Display Style:
Column Style
थौं ६२९म्ह कोरोना संक्रमण, संक्रमितपि १०७२८ थ्यन
लहनान्युज | दिल्लाथ्व तृतीया ११४०,असार १० बुधवाः
वःगु २४ घण्टाय् थप ६२९म्ह कोरोना भाइरस (कोभिड–१९) या संक्रमण पुष्टि जूगु दु । थ्व नाप संक्रमितपि १० हजार द्धः व ७२८म्ह थ्यःगु दु । थ्व नाप २४म्ह सीइगु दु ।
२४ घण्टाय् ११४म्ह डिस्चार्ज जुगु दु । नेपालय् कोरोना भाइरस संक्रमण जुया छेँ लिहा वःपि निद्धः व ३३८म्ह थ्यःगु दु ।
स्वास्थ्य तथा जनसंख्या मन्त्रालयया कथ थौं दकलय् अप्व कैलालीइ १५१म्ह संक्रमित जुगु दु ।
अथेहे, कञ्चनपुरय् ८६म्ह, दाङय् ७६म्ह, डोटीइ ४८ म्ह, रौतहटय् ४४ म्ह, सर्लाहीइ २१ म्ह, धनुषाय् २० म्ह, पाल्पाय् १५म्ह, सुर्खेतय् १४ म्ह, अछामय् १३ म्ह, महोत्तरीइ १२ म्ह, झापाय् ११म्ह व अछाम व प्युठानय् झीम्ह झीम्ह जुगु दु ।
अथेहे, कास्की, वाग्लुङ व बाँकेय् गुम्ह गुम्ह, बाजुराय् च्याम्ह, स्याङ्जा न्ह्यम्ह, सप्तरीइ खुम्ह, नवलपुर, गुल्मी व लमजुङय् न्याम्ह न्याम्ह, बैतडी, दैलेखय् प्यम्ह प्यम्ह, गोरखाय् स्वम्ह, पर्वत व धादिङय् निम्ह निम्हसित संक्रमण पुष्टि जुगु दु ।
येँ, ख्वप, चितवन, सुनसरी, मोरङ, तनहुँ, पर्वत, कपिलवस्तु, रुपन्देही, बर्दिया, जाजरकोट व कालीकोटय् छम्ह छम्हेसित संक्रमण पुष्टि जूगु दु ।
येँ महानगरपालिकां १६ अर्व ४२ करोडया बजेट हल
लहनान्युज | दिल्लाथ्व तृतीया ११४०,असार १० बुधवाः
येँ महानगरपालिकां वइगु आर्थिक बर्ष २०७७ व ०७८ या लागि १६ अर्व ४२ करोड ७३ लाख २६ द्धःया अनुमानित बजेट तथा कार्यक्रम सार्वजनिक याःगु दु ।
येँ महानगरपालिकाया उपप्रमुख हरिप्रभा खड्की श्रेष्ठं उगु बराबरया बजेट नगरसभां न्ह्यक्वःगु अधिवेशनय् प्रस्तुत याःगु दु ।
उपप्रमुख श्रेष्ठं प्रस्तुत यानादिगु बजेटय् आर्थिक बिकास क्षेत्रया लागि १७ करोड २३ लाख बिनियोजन याःगु दु । थ्व कुल बजेटया १ दशमलम ५ प्रतिशत खः । अथेहे कार्यालय सञ्चालन तथा प्रशासनिक क्षेत्रया लागि १ अर्ब ७८ करोड २७ लाख ५० द्धः बिनियोजन यानादिगु दु । थ्व कुल बजेटया १० दशमलब ८५ प्रतिशत खः ।
येँ महानगरपालिकां पूर्वाधार बिकास क्षेत्रया लागि ८ अर्ब ४३ करोड ४३ लाख ७१ द्धःया बजेट बिनियोजन याःगु दु । थ्व कुल बजेटया ५१ दशमलब ३४ प्रतिशत खः ।
सामाजिक बिकास क्षेत्रया लागि २ अर्ब ४९ करोड ९८ लाख बजेट बिनियोजन याःगु दु । थुगु कुल बजेटया १५ दशमलब २२ प्रतिशत खः । अथेहे सुशासन तथा अन्तर सम्बन्धित क्षेत्रया लागि ९६ करोड ३० लाख बजेट बिनियोजन याःगु खः ।
