Display Style:
Column Style
थौ ४३४म्ह कोरोना संक्रमण पुष्टि
लहनान्युज | दिल्लाथ्व चतुर्थी ११४०,असार ११ बिहीवाः
वःगु २४ घण्टाय् थप ४३४म्हेसित कोरोना भाइरस (कोभिड(१९) या संक्रमण पुष्टि जूगु दु ।
थ्व नाप नेपालय् कोरोना संक्रमितपि आः ११द्धः स्वया अप्वगु दु धका स्वास्थ्य तथा जनसंख्या मन्त्रालयं धाःगु दु ।
मन्त्रालयया कथं थौं स्वनिगलय् गुम्ह कोरोना संक्रमित थपे जूगु दु । येँय् निम्ह मिसा व निम्ह मिजं, ख्वपुय् छम्ह मिसा व स्वम्ह मिजं व यलय् छम्ह मिजंम्हेसित संक्रमण पुष्टि जूगु दु ।
थौं दकलय् अप्व पाल्पाय् १२२म्हेसित संक्रमण जूगु दु । अथेहे, कञ्चनपुरय् ६०म्ह, रौतहटय् ३८म्ह, दैलेखय् १९ म्ह, बझाङय् १८ म्ह, अछाम व सुर्खेतय् झीस्वम्ह झीस्वम्ह व डडेलधुराय् १२म्हेसित कोरोना संक्रमण पुष्टि जूगु दु ।
अथेहे, तनहुँ व धनुषाय् गुम्ह गुम्ह, बाजुरा व सप्तरीय् च्याम्ह च्याम्ह, प्युठान व रुपन्देही न्ह्यम्ह न्ह्यम्ह, सुनसरी, बर्दिया व म्याग्दीइ खुम्ह खुम्ह, सर्लाही, महोत्तरी व नवलपरासीइ न्याम्ह न्याम्ह, बैतडी, कैलाली, कालीकोट, बाँके, नवलपरासी व ताप्लेजुङय् स्वम्ह स्वम्ह नाप सिराहा, इलाम, जुम्ला, लमजुङ, रामेछाप, धादिङ, गोरखा व बाग्लुङय् निम्ह निम्हेसित संक्रमण पुष्टि जूगु दु ।
बाँके, दार्चुला, खोटाङ, जुम्ला, ओखलढुङ्गा, कास्की, सल्यान, झापा, मोरङ, बारा, डोल्पा, दाङ, गुल्मी, स्याङ्जा व रुकुमपूर्वय् छम्ह छम्हेसित संक्रमण पुष्टि जूगु धका स्वास्थ्य मन्त्रालयं धाःगु दु ।
थ्व नाप नेपालय् आःतक संक्रमितपि ११ द्धः १६२म्ह थ्यःगु दु ।
मन्त्रालयं धाःगु कथं वःगु २४ घण्टाय् कोरोना संक्रमणया कारण निम्ह सीगु दु । थौं सीपि स्याङ्जाया सिरुवारीय् ५५ दँ दु म्ह मिजम्ह पोखरा स्वास्थ्य विज्ञान प्रतिष्ठानय् उपचारय् झ्वलय् मदुगु खः । मेम्ह पाटन अस्पतालय् उपचार याना च्वम्ह ५०दँयाम्ह न सीगु दु ।
वःगु २४ घण्टाय् देय् यकं अस्पताल व आइसोलेसन सेन्टरपाखे ३१२म्ह डिस्चार्ज जूगु दु । थ्व नाप थौं तक डिस्चार्ज जूपि २६५०म्ह थ्यःगु दु ।
अथेहे, देय् यकं क्वारेन्टिनय् ७४ द्धः व २२म्ह दु धका मन्त्रालयं धाःगु दु ।
खरिपाटी क्वारेन्टिनं छेँय् लिहा वःपि प्यम्ह कोरोना संक्रमण पुष्टि
दिल्लाथ्व चतुर्थी ११४०,असार ११ बिहीवाः
ख्वपय् खरिपाटी क्वारेन्टिनं छेँय् लिहा वःपि प्यम्हेसित कोरोना भाइरस (कोभिड–१९) या संक्रमण पुष्टि जूगु दु ।
उपि जेठ २३ गते यूएईपाखे नेपाः वःपि खः । एयर अरेबियाया जी ९ १७५१ नम्बरया विमानं १५७म्ह येँय् हःपि खः ।
उमिगु तहाक न्ह्यः तक स्वाब संकलन यायेगु मयायेगु अन्यौल दुपि खः । १४न्हु तक स्वाब संकलन याना छेँय् छ्वःपि खः ।
