Display Style:
Column Style
ख्वपय् प्वाय् दूम्ह न कोरोना संक्रमण पुष्टि
लहनान्युज | तछलागा पारु ११४०,जेठ २४ शनिवाः
ख्वपया कमल विनायकय् बालंच्वम्ह प्वाथय् दुम्ह मिसायात न कोरोना भाइरस (कोभिड १९) या संक्रमण पुष्टि जूगु दु ।
स्वास्थ्य तथा जनसंख्या मन्त्रालयं थौं शनिवाः नियमित व्रिफिङय् ख्वपया ३० दँया मिसायात न कोरोना संक्रमण पुष्टि जूगु दु धका धाःगु दु ।
उम्ह मिसा कमल विनायकय् बालं च्वनाच्वम्ह धाःगु खः ।
उम्ह मिसा थौंकन्ह्य कोटेश्वरय् थःथीतिया थाय् च्वना च्वःगु धका धाःगु खः ।
कोरोना थौ निम्ह सित, सीपिं १३म्ह थ्यन
लहनान्युज | तछलागा पारु ११४०,जेठ २४ शनिवाः
नेपालय् कोरोना भाइरसया कारण थौं निम्ह सीगु दु । थौं सीपि डोल्पा व धनगढीइ छम्ह छम्हयाना निम्ह मनू सीगु दु ।
कार्णाली स्वास्थ्य विज्ञान प्रतिष्ठान जुम्ला व सेती प्रादेशीक अस्पतालय् याःगु परीक्षणय् निम्हेसियां रिपोर्ट पोजेटिभ वःगु खः । थ्व नापं नेपालय् कोरोना संक्रमणया कारणं सीपि १३म्ह थ्यःगु खः ।
डोल्पाया जगदल्ला गाँउपालिका वडा नम्बर ३य् च्वम्ह ५८दँ मिजं कोरोना संक्रमणया कारणं सीगु खः ।
उम्ह सीम्ह मनू जेठ २१ गते दमया ल्वय् दुगु खँ धाःगु दु । दमया ल्वय्या वासः यायेगु निंतिं सुर्खेतय् वनाः जेठ १६ गते डोल्पा लिहांवःगु खः ।
क्वारेन्टाइनय् हे च्वनाच्वम्ह उम्ह मनू मदयेधुंकाः जेठ २२ गते स्वबा संकलन याःगु खः । कार्णाली स्वास्थ्य विज्ञान प्रतिष्ठान जुम्लाय् याःगु परीक्षणय् उम्ह मनूयात कोरोना जूगु पुष्टि जूगु खः ।
अथेहे धनगढी ४या ५५दँया मिसा डायलासिस यानाच्वंगु इलय् अस्पतालय् मदुगु खः । जेठ २३ गते मुदुम्ह मिसाया पीसीआर परीक्षण याःगु इलय् पोजेटिभ वःगु खः ।
येँय् प्यम्ह व ख्वपय् छम्ह नाप ३२३म्हेसित कोरोना
लहनान्युज | तछलागा पारु ११४०,जेठ २४ शनिवाः
नेपालय् कोरोना संक्रमितपि स्वद्धः स्वया अप्वःगु दु ।
थौं नीप्यघौया दुने थप ३२३म्हेसित कोरोनाया संक्रमण खने दुगु दु । थुकथं संक्रमित पिनिगु ल्याः ३२३५म्ह थ्यंगु दु ।
थौं कोरोना संक्रमण खने दुपि २८६म्ह मिजंपि व ३७म्ह मिसात खः ।
स्वास्थ्य तथा जनसंख्या मन्त्रालयया प्रवक्ता डा. विकास देवकोटां बिगु जानकारी कथं येँया राष्ट्रिय जनस्वास्थ्य प्रयोगशालाय् याःगु परीक्षणय् येँय् ४म्ह व ख्वपय् १म्ह नाप १२० म्हेसित
कोरोनाया संक्रमण खनेदुगु दु ।
येँय् खनेदुपि ३१ व ३५दँया मिसा व ३६ व ४६दँया मिजंपिन्त संक्रमण जूगु खः । अथेहे ख्वपया कमलविनायकय् च्वम्ह ३१दँया मिसायात कोरोनाया संक्रमण जूगु खः ।
येँया प्रयोगशाला बाहेक देय्या थीथी थासय् याःगु परीक्षणय् थप २ सय ३म्हेसित कोरोनाया संक्रमण जूगु दु ।
थौं न्हिच्छि वाः वइ
लहनान्युज | तछलागा पारु ११४०,जेठ २४ शनिवाः
थौं न्हिच्छि वाः वइगु धका मौसम पूर्वानुमान महाशाखा धाःगु दु ।
निसर्ग आँधीया कारण थौं देय् यकं वाः वइगु धको मौसम पूर्वानुमान महाशाखा धाःगु खः ।
अरब सागरया चक्रवातया कारणं मौसम प्रणाली भारत जुया नेपाल दुहा वःगुलि थौं न्हिच्छि वा वइगु महाशाखा धाःगु खः ।
महाशाखाया कथं न्हिनय् वाः वया भचा दिउसा बहनि तक वा दिइ धका न धागु दु ।
कन्ह्य स्थानीय वायुया कारण भचा वा वःसा देय् यकं वा वइगु सम्भावना मदु धका महाशाखा धाःगु दु ।
अथेहे मनसुन दुहा वयेत प्रणालीया विकास जुया च्वंग दु धका धाःग दु ।
न्याःगु प्रणाली मध्ये छु विकास वये धुकुगु दु सा छु भचा दुवा वयेग झ्वलय् दु ।
थुगु वाःया लिपा तक मनसुन दुहा वइगु धका मौसमविदं धाःगु दु ।
लकडाउनय् नेपाल एअरलाइन्सं ३४क्वः चार्टर्ड उडान यात
लहनान्युज | तछलागा पारु ११४०,जेठ २४ शनिवाः
लकडाउनया इलय् नेपाल वायुसेवा निगमं ३४ गू चार्टर्ड उडान याःगु दु ।
निगमं २३ क्वः अन्तर्राष्ट्रिय व ११ क्वः आन्तरिक उडान याःगु दु ।
अन्तर्राष्ट्रियपाखे निगमं गुक्वः कार्गो उडान याये धुकुगु दु ।
ग्वान्झाउमा व चाङसा, बेइजिङ नाप कुम्निङय् न उडान याये धुकुगु खः ।
अथेहे, निगमले लकडाउनया इलय् झींप्यकः यात्रुबहाक चार्टर्ड याये धुकुगु दु ।
उकि मध्ये न्ह्यकः जापान, स्वकः हङकङ, निकः अष्ट्रेलिया, ढाका व नयाँ दिल्लीइ छकः छकः उडान याये धुकुग दु ।