थुगु कुल बजेटया ५ दशमलब ८६ प्रतिशत खः । शसर्त अनुदान पाखे २ अर्ब ५७ करोड ५१ लाख ५ द्धः बिनियोजन याःगु खः । थ्व कुल बजेटया १५ दशमलब ६८ प्रतिशत खः ।
येँं महानगरपालिकाया आर्थिक बर्ष २०७७ व ०७८ या लागि १६ अर्ब ४२ करोड ७३ लाख २६ द्धः आम्दानी जुइगु प्रक्षेपण याःगु दु । उहि मध्ये अन्तरिक श्रोतपाखे कुल ६ अर्ब ७६ करोड ६५ लाख आम्दानी जूयगु प्रक्षेपण याःगु दु । थ्व कुल आम्दानीया ४१ प्रतिशत खः ।
अथेहे बाह्य श्रोतपाखे निःशर्त अनुदानपाखे १ अर्ब ४२ करोड ४८ लाख ९५ द्धः, शःसर्त अनुदान पाखे २ अर्ब ५७ करोड ५१ लाख ५ द्धः, सामाजिक सुरक्षा भत्ता बापत १ अर्ब २० करोड, जग्गा एकीकरण पाखे ९६ करोड ८ लाख २६ द्धः याना कुल ६ अर्ब १६ करोड ८ लाख २६ द्धः आम्दानी जूइगु प्रक्षेपण याःगु दु । थ्व कूल आम्दानीया ३७ दशमलब ५० प्रतिशत खः । कुल आम्दानीइ मगाःगु रकम ३ अरब ५० करोड बैंक मौज्दातपाखे पुलिगु महानगरपालिकां प्रस्तुत याःगु बजेटय् उल्लेख याःगु दु । थ्व कूल आम्दानीया २१ दशमलब ३० प्रतिशत खः ।
महानगरपालिकाया आम्दानी प्रक्षेपण थज्याःगु दु
आन्तरिक स्रोतपाखे महानगरपालिकां ६ अर्ब ७६ करोड ६५ लाख आन्दानी यायेगु लक्ष्य काःगु दु । उकि मध्ये अन्तर्रगत प्रमुख स्रोतया रुपं बहाल करपाखे १ अर्ब ५० करोड असुल
यायेगु लक्ष्य काःगु दु सा सम्पत्ति करपाखे ८० करोड उठे यायेगु लक्ष्य काःगु दु । अथेहेतु व्यवसाय करपाखे ४० करोड, विज्ञापन करपाखे ६ करोड असुली यायेगु लक्ष्य महानगरपालिकां कया तःगु दु । शुल्क आयपाखे १ अर्ब ५० करोड असुल यायेगु लक्ष्य कया तःगु दु । कवाडी कर लगायतपाखे महानगरपालिकां आम्दानी यायेगु लक्ष्य कया तःगु दु । महानगरपालिकां आन्तरिक स्रोतपाखे कुल बजेटया ४१ दशमलब १९ प्रतिशत असुल यायेगु लक्ष्य दु ।
गण्डकी प्रदेशय् थप ३२म्ह कोरोना संक्रमण पुष्टि
लहनान्युज | दिल्लाथ्व तृतीया ११४०,असार १० बुधवाः
गण्डकी प्रदेशया च्याःगु जिल्लाय् थप ३२म्ह कोरोना भाइरस संक्रमण पुष्टि जूगु दु ।
लम्जुङय् न्याम्ह, पर्बतय् छम्ह, स्याङ्जाय् न्ह्यम्ह, कास्कीइ न्याम्ह, गोरखाय छम्ह, तनहुँइ छम्ह व नवलपुरय् स्वम्हेसित कोरोना संक्रमण पुष्टि जूगु दु ।
थ्व नाप गण्डकी प्रदेशय् कोरोना संक्रमण पुष्टि जूपि ७२९म्ह थ्यःगु द धका गण्डकी प्रदेश कोरोना नियन्त्रण तथा रोकथाम कार्यक्रमया निर्देशक डा. विनोद विन्दु शर्मां धयादिगु दु ।
पिने वःपिन्त आः १४दिं होम क्वारेन्टिनय् तइगु