उपि स्वाब संकलन याना छेँय् वःपि खः ।
तर बिहीवाः झीम्ह मध्ये छम्ह मिसा व स्वम्ह मिजंपिन्त संक्रमण पुष्टि जूगु दु ।
येँ महानगरं कर बक्यौता लगे जुइगु जरिवानाय् पूर्ण छुट याइगु
नृपेन्द्रलाल श्रेष्ठ | दिल्लाथ्व चतुर्थी ११४०,असार ११ बिहीवाः
येँ महानगरपालिकां कोभिड–१९ य् प्रभावया कारण करदातापिन्त असुल यायेगु बांकी जुगुलि आर्थिक बर्ष २०७६ व ०७७ या दक्को प्रकारया कर बक्यौताय् लगे जुइगु जरिवानाय् पुरा हे छुट बिःगु दु । अथेह, कोभिड–१९ या कारण महानगर च्वपिन्त याइगु प्रभावयात स्वया आर्थिक बर्ष २०७७÷०७८ या पुस मसान्त दुने सम्पत्ति कर दाखिला यात धाःसा थुगु आर्थिक बर्षय् लगे जुइगु सम्पत्ति करय् झीगु प्रतिशत छुट बिइगु धका धाःगु दु । ‘छेँ जग्गा कर वा सम्पत्ति करया बक्यौताया हकय् धाःसा अथे छुट बिइ मखू,’ प्रस्तुत आर्थिक विधेयकय् धाःगु दु, सर्वसाधारणपिन्स सवारी साधन पार्किङ प्रयोजनया लागि व्यवसायिक रुपं निर्माण याइगु भवनय् हकय् भवन निर्माण सम्पन्न जूगु मितिं ५दँ तक सम्पत्ति कर छुट दइ ।’
होटल तथा पर्यटन क्षेत्रया सम्पति करय् भारी छुट
महानगरपालिकां थौंकन्ह्य बिश्वब्यापी महामारीया फैलै जुगु कोभिड–१९या प्रभावं होटल तथा पर्यटन क्षेत्रय् याःगु असरयात ध्यानय् तया, रिसोर्टया नामय् छेँ जग्गा दुगु वा लिजय् कया तःगु होटेल, रिसोर्ट निर्माण यायेगु सञ्चालन जूगु करदाताया हकय् आर्थिक बर्ष २०७६÷७७ तक छेँ जग्गा कर÷सम्पत्ति कर चुक्ता यात धाःसा आर्थिक बर्ष २०७७÷७८ या सम्पत्ति करय् थप पचहत्तर प्रतिशत छुट बिइगु जानकारी बिःगु दु ।
२०७७ पुस मसान्त दुने सम्पती कर बुझे यातकि झीगु प्रतिशत छुट जोडे यातकि होटल, रिसोर्ट क्षेत्रयात ८५ प्रतिशत सम्पति कर छुट जुइ ।
बार्षिक बहाल करय् १० प्रतिसत छुट
येँ महानगरपालिकां बिश्वब्यापी महामारीया रुपय् फैले जूगु कोभिड–१९या प्रभावं छेँ बाः पुला च्वपि नगरबासीपिन्त असर जुइगु ध्यानय् तया कम्ति न लच्छिया छेँ बहाः छुट बिउपि छेँ थुवाः तयेत छुट बिगु स्वघोषणा याना आर्थिक बर्ष २०७६÷७७ य् पुले मानिगु छेँ बहाः कर चुक्ता याः वःसा बार्षिक बहाः करय् झीगु प्रतिशत छुट बिइगु जुगु दु । ‘तर, आर्थिक बर्ष २०७६÷७७ य् छेँ, जग्गा तथा सम्पत्ति भाडाय् लगे याःगु बापतया बहाः कर छुट मकासे चुक्तायापि करदाताया हकय् कोभिड–१९ या कारण कम्तिइ न लच्छिया छेँ बहाः छुट बिउपि छेँ थुवालं छुट बिःगु स्वघोषणा यासा आर्थिक बर्ष २०७७÷७८ य् पुले माःगु बार्षिक बहाः करय् झीगु प्रतिशत छुट बिगु बहाल कर मिले याइ,’ धका आर्थिक विधेयकय् उल्लेख याःगु दु । .
