Display Style:
Column Style
१५७३म्हेसित कोरोना संक्रमण पुष्टि, ८८५म्ह डिस्चार्ज
लहानान्युज | अनलाथ्व एकादशी ११४०,असोज ११ आइतवाः
नेपालय् थौं १५७३म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
मन्त्रालयया नियमित प्रेस ब्रिफिङया झ्वलय् थौं आइतवाः प्रवक्ता डा जागेश्वर गौतमं वःगु २४ घन्टाया दुने १५७३ म्हेसित कोरोना संक्रमण जूगु धका धाःगु दु।
प्रवक्ता डा गौतमया कथं थ्व नाप नेपालय् संक्रमितपि आः ७३ हजार ३९४ म्ह थ्यःगु दु।
२४ घन्टाया दुने १० हजार १२३म्हेसिगु पीसीआर परीक्षण याःगु खः । आइतवाः तक ९ लाख ८८ हजार ३२७म्हेसिगु पीसीआर परीक्षण याःगु खः ।
वःगु २४ घन्टाय् कोरोनामुक्त जूपि ८८५म्ह डिस्चार्ज जूगु दु। थ्व नाप नेपालय् कोरोनामुक्त जूपि ५३ हजार ८९८म्ह थ्यःगु दु।
मन्त्रालयया प्रवक्ता डा. गौतमया कथं आःतक आइसोलेसनय् च्वनाच्वपि १९ हजार १९ व क्वारेन्टाइनय् च्वनाच्वपि ६ हजार २ सय ८१म्ह दु धका धाःगु दु।
येँ ६३३म्ह नाप स्वनिगलय् ८०९म्हेसित कोरोना संक्रमित पुष्टि
लहानान्युज | अनलाथ्व एकादशी ११४०,असोज ११ आइतवाः
वःगु २४ घण्टाय् स्वनिगः दुने ८०९म्हेसित कोरोना संक्रमित पुष्टि जूगु दु।
स्वास्थ्य तथा जनसंख्या मन्त्रालयया कथं वगु २४ घण्टाया दुने येँ ६३३,म्हेसित कोरोना संक्रमित पुष्टि जूगु दु।
अथेहे ख्वपय् ७२ व यलय् १०४ म्हेसित कोरोना संक्रमित पुष्टि जूगु दु।
उकि मध्ये येँ २३०म्ह मिसा व ४०३ म्ह मिजं, ख्वपय् २१म्ह मिसा व ५१म्ह मिजं, यलय् ४३म्ह मिसा व ६१म्ह मिजंपिन्त कोरोना संक्रमण पुष्टि जूगु दु।
नेपाली कांग्रेसया सांसद उमेश श्रेष्ठयात कोरोना संक्रमण पुष्टि
लहानान्युज | अनलाथ्व एकादशी ११४०,असोज ११ आइतवाः
नेपाली कांग्रेसया सांसद उमेश श्रेष्ठयात न कोरोना भाइरसया संक्रमण पुष्टि जूगु दु। सामाजिक सञ्जालमार्फत थःत कोरोना भाइरस संक्रमण जूगु पुष्टि याःगु दु।
सांसद श्रेष्ठं म्हिगः शनिवाः बिःगु स्वाब परीक्षणया लिच्वलय् थःत संक्रमण खनेदुगु धका समाजिक सञ्जाल फेसबुकय् च्वया जानकारी बिःगु खः । कोरोना भाइरसया संक्रमण खनेदुगुलि होम आइसोलेसनय् च्वना च्वंगु दु।
सांसद श्रेष्ठं शनिवा थःगु परीक्षणया लिच्वः थःत कोरोना संक्रमण पुष्टि जुग दु धयादिसे आः थः होम आइसोलेसनय् च्वना च्वनागु दु धयादिसे थःगु स्वास्थ्य अवस्था सामान्य दु धका जानकारी बियादिगु दु।
थः नाप प्रत्यक्ष भेटघाट व सम्पर्कय् दुपिन्स न आवश्यक सजगता अपने यायेत इनाप याःगु दु।
लुँया भाः खुसः क्वहावल
शोभा श्रेष्ठ | अनलाथ्व एकादशी ११४०,असोज ११ आइतवाः
लुँया भाः थौं खुसः क्वहा वःगु दु।
थौं आइतवाः छापावाल लुँ तोलां खुसः क्वहावया ९३ हजार ३ सय थ्यःगु दु।
नेपाल सुनचाँदी व्यवसायी महासंघया कथं वःगु शुक्रवाः भाः थहा वःगु खः। अथेहे लुँ न खुसः क्वहा वया छगु तोलाया ९२ हजार ८ सय थ्यःगु दु।
लुँया भाः क्वहा वःगुलि वहःया भाः न तोलां झीतका क्वहा वःगु खः । थौं छगु तोलाया ११५० रुपैयाँ कायम जूगु दु धका महासंघ धाःगु दु।
प्रहरी कोरोना संक्रमितपि ४१ सय थ्यन, २२३४ डिस्चार्ज
लहानान्युज | अनलाथ्व एकादशी ११४०,असोज ११ आइतवाः
नेपाल प्रहरी कोरोना संक्रमितपि ४ हजार १०५म्ह थ्यःगु दु । उकि मध्ये १८७१म्ह सक्रिय संक्रमित दु । २२३४म्ह डिस्चार्ज जुइ धुकुगु दु।
प्रहरी प्रवक्ता एसएसपी कुवेर कडायतया कथं येँ प्रहरी प्रधान कार्यालयय् ज्या याइपि २९१म्ह संक्रमित जुगु दु सा स्वनिगः दुने ६९२म्ह सक्रिय संक्रमित दु।
अथेहे प्रदेश १ य् १६२ म्ह, प्रदेश २ य् १५८ म्ह, वाग्मती प्रदेशय् १२४ म्ह, गण्डकी प्रदेशय् १५६ म्ह, प्रदेश ५ य् १५३म्ह, कर्णाली प्रदेशय् ५५ म्ह व सुदूरपश्चिम प्रदेशय् ८०म्ह सक्रिय संक्रमितपि दु।
