Display Style:
Column Style
आनन्दकुटी स्कूलय् आइसोलेन दयेकेगु तयारी
नृपेन्द्रलाल श्रेष्ठ | कौलागा अष्टमी ११४०,कार्तिक २३ आइतवाः
हलियकं महामारी जुयाच्जंगु कोरोना भाइरस कोभिड १९ या संक्रमण अप्वो वना च्वंगु थुकिया रोकथामया लागि संघीय संसाद जिवनराम श्रेष्ठया नेतृत्वय् येँ महानगरपालिका १५ वडा स्वयम्भूइ आनन्दकुटी विद्यालयय् आइसोलेसनया रूपय् संचालन यायेत्यःगु दु।
उगु थासय् याकन हे आइसोलेसन संचालनय् हयेत संघीय संसाद जिवनराम श्रेष्ठ, येँ कामपा १५ वडाया अध्यक्ष नाप कामपा प्रवक्ता ईश्वरमान डंगोल, वडा सदस्यपि आनन्द राम गौतम मैयाँ लक्ष्मी महर्जन नाप स्थानीयपिन्स सरसफाइ यायेगु ज्या याःगु दु।
बार्सिलोनां रियल बेटिसया ५–२ गोल अन्तर त्याकल
लहानान्युज | कौलागा अष्टमी ११४०,कार्तिक २३ आइतवाः
कप्तान लियोनल मेस्सीं निगु गोलया ग्वाहालि स्पेनिस ला लिगा फुटबलय् बार्सिलोनां याउक त्याःगु खः। शनिवाः चान्ह्य जूगु कासाय् बार्सिलोनां रियल बेटिसया ५–२ गोल अन्तरं त्याकूगु खः।
घरेलु मैदानय् जूगु कासाय् बार्सिलोनायात त्याकेगु लागि कप्तान लियोनल मेस्सीं निगु गोल याःगु खः। अथेहे ओसमान डेम्बें, एन्टोनी ग्रिजम्यान व पेड्रीं छगु छगु गोल याःगु खः।
रियल बेटिसया लागि एन्टोइन सराविया व मोनोन गेरासियां छगु छगु गोल याःगु खः।
छत्रपाटी अस्पतालय् लिफ्ट तयेत येँ महानगरपालिकापाखें ग्वाहालि
बिकाश | कौलागा सप्तमी ११४० (२०७७ कार्तिक २२)
येँया पुलांगु वस्ती क्षेत्रपाटीइ दुगु छत्रपाटी निःशुल्क चिकित्सालय अस्पतालया न्हूगु भवनय् लिफ्ट जडान यायेत येँ महानगरपालिकां ३० लख तका अनुदान ब्यूगु दु ।
अनुदान ग्वाहालि यायेगु सम्झौतापत्रय् येँ महानगरपालिकापाखें शहरी पूर्वाधार विकास विभागया प्रमुख रामबहादुर थापा व चिकित्सालययापाखें नायः डाक्टर मनोजमान श्रेष्ठं ल्हाःचिं तयादिल ।
उगु इलय् कामपा प्रमुख शाक्यं थप सेवा प्रवाह व चिकित्सालयया उन्नतिया लागिं जनताया नं अपनत्व महशुस याकेत जनसहभागितापाखें नं ग्वाहालि मुंकेत सुझाव बियादिल ।
प्रमुख शाक्यं चिकित्सालया न्हूगु भवन दयेकेत आर्थिक दँ २०७७/०७८ य् ५ करोड तका बजेट विनियोजन यानागु नं लुमंका बियादिल ।
व झ्वलय् शाक्यं येँ महानगरपालिका दुने कोभिड–१९ रोकथाम व नियन्त्रणया लागिं दक्वं जानाः न्ह्याःवनेमाःगु बिचाः नं तयादिल ।
चिकित्सालयया नायः डाक्टर श्रेष्ठं २५ शैय्याया चिकित्सालयं कोभिड–१९ या संक्रमण भयावह जुयाच्वंगु इलय् नं छेँय् छेँय् हे वनाः सेवा बियाच्वनागु जानकारी याकादिल ।
वय्कलं करीब ३५ करोडया लगानीइ अत्याधुनिक भवन दयेकेगु तयारीइ चिकित्सालय जानाच्वंगु धासें भवन दयेकेत महानगरपालिकां ५ करोड ग्वाहालिया प्रतिवद्धता प्वंकूगुलिं थःपिं अझ उत्साहित जूगु धयादिल ।
वय्कलं आः चिकित्सालयपाखें, स्वासप्रश्वास, दन्त सेवा लिसेंया विशेषज्ञ स्वास्थ सेवा बियाच्वनागु नं धयादिल ।
कोरोना सक्रमण १७म्ह मन्त
लहानान्युज | कौलागा सप्तमी ११४०,कार्तिक २२ शनिवाः
कोरोना संक्रमणं २४ घण्टाया दुने थप १७ म्ह सीगु दु धका स्वास्थ्य तथा जनसंख्या मन्त्रालयं पुष्टि याःगु दु।
थ्व नाप आःतक नेपालय् कोरोना संक्रमणं सीपि १०८७ म्ह थ्यःगु दु।
वःगु २४ घण्टाय् थौं २७५३ म्ह कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
थौं २७५३म्हेसित कोरोना सक्रमण
शोभा श्रेष्ठ | कौलागा सप्तमी ११४०,कार्तिक २२ शनिवाः
वःगु २४ घण्टाया दुने थौं शनिवाः थप २ हजार ७५३ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
थ्व नाप आःतक नेपालय् कोरोना संक्रमितपि १ लाख ९१ हजार ६३६ म्ह थ्यःगु दु।
अथेहे २४ घण्टाया दुने २२०६ म्ह कोरोना संक्रमणपि डिस्चार्ज जूग दु। थ्व नाप डिस्चार्ज जूपि १ लाख ५५ हजार ११४ म्ह थ्यःगु दु। देय् यकं सक्रिय संक्रमितप आःतक ३५ हजार ४३५ म्ह थ्यःगु दु।
मन्त्रालयया कथं २४ घण्टाय् १० हजार ४२३ म्हेसिगु पीसीआर परीक्षण याःगु दु।
