Display Style:
Column Style
विवाद वयेवः पद्मश्री पुरस्कार व सम्मान रद्द
लहानान्युज | अनलाथ्व त्रयोदशी ११४०,असोज १३ मंगलवाः
खेमलाल–हरिकला लामिछाने प्रतिष्ठानपाखे बिया वया च्वंगु पद्मश्री पुरस्कार व सम्मान थुगु पटक विवाद वःगु दु ।
पद्मश्री पुरस्कारपाखे पुरस्कृत उपन्यास ‘हंस’या च्वमि सञ्जीव उप्रेती नं मेम्ह सम्मानित जुम्ह साहित्यकार मोदनाथ प्रश्रित नाप छगु हे मञ्च च्वना काये मखु धाःगुलि साहित्यकार मोदनाथ प्रश्रित थःगु चरित्र हत्या याःगु धासे पद्मश्री सम्मान ग्रहण मयायेगु धका विज्ञप्ति पिकाःगु खः ।
वया लिपा उपन्यासकार सञ्जीव उपे्रती न थःम्हेस्या पद्मश्री पुरस्कार मकायेगु घोषणा याःगु खः ।
पद्मश्रीपाखे पुरस्कृत व सम्मानित निम्ह स्रष्टापिन्स पुरस्कार व सम्मान मकायेगु घोषणा लिपा खेमलाल–हरिकला लामिछाने प्रतिष्ठानया अध्यक्ष जीवा लामिछाने म्हिगः छगु विज्ञप्ति जारी यासे थुगु दँया पद्मश्री पुरस्कार व पद्मश्री सम्मान रद्द यायेगु निर्णय यानागु धका जानकारी बिःगु दु।
येँ महानगर १७ वडा निन्हुया लागि बन्द
नृपेन्द्रलाल श्रेष्ठ | अनलाथ्व द्धादशी ११४०,असोज १२ सोमवाः
येँ महानगरपालिका १७ वडाय् निम्ह कर्मचारीपिन्त कोरोना सक्रमण जुगुलि निन्हुया लागि वन्द यानागु दु धका वडाया सचिव राजेश श्रेष्ठं थौ छगु सूचं जारी याःगु दु।
उगु वडाय् मतया ज्या याइम्ह कर्मचारी नाप वया परिवार च्याम्हेसित कोरोना पुष्टि जुगु खः।
१७ वडा अधक्ष्य नबिन मानन्धर बिगु जानकारी कथं कन्ह्य व कंस वडा ज्याकूथि स्यानिटाइज याना शुक्रवाःनिसे चाइ धका धयादिगु दु।
१७ वडा अधक्ष्य मानन्धर लहनान्युजयात बिगु जानकारी कथं वडाय् दुने थौं न्ह्यहेसित कोरोना सक्रमण जुगु दु धका धयादिगु दु।
थुगु वडाय् दुने आःतक १११ म्हेसित सक्रमण जुगु दु सा निम्ह सी धुकुगु दु।
१३५१ म्ह कोरोना संक्रमण पुष्टि
शोभा श्रेष्ठ | अनलाथ्व द्धादशी ११४०,असोज १२ सोमवाः
वःगु २४ घण्टाय् १३५१ म्हेसित कोरोना भाइरस (कोभिड(१९) या संक्रमण पुष्टि जुगु दु।
देय् यकं प्रयोगशालाय् १० हजार ८० म्हेसिगु नमुना परीक्षण यागुलि ४३६म्ह मिसा व ९१५ म्ह मिजंपिन्त संक्रमण पुष्टि जूगु दु।
थ्व नाप नेपालय् संक्रमिपि ७४ हजार ७४५ म्ह थ्यःगु दु । उकि मध्ये ४८१ म्ह सी धुकुगु दु सा ५४ हजार ६४० म्ह संक्रमणमुक्त जुइ धुकुगु दु।
वःगु २४ घण्टाय् व जक ७४२ म्ह संक्रमणमुक्त जूगु दु धका स्वास्थ्य तथा जनसंख्या मन्त्रालयं धाःगु दु ।
