Display Style:
Column Style
लुँया भाः थौं १२ सय क्वहा वल
शोभा श्रेष्ठ | अनलाथ्व सप्तमी ११४०,असोज ७ बुधवाः
थुगु वाः लुँ वहःया भाः क्वहा वया च्वंगु दु ।
थौं बुधवाः जक लुँ तोलाय् १२ सय क्वहा वःगु दु सा वहः तोलाय् ४० रुपैयाँ क्वहा वःगु दु ।
नेपाल सुनचाँदी व्यवसायी महासंघं थौं बुधवाः छापावाल लुँ तोलाय् ९४ हजार ३ सय कायम जुगु दु । म्हिगः मंगलाः ९५ हजार ५ सय थ्यःगु खः ।
अथेहे तेजावी लुँ न तोलाय् १२ सय क्वहा वया ९३ हजार ८ सय कायम जुगु धका महासंघं धाःगु दु । म्हिगः मंंगलवाः ९५ हजार थ्यःगु खः ।
अथेतु वहः तोलाय् न ४० रुपैयाँ क्वहा वःगु दु । महासंघं थौं बुधवाःया लागि वहः तोलाया भाः ११९० तोके याःगु दु ।
साझा ताहाकःगु दूरीया बस थौंनिसे चले जुइगु
लहानान्युज | अनलाथ्व सप्तमी ११४०,असोज ७ बुधवाः
साझा यातायातं ताहाकःगु दूरीया बस थौं बुधबार निसे चले याये त्यःगु दु ।
थौं वहनि निसे बस सेवा यायेगु धका साझा यातायातया निमित्त प्रमुख कार्यकारी अधिकृत महेन्द्रराज पाण्डें जानकारी बियादिगु दु ।
निमित्त प्रमुख कार्यकारी अधिकृतया कथं येँ (पोखरा(कुस्मा(बाग्लुङ व बुटवल(भैरहवा(सुनौली रुटय् बस चले जुइ त्यःगु खः । अथेहे सरकारं तोके याःगु भाडादर व स्वास्थ्य मापदण्ड पालना यासे थौं बहनि ७ बजे न्हुगु बसपार्कं व ७ः३० बजे कलंकी न बस छुटे जुइ धका धाःगु दु ।
थ्व स्वया न्ह्यः ताहाकःगु साझा बस सेवा कोरोना भाइरस सङ्क्रमणया जोखिम कम यायेत सरकारं यातायात सञ्चालनय् रोक लगे याःगु खः । यात्रुपिन्स साझाया कार्यालय हरिहरभवन, न्हगु बसपार्क वा ई सेवापाखे टिकट काटे यायेगु व्यवस्था दुगु धका साझ धाःगु दु।
स्वनिगःया २४३गु युनिटय् मानवअधिकार सम्बन्धी प्रशिक्षण बिइगु
लहानान्युज | अनलाथ्व सप्तमी ११४०,असोज ७ बुधवाः
प्रहरी दाया घाःपा जुगु व यातनाया घटनाहरु सार्वजनिक जुया च्वंगु इलय् महानगरीय प्रहरी कार्यालय रानीपोखरी नं स्वनिगःया २४३ गु युनिटय् मानवअधिकार सम्बन्धी प्रशिक्षण बिइ त्यःगु दु ।
प्रशिक्षण बिइगु लागि एसएसपी सुशील कुमार यादव व किरण बज्राचार्यया नेतृत्वय् टोली खटे याःगु दु ।
जनताया हक अधिकारयात सम्मान यासे व्यवसायिक जिम्मेवारी गये याना पूरा यायेगु धका जवाननिसे अधिकृत तक प्रशिक्षण बिइगु महानगरीय प्रहरी कार्यालय रानीपोखरीया डीआईजी विश्वराज पोखरेलं धाःगु दु ।
कोरोना संक्रमणया जोखिम बाबजुद न ड्युटी पूरा याये माःगुलि कर्मचारी व्यक्तिगत, पारिवारिक व मनोगत समस्या खने दुगुलि प्रशिक्षण बिइ त्यनागु धका धाःगु दु ।
