Display Style:
Column Style
डडेल्धुराया क्वारेन्टिनय् छम्ह मिसा सीत
लहनान्युज | तछलाथ्व एकादशी ११४०,जेठ २० मंगलवाः
डडेल्धुराया क्वारेन्टिनय् छम्ह मिसा सीगु दु ।
जिल्लाया गन्यापधुरा गाउँपालिका १ असिग्राम आधारभुत स्कूल रौनाकोट क्वारेन्टिनय् च्वना च्वम्ह ३० दँया मिसा सीगु दु ।
सीम्ह उम्ह मिसा व वया जहान वःगस प्यन्हु न्ह्यः भारतं लिहावःगु धका धाःगु दु ।
ख्वपय् छम्हेसित कोरोना सक्रमण
लहनान्युज | तछलाथ्व एकादशी ११४०,जेठ २० मंगलवाः
ख्वपया चाँगुनारायण नगरपालिकाय् च्वम्ह कोराना भाइरस (कोभिड–१९) संक्रमित मिसा प्वाःथय् दुम्ह मिसा सि दुगु दु ।
स्वास्थ्य तथा जनसंख्या मन्त्रालयं थःगु नियमित प्रेस ब्रिफिङय् चाँगुनारायण नगरपालिकाया ३० दँयाम्ह मिसा कोरोना संक्रमण पुष्टि जुगु धका धाःगु दु ।
संक्रमित मिसा वडा नं ३ याम्ह स्थायी बासिन्दा धका धाःगु दु ।
उम्ह मिसा नियमित स्वास्थ्य जाँचया लागि सिनामंगलया काठमाडौं मेडिकल कलेजय् याना वयाच्वंगु खः । लिपागु ई वैशाख २२, जेठ ५, ६ व १६ गते अस्पताल वःगु खः ।
चिकित्सकपिन्स प्रसूतिया लागि असार १९ गते ई बियातःगु खः । वयात १६ गते कोभिड परीक्षणया लागि स्बाव बिःगु खः ।
वयात अस्पताल वयेगु वनेगु झ्वलय् हे कोरोना संक्रमण जुगु धका धाःगु दु ।
येँय् प्यम्ह व ख्वपय् छम्ह नाप २८८म्ह कोरोना संक्रमण पुष्टि
लहनान्युज | तछलाथ्व एकादशी ११४०,जेठ २० मंगलवाः
वःगु २४ घण्टाया दुने थप २८८ म्हेसित कोरोना भाइरस (कोभिड–१९) या संक्रमण पुष्टि जुगु दु । थ्व नाप नेपालय् संक्रमित जुपिनिगु ल्याः२०९९ म्ह थःगु दु ।
स्वास्थ्य तथा जनसंख्या मन्त्रालयं ग्वःसाः ग्वःगु नियमित ब्रिफिङय् प्रवक्ता डा. विकास देवकोटां बिःगु जानकारी बिःगु कथं दकलय अप्वो संक्रमित रौतहटय् ७४ म्ह थ्यःगु दु ।
धुलिखेल अस्पतालया प्रयोगशालाय् याःगु परीक्षणय् ३८म्ह रिपोर्ट पोजेटिभ वःगु दु धका धाःगु दु । परोहा, गौर, राजदेवी नगरपालिका व यमुनामाई गाउँपालिकायापि खः ।
अथेहे, राष्ट्रिय जनस्वास्थ्य प्रयोगशाला, टेकुइ याःगु परीक्षणय् रौतहट ३६ म्हेसित संक्रमण पुष्टि जुगु दु । इपि परोहा, राजदेवी नगरपालिका व दुर्गाभगवती गाउँपालिकाया क्वारेन्टिनय् च्वपि खः ।
थ्व नाप सर्लाहीय् २१म्हेसित संक्रमण पुष्टि जुगु दु । बलरा नगरपालिका व ब्रम्हपुरी गाउँपालिकाया क्वारेन्टाइनय् च्वपि खः।
सिराहाय् १७ म्हेसिगु रिपोर्ट पोजेटिभ वःगु दु । उपि सूर्यनारायण सत्यनारायण मरबैता यादव बहुमुखी क्याम्पसया क्वारेन्टिनय् च्वपि खः ।धनुषा खुम्ह, महोत्तरीइ निम्हेसित संक्रमणया पुष्टि जुग दु ।
