Display Style:
Column Style
गण्डकी प्रदेशय् थप १७म्हेसित कोरोना
लहनान्युज | तछलागा पारु ११४०,जेठ २४ शनिवाः
गण्डकी प्रदेशय् थप १७म्हेसित कोरोना भाइरस संक्रमण पुष्टि जुगु दु ।
थ्व नाप गण्डकी प्रदेशय् कोरोना संक्रमित जूपि ७५ म्ह थ्यःगु दु ।
प्रदेश स्वास्थ्य निर्देशनालय पोखराया निर्देशक डा.विनोद विन्दु शर्माया कथं स्याङ्जाय् झीम्ह, कास्की व पूर्वी नवलपरासीइ स्वम्ह स्वम्ह व बागलुङय् छम्हेसित कोरोना संक्रमण पुष्टि जूगु दु
।
कोरोना संक्रमण पुष्टि जूपिन्त जिल्ला अस्पतालया आइसोलेसनय् यकेगू तयारी यानाच्वना दू धका जानकारी बियादिगु दु ।
नेपालय् २७८ म्ह कोरोनाया संक्रमण
लहनान्युज | तछलाथ्व पुन्ही ११४०,जेठ २३ शुक्रवाः
नेपालय् थौं शुक्रवाः हाकन थप २७८म्हेसित कोरोनाया संक्रमण खने दुगु दु । संक्रमण खने दुपि मध्ये २६७म् ह मिजंत व ११म्ह मिसापि खः ।
थौं स्वास्थ्य तथा जनसंख्या मन्त्रालयया प्रवक्ता डा. विकास देवकोटाया कथं येँया राष्ट्रिय जनस्वास्थ्य प्रयोगशालाय् याःगु परीक्षणय् थप ७४म्हेसित संक्रमण खने दुगु धका धाःगु दु ।
उकी मध्ये कपिलवस्तुया ४४म्ह, मोहतरीया १७म्ह, रौतहटया ६म्ह, धनुषाय् ४म्ह व बाराय् १म्ह दु । अथेहे येँया अस्पतालय् वासः याकाच्वंपिं गुल्मी व कास्कीया छम्ह छम्हेसित नं संक्रमण खन् दुगु खः ।
कर्णाली स्वास्थ्य विज्ञान प्रतिष्ठानय् याःगु परीक्षणय् ९७म्हेसित कोरोनाया संक्रमण खनेदुगु खः । अप्व दैलेखया ९०म्हेसित संक्रमण जूगु खः ।
अथेहे देय्या थीथी थासय् जूगु मेगू परीक्षणय् थप १ सय ७ म्हेसित संक्रमण जूगु दु । थ्व नापं नेपालय् संक्रमण जूपिनि ल्याः २०९१२ म्ह थ्यंगु दु ।
थौं कास्की, गोरखा व हुम्लाय् नं संक्रमण खनेदुगु दु । थ्व नापं नेपाःया ६८गू जिल्लाय् कोरोनाया संक्रमण खने दये धुकुगु दु ।
सुर्खेतया क्वारेन्टिनय् छम्ह कोरोनां सीत
लहनान्युज | तछलाथ्व पुन्ही ११४०,जेठ २३ शुक्रवाः
पश्चिम सुर्खेतय् आरडीटी नेगेटिभ वःम्ह क्वारेन्टिन लिहावःम्ह मनू कोरोनां सीगु पुष्टि जुग दू । बिहीवाः सुथय् उम्ह मनू सीगु धका धाःगु दु । पञ्चपुरी नगरपालिका १ हाँसेका २० दँ दुम्ह उम्ह मनू सीइ धुका पीसीआर जाँच यागु इलय् पोजेटिभ वःगु खः ।
उम्ह मनूया स्वाब रिपोर्ट शुक्रवाः सुथय् २ बजे पोजेटिभ वःगु धका कर्णाली प्रदेश स्वास्थ्य निर्देशनालयया प्रयोगशालां पुष्टि याःगु दु ।
उम्ह मनू जेठ ७ गते भारतं लिहा वया जनता मावि विद्यापुरया क्वारेन्टिनय् च्वना च्वंगुु खः । आरडीटी जाँच यागु इलय् नेगेटिभ वःगुलि २१ गते न्हिनय् छेँय् लिहावःगु खःसा चान्ह्य २ बजे सीगु खः ।
सीगु लिपा पीसीआर जाँचया लागि बिहीवाः हे स्वाब संकलन याना सदरमुया वीरेन्द्रनगर छ्रवःगु खःसा चान्ह्य रिपोर्ट पोजेटिभ वःगु जानकारी अनया वडाध्यक्ष धाःगु दु ।
उगु थाय् जनता माविया क्वारेन्टाइनय् ५४ म्ह च्वनाच्वंगु खः । इमिगु कोरोना परीक्षण लिपा स्वम्हेसिगु पोजेटिभ खने दुगु खः । उम्ह मनू नाप न्याम्हेसिगु रिपोर्ट नेगेटिभ वःगु खः ।
थ्व नाप नेपालय् कोरोनां सीपिनिगु ल्याः ११ म्ह थ्यःगु दु सा कर्णालीइ जक निम्ह सीगु दु ।
थौं सकसिनं ल्वःमंकूगु ‘मस्तयत जुइगु अत्याचार विरुद्धया दिवस’
शिवेश शर्मा | तछलाथ्व त्रयोदशी ११४०
थौं जुन ४ तारिख, ‘मस्तयत जुइगु अत्याचार विरुद्धया अन्तर्राष्ट्रिय दिवस ।’
