Display Style:
Column Style
थौं ७४०म्हेसित कोरोना संक्रमण
शोभा श्रेष्ठ | दिल्लाथ्व त्रयोदशी ११४०,असार १९ शुक्रवाः
थौं शुक्रवाः नेपालय् ७४०म्हेसित कोरोना संक्रमण पुष्टि जुगु दु ।
स्वास्थ्य तथा जनसंख्या मन्त्रालयया कथं कोरोना भाइरस संक्रमितपि आः १५२५९म्ह थ्यःगु दु ।
कोरोना भाइरस संक्रमण वासः याका छेँ लिहा वःपि ६१०४३म्ह थ्यःगु दु ।
कोरोना भाइरसया कारण येँया बानेश्वरय् च्वम्ह छम्ह सीत
लहनान्युज | दिल्लाथ्व त्रयोदशी ११४०,असार १९ शुक्रवाः
कोरोना भाइरस संक्रमणया कारण येँया बानेश्वरय् च्वम्ह छम्ह बुराम्ह सीगु दु ।
स्वास्थ्य तथा जनसंख्या मन्त्रालयया कथं ८५दँ दुम्ह मिजंम्ह असार १७ गते येँया छगू निजी अस्पतालय् सीगु खः ।
उम्ह मनू पेसर व पार्किन्सनया ल्वगि खः । छाती स्याःगु व पिसाब कम जुगु समस्या वयेवः अस्पताल भर्ना जुगु खः ।
अस्पतालया आइसोलेसनय् तया उपचार याना वयाच्वंगु खः । वासः यायेगु झ्वलय् सीगु धका स्वास्थ्य तथा जनसंख्या मन्त्रालयया प्रवक्ता डा.जागेश्वर गौतमं जानकारी बिःगु खः ।
थ्व नाप नेपालय् कोरोना संक्रमणया कारण सीपिनिगुु ल्याः ३२म्ह थ्यःगु दु ।
लुँ तोलाय् न्यासः क्वहा वल
शोभा श्रेष्ठ | दिल्लाथ्व त्रयोदशी ११४०,असार १९ शुक्रवाः
लुँया भाः थौं शुक्रवाः तोलाय् न्यासः क्वहा वःगु दु । थौं लुँया भाः तोलाया ९० द्धः व न्यासः नेपाल सुनचाँदी व्यवसायी महासंघं क्वःछिगु दु ।
म्हिगः छगू तोलाया ९१द्धः थ्यःगु खः । थुगु वाः लुँ या भाः थहा वनेगु व क्वहा वयेगु जुया च्वंगु दु ।
वःगु बुधवाः लुँया भाः न्हुगु रेकर्ड जुगु खः । तोलाय् ९१ द्धः व न्ह्यसः भाः नं कारोबार जूगु खः ।
आइतवाः व सोमवाः लुँया भाः ९१द्धः थ्यःगु खः सा मंगलवाः निसः तोलां थहा वःगु खः ।
वहः तोलाय् थौं झीतका क्वहा वया ९४० तका क्वछिगु दु ।
नेकपाया मुँज्या निन्हुया लागि स्थगित जुल
लहनान्युज | दिल्लाथ्व द्धादशी ११४०,असार १८ बिहीवाः
सत्तारुढ नेपाल कम्युनिस्ट पार्टी (नेकपा) या स्थायी कमिटी मुँज्याय् निन्हुया लागि स्थगित जुगु दु ।
पार्टी अध्यक्ष पुष्पकमल दाहाल प्रचण्ड राष्ट्रपति विद्यादेवी भण्डारीनाप नाप लाना लिहा वये धुका थौ मुँज्या न्ह्याःगु खः ।
तर उगु मुँज्या शनिवाः तक या लागि स्थगित जूगु दु ।
थौं येँ २८म्हेसित कोरोना संक्रमण
लहनान्युज | दिल्लाथ्व द्धादशी ११४०,असार १८ बिहीवाः
थौं बिहीवाः येँ २८म्ह नाप देय् यकं याना थप ४७३म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं जानकारी बिःगु दु ।
येँ १७म्ह मिसा व ११म्ह मिजंम्हेसित संक्रमण खने दुगु दु ।
अथेहे ख्वपय् निम्ह व यलय् निम्हेसित न संक्रमण खने दुगु दु ।
