Display Style:
Column Style
कोरोना संक्रमित ४५दिं दुम्ह मचा सीत
लहनान्युज | दिल्लाथ्व द्धादशी ११४०,असार १८ बिहीवाः
कोरोना संक्रमित जुम्ह ४५दिं दुम्ह मचा उपचारया झ्वलय् सीगु दु ।
त्रिवि शिक्षण अस्पतालय् गःपतय् समस्या खने दया उपचारया लागि भर्ना जूम्ह मचायात शल्यक्रिया याये न्ह्य परीक्षण याःगु इलय् मंगलवाः कोरोना संक्रमण पुष्टि जूगु खः ।
उम्ह मचाया मां अवु व निनीयात न कोरोना संक्रमण परीक्षण यायेगु लागि नमुना संकलन याना छ्वःगु दु ।
म्याग्दी छेँ दुम्ह उम्ह मचायात श्वासप्रश्वासय् समस्या वःगु धका चिकित्सकपिन्स सोमवाः आकस्मिक रुपं गःपतय् शल्यक्रिया (ट्रयाक्टेस्टोमी) याःगु खः ।
गण्डकी प्रदेशय् च्याम्हेसित कोरोना सङ्क्रमण पुष्टि
लहनान्युज | दिल्लाथ्व द्धादशी ११४०,असार १८ बिहीवाः
गण्डकी प्रदेशय् थप च्याम्हेसित कोरोना सङ्क्रमण पुष्टि जुगु दु । गण्डकी प्यंगू जिल्लाय् न्हुपि सङ्क्रमित थपे जूगु दु ।
न्हुगु जिल्लाय् थपे जूपि स्याङ्जाय् निम्ह, बाग्लुङय् छम्ह, तनहुँ स्वम्ह व पर्वतय् निम्हेसित सङ्क्रमित जूगु दु ।
सङ्क्रमित जूपि दक्कोसित आईसोलेसनय् यंकिगु तयारी यानाच्वंगु दु धका गण्डकी प्रदेशका स्वास्थ्य निर्देशक एवं प्रदेश कोरोना नियन्त्रण तथा रोकथाम कार्यक्रमया प्रवक्ता बिनोद बिन्दु शर्मां जानकारी बियादिगु खः ।
गण्डकी प्रदेशय् कोरोना सङक्रमि जूपि १०१४ मध्ये २१४म्ह वासः याका छेँय् लिहा वने धुकुगु दु ।
अथहे गण्डकी प्रदेशय् निम्ह सी धुकुगु दु ।
नेपालय् मस्त २०६१म्हेसित कोरोना संक्रमण
लहनान्युज | दिल्लाथ्व दशमी ११४०, असार १६ मंगलवाः
सरकारं नेपालय् मस्तयेत कोरोना संक्रमण अप्वया वःगुलि अभिभावकपिन्त सचेत जुइत आग्रह यानादिगु दु ।
नेपालय् १८ दँ स्वया क्वयेयापि २०६१म्हेसित कोरोना संक्रमण खनेदुगु धका स्वास्थ्य तथा जनसंख्या मन्त्रालयया प्रवक्ता डा. जागेश्वर गौतमं जानकारी बिःगु दु ।
सदूरपश्चिमय् ९ दँ स्वया क्वययापि १७५म्हेसित कोरोना संक्रमण खनेदुगु खः । डा. गौतमया कथं सुदूरपश्चिमय् कोरोना संक्रमण खनेदुपि मस्त मां अबु नाप भारत लिहा वःपि खः ।
मस्तयेत कोरोना संक्रमण खनेदुलि मेपिन्त न सरे जुइगु सम्भावना अप्व जुगुलि मन्त्रालयं मस्तयेत छेँ हे तया तयेथ इनाप याःगु दु ।
मस्तयेत हुलमुलय् मयेकेत, अनिवार्य मास्क तयेकेत, मेपिनाप २ मिटरया दूरी कायम यायेगु, सावः लखं ल्हाःसिइकेत स्वास्थ्य मन्त्रालयं इनाप याःगु खः ।