थौंया दिनय् हलिंन्यक मस्तयत जुइगु शारिरीक वा मानसिक छुं नं कथंया अत्याचारया विरुद्ध सः ल्ह्वनाः थुगु दिवस हनेगु याइ ।
हलिंन्यंक धइथें कोरोनाया महामारी अले नेपालय् नं लकडाउन न्ह्यानाच्वंगुलिं थुगुसी थन छुं हे कथंया औपचारिक ज्याझ्वः मजुल । थुगुसी मस्तयत जुइगु अत्याचार विरुद्ध गनं नं सः मदन ।
बालअधिकारकःमि, कन्सर्न नेपालया नायः विजय सैंजुं थौंया दिनय् सरकारपाखें प्रेस वक्तव्य वा मचातय् नामय् हसना छगू मवयेगु धइगु थुगु ख्यःपाखे सरकार गुलि उदासिन धइगु प्रमाण खःगु धयादिल ।
लकडाउन वा महामारीया हुनिं गनं छुं कथं सः मदंसां लकडाउन व महामारीया हे दथुइ मचातयत हत्या, हिंसा, बलात्कार थुज्वःगु अत्याचार धाःसा जुया हे च्वंगु दु ।
रुकुम–जाजरकोटया नवराज विक हत्या प्रकरणय् एसईई परिक्षा पियाच्वंम्ह छम्ह मचाया तकं हत्या जुल ।
थ्व हे इलय थीथी इलय् थीथी थासय् छेँय् परिवारपाखें हे मिसामचात बलात्कृत जूगु घटना नं खनेदत ।
नेपालय् बालविवाहया औसत दर ४८.५ प्रतिशत दु, गुगु तसकं यक्व हे खः ।
थीथी कथंया यातनां प्रताडित जुयाः मचातयसं आत्महत्या तकं याःगु खँ नं थुगु इलय् न्यनेमालाच्वंगु दु ।
छुं दिं न्ह्यः जक हे कमजोर आर्थिक अवस्थाया हुनिं लहीत थाकुइगु धकाः थः हे मचायात मामं हे स्यानाब्यूगु घटना तकं जुल ।
संख्यात्मक ल्याखं मेमेगु देशय् स्वयां नेपालय् मचातयत शोषण अत्याचारया घटना आपाः हे खनदेगु बालअधिकारकःमि सैंजुं धयादिल ।
‘थन मचातयगु ल्याः हे आपाः दुगुलिं मचातयत अत्याचारया घटना नं आपाः जूगु खनेदु’ सैंजुया धापू खः । ‘नेपालय् लखौं मचात थीथी ख्यलय् बालश्रमिकया रुपं ज्या यानाच्वंगु दु व इमिगु श्रम शोषण जुयाच्वंगु दु । सरकार थुखेपाखे गबले गम्भीर जुइगु ?’
‘देयया कर्णधार जुयाच्वंपिं मचातयगु न्यूनतम आधारभूत आवश्यकता पूवंकेगु व उमिगु जीवनस्तर थकायेत सरकारं पलाः ल्ह्वने लिबाकेमज्यू’ डा. सैंजुया धापू खः ।
ब्वनेकू बन्द जुयाः छेँय हे च्वनेमाःगु व पासापिंलिसे म्हिते नं मखनीगु अवस्थाय् परिवारं आपाः ब्वः मबीगु, थीथी रचनात्मक ज्या यायेत मस्तयत घ्वायेगु, न्हूगु ज्या वा कासाय् अभिभावकं साथ बीगु याःसा उमिगु शारीरिक, मानसिक, अवस्था बांलानावनीगु बाल मनोविद्तय् छ्याता दु ।
जुन २ यात मचातयत जुइगु अत्याचार विरुद्धया दिवस कथं हनेगु चलन सन् १९८२ निसें न्ह्याःगु खः ।
तत्कालिन इलय् ‘लेबानन वार’ न्ह्यानाच्वंबलय् तःम्ह हे मचात युद्धया म्वाःमदुगु यातना फयेत बाध्य जुल ।
व धुंकाः संयुक्त राष्ट्र संघया १९ अगस्ट १९८२ इ जूगु महासभां दँयदसं जुन ४या दिंयात मचातयत जुइगु अत्याचार विरुद्धया दिवस कथं हनेगु प्रस्ताव पारित याःगु खः ।
लकडाउन कम यायेगु मोडालिटी बिषय छलफल सुरु
लहनान्युज | तछलाथ्व त्रयोदशी ११४०,जेठ २२ बिहीवाः
सरकारले लकडाउन कम यायेगु मोडालिटी निन्हुया दुने पेश यायेत कोभिड १९ रोकथाम तथा नियन्त्रण उच्चस्तरीय समितियात जिम्मा बिःगु दु ।
थौं बिहीवाः च्वगु मन्त्रिपरिषद बैठकं लकडाउन चायेकेगु मोडालिटी सहितया कार्ययोजना पेश यायेत उच्च स्तरीय समितियात जिम्मा बिइगु निर्णय जुगु दु धका धाःगु दु ।
छुु दिं न्ह्यः व्यवसायीपिन्स व्यवसाय सञ्चालन याये माःगु माग यासे अवज्ञा यायेगु चेतावनी बिगुलि थुगु विषयय् मन्त्रिपरिषद बैठकय् छलफल जुगु खः ।
सरकारं चैत ११ गते सुरु याःगु लकडाउन थप. यासे थौं ७० दिं दये धुकुगु दु ।
