Display Style:
Column Style
चिकित्सकपिनिगु आन्दोलन ५ बुँदे सम्झौतां स्थगित
लहनान्युज | तछलाथ्व त्रयोदशी ११४०,जेठ २२ बिहीवाः
स्वास्थ्य तथा जनसंख्या मन्त्रालय व आन्दोलनर याना च्वपि चिकित्सक दथुइ ५ बुँदे सम्झौता जुगु दु ।
छवाःनिसे न्ह्याना च्वःगु चिकित्सक तथा स्वास्थ्यकःमिपिनिगु आन्दोलन स्थगित जुगु दु ।
वःगु जेठ १४ गतेय् येँया जोरपाटीइ नेपाल मेडिकल कलेज शिक्षण अस्पतालय् विरामीया थःथीति ड्युटी याना च्वम्ह चिकित्सकयात हातपात तथा दुर्व्यवहार याःगुलि चिकित्सकपिन्स आन्दोलन याना वयाच्वंगु खः । उमिगु आन्दोलनयात देय् यकंया चिकित्सकपिन्स समर्थन याःगु खः ।
बुधवाः चान्ह्यः स्वास्थ्य तथा जनसंख्या मन्त्रालयय् नेपाल मेडिकल काउन्सिलया प्रतिनिधिया रोहबरय् आन्दोलनर याना वयाच्वपि चिकित्सकया प्रतिनिधि व स्वास्थ्य मन्त्रालयया प्रतिनिधि दथुइ ५ बुँदे सम्झौता जुगु दु ।
उगु सम्झौताय् ड्युटीइ खटे जुम्ह चिकित्सक तयेत हातपात यापिनिगु छानविन याना स्वन्हुया दुने कारवाहीया दायराय् हयेगु, सीसीटीभी फुटेज गायव याम्हेसित न स्वन्हुया दुने कारवाहीया दायराय् हयेगु सहमति जुगु दु ।
कोरोनाया संक्रमण सीपि गुम्ह थ्यःन
लहनान्युज | तछलाथ्व एकादशी ११४०,जेठ २१ मंगलवाः
कोरोना संक्रमणं थौं छम्ह सीगु दु ।
थ्व नाप नेपालय् कोरोना भाइरस (कोभिड–१९)या संक्रमण सीपिनिगु ल्याः गुम्ह थ्यःगु दु ।
थौं संक्रमणम्ह दोलखा् च्वम्ह ७६ दँया मिजंम्ह जुगु दु ।
संक्रमितपिं २३०० म्ह थ्यःन
लहनान्युज | तछलाथ्व एकादशी ११४०,जेठ २० मंगलवाः
थौं २४ घण्टाया दुने छन्हु हे २०१म्ह कोरोना भाइरस (कोभिड(१९) या संक्रमण पुष्टि जुगु दु ।
स्वास्थ्य जनसंख्या मन्त्रालयया कथं आः नेपालय् संक्रमितपि २३०० थ्यःगु दु।
केएमसी अस्पतालय् आकस्मिक नाप दक्को सेवा बन्द
लहनान्युज | तछलाथ्व एकादशी ११४०,जेठ २१ मंगलवाः
काठमाडौं मेडिकल कलेज सिनामंगल शिक्षण अस्पतालय् अस्पतालयाम्ह हे स्वास्थ्यकःमियात कोरोना संक्रमण पुष्टि जुगुलि अस्पतालय् आकस्मिक नाप दक्को सेवा बन्द याःगु दु ।
अस्पतालं छगू सूचं पिकया निम्ह बिरामी व निम्ह स्वास्थ्यकःमियात संक्रमण पुष्टि जुगु धका धाःगु दु ।
थौं बुधवाः छगु विज्ञप्ति जारी यासे अस्पतालं कोरोना पुष्टि जूपि विभागय् निर्मलीकरण याये माःगुलि अस्पतालय् दक्को सेवा मेगु सूचं पिहा मवः तले बन्द यानागु दु धका धाःगु दु ।
अस्पतालया आइसोलेसनय् मंगलवाः छम्ह चिकित्सक नाप स्वम्हेसित कोरोना संक्रमण पुष्टि जुगु खः ।
मंगलवाः जकस्वास्थ्य मन्त्रालयं काठमाडौं मेडिकल कलेजया स्वास्थ्यकःमियात कोरोना खने दुगु खः ।
जुम्लाय् स्वन्हुया लागि निषेधाज्ञा जारी
लहनान्युज | तछलाथ्व एकादशी ११४०,जेठ २० मंगलवाः
जुम्लाय् कोरोना भाइरस (कोभिड–१९) या संक्रमण फैले मजूकेगु स्वन्हुया लागि निषेधाज्ञा जारी याःगु दु ।
जिल्ला प्रशासन कार्यालय जुम्लां थौं बुधवाः सुथय् ९ बजे निसे शुक्रबार चान्हय्या १२ बजे तकया लागि निषेधाज्ञा जारी याःगु दु ।
जुम्लाय् भारतं वःपि नागरिक व सुरक्षाकर्मीपिन्त कोरोना संक्रमण पुष्टि जुगुलि समुदाय स्तरय् फैले मयायेत निषेधाज्ञा जारी यानागु धका अनयाम्ह सहायक प्रमुख जिल्ला अधिकारीं ओमप्रकाश देवकोटां जानकारी बिःगु दु ।
उगु थासय् छेँय् न सू न पिहा मवयेत इनाप यासे नाप निषेधाज्ञाया अवज्ञा यासा कानुन बमोजिम कारबाही जुइगु चेतावनी बिःगु दु ।
जिल्ला प्रशासन कार्यालयं थौं बुधवाः सुथया ९ बजे निसे जिल्ला दुनेया वासः पसः, उपकरण तथा औषधि सामग्री उत्पादन, बिक्री वितरण व ढुवानी सेवा बाहेक मेगु पसः बन्द जुइगु सूचं पिकाःगु दु ।