अथेहे मां अबुयात संक्रमण जुसा मस्त नाप अलग्ग च्वने इनाप याःगु दु ।
नेपालय् ४८२ म्हेसित कोरोना संक्रमण पुष्ट
लहनान्युज | दिल्लाथ्व दशमी ११४०, असार १६ मंगलवाः
वःगु २४ घण्टाय् थप ४८२ म्ह कोरोना भाइरस (कोभिड–१९) या संक्रमण पुष्टि जूगु दु । देय् यकं याःगु प्रयोगशालाय् ४८८६ नमुना परीक्षण याःगु इलय् ४५२म्हसिगु रिपोर्ट पोजेटिभ वःगु दु ।
थ्व नाय संक्रमितपि १४द्धः स्वया अप्वःगु दु । स्वास्थ्य तथा जनसंख्या मन्त्रालयया कथं आःतक १४ ०४६ म्हेसित संक्रमित जुइ धुकुगु दु । उकि मध्ये ३०म्ह सी धुकुगु दु सा ४६५६म्ह डिस्चार्ज जुइ धुकुगु दु ।
थौं मन्त्रालयया कथं दकलय् अप्व अछामय् १३५म्हेसित कोरोना संक्रमित थपे जुगु दु । थ्व नाप, बाजुराय् ४३म्ह, महोत्तरीइ ३६म्ह, कैलाली २७म्ह, सुर्खेत २२म्ह, धनुषा २१म्ह, कञ्चनपुर व डोटीइ नीम्ह नीम्ह, बझाङय् १८म्ह, सल्यानय् १५म्ह, झापाय् १३म्ह, बाँके व बर्दियाय् झींछम्ह झींछम्ह व लमजुङय् झीम्हसित संक्रमित जुगु धका धाःगु खः ।
अथेहे, स्याङ्जा व गुल्मीइ च्याम्ह च्याम्ह, कास्की, गोरखा, बाग्लुङय् स्वम्ह स्वम्ह, सिराहा, इलाम, मोरङ, नवलपुर, दाङ, पाल्पा, दैलेख व कालीकोटय् निम्ह निम्हसित संक्रमण पुष्टि जुगु दु । ताप्लेजुङ, सुनसरी, नवलपरासी बारा, पर्सा, नवलपरासी, पर्वत, तनहुँ, अर्घाखाँची, जुम्ला, बैतडी व अछामय् छम्ह छम्हसित संक्रमण खनेदुगु धका स्वास्थ्य मन्त्रालयया प्रवक्ता डा.जागेश्वर गौतमं धाःगु खः ।
थ्व नाप स्वनिगलय् झींच्याम्हसित न थौं संक्रमण खनेदुगु खः ।
झीम्ह, यलय् न्याम्ह व ख्वपय् निम्ह कोरोना संक्रमित
लहनान्युज | दिल्लाथ्व दशमी ११४०, असार १६ मंगलवाः
स्वनिगलय् जक थौं बुधवाः झीन्ह्यम्हसित कोरोना संक्रमण खने दुगु दु ।
स्वास्थ्य तथा जनसंख्या मन्त्रालयया कथं थौं येँ झीम्ह यलय् न्याम्ह व ख्वपय् निम्हसित कोरोना संक्रमण खने दुगु दु ।
येँया शुक्रराज ट्रपिकल तथा सरुवा रोग अस्पतालय् याःगु परीक्षणय् येँ निम्ह मिसा व प्यम्ह मिसायात
कोरोना संक्रमण खने दुगु खः । यलय् अस्पतालय् याःगु परीक्षणय् येँ स्वम्ह मिसा व छम्ह मिसा, यलाया स्वम्ह मिसा व निम्ह मिजं ख्वपया छम्ह मिसायात कोरोना संक्रमण खने दुगु खः ।
धुलिखेल अस्पतालय् याःगु परीक्षणय् ख्वपया छम्ह मिजम्हेसित कोरोना संक्रमण खनेदुगु खः । उपि दक्को सिगु थाय् खुले याःगु मदुनि धका मन्त्रालय धाःगु दु ।
