Display Style:
Column Style
येँ स्वम्ह सक्रमण, निम्ह सीत
लहनान्युज | दिल्लागा षष्ठी ११४०,असार २७ शनिवाः
वःगु २४ घण्टाय् दुने थप ७० म्हेसित कोरोना भाइरस (कोभिड(१९)या संक्रमण पुष्टि जूगु दु । स्वास्थ्य तथा जनसंख्या मन्त्रालयया कथं थौं ३६४८ म्हेसिगु नमुना परीक्षण याःगुलि ७०म्हेसित संक्रमण पुष्टि जूगु खः ।
अथेहे थौं हे स्वम्ह कोरोना संक्रमणया कारण सीगु दु । सीपि निम्ह येँयाम्ह व छम्ह सिन्धुपाल्चोकयाम्ह खः ।
मन्त्रालय बिःगु कथं २८ गू जिल्लाय् संक्रमितपि पिहा वःगु दु । थौं दकलय् अप्व सिन्धुपाल्चोक व दाङय् न्याम्ह न्याम्हसित संक्रमण जूगु दु ।
थ्व नाप सुनसरी, उदयपुर, स्याङजा, तनहुँ व कञ्चनपुरय् प्यम्ह प्यम्ह, येँ, मोरङ, धादिङ, सर्लाही, बाग्लुङ व सुर्खेतय् स्वम्ह स्वम्ह व झापा, म्याग्दी, कास्की, बाँके, बर्दिया व जुम्लाय् निम्ह निम्हसित संक्रमित जूगु खः ।
अथेहे सिराहा, नुवाकोट, चितवन, सिन्धुली, रौतहट, पर्वत, पाल्पा, रुकुम पश्चिम, सल्यान व अछामय् छम्ह छम्हसिगु रिपोर्ट पोजेटिभ वःगु दु । थ्व नाप नेपालय्मा कुल संक्रमितपिनिगु ल्याः १६७१९ म्ह थ्यःगु दु ।
यस्तै पछिल्लो २४ घण्टामा ४३१ जना डिस्चार्ज भएका छन् । यससँगै निको हुनेको संख्या ८ हजार ४४२ पुगेको छ ।
कोरोना संक्रमणं थौं स्वम्ह सीत
लहनान्युज | दिल्लागा षष्ठी ११४०,असार २७ शनिवाः
कोरोना भाइरस (कोभिड(१९) या संक्रमणया कारण थौं नेपालय् स्वम्ह सीगु पुष्टि जूगु दु ।
थौं सीपि येँ महानरपालिका वडा १० शंमखुलया ६० दँ दुम्ह, गोकर्णेश्वर वडा ४ या ४५ दँ दुम्ह व सिन्धुपाल्चोक पाँचपोखरीया ४५ दुँ दुम्ह मिजंपि खः ।
सांसद श्रेष्ठं स्थानीय पूर्वाधार विकास साझेदारी ज्याझ्वःया निरिक्षण
लहनान्युज | दिल्लागा षष्ठी ११४०,असार २७ शनिवाः
येँ क्षेत्र न. ८ स्थानीय पूर्वाधार विकास साझेदारी ज्याझ्वः कथं प्रतिनिधि सभा सदस्य माननीय जीवनराम श्रेष्ठं येँ महानगरपालिका वडा न.१५ चःमती दयेका च्वंगु जेष्ठ नागरिक पार्क परम्परागत शैलीको फल्चा, ताँया न्ह्यने बिष्णुमति लिंकरोड क्रसिङ्ग ब्रीज व कामपा वडा न.१३ या रबिभबन मुन्तिर मनमती खुँसि रितेनिङवाल, ताहाचः चुली मयजु अजिमा देगः व पार्क दयेकेगु ज्याया निरिक्षण यानादिगु दु ।
उगु निरीक्षणय् यायेगुलि कामपा वडा न.१३ या वडाअध्यक्ष ध्रुबनारायण मनान्धर व वडा सदस्य रामबाबु कोइराला नाप स्थानीययापिनिगु न ब्बति दुगु खः ।
केएमसी अस्पताल कोरोना संक्रमण छम्ह सीत
लहनान्युज | दिल्लागा षष्ठी ११४०,असार २७ शनिवाः
केएमसी अस्पताल सिनामंगलय् कोरोना संक्रमणम्ह छम्ह सीगु पुष्टि जूगु दु ।
गोकर्णया ५४ दँ दुम्ह उम्ह मिजंम्ह उपचारया झ्वलय् २५ गते सीगु खः । असार २६ गते वयागुु पीसीआर परीक्षण रिपोर्ट पोजेटिभ वःगु धका अस्पतालया निर्देशकं जानकारी बिःगु दु ।
थ्व नाप नेपालय् कोरोना संक्रमण जूया सीपिनिगु ल्याः ३६म्ह थ्यःगु दु ।
उम्ह मनू जँलास्येँया ल्वगि खः । स्वास्थ्यय् समस्या वयेवः वयात वःगु असार १९ गते त्रिवि शिक्षण अस्पताल महाराजगञ्ज यंकूगु खः वयात केएमसी रिफर याःगु खः । श्वासप्रश्वासया तक समस्या वयेवः केएमसीया भेन्टिलेटरय् तया वासः याका च्वंगु खः ।
कोरोना संक्रमण जूगु मजूग धका सिइकेत २१ गते वयागु स्वाबया नमूना संकलन याना परीक्षणया लागि छुवःगु खः । तर, वयागु रिपोर्ट मवयेवः २५ गते सीगु खः । उम्ह मनू सीगु कन्ह्य कुन्हु हे वयागु रिपोर्टय् कोरोना संक्रमण खने दुगु धका धाःगु खः ।
नेपाली सेनां वयागु शनिवाः सुथय् वयागु शव व्यवस्थापन याःगु खः ।
गण्डकी प्रदेशय् १४म्ह कोरोना संक्रमण पुष्टि
लहनान्युज | दिल्लागा षष्ठी ११४०,असार २७ शनिवाः
गण्डकी प्रदेशय् थप १४ म्हेसित कोरोना संक्रमण पुष्टि जूगु दु ।
पोखरा स्वास्थ्य विज्ञान प्रतिष्ठान व प्रदेश क्षयरोग प्रयोगशाला केन्द्रय् याःगु परीक्षणय् न्हूपि संक्रमितपि पिहावःगु दु ।
शनिवाः न्हुपि संक्रमित पुष्टि जूपि तनहुँ, म्याग्दी, स्याङ्जा, बागलुङय् च्वपि खः ।