कोरोना संक्रमणया जोखिमयात बेवास्ता यासे सतक प्रदर्शन याना वयाच्वंगुलि प्रहरीं निर्मम ढंगं दाययेगु याना हःगुलि नेपाल प्रहरीया आलोचना जुया वयाच्वंगु दु ।
थौंकन्ह्य कुलमान घिसिङयात नेपाल विद्युत प्राधिकरणय् निरन्तरता बिइ माःगु माग यासे प्रदर्शनय् कुहा वया च्वंगु इलय् प्रहरीं बबरमहलय् घाःपा जुइक दागु खः ।
अथेहे संविधान दिवसया सन्दर्भय् मिडियायात प्रतिक्रिया बिया च्वम्ह छम्ह मनूयात नयाँबानेश्वरय् प्रहरी दाःगु खः ।
सप्तरीया नगर प्रमुखयात कोरोना सक्रमण
लहानान्युज | अनलाथ्व सप्तमी ११४०,असोज ७ बुधवाः
सप्तरीया हनुमाननगर कङ्कालिनी नगरपालिकाय् थीथी वडाय् छन्हु हे गुगू ज्याझ्वलय् ब्बति कया पिसीआर परीक्षण याःगु इलय् हनुमाननगर कङ्कालिनी नगरपालिकाया नगर प्रमुख व वया चालकयात थौं सङ्क्रमण खने दुगु दुु ।
हनुमाननगर कङ्कालिनी नगरपालिका–९ या ४२ दँ दुम्ह नगर प्रमुख नाप वया परिवारय् न्ह्यम्हेसिगु स्वाब परीक्षण याःगुलि थःत व राजविराजय् च्वम्ह वया चालकयात कोरोना सङ्क्रमण खने दुगु धका नगर प्रमुखं जानकारी बिःगु खः ।
गुगू निर्माण ज्याया उलेज्याझ्वलय् लिपा परिवार नाप जनकपुर वःगु खःसा नगर प्रमुख वःगु असोज ३ गते पिसीआर परीक्षणया लागि बिःगु स्वाब रिपोर्टय् थौं पोजिटिभ वःगु खः ।
पोखराय् पर्यटकीय गतिविधि न्ह्यात
लहानान्युज | अनलाथ्व षष्ठी ११४०,असोज ६ मंगलवाः
पोखरा पर्यटन परिषदको पोखराका होटल, रेष्टुरेन्ट, ट्राभल, ट्रेकिङ लगायत मेमेगु पर्यटकीय गतिविधि न्ह्याःगु दु ।
नेपाल सरकारं तोके याका याःगु स्वास्थ्य तथा सुरक्षाया मापदण्डयात पूर्ण पालना याना जिल्ला प्रशासन कार्यालय कास्कीं असोज १ य् जारी याःगु सूचनाया पूर्ण पालना यासे पर्यटकीय गतिविधि सुरु जुगु परिषदं धाःगु दु ।
नेपाल सरकारं सार्वजनिक सवारी, पर्यटकीय सवारी व आन्तरीक उडानयात सुचारु यायेत बिःगसस अनुमतियात लसकुसयासे पोखराय् दक्को होटल, रेष्टु्ररेन्ट, टेकिङ, ट्राभल लगायतया मेमेगु पर्यटकीय गतिविधि विश्व स्वास्थ्य संगठनया गाइडलाइन व नेपाल पर्यटन बोर्डया सुरक्षा मापदण्डयात पूर्ण रुपं पालना याना सुचारु यायेगु निर्णय यानागु धका परिषद् धाःगु दु ।
पोखरा पर्यटन परिषद पोखराय् पर्यटन नाप प्रत्यक्ष रुपं सम्बन्धीत व्यवसायीक संस्थापिनिगु छाता संगठन खः । नेपालय् कोभिड १९ या संक्रमणयात म्हो यायेत सरकारं पाखे घोषणा याःगु लकडाउन व निशेद्याज्ञयात छ्वासुकुलि मेमेगु व्यवसाय विस्तारं न्ह्याःगु पर्यटन क्षेत्र बन्दाबन्दी जुगुलि थीथी थाय् या पर्यटन बजारयात चलायमान दयेकेत अपने यायेगु मोडलयात सकारात्मक रुपं काये माःगुलि व्यवसाय सूरु यायेमाःगु परिषद् धाःगु खः।
