Display Style:
Column Style
निरीक्षण यायेगु लागि छाउनी वनिइगु प्रधानमन्त्री
लहनान्युज | बछलागा त्रयोदशी ११४०,जेष्ठ ७ बुधवाः
प्रधानमन्त्री केपी शर्मा ओली थौं बुधवाः कोभिड–१९ क्राइसिस म्यानेजमेन्ट सेन्टर (सीसीएमसी एप्स) य् वना कोरोना संक्रमणया अवस्थाबारे जानकारी काये त्यःगु दु ।
छाउनीइ सेन्टरया ज्याकुथि वना प्रम ओलीं अपरेशनया संयोजक एवं प्रधानमन्त्री तथा मन्त्रिपरिषद कार्यालयया सचिव महेन्द्रप्रसाद गुरागाई नाप नेपाली सेनाया वरिष्ठ सैन्य अधिकृतयाके ब्रिफिङ काये त्यःगु खः ।
कोभिड १९ भाइरसया महामारी नियन्त्रण, रोकथाम तथा प्रतिकार्यया लागि सीसीएमसी अप्सया स्थापना याःगु खः ।
उगु एप्सपाखे कोरोना संक्रमितपिनिगु स्वापू ट्रेसिङनिसे वास न्यायेगु ज्याय् तक महत्वपूर्ण भूमिका निर्वाह याना वयाच्वगु दु ।
ख्वपया संक्रमित खनेदुम्ह येँ मनपाया गाडी चलेयाइम्ह
लहनान्युज | बछलागा त्रयोदशी ११४०,जेष्ठ ७ बुधवाः
म्हिगः मंगलवाः ख्वपय् कोरोना भाइरसाया संक्रमण खनेदुम्ह येँ महानगरपालिकाया गाडी चले याइम्ह जूगु दु ।
उम्ह मनू ४२ दँयाम्ह ख्वप नगरपालिका वडा नम्बर ५ या भेलुखेलय् च्वनीम्ह खः ।
संक्रमणया पुष्टि जुइवं बलम्बुया शसस्त्र प्रहरी अस्पताल यंकूगु दु ।
संक्रमित जुम्ह मनूया छेँ दुगु थासय् सिल याःगु दु ।
येँय् निम्ह प्रहरीयात कोरोना संक्रमण
लहनान्युज | बछलागा त्रयोदशी ११४०,जेष्ठ ७ बुधवाः
येँय् निम्ह नेपाल प्रहरीयात कोरोना भाइरसया संक्रमण खनेदुगु दु ।
थौं कोरोना भाइरसया संक्रमण खनेदुपि येँया महानगरीय प्रहरी वृत्त, कालिमाटीइ ज्या याइपि प्रहरी पुष्टि जुगु दु ।
संक्रमण खनेवं निम्ह प्रहरीयात मंगलवाः बहनी हे बलम्बु स्थित सशस्त्र प्रहरी अस्पतालय् यंकूगु दु ।
लकडाउनया इलय् ड्युटी दुपिं प्रहरी नायव निरीक्षक (सई) व प्रहरी जवनायात संक्रमन जूगु खः ।
कालिमाटी प्रहरी वृत्तया ९०म्ह प्रहरीतय्तगु परीक्षण जुइधुंकूगु व आः थप प्रहरीया परीक्षण यायेगु तयारी जुयाच्वंगु दु ।
स्वनिगलय् न्याम्ह नाप २७म्हेसित कोरोना संक्रमण
लहनान्युज | बछलागा द्धादशी ११४०,जेष्ठ ६ मंगलवाः
थौं हाकन मेपि २७ म्हेसित कोरोना भाइरस (कोभिड(१९) या संक्रमण पुष्टि जुगु दु । थपे जुपि मध्ये स्वनिगःया न्याम्ह थपे जुगु दु ।
स्वास्थ्य तथा जनसंख्या मन्त्रालयया कथं येँ स्वम्ह, ख्वप व यलय् छम्ह छम्हेसित संक्रमण पुष्टि जुगु दु ।
थौं थपे जुपि झापाया ९ म्ह, मोरङ व सुनसरीइ छम्ह छम्ह, सर्लाहीइ निम्ह, मनवानपुर व रामेछाप, सिन्धुली व लमजुङय् छम्ह छम्हेसित कपिलवुस्तइ म्यम्हेसित नाप छम्हेसित संक्रमण पुष्टि जुगु दु ।
थ्व नाप आतक संक्रमित जुपि ४०२ म्ह थ्यःगु दु । मन्त्रालयं बिःगु जानकारी कथं संक्रमण जुगु ३६ जिल्लाय् थ्यने धुकुगु दु ।
आतक प्रदेश १ य् ५४म्ह, २ य् १३६म्ह, बाग्मतीइ २७ म्ह व गण्डकी प्रदेशय् ४म्ह प्रदेश ५ य् १७६म्ह, कर्णालीइ १ म्ह व सुदूरपश्चिम प्रदेशय् न्याम्ह मा ५ संक्रमण जुइ धुकुगु दु ।
नीति तथा कार्यक्रम पारित
लहनान्युज | बछलागा द्धादशी ११४०,जेष्ठ ६ मंगलवाः
सरकारं आर्थिक वर्ष २०७७ व ७८ या नीति तथा कार्यक्रम प्रतिनिधि सभां पारित याःगु दु ।
वःगु जेठ २ गते राष्ट्रपति विद्यादेवी भण्डारीें संसदया मंकाःगु बैठकय् प्रस्तुत याःगु नीति तथा कार्यक्रम निन्हु छलफल लिपा थौं पारित याःगु दु ।
नीति तथा कार्यक्रमय् थीथी दलया सांसदपिन्स संशोधन प्रस्ताव दर्ता याःगु खः ।
नीति तथा कार्यक्रमय् वःगु न्ह्यसःया लिसः बियादिसे थौं मंगलवाः संसदय् प्रधानमन्त्री केपी शर्मा ओलीं लिसः
बियादिसे बहुमतं नीति तथा कार्यक्रम पारित जुगु खः । नीति तथा कार्यक्रमप्रति चित्त बुझे मजुगु धाःसा दर्ता याःगुसंशोधन प्रस्ताव लित मकाः ।
ध्वनि मतया आधारय् दक्को संशोधन प्रस्ताव अस्वीकृत जुगु खः । आः सरकारं थ्व हे वइगु जेठ १५ गते वइगु आर्थिक वर्षया बजेट प्रस्तुत याइ ।
प्रतिनिधि सभां नीति तथा कार्यक्रम पारित जुसा राष्ट्रिय सभा धाःसा पारित जुइ मानी ।
