Display Style:
Column Style
डोटीइ ४६ कोरोना संक्रमित थपे जुल
लहनान्युज | गुंलागा १४ ११४०,भाद्र २ मंगलवाः
डोटीइ ४६ म्ह सोमवाः जक कोरोना भाइरस (कोभिड(१९) संक्रमण पुष्टि जूगु खःसा डडेल्धुरा अस्पताल प्रयोगशालाय् याःगु परीक्षणपाखे मेपि ४६ म्हेसित संक्रमण पुष्टि जूगु खः ।
शिखर नगरपालिका १० य् १६म्ह, वडानम्बर ९ य् १४म्ह, वडानम्बर ७ य् १३ म्ह व वडानम्बर १ य् निम्ह याना ४५म्हेसित संक्रमित जूगु दु ।
दिपायल सिलगढी नगरपालिका ८य् छम्हेसित न कोरोना संक्रमण खने दुगु दु ।
डडेल्धुरा अस्पतालं ४५ म्ह धका विज्ञप्ति जारी याःगुलि शिखर नगरपालिकाया ४४म्हेसित जक जूगु धका नगरपालिका स्वास्थ्य शाखां धाःगु दु ।
दक्को भारतं वया क्वारेन्टिनय् च्वना च्वंगु दु धका धाःगु खः । १९०म्हेसिगु स्वाब छ्वःगुलि ४४म्ह संक्रमित पिहा वःगु धका धाःगु दु ।
छम्हेसगु रिपोर्ट वये ल्यः दनि ।
रुपन्देहीइ भदौ ७ तक निषेधाज्ञा
लहनान्युज | गुंलागा १४ ११४०,भाद्र २ मंगलवाः
रुपन्देहीइ भदौ ७ गते तकया लागि निषेधाज्ञा जारी याःगु दु ।
जिल्ला संकट व्यवस्थापन केन्द्रं थौं मंगलवाः च्वंगु मुँज्यां जिल्ला यकं भदौ २ गते निसे लागु जुइ कथं भदौ ७ गतेया चान्हय १२ बजे तकया लागि निषेधाज्ञा जारी यायेगु निर्णय याःगु दु ।
१११६म्ह कोरोना संक्रमण पुष्टि, न्ह्यम्ह मन्त
शोभा श्रेष्ठ | गुंलागा १४ ११४०,भाद्र २ मंगलवाः
नेपालय् छन्हु हे १ हजार १६ म्हेसित कोरोना संक्रमण पुष्टि जूगु दु । वःगु २४ घन्टाय् १ हजार १६म्ह न्हुपि संक्रमितपि पिहा वःगु धका स्वास्थ्य तथा जनसंख्या मन्त्रालयं थौं नियमित पत्रकार सम्मेलनय् जानकारी बिःगु खः ।
थ्व नाप देय् यकं कोरोना भाइरसपाखे संक्रमित जूपिनिगु ल्याः आः २८ हजार २५७ म्ह थ्यःगु दु । अथेहे कोरोनां सीपिनिगु ल्याः न ११४ म्ह थ्यःगु दु ।
आःतक कोरोना पुष्टि जुया वासः याका छेँ लिहा वःपिनिगु ल्या १७ हजार ५८० म्ह थ्यःगु दु ।
स्वास्थ्य मन्त्रालयया कथं नेपालय् सोमवाः सलिनय् तक ५ लाख ४२ हजार ८६६म्हेसिगु पीसीआर परीक्षण जुइ धुकुगु दु ।
अथेहे वःगु २४ घण्टाय् जक १३ हजार ४६१ म्हेसिगु पीसीआर परीक्षण याःगु खः ।
वःगु २४ घण्टाय् कोरोना संक्रमणपाखे मुक्त जुया छेँय् लिहा वःपि ८५म्ह थ्यःगु दु । थ्व नाप आःतक डिस्चार्ज जूपि १७ हजार ५८० म्ह थ्यःगु दु ।
अथेहे क्वारेन्टाइनय च्वपि १३ हजार ९२६म्ह दु सा आइसोलेसनय् च्वनाच्वपि १० हजार ५६३ म्ह दु धका मन्त्रालयय् धाःगु दु
स्वनिगलय् २५७ नाप देय् यकं १ हजार १६म्हेसित कोरोना संक्रमण
लहनान्युज | गुंलागा १४ ११४०,भाद्र २ मंगलवाः
थौं मंगलवाः नेपालय् आःतक दकलय् अप्व द्धःछि स्वया मल्याक कोरोना संक्रमण खने दुगु दु ।
स्वास्थ्य तथा जनसंख्या मन्त्रालयया कथं १ हजार १६म्हेसित कोरोना संक्रमण खने दुगु खः ।
स्वनिगलय् दुने जक २०५म्हेसित कोरोना संक्रमण खने दुगु दु ।
येँँ १३८म्हेसित खने दुगु खःसा, यलय् ५० म्ह व ख्वपय् १७म्हेसित खने दुग दु ।
नेपालय् आः कोरोना संक्रमितपि २८ हजार २५७ म्ह थ्यःगु दु ।
अथेहे डिस्चार्ज जूपि १७ हजार ५८०म्ह थ्यःगु दु ।
लःया भाः थकाउगु बिरुद्धय् उजुरी
लहनान्युज | गुंलागा १४ ११४०,भाद्र २ मंगलवाः
सरकारं व्यापारीया स्वार्थय् जार व बोतलया लखय् भाः थकाःगु धका उपभोक्ता हित संरक्षण मञ्चं छानबिन यायेत संसदीय समितिइ उजुरी तःगु दु ।
मञ्चं लः व्यापारीया निहित स्वार्थय् सरकारया मिलोमतोपूर्ण ढङ्गं लःया भाः थकाःगु धका छानबिन यायेत संसदया उद्योग तथा वाणिज्य व श्रम तथा उपभोक्ता हित समितिया इनाप याःगु दु ।
२० लिटर जारया लखय् २५ निसे ३५ ध्यवा तूगुलि वाणिज्य, आपूर्ति तथा उपभोक्ता संरक्षण विभागं भदौ १० निसे लागू जुइ कथं छगः जारय् ५० ध्यवा व १ लिटरया बोतलय् १६ तक तोके याःगु दु ।
‘लःया व्यपारीपिनिगु फाइदा जुइ कथं छगः जारय् २५ तका भाः थकाःगु धका उजुरीकर्तापिन्स धाःगु खः ।
