Display Style:
Column Style
गुल्मीइ न्याम्ह कोरोना संक्रमित
लहनान्युज | तछलागा आमै ११४०,असार ७ आइतवाः
गुल्मीइ न्याम्ह कोरोना संक्रमण पुष्टि जूगु दु ।
राष्ट्रिय जनस्वास्थ्य प्रयोगशाला टेकुइ याःगु परीक्षणय् सत्यवती गाउँपालिकाया न्याम्हेसित कोरोना संक्रमण पुष्टि जूगु दु ।
उपि न्याम्हं भारतं लिहा वया क्वारेन्टिनय् च्वना वया च्वपि खः ।
थ्व नाप गुल्मीइ संक्रमित जूपि १७९म्ह थ्यःगु दु ।
उकि मध्ये खुम्ह संक्रमितपि वासः याका छेँय लिहा वने धुकुगु दु सा स्वम्ह सी धुकुगु दु ।
कोरोना परीक्षणया लागि जिल्ला यकं ११६४ म्हेसिगु स्वाब संकलन याना छ्वःगु दु सा ५३३म्हसिगु रिर्पोट वये ल्यः दनि ।
प्रदेश २ य् ७८म्ह थपे जुल कोरोना संक्रमित
लहनान्युज | तछलागा आमै ११४०,असार ७ आइतवाः
प्रदेश २ य् थप ७८म्ह कोरोना संक्रमण पुष्टि जूगु दु । वःगु २४ घण्टा लिपा प्रदेशय् ७ म्ह मिसा नाप ७८म्ह संक्रमण पुष्टि जूगु धका सामाजिक विकास मन्त्रालयं धाःगु दु ।
प्रदेश २ लय् दकलय् लिपा दकलय् अप्व संक्रमितपि सिराहा जिल्लाय् खने दुगु खः । सिराहाय् प्यम्ह मिसा नाप ५२ म्हेसित संक्रमित जूगु दु । सर्लाहीइ गुम्ह, धनुषा् च्याम्ह, बाराय् प्यम्ह, सप्तरी व महोत्तरीइ निम्ह निम्हेसित व रौतहटय् छम्हेसित कोरोना संक्रमित जूगु दु ।
थ्व नाप प्रदेश २ लय् आःतक संक्रमितपि निद्धः व ९०२ म्ह थ्यःगु दु ।
थौं आइतवाः तक प्रदेश २ लय् ९५२म्ह संक्रमित वासः याका छेँय् लिहा वने धुकुगु दु धका सामाजिक विकास मन्त्रालयं धाःगु दु ।
प्रदेश २ य् ७८म्ह थपे जुल कोरोना संक्रमित
प्रदेश १ य् १५म्ह कोरोना संक्रमित
लहनान्युज | तछलागा आमै ११४०,असार ७ आइतवाः
प्रदेश १ य् थप १५ म्हेसित कोरोना संक्रमण पुष्टि जूगु दु ।
सामाजिक विकास मन्त्रालयया प्रवक्ता डाक्टर सुरेश मेहताया कथं थौं आइतवाः प्रदेश १ या प्यंगु जिल्लाय् १५ म्हेसित कोरोना संक्रमण पुष्टि जूगु दु ।
मन्त्रालयया कथं कोसी अस्पताल प्रयोगशालाय् ११म्ह व प्रदेश जनस्वास्थ्य प्रयोगशाला विराटनगरय् याःगु परीक्षणय् प्यम्हेसित संक्रमण पुष्टि जूगु दु ।
संक्रमित जूपि सुनसरीया बर्जु व कोसी गाउँपालिकाय् छम्ह छम्हेसित, झापाया अर्जुनधाराय् स्वम्हेसित, कनकाई नगरपालिकाय् छम्हेसित व मेचीनगरय् निम्हेसित जुगु दु ।