लहनान्युज | दिल्लाथ्व दुतीया ११४०,असार ९ मंगलवाः
गृह मन्त्रालयं स्वनिगः पिने वःपिन्त १४न्हु तक होम क्वारेन्टिनय् तयेगु लागि स्वंगू जिल्लाया जिल्ला प्रमुख जिल्ला अधिकारीपिन्त परिपत्र छ्वःगु दु ।
वःगु छु दिं न्ह्यः छेँ थुवाःपिन्स पीसीआर विधिपाखे कोरोना संक्रमण परीक्षण मयासे छेँ दुवा वयेके मबिगुलि शुक्रराज ट्रपिकल तथा सरुवा रोग अस्पतालय् न्हि द्धःछि मल्याक मनूत जाँचय् याः वया च्वंगु खः ।
पीसीआर टेष्टया लागि वःपि अप्वःगुलि स्वास्थ्य तथा जनसंख्या मन्त्रालयं स्वनिगः न पिन्त १४दिं होम क्वारेन्टिनय् तयेगु व लक्षण खने दतकि जक अस्पताल वयेगु व्यवस्था मिले यायेत गृहं पौं छ्वःगु खः ।
वया लिपा गृहं येँ, ख्वपः व यलया प्रमुख जिल्ला अधिकारीपिन्त स्वास्थ्यया पौं कथं कारबाही यायेत निर्देशन बिउगु खः ।
नेपालय् कोरोना संक्रमितपि झीद्धः स्वया अप्वल
लहनान्युज | दिल्लाथ्व दुतीया ११४०,असार ९ मंगलवाः
वःगु २४ घण्टाय् थप ५३८म्हेसित कोरोना भाइरस (कोभिड–१९) या संक्रमण पुष्टि जूगु दु । ग्व नाप संक्रमितपि झीद्धः स्वया अप्वगु दु ।
अथेहे कोरोना संक्रमणं थौं छम्ह सीगु दु धका स्वास्थ्य तथा जनसंख्या मन्त्रालयं पुष्टि याःगु दु । सुर्खेतया वीरेन्द्रनगर प्रदेश अस्पतालय् सघन उपचार कक्ष (आईसीयू) लय् उपचार याना च्वम्ह दैलेख दुल्लु नगरपालिका–३ या ४५दँ दुम्ह मिजंम्ह सीगु दु ।
वयात कोरोना संक्रमण पुष्टि जुइवं असार ४ गते अस्पतालमा भर्ना याःगु खः ।
मन्त्रालयया कथं थौं संक्रमण पुष्टि जूपि दकलय् अप्व प्युठानय् ५०म्ह थपे जूगु दु । अथेहे, पाल्पाय् ४८म्ह, धनुषाय् ३९म्ह, कैलाली ३८म्ह, गोरखा २९म्ह, सुर्खेत २३म्ह, सप्तरी, स्याङ्जा, नवलपुर, बझाङ व दैलेखय् नीनिम्ह नीनिम्ह, पर्वतय् २१म्ह, बाजुराय् २०म्ह, दाङय् १९म्ह, धादिङय् १८म्ह, कञ्चनपुरय् १७म्ह, बाग्लुङय् १४म्ह, रौतहटय् १३म्ह, महोत्तरी व झापाय् झीनिम्ह झीनिम्ह सक्रमण पुष्टि जूगु दु ।
अथेहे, कास्की व तनहुँ च्याम्ह च्याम्ह, सिराहा व अछामय् न्ह्यम्ह न्ह्यम्ह, लमजुङ व गुल्मीइ न्याम्ह न्याम्ह, सल्यान व डडेलधुराय् प्यम्ह प्यम्ह, सुनसरी व रुपन्देहीइ स्वम्ह स्वम्ह मोरङ, तेह्रथुम, अर्घाखाँची व सर्लाही निम्ह निम्हसिगु रिपोर्ट पोजेटिभ वःगु दु ।
कालीकोट, हुम्ला व पर्वतय् छम्ह छम्हसित कोरोना संक्रमण पुष्टि जूगु दु । थ्व नाप नेपालय् कोरोना संक्रमितपि आः झीद्धः व ९९म्ह थ्यःगु दु ।
उकि मध्ये २४म्ह सीइ धुकुकुगु दु सा २२२४म्ह डिस्चार्ज जुइ धुकुगु दु ।
