु इलय् २५५ म्हसित संक्रमित पिहा वःगु दु धका मन्त्रालयया प्रवक्ता डा. जागेश्वर गौतमं जानकारी बिःगु खः ।

अथेहे बुधवाः २५३म्ह वासः याका छेँय् लिहा वःगु दु । नेपालय् कोरोना संक्रमण वासः याका डिस्चार्ज जूपि थौं तक ७७५२म्ह थ्यःगु दु । अथेहे कोरोना संक्रमणं सीपिनिगु ल्याः ३५म्ह थ्यःगु दु ।

नेपाल आः तक ८६३६म्ह कोरोना संक्रमित उपचारया लागि आइसोलेसनय् च्वना च्वगू दु ।

पिसिआर ल्याब किपुली न स्थापना जुल

लहनान्युज | दिल्लागा तृतीया ११४०,असार २४ बुधवाः

किपुली कोरोना भाइरसया परीक्षण यायेगु लागि पिसिआर ल्याब स्थापना याःगु दु । छगू ज्याझ्वःया दथुइ किपु नगरपालिकाया मेयर रमेश महर्जनं पिसिआर परीक्षण कक्षया उलेज्या यानादीगु खः ।

उगु ज्याझ्वलय् थःगु खँ तयादिसे किपू नगरपालिकाया मेयर महर्जनं किपू नगर दुने च्वपिन्त प्राथमिकताय् तयाः थुगु ल्याब स्थापना यानागु खँ धका धयादिगु खः ।

थुगु ल्याबय् छकः याये वलय् गुइम्ह व छन्हुयां निसःगू स्वाब परीक्षण जुइगु खँ वय्कलं धयादीगु खः ।

स्वाब परीक्षण यायेगु निंतिं छन्हु निन्हु हे स्वाब संकलन ज्या नं न्ह्याइगु धका न धयादीगु खः ।

थथे स्वाब संकलन यायेगु इलय् ज्याथ जिथिपिं, ल्वगि तयेत प्राथमिकता तया स्वाब संकलन यायेगु जुइ, थ्वुगु ल्याबय् नमूना परीक्षण यानाः छन्हु निन्हुं हे स्वास्थ्य विभागपाखें प्रमाणित याकेगु ज्या जुइ । थ्व धुंकाः सर्वसाधारणया स्वाब परीक्षण ज्या न्ह्याइ ।

ख्वनामितयगु मागय् सांसद शाक्यया ऐक्यवद्धता

विकाश | दिल्लागा द्वितीया ११४० (२०७७ असार २३) मंगलबाः

बागमति प्रदेशया सांसद् राजेश शाक्यं ख्वनामितयसं थःगु बुँइ वा पी दयेमाःगु धयादीगु दु ।

लहनान्यूजलिसे खँ ल्हासें सांसद शाक्यं ख्वनामितयसं थःगु बुँइ वा पिनाः छुं नं गलत मयाःगु बिचाः तसें थःगु बुँइ वा प्यूपिं किसानतयत प्रहरीं याःगु दमन गलत जूगु धयादिल ।

कृषि प्रधान देशय् किसानयात वा पीत पनेगु ज्या यायेमज्यूगु खँय् शाक्यं बः बियादिल ।

राज्यं ख्वनाया खुदोलं फास्ट ट्र्याक दयेकेमाःगु खःसा जग्गा प्राप्ति ऐन कथं प्रक्रिया पूवंकाः जक न्ह्याःवनेमाःगु खँ शाक्यं तयादिल ।

‘जग्गा प्राप्ति ऐन कथं ख्वनाया बुँ थुवाःतयत पायछि कथं मुआब्जा बियाः उमित सन्तुष्ट यायेमाल अले जक अन सरकारया अधिकार जुइ’ शाक्यं धयादिल । ‘जग्गा प्राप्ति हे मयाःसे उकथं बुँज्या याकेमबीगु पायछि मजू ।’

ख्वनामितयगु मागय् थःगु नं ऐक्यवद्धता दुगु शाक्यं धयादिल ।

येँ–निजगढ स्वाइगु द्रुतमार्गया जिरो प्वाइन्ट ख्वनाया खुदोल क्षेत्रय् क्वःछिनातःगु दु । तर कौडीया भावय् मुआब्जा बियाः जग्गा कायेत स्वःगु धासें ख्वनामितयसं उकियात स्वीकार यानाच्वंगु मदु । उगु क्षेत्रय् लाःगु बुँइ किसानतयसं प्यदँ न्ह्यःनिसें वा पीमखंनि ।

उकिया नापं डिपिआर तकं मदयेक ज्या न्ह्याकेत्यंगु व आःया योजना कथं लँ दयेकूसा ख्वनाया ऐतिहासिक, साँस्कृतिक सम्पदा तकं लाःगु धासें ख्वनामिलिसें सम्पदाप्रेमीपिन्सं नं निरन्तर विरोधया ज्याझ्वः यानावयाच्वंगु दु ।

व हे झ्वलय् वंगु असार १५ गते ख्वनामिपिन्सं खुदोलय् थःगु बुँइ वा प्यूगु खःसा प्रहरीं दमन यानाः वा पीगु ज्याय् पंगः थंगु खः ।

प्रहरीया पंगः दथुइ बछि जक बुँइ वा पी सिधःगु धासें २० गते हाकनं ल्यं दनिगु बुँइ वा प्यूगु खः । उबले नं प्रहरीं लाठी चार्ज यायेगुया नापं दर्जन मल्याक्क अश्रुग्याँस नं कयेकूगु खः ।

लिपा राष्ट्रिय मानवअधिकार आयोगया प्रतिनिधि तुलसी थापाया उपस्थितीइ प्रहरी व स्थानीय किसानया वार्ता यायेधुंकाः वा पीगुलिइ पंगः मथनेगु सहमति जूगु खः ।