अथेहे, उदयपुरया कटारीइ छम्ह, उदयपुरगढीइ निम्ह, त्रियुगाय् निम्हेसित संक्रमण खने दुगु दु । मोरङया सुन्दरहरैचा नगरपालिकाय् निम्हेसित संक्रमण पुष्टि जूगु दु ।
थ्व नाप प्रदेश १ य् कोरोना संक्रमितपि ४४८म्ह थ्यःगु दु । उकि मध्ये २३४म्ह उपचार लिपा छेँय् लिहा वने धुकुगु दु ।
यलय् छम्ह नाप थौं ४२१म्ह कोरोना संक्रमण पुष्टि
लहनान्युज | तछलागा आमै ११४०,असार ७ आइतवाः
वःगु २४ घण्टाय् ४२१म्हेसित कोरोना भाइरस (कोभिड–१९) या संक्रमण पुष्टि जूगु दु ।
थ्व नाप आःतक संक्रमितपि गूद्धः व २६म्ह थ्यःगु दु । उकि मध्ये २३म्ह सी धूकुगु दु सा १७७२म्ह डिस्चार्ज जुइ धुकुगु दु ।
वःगु २४ घण्टाय् १९४म्ह डिस्चार्ज जुइ धुकुगु दु धका स्वास्थ्य तथा जनसंख्या मन्त्रालयं धाःगु दु ।
मन्त्रालयं बिःगु जानकारी कथं थौं अर्घाखाँचीइ ७४म्ह संक्रमित जुगु दु । अथेहे सिराहाय् ५२म्ह, डडेलधुराय् ४१म्ह, डोटी व कैलालीइ २७म्ह व २७म्ह, कपिलवस्तुइ २५म्ह, बाग्लुङय् २३म्ह, नवलपरासीइ २२म्ह, प्युठानय् २०म्ह नाप स्याङ्जा व दाङका झीम्ह झीम्हसित कोरोना संक्रमण पुष्टि जुइ धुकुगु दु ।
अथेहे, धनुषाय् ८म्ह, गुल्मीइ ७म्ह, झापा व सल्यानय् खुम्ह खुम्ह, उदयपुर, सर्लाहीका न्याम्ह न्याम्ह, पाल्पा, म्याग्दी, तनहुँ व रोल्पाय् प्यम्ह प्यम्ह, बारा व बर्दियाय् स्वम्ह स्वम्ह, मोरङ, सुनसरी, महोत्तरी, सप्तरी, सुर्खेत, अछाम, बैतडी, बझाङ, रुपन्देही, नवलपुर व पर्वतय् निम्ह निम्ह संक्रमण पुष्टि जूगु दु ।
अथेतु, यल, नुवाकोट, रामेछाप, कास्की, मुस्ताङ, बाँके, दैलेख व कञ्चनपुरय् छम्ह छम्हेसित कोरोना संक्रमित जूगु दु ।
लुँ तोलां ९०द्धः स्वया अप्वल
लहनान्युज | तछलागा आमै ११४०,असार ७ आइतवाः
नेपाःया बजारय् लुँ छगु तोलाय् भाः ९०द्धः स्वया अप्वगु दु ।
वःगु दिं स्वया थौं आइतवाः तोलाय् न्ह्यसः थहाः वःगु दु ।
तोलाय् न्ह्यसः थहाः वना आः छापावल लुँ ९० द्धः व खुसः व तेजाबी लुँ छगु तोलाया ९० द्धः व स्वसः थ्यःगु दु ।
आइतवाः नेपाःया बजारय् लुँया भाः दकलय् हे अप्वःगु दु ।
वःगु शुक्रवाः छापावाला लुँया भाः तोलाया ८९ द्धः व गुसः व व तेजाबी ८९ द्धः व खुसः न कारोबार जूगु खः ।
आइतवाःया लागि महासंघं वहः छगु तोलया भाः ९४० तका क्वछिगु दु । वहः थौं झीतका थहाः वःगु खः ।
