Display Style:
Column Style
वःगु २४ घण्टाय् ४६८म्ह कोरोना समक्रणया पुष्टि
लहनान्युज | गुंलागा ११ ११४०,साउन ३१ शनिवाः
नेपालय् थौं देय् यकं ४६८म्हेसित कोरोना संक्रमण पुष्टि जूगु दु ।
स्वास्थ्य तथा जनसंख्या मन्त्रालयय् थौं शनिवाः नियमित प्रेस बिफ्रिङय् प्रवक्ता डा. जागेश्वर गौतमं वःगु २४ घन्टाय् ४६८ म्हेसित संक्रमण पुष्टि जूगु दु धका जानकारी बिःगु दु ।
वःगु २४ घन्टाय् १२४म्ह थौं डिस्चार्ज जूगु दु । आःतक १७ हजार २०१ म्ह वासः याका छेँय् लिहा वने धुकुगु दु धका प्रवक्ता गौतमं धाःगु दु ।
मन्त्रालयय् कथं थौंतक पीसीआर विधिपाखे ५ लाख ५ हजार ६६०म्हेसिगु परीक्षण याये धुकुगु दु धका धाःगु दु । अथेहे २४ घन्टाय् ११ हजार ४७ म्हेसिगु पीसीआर परीक्षण याःगु खः ।
आःतक क्वारेन्टाइनय् च्वना च्वंपि १४ हजार ४४८म्ह दु । थ्व नाप आइसोलेसन् च्वनाच्वपि ८ हजार ७१६म्ह दु धका धाःगु दु । मन्त्रालयया कथं देय् यकं होम आइसोलेसनय् ५२३म्ह च्वना च्वगु दु ।
थौं जिल्ला यकं संक्रमितपि थुकथ दु
थौ देय् यक जूपि मध्ये येँ दकलय् अप्व ८०म्हेसित कोरोना संक्रमण पुष्टि जूगु दु । अहथे यल, चितवन व ख्वपय् महोत्तरी, काभ्रेपलाञ्चोकय् गुम्ह गुम्हेति पुष्टि जूगु दु ।
बाँके ११ म्ह, बर्दिया १२ म्ह, धनुषा २७ म्ह, मोरङ ६५सप्तरी २ म्हसिराह ५ म्ह सुनसरी १९ म्ह दोलखा ५म्ह, उदयपुर २म्ह, कपिलवस्तु ३२म्ह, नवलपरासी पूर्व २म्ह, बारा २म्ह, पर्सा २४म्ह, खोटाङ ६म्ह, सर्लाही ५म्ह, कास्की ११म्ह, दैलेख ३म्ह, सुर्खेत ५म्ह, रुपन्देही २म्ह, बागलुङ २म्ह, दाङ ११म्ह, बर्दिया २म्ह, मकवानपुर २१म्ह, रौतहट ४म्ह नाप रामेछाप तेह्रथुम, बझाङ , डडेल्धुरा, गोरखा, स्याङ्जा, तनहुँ, गुल्मी, रसुवा, सिन्धुली छम्ह छम्हेसित कोरोना संक्रमण पुष्टि जूगु दु ।
येँ ८०म्ह नाप स्वनिगलय् ९८म्ह कोरोना पुष्टि
लहनान्युज | गुंलागा ११ ११४०,साउन ३१ शनिवाः
स्वास्थ्य तथा जनसंख्या मन्त्रालयया प्रवक्ता डा. जागेश्वर गौतमं थौंया नियमित लाइभ अपडेटय् देय् यकं ४६८म्ह जूगु धका धाःगु दु ।
उकि मध्ये स्वनिगलय् जक ९८म्हेसित कोरोना पुष्टि जुगु दु ।
मन्त्रालयया प्रवक्ता गौतमया कथं येँय् जक ८०म्ह , यलय् ९ म्ह व ख्वपय् ९ म्ह याना ९८ म्हसिके कोरोना पुष्टि जुगु धका धाःगु खः ।
संखुवासभा केन्द्रविन्दु जुया भुखाय् ब्बल
लहनान्युज | गुंलागा ११ ११४०,साउन ३१ शनिवाः
संखुवासभा केन्द्रविन्दु जुया भुखाय् ब्बःगु दु।
थौं न्हिनया ४ बजे जुया ७ मिनेटय् संखुवासभाया थुदाम केन्द्रविन्द जुया ४ दशमलव २ म्याग्निच्युडया भुखाय् ब्बःगु धका राष्ट्रिय भूकम्प मापन केन्द्रं धाःगु दु ।
४६८म्हेसित कोरोना भाइरसया संक्रमण पुष्टि
शोभा श्रेष्ठ | गुंलागा ११ ११४०,साउन ३१ शनिवाः
वःगु २४ घण्टाय् दुने थौं ४६८म्हेसित कोरोना भाइरस (कोभिड(१९) या संक्रमण पुष्टि जूगु दु ।
देय् यकं प्रयोगशालाय् ११ हजार ४४७ म्हेसिगु नमुना परीक्षण याःगु इलय् ४६८म्हेसित संक्रमण पुष्टि जूगु खः ।
थ्व नाप कोरोना संक्रमितपि २६ हजार १९म्ह थ्यःगु दु । उकि मध्ये १०२म्ह सी धूकुगु दु ।
अथेहे १७ हजार २०१म्ह वासः याका छेँय् लिहा वःगु दु ।
स्वास्थ्य तथा जनसंख्या मन्त्रालयया कथं पीसीआर टेष्ट ५ लाख स्वया अप्वसिगु याःगु दु । आःतक ५ लाख ५ हजार ६६०म्हेसिगु पीसीआर टेष्ट याये धुकुगु दु ।
बुटवलय् कोरोना संक्रमित छम्ह मन्त
लहनान्युज | गुंलागा ११ ११४०,साउन ३१ शनिवाः
लुम्बिनी प्रादेशिक अस्पताल बुटवलय् वासः याका वयाच्वम्ह कोरोना संक्रमित छम्ह मन्त । कपिलवस्तुया मायादेवी गाउँपालिका वडा नं. ७ य् छेँ दुम्ह ४२दँया छम्ह मिजंम्ह आईसीयुलय् वासः याका वयाच्वंम्ह थौं शनिवाः मन्त ।
उम्ह मनू स्वन्हु न्ह्यनिसे अस्पतालया आकस्मिक कक्षय् भर्ना जूया वासः याका वयाच्वम्ह थौं सुथंय् मदुग धका अस्पतालया प्रवक्तां धाःगु दु ।
मदुम्ह मनूयाःगु शुरुइ रिपोर्ट नेगेटिभ वःगु खःसा जिन एक्सपर्ट मेसिनं परीक्षण याःगु इलय् पोजेटिभ वःगु खसा लिपा हाकन पीसीआर परीक्षण यागु इलय् न पोजेटिभ हे रिपोर्ट वःगु धका अस्पतालं धाःगु खः ।
ज्वरो व सासः ल्ह्यायेगु समस्या वये वः अस्पातालय् हःगु खः ।
