Display Style:
Column Style
प्रदेश नं. १ य् प्यम्ह प्रहरी अधिकारीयात कोरोना संक्रमण
लहनान्युज | गुंलाथ्व तृतीया ११४०,साउन ८ बिहीवाः
प्रदेश नं. १ प्रहरी कार्यालयय् थप प्यम्ह प्रहरी अधिकारीयात कोरोना भाइरसया संक्रमण जूगु दु ।
बिहीवाः प्यम्ह संक्रमण पुष्टि जूगु धका प्रदेश प्रहरी कार्यालय, विराटनगरं धाःगु दु ।
बुधवाः छम्ह प्रहरी अधिकृतयात कोरोना पुष्टि जूगु दु । प्रदेश प्रहरी कार्यालयय् झीछम्हेसित अधिकारीय् याःगु परीक्षणय् न्याम्ह मध्ये न्याम्ह संक्रमण पुष्टि जूगु दु ।
बिहीवाः १५०म्हसिगु स्वाब संकलन याना परीक्षणया लागि छ्वगु दु । कार्यालयया नियमित ज्या धाःसा राके जुइ मखु धाःगु दु ।
नेपाल उद्योग वाणिज्य महासंघं चुनाव स्थगित
लहनान्युज | गुंलाथ्व तृतीया ११४०,साउन ८ बिहीवाः
नेपाल उद्योग वाणिज्य महासंघं चुनाव निर्धारित इलय् मजुइगु जुगु दु ।
महासंघं साउन २६ व २७ गते साधारण सभा यायेगु व न्हुगु कार्यसमिति चयन यायेगु निर्णय याःगु दु ।
तर कोरोनाया त्रास ल्यदनिगुलि चुनाव स्थगित यानाःगु धका महासंघया उपाध्यक्ष जानकारी बियादिगु खः ।
चुनाव स्थगित जुगु न्हुगु तिथि धाःसा क्वछिगु मदुनि धका न धाःगु दु ।
मनूतयेस कब्जा याना तःगु जग्गा लितकया पार्क निर्माण यायेगु : मेयर शाक्य
लहनान्युज | गुंलाथ्व तृतीया ११४०,साउन ८ बिहीवाः
येँ महानगरपालिकां वडा–१८ य् पुष्पलाल स्मृति पार्क निर्माण याःगु दु । उद्योग, पर्यटन वातावण मन्त्रालय, वागमती प्रदेश व येँ महानगरपालिकाया मंकाः अनुदानं उगु थासय् पार्क निर्माण याःगु खः । करीब छगू करोडया लागतमा निर्माण याःगु उगु पार्कय् नेकपाया वरिष्ठ नेता एवं पुर्वप्रधानमन्त्री माधवकुमार नेपालं उलेज्या यानादिगु खः ।
उलेज्या यानादिसे नेता नेपालं पुष्पलालयात लुमकुसे ४० क्वःगु स्मृति दिवसया लसताय् जूगु ज्याझ्वलय् ‘विष्णुमति पुष्पलालया सालिक सहितया पार्क निर्माण जूगु व शोभागवती गंगालालया सालिकसहितया पार्क दुगु धयादिसे नेपालं, ‘नेपाली राजनीति महत्वपूर्ण योगदान बिउ पि योद्धापिनिगु सालिक जवः खवः खने दुगुलि इतिहासया पाना चायेवः मन आनन्दित जुइ धका धयादिगु खः ।’
उगु ज्याझ्वलय् सम्वोधन येँ महानगरपालिकाया मेयर विद्यासुन्दर शाक्यं खुला थाय् व सार्वजनिक जग्गा संरक्षण यायेगु, हरियाली प्रर्वद्धन यायेगु, सहरय् सौदर्य थकायेगु, पार्क निर्माण यायेगु नीति अनुरुप येँ महानगरपालिका न्ह्यने वनेगु स्मरण यानादिगु खः । ‘येँ महानगरपालिका महानगर क्षेत्र दुने मुर्त–अमुर्त सम्पदाया संरक्षण तथा संम्वद्र्धन यायेगु ज्याय् तिव्रता कथं न्ह्यने वनेगु जुइ धका धयादिसे,’ मेयर शाक्यं,’ थकिया छगु उदाहरण खः थुगु थासय् मेहनत लिपा पार्क निर्माण सम्भव जुगु धका धयादिगु खः ।’
मेयर शाक्यं वइगु दिनय् खुसि सिथय् सौदर्यीकरण याना न्ह्यने वनेगु धका धयागिरेर अघि बदसे वडावडाय् जूगु थज्याःगु ज्याय् येँ महानगरपालिकां निरन्तर ग्वाहालि व सहकार्य यायेगु धका प्रष्ट यानादिगु दु । ‘आः वडा–१८, वडा–१७ नाप ३० स्वया अप्व पार्क निर्माण यायेगु निर्माण यायेगु योजना दु धका धयादिगु खः ।
येँ न्याम्ह, यल व ख्वपय् निम्हयाना गुम्हसित संक्रमण
लहनान्युज | गुंलाथ्व तृतीया ११४०,साउन ८ बिहीवाः
थौं स्वनिगलय् गुम्हेसित कोरोना भाइरस (कोभिड–१९) या संक्रमित थपे जूगु दु ।
स्वास्थ्य तथा जनसंख्या मन्त्रालयया कथं येँं जिल्ला न्याम्हेसित संक्रमित दुगु खः ।
अथेहे यलय् व ख्वपय् निम्ह निम्हेसित संक्रमण पुष्टि जूगु धका मन्त्रालयया प्रवक्ता प्रा. डा. जागेश्वर गौतमं जानकारी बिःगु दु ।
संक्रमित गन गनयापि खः धका स्वास्थ्य मन्त्रालयं धाःगु मदुनि ।
१४७म्ह कोरोना संक्रमणनाप छम्ह सीत
लहनान्युज | गुंलाथ्व तृतीया ११४०,साउन ८ बिहीवाः
१४७म्हेसित कोरोना संक्रमणनाप छम्ह थप १४७म्हेसित कोरोना संक्रमणनाप छम्ह थौं सीगु दु ।
नेपालय् १४७ म्हेसित थौं कोरोना संक्रमण जुगु दु ।
स्वास्थ्य तथा जनसंख्या मन्त्रालयया कथं आः १८२४१म्हेसित कोरोना संक्रमण जूगु दु ।
सक्रिय संक्रमितपि आः ५द्धः ३५८म्ह थ्यःगु दु ।
बिहीवाः कोरोना संक्रमणपाखे वीरगञ्जय् छम्ह सीगु दु ।
