Display Style:
Column Style
कर्णाली थप ३० म्हेसित कोरोना संक्रमित थपे जुल
लहनान्युज | गुंलाथ्व तृतीया ११४०,साउन ८ बिहीवाः
वःगु २४ घण्टाय् थप ३० म्हेसित कोरोना भाइरस (कोभिड(१९)या संक्रमित थपे जूगु दु ।
सुर्खेतया प्रदेश अस्पताल, पशुपन्छी रोग अन्वेषण प्रयोगशाला व दैलेख अस्पतालय् याःगु प्रयोगशालाय् याःगु परीक्षणय् थौं बिहीवाः थप ३०म्हेसित कोरोना संक्रमण पुष्टि जूगु दु ।
बिहीवाः पुष्टि जूपि संक्रमितमध्ये दैलेखया २४म्ह, सुर्खेतय् न्याम्ह व सल्यानय् छम्हेसित जूगु धका सामाजिक विकास मन्त्रालयया स्वास्थ्य सेवा महाशाखां धाःगु दु ।
दैलेखया आठबीस नगरपालिका वडानम्बर १ य् निम्ह मिसा नाप ११म्हेसित जुगु दु । उपि मध्ये ४ निसे ४१ दँ दुपि खः । उगु नगरपालिकाया वडानम्बर ७ य् छम्ह मिजंयात न संक्रमित जूगु दु ।
अथेहे, दैलेख महाबु गाउँपालिका वडानम्बर १ य् च्याम्ह व डुङ्गेश्वर गाउँपालिका १ य् छम्ह मिजम्ह भेरीगंगा नगरपालिकाय् स्वम्ह मिजम्ह व निम्ह मिसा, सल्यानया छत्रेश्वरी गाउँपालिका ३ य् छम्ह मिजंम्हेसित सक्रमित जूगु खः । थ्व नाप कर्णालीय् कोरोना सक्रमितपि १८१३म्ह थ्यःगु दु ।
धोबीखोला सिथय् अत्याधुनिक निगु पार्क
नृपेन्द्रलाल श्रेष्ठ | गुंलाथ्व तृतीया ११४०,साउन ८ बिहीवाः
येँ महानगरपालिकां सार्वजनिक जग्गा संरक्षण यायेगु कथं येँ मनाप वडा–५य् महानगर व नरबुद्ध पार्क निर्माण ज्यायायेगु त्यःगु दु । महानगरपालिकां हाँडीगाउँया धोबी खोला सिथय् त्वधुगु ताँ निसे कालो पुल तकया दथुइ करीब ३६ रोपनी सार्वजनिक जग्गा मध्ये ६ रोपनी ११ आना क्षेत्रय् नरबुद्ध पार्क व ८ रोपनी क्षेत्रफलय् महानगर पार्क निर्माण यायेगु ज्याझ्वः न्ह्याकूगु दु ।
उगु सहलह ज्याझ्वलय् येँ महानगरपालिकाया मेयर विद्यासुन्दर शाक्यं येँ महानगरपालिकां न्ह्याकुगु थुगु योजना बजेट अभावं ज्या दिइ मखू धका धयादिसे ‘जिमिसं नरबुद्ध पार्कया बारेय् यक्को सहलह याये धुकागु दु धयादिगु दु । महानगरपार्कया बारेय् स्थानीय नाप प्रारम्भिक चरणय् सहलह जूगु खः ।
वयकलं छिकपिनिगु सुझावयात दुथ्याका निर्माण प्रक्रिया न्ह्यने वनेइगु जुइ धका धयादिसे पार्कय् सकसिगु अपनत्व जुइगु जिमिसं भलसा कयागु दु धका मेयर शाक्यं ‘जिमिसं आर्थिक वर्ष २०७७÷०७८ जक सार्वजनिक जग्गा व खुल्ला थासय् संरक्षण याना अन हरियाली प्रबर्धन यात ध्यानय् तया ३० स्वया अप्व पार्क निर्माण यायेगु लक्ष्य कयागु दु धका धयादिगु दु । हरेक वडाय् पार्क निर्माण यायेगु जिमिगु तयारी दु नाप थुगु वडा–५ य् ज्या न्ह्याके दया जिपि तसकं लय्तागु दु धका धयादिगु खः ।’
लागत अनुमान ३ करोड ३७ लाख ३८ द्धः तुइगु अनुमान याना नरबुद्ध पार्क निर्माणया लागि येँ महानगरपालिकां आर्थिक वर्ष २०७७÷०७८ या लागि १ करोड ५० लाख विनियोजन याःगु दु । उक्त पार्क प्रस्ताव आव्हानया चरणय् थ्यःगु दु धका वडा नम्बर–५ या वडा अध्यक्ष रमेश डंगोलं धयादिगु दु ।
उगु ज्याझ्वलय् येँ महानगरपालिकाया उपमेयर हरिप्रभा खड्गी श्रेष्ठ, रोटरी क्लव अफ बागमतीया अध्यक्ष बिजयसागर प्रधान, पूर्वमन्त्री रमेशनाथ पाण्डे, पूर्व प्रशासक लवप्रसाद त्रिपाटी लगायतया पिनिगु न ब्बति दुगु खः ।
लुँया भाः न न्हगु रेकर्ड तल
लहनान्युज | गुंलाथ्व तृतीया ११४०,साउन ८ बिहीवाः