केएमसीया स्वास्थ्यकर्मीपि न संक्रमित
येँ प्यम्ह स्वास्थ्यकर्मीपि न संक्रमित जुगु दु । काठमाडौं मेडिकल कलेजया दुवाकोटस्थित कोभिड अस्ताल् ज्यायाना च्वपि मिसापि व व छम्ह मिजंम्ह स्वास्थ्यकर्मीयात न संक्रमण पुष्टि जुगु दु । मनमोहन कार्डियोथोरासिक भास्कुलर एण्ड ट्रान्सप्लान्ट सेन्टरया नर्समयात न संक्रमित जुगु दु ।
अथेहे ख्वपाय छम्हेसित न संक्रमण पुष्टि जुगु दु । उम्ह मनू चाँगुनारायण नगरपालिका–३ या ३० दँया मिसा खः । परोपकार प्रसुती अस्पतालय् उपचाररत धादिङ छेँय् दुम्ह २३ दँया
मिसायात कोरोना संक्रमण पुष्टि जुगु दु ।
थ्व नाप नेपालय् कोरोना भाइरस जुपि २०९९ म्ह थ्यःगु दु ।
कोरोना संक्रमितपिं ४५म्ह डिस्चार्ज
लहनान्युज | तछलाथ्व एकादशी ११४०,जेठ २० मंगलवाः
थौं मंगलवाः छन्हु हे ४५म्ह कोरोना संक्रमित जुपि वासः याका छेँय् लिहा वःगु दु । थ्व नाप नेपालय् कोरोना संक्रमण जुपिं २६६ म्ह थ्यःगु दु धका स्वास्थ्य तथा जनसंख्या मन्त्रालयं धाःगु दु ।
वःगु २४ घण्टाया दुने रुपन्देहीया भीम अस्पतालय् २५म्ह व वीपी कोइराला स्वास्थ्य विज्ञान प्रतिष्ठान धरानय् १८म्ह वासः याका छेँय् लिहावःगु दु ।
भीम अस्पतालं १६ म्ह, रुपन्देही व कपिलवस्तुं गुम्ह डिस्चार्ज जूगु दु । इपि दक्को ११ निसे २१ न्हु दिनय् डिस्चार्ज जुगु धका स्वास्थ्य तथा जनसंख्या मन्त्रालयया प्रवक्ता डा. विकास देवकोटां जानकारी बिःगु खः ।
थ्व नाप धरानं १७ म्ह, झापा व सुनसरीं छम्ह छम्ह डिस्चार्ज जुगु दु । इपि १२ निसे १४ गु दिं कुन्हु डिस्चार्ज जुगु खः ।
त्रिवि शिक्षण अस्पतालं छम्ह मचा व गुल्मी अस्पतालं छम्ह डिस्चार्ज जुगु धका स्वास्थ्य मन्त्रालयं धाःगु दु ।
नेपालय् आतक कोरोना संक्रमितपि वासः याका डिस्चार्ज जुपिनिगु ल्याः २१२ म्ह मिजं व ५४ म्ह मिसापि छेँय् लिहा वःगु दु ।
अथेतु, प्रदेश १ पाखे ४८म्ह, प्रदेश २ पाखे १०४म्ह, बागमतीपाखे ३०म्ह, गण्डकीपाखे ३म्ह, प्रदेश ५ पाखे ७४ म्ह व सुदूरपश्चिमपाखे ७ म्ह छेँय् लिहा वने धुकुगु दु ।
येँया मेडिकल कलेजय् प्यम्ह स्वास्थ्यकर्मी कोरोना संक्रमण
लहनान्युज | तछलाथ्व एकादशी ११४०,जेठ २० मंगलवाः
येँया सिनामंगलय् काठमाडौं मेडिकल कलेजया प्यम्ह स्वास्थ्यकर्मीयात न कोरोना संक्रमण जुगु दु ।
स्वास्थ्य तथा जनसंख्या मन्त्रालयया कथं २४ निसे ३२ दँया स्वम्ह व २८ दँया छम्ह मिजंयात कोरोना संक्रमण जुगु दु ।
मन्त्रालयया प्रवक्ता डा. विकास देवकोटाया कथं इपि दक्को स्वास्थ्यकर्मी खः धका धाःगु दु ।