आःतक देय् यकं १९ हजार ६२४म्ह संक्रिय संक्रमित दु । १० हजार ९२९ म्ह होम आइसोेलेसनय् च्वना च्वंगु दु । ८ हजार ६९५ संस्थागत आइसोलेसनय् च्वना च्वंगु दु। उकि मध्ये २२५ म्ह आईसीयू व ३१म्ह भेल्टिलेटरय् च्वना वासः याना वयाच्वंगु दु ।
मन्त्रालयया कथं स्वनिगः दुने ८१७म्ह संक्रमित थपे जुगु दु ।
अथेहे सिराहाय् ५५म्ह, कैलाली ५०म्ह, मोरङय् ४९ म्ह, मकवानपुरय् ४० म्ह, सुर्खेतय् २९ म्ह, महोत्तरीय् २५ म्ह, धनुषाय् २२ म्ह, सुनसरी, नवलपुर व रुपन्देहीय् २०म्ह व २०म्ह, चितवन व तनहुँ १७ म्ह व १७ म्ह, बाँकेय् १६ म्ह, बझाङय् १४ म्ह, अछामका १३, धादिङका ११, सप्तरी र काभ्रे १०र१० तथा पर्सा, सिन्धुपाल्चोक, लमजुङ ७ म्ह व ७ म्हेसित कोरोना संक्रमण पुष्टि जूगु दु।
सर्लाहीय् ६ म्ह, कपिलवस्तु, गुल्मी व नवलपरासीय् न्याम्ह न्याम्ह, सिन्धुली व कास्की प्यम्ह प्यम्ह, बारा, नुवाकोट, गोरखा, पर्वत व स्याङ्जाय् स्वम्ह स्वम्ह, इलाम, खोटाङ, झापा, तेह्रथुम, भोजपुर, दाङ, बर्दिया, कालीकोट, जाजरकोट, दैलेख व सल्यानय् निह निम्ह ओखलढुंगा, संखुवासभा, रौतहट, दोलखा, बाग्लुङ, अर्घाखाँची, प्युठान व बैतडी छम्ह छम्हेसित संक्रमण खने दुगु दु।
येँ ६४९म्ह नाप स्वनिगः दुने ८१७ म्ह संक्रमित
शोभा श्रेष्ठ | अनलाथ्व द्धादशी ११४०,असोज १२ सोमवाः
वःगु २४ घण्टाय् स्वनिगः दुने ८१७म्हेसित कोरोना संक्रमित पुष्टि न जूगु दु।
स्वास्थ्य तथा जनसंख्या मन्त्रालयया कथं येँ ६४९ म्हेसित कोरोना संक्रमण पुष्टि जुगु दु।
अथेहे यलय् १३२म्ह व ख्वपय् ३६म्हेसित संक्रमण खने दुगु दु।
वःगु २४ घण्टाय् स्वनिगलय् जक छम्ह सीगु दु । ख्वपय् ५१ दँ मिसाम्ह सीगु दु धका मन्त्रालयं धाःगु दु।
मोरङय् छन्हु हे १३०म्ह कोरोना संक्रमित
लहानान्युज | अनलाथ्व द्धादशी ११४०,असोज १२ सोमवाः
मोरङया थीथी थासय् थप १३० म्हेसित कोरोना संक्रमण पुष्टि जूगु दु धका धाःगु दु।
कोशी अस्पताल व प्रदेश प्रयोगशाला विराटनगरय् याःगु स्वाब परीक्षणय् ५१ म्ह मिसा व ७९ म्ह मिजंपिन्त कोरोना संक्रमण पुष्टि जुगु दु धका प्रदेश १ सामाजिक विकास मन्त्रालयं धाःगु दु।
थ्व हे न्हापागु पटक छन्हु हे थुपि सक्रमित पिहावःगु खः।
समुदायस्तरय् संक्रमण अप्वोया वःगुलि विराटनगरय् छन्हु हे १३० म्ह थपे जुगु खः।
आः थ्व नाप मोरङय् संक्रमितपि २ हजार १८६म्ह थ्यःगु दु।
विराटनगरय् संक्रमितपि मध्ये २३ म्ह सी धुकुुगु दु। प्रदेश १ य् थ्व स्वया न्ह्य छन्हु १८१ कोरोना संक्रमित थपे जुगु खः।
प्रदेश १ य् कोरोना संक्रमितपि ६ हजार ४३६म्ह थ्यःगु दु।