लुँया भाः न थौं बिहीवाः न्हुगु कीर्तिमान तःगु दु ।
वःगु दिं स्वया थौं हाकन न्यासः तोला थिके जूगु दु ।
थौं न्यासः तोलां थहा वना ९४ द्धः ज न्यासः थ्यःगु दु धका नेपाल सुनचाँदी व्यवसायी महासंघं धाःगु दु ।
अथेहे तेजाबी लुँ तोला ९४ द्धः व ६५ तका ग्यःगु दु ।
अथेहे, वहः तोला झीतका थहा वःगु दु । वहः छगु तोला ११४५ तक थ्यःगु दु धका महासंघं धाःगु दु ।
अनलाइन कक्षा हान सञ्चालन जुइगु
लहनान्युज | गुंलाथ्व द्धितीया ११४०,साउन ७ बुधवाः
निजी विद्यालय सञ्चालकपिन्स थीथी माग तया अवरुद्ध याना वयाच्वंगु अनलाइन कक्षा हान सञ्चालन जुइ त्यःगु दु ।
निजी तथा संस्थागत विद्यालय अर्गनाईजेसन (प्याब्सनश), एनप्याब्सन, नेपाल अभिभावक महासंघ, राष्ट्रिय अभिभावक महासंघ व संस्थागत विद्यालय शिक्षक युनियनं कन्हय साउन ८ गते निसे अनलाइन कक्षा न्ह्याकेगु निर्णय याःगु दु ।
थ्व हे वइगु १ भदौ निसे जक विद्यार्थी भर्ना व परीक्षा सञ्चालन याये दइगु सरकारं निर्णय पुनर्विचार यायेत मंकाः रुपं याये धुकुगु अनलाइन कक्षा सञ्चालन यायेगु निर्णय यानागु धका एनप्याब्सनया अध्यक्षं धाःगु दु ।
विद्यालय सञ्चालक, शिक्षक व अभिभावक संघ तत्काल विद्यार्थी अभिलेखीकरण, सफू वितरण, न्हुगु भर्ना लगायतया क्रियाकलाप यायेत शिक्षा, विज्ञान तथा प्रविधि मन्त्रालय नाप इनाप याःगु दु ।
थुकिया लागि, शिक्षा मन्त्री गिरीराजमणि पोखरेलं विद्यालय पुनः सञ्चानया विषयय् प्याब्सन, एनप्याब्सन, अभिभावक महासंघ व शिक्षकपि नाप मन्त्रालय नाप छलफल याःगु खः ।
प्याब्सन व एनप्याब्सनं १ साउन निसे अनलाइन कक्षा बन्द याःगु खः ।
पार्टी दुने वादविवादं आत्ते जुइम्वाः, नेता नेपाल
लहनान्युज | गुंलाथ्व द्धितीया ११४०,साउन ७ बुधवाः
नेपाल कम्युनिष्ट पार्टी नेकपाया वरिष्ठ नेता एवं पुर्वप्रधानमन्त्री माधवकुमार नेपालं पार्टी दुने वादविवाद जूसा आत्ते जुइ माःगु कारण मदुगु धका धयादिगु दु ।
येँ महानगरपालिका वडा–१८ य् निर्माण जूगु पुष्पलाल स्मृति पार्कया थौं जूगु उलेज्या ज्याझ्वलय् सम्वाद जूया च्वंगु दु व विधिपाखे दक्को टुंगो लगे जुइ धका धयादिगु दु । नेता स्वया न पार्टी दयेकेगु आधारय् न्ह्यामाः धका जोड बियादिगु दु ।
नेता नेपालं ‘नेतापि दथुइ विश्वास व समझदारीया समन्वय जूसा अले विधिया आधारय् टेके जूया न्ह्या थे याःगु सामना याये फइ धका धयादिगु खः ।
उगु ज्याझ्वलय् पुष्पलालया योगदान याःगु कदर यासे पार्टी एकताया दयेका यकेमाः धका धयादिगु खः । नेता नेपालं सूना नं जानि–जानि कमजोरी याःसा उकिया सजाय पार्टीं मखू व्यक्तिं याये माः धका धयादिगु खः ।
उगु ज्याझ्वलय् येँ महानगरपालिकाया प्रमुख विद्यासुन्दर शाक्यं दक्को नेतापिन्त एकताबद्ध जुगु सन्देश बिया दक्को कार्यकर्ता व नेपाली जनता याःगु मन त्याकेत सुझाव बियादिगु खः ।
बागमती प्रदेशया सांसद बसन्त मानन्धरं नेकपाया विकल्प नेकपा हे खः धका धयादिसे नेता प्रधान मखू नीति प्रधान जुइ माःगु खँय् बः बियादिगु खः।
येँ मनापा १८या वडाध्यक्ष न्हुच्छेकाजी महर्जनं पार्टीया गोप्य बैठकया समाचार बैठक सिमधःगु इलय् माजिक सञ्जाल वइगु दुःखद् खँ खः धका धयादिसे नेतापि एकताबद्ध जूया वःगु सन्देश बिइत इनाप यानादिगु खः ।
