Display Style:
Column Style
दाङय् ५८म्ह कोरोना सङ्क्रमण पुष्टि
लहनान्युज | दिल्लाथ्व नवमी ११४०, असार १५ सोमवाः
दाङय् थौं सोमवाः ५८म्हेसित कोरोना भाइरसया सङ्क्रमण पुष्टि जुगु दु ।
राप्ती स्वास्थ्य विज्ञान प्रतिष्ठान घोराहीलय् याःगु कोरोना परीक्षणय् ५८म्हसित सङ्क्रमित पिहा वयेवः आः दाङमा कोरोना सङ्क्रमितपि ५६८ म्ह थ्यःगु दु ।
सोमवाः सङ्क्रमितपि गढवाया २२म्ह, बबईय् १०म्ह, तुलसीपुरय् च्याम्ह, घोराहीइ न्ह्यम्ह, राप्तीइ न्याम्ह, शान्तिनगर व दङ्गीशरणय् निम्ह निम्हयाना प्यम्ह व नेपाली सेनाय् ज्या याइपि निम्ह खने दुगु दु । सङ्क्रमित मध्ये २२म्ह मिसापि व स्वीख्म्ह खः ।
गुल्मीइ कोरोना संक्रमण पुष्टि
लहनान्युज | दिल्लाथ्व अष्टमी ११४०, असार १४ आइतवाः
गुल्मीइ थप १२म्हेसित कोरोना संक्रमण पुष्टि जूगु दु ।
प्रादेशिक प्रयोगशाला रुपन्देहीइ याःगु परीक्षणय् आइतवाः १२म्हेसित संक्रमण पुष्टि जूगु दु धका जिल्ला स्वास्थ्य कार्यालय गुल्मीया सूचना अधिकारीं धाःगु दु ।
सूचना अधिकारीं कथं गुल्मीदरबार गाउँपालिकाय् ११म्ह व रेसुङ्गा नगरपालिकाय् छम्ह याना १२म्हेसित कोरोना संक्रमण पुष्टि जूगु दु । थ्व नाप गुल्मीइ संक्रमितपि २८७म्ह थ्यःगु दु ।
थुकि मध्ये ४२म्ह संक्रमितपि कोरोना मुक्त जूया छेँय् वने धुकुगु दु ।
नेपालभाषा पाठ्यक्रम ब्वंकेगु नितिं विज्ञपिंलिसे सहलह
नृपेन्द्रलाल श्रेष्ठ | दिल्लाथ्व अष्टमी ११४०, असार १४ आइतवाः
येँ महानगर दुनेया ब्बनेकुथिइ नेपालभाषां स्थानीय पाठ्यक्रमय् ब्वंकेगु नितिं अन्तिम रुप बिइत वंगु आइतवाः¬ राष्ट्रिय सभागृहस बिज्ञपिंलिसे सहलह याःगु दु । थुगु सफू येँ महानगर दुने छगू तगिंनिसें च्यागू तगिंतक दक्व ब्बनेकुथिइ लागु जुइ । थुगु सफू सामुदायिक व निजी ब्वनेकुथी ब्वंकीगु जानकारी ब्यूगु दु ।
ज्याझ्वलय् येँ महानगरपालिकाया उप–प्रमुख हरिप्रभा खड्गी श्रेष्ठ, शिक्षा बिभागया मोतिराज खनाल, गुजेश्वरी श्रेष्ठ, येँ महानगरपालिकाया प्रवक्ता ईश्वरमान डंगोल, मुकुन्द रिजालपिन्सं नुगःखँ तयादीगु खः ।
ज्याझ्वलय् प्रा.डा. त्रिरत्न मानन्धर, सह–प्राध्यापक राजन लाल जोशीलिसेंया ब्यक्तित्वपिन्सं तयादीगु न्ह्यसःया लिसः पाठ्यक्रम निमार्ण समितिया संयोजक प्रा.डा. चुन्दा बज्राचार्यं बियादीगु खः ।
उगु सफुतिइ येँ देय् म्हसिकेगुकथं येँया तजिलजि, येँ महानगर दुनेया सम्पदालिसें भाषा, नखःचखः, संस्कार, सीप कलाकौशल व ब्यवसाय, नैतिक शिक्षा, भौगोलिक स्वरुप व प्राकृतिक स्वरुप, स्वास्थ्य, शारीरिक व प्राकृतिक स्वरुप, ब्यक्ति म्हसीका व लिपि दुथ्याकातःगु दु ।
उगु पाठ्यक्रमया बारे कमितिया दुजः बरुणप्रसाद बैद्य न्ह्यब्बयादिगु खः ।
येँ महानगरपालिकां नेपालभाषाया पाठ्यक्रम दयेकेगु लागि प्रा.डा. चुन्दा बज्राचार्यया संयोजकत्वय् मोतिराज खनाल सदस्य सचिव व दुपि बरुणप्रसाद बैद्य, नरेशबीर शाक्य व मदनरत्न मानन्धर दुगु नेपालभाषाया पाठ्यक्रम निमार्ण कमिति वःगु २०७६ भाद्र महिनाय् गठन याःगु खः । थुगु कमितिं मंसिर महिना ज्या न्ह्याकूगु खः ।
रौतहटय् निम्ह वडाध्यक्ष नाप १४म्हेसित कोरोना संक्रमण
लहनान्युज | दिल्लाथ्व अष्टमी ११४०, असार १४ आइतवाः
रौतहटय् निम्ह वडाध्यक्ष नाप क्वारेन्टिन पिनेयापि १४म्हेसित कोरोना संक्रमण पुष्टि जूगु दु ।
बौधीमाई नगरपालिकाया निम्ह वडाध्यक्ष, निम्ह कार्यपालिका सदस्य, निम्ह स्वास्थ्यकर्मी, छम्ह सुरक्षाकर्मी व न्ह्यम्ह कर्मचारी याना १४म्हेसित कोरोना संक्रमण पुष्टि जुगु दु धका जिल्ला जनस्वास्थ्य कार्यालयं धाःगु दु ।
शनिवाः वःगु पीसीआर परीक्षणया रिपोर्ट कथं उपि संक्रमण पुष्टि जुगु खः ।
जनता नाप प्रत्यक्ष स्वापू दुपि जनप्रतिनिधि व कर्मचारीपिन्त संक्रमित जुइवं उपि नाप स्वापू दुपि मनू तयेत कन्ट्याक ट्रेसिङ याना तत्काल कोरोना परीक्षण याये माःगु माग स्थानीयपिन्स याःगु दु ।
संक्रमण पुष्टि जूगु लिपा स्कूलय् दयेका तःगु आइसोलेसनय् छ्वःगु दु ।रौतहटय् निम्ह वडाध्यक्ष नाप क्वारेन्टिन पिनेयापि १४म्हेसित कोरोना संक्रमण पुष्टि जूगु दु ।
थौं ४३६म्हेसित कोरोना संक्रमण
लहनान्युज | दिल्लाथ्व अष्टमी ११४०,असार १४ आइतवाः
नेपालय् कोरोना संक्रमित बढे जुया वयाच्वंगु दु ।
थ्व हे झ्वलय् दय् यकं थीथी प्रयोगशालाय् याःगु परिक्षण ४६३म्ह न्हुपि संक्रमित पिहा वःगु दु ।
थ्व नाप आः देय् यकं संक्रमितपि १२७७२म्ह थ्यःगु दु ।
थौं थपे जूपि १०५म्ह मिसापि जुगु धका स्वास्थ्य मन्त्रालयया प्रवक्ता डा. जागेस्वर गौतमं धाःगु दु ।