व्यवसाय करमा ५० प्रतिसतसम्म छुट
त्यसैगरी काठमाडौँ महनगरपालिकां बिश्वब्यापी महामारीया रुपं फैले जुगु कोभिड–१९ रोकथामया लागि नेपाल सरकारं घोषणा याःगु बन्दाबन्दीया कारणं येँ महानगरपालिय् ब्यापार ब्यवसाय याना च्वपि करदातापिन्त व्यवसाय करय् ५० प्रतिशत तक छुट बिःगु दु ।
महानगरपालिकां आर्थिक बर्ष २०७७÷७८ य् लगे जुगु ब्यवसाय करय् होटल, पर्यटन तथा मनोरन्जन क्षेत्र नाप सम्बन्धित ब्यवसायीपिन्स पुलेइगु ब्यवसाय करय् पचास प्रतिशत व मेमेगु दक्को ब्यवसायीपिन्स पुलेइगु ब्यवसाय करय् बीस प्रतिशत छुट बिइगु व्यवस्था याःगु दु ।
होटल, पर्यटन तथा मनोरञ्जन व्यवसायय् पाँचतारे होटल, चारतारे होटल, तिनतारे होटल,दुइतारे होटल, एकतारे होटल, चलचित्र प्रर्दर्शनी घर,साधारण होटल, लज, गेष्ट हाउस, होमस्टे,होस्ट, रेष्टुरेन्ट एण्ड बार ट्राभल व ट्रेकिङ एजेन्सी, रिक्रियसन कासा लगायतया खः ।
अथेहे होटल, पर्यटन तथा मनोरञ्जन व्यवसायय् विदेशी विमान सेवा स्वदेशी विमान सेवा हस्तकला निर्यात ब्यवसाय, क्यासिनो, वायुयान भाडाय् लगे याइगु व्यावसाय, टे«किङ सामान पसः, डिस्को थेक, नाइट क्लब, विविध मनोरञ्जन सेवा प्रदान याइगु व्यावसाय, थान्का पसः, बैदेशिक रोजगार संर्पक व्यवसाय, डान्स टे«निङ्ग सेन्टर, संगित सम्वन्धि सेवा प्रदान याइगु व्यावसाय लगायत खः ।
गण्डकी प्रदेश्य् थप ११म्ह कोरोना सङ्क्रमित
लहनान्युज | दिल्लाथ्व चतुर्थी ११४०,असार ११बिहीवाः
गण्डकी प्रदेशय् थप ११ म्ह कोरोना सङ्क्रमण पुष्टि जूगु दु ।
गण्डकीया प्यःगु जिल्लाय् न्हुपि सङ्क्रमित पिहा वःगु दु ।
म्याग्दीइ खुम्ह, बाग्लुङय् निम्ह, नवलपरासी सुस्ता पूवय् निम्ह व स्याङजाय् छम्हेसित कोरोना सङ्क्रमण पुष्टि जूगु दु । ११म्ह न्हुपि थपे जूइवं प्रदेशय् सङ्क्रमितपि आः ७५३म्ह थ्यःगु दु धका प्रदेश स्वास्थ्य निर्देशनालयं धाःगु खः ।
नवलपरासीइ सङ्क्रमितपि आईसोलेशनय् तःगु दु सा मेमेपिन्त आईसोलेशनय् यंकेगु तयारी याना च्वंगु धका गण्डकी प्रदेशया स्वास्थ्य निर्देशक एवं प्रदेश कोरोना नियन्त्रण तथा रोकथाम कार्यक्रमया प्रवक्ता बिनोद बिन्दु शर्मां जानकारी बियादिगु खः ।
गण्डकी प्रदेशय् कोरोना सङक्रमितपि ७५३ मध्ये ९१म्ह छेँय् लिहा वने धुकुगु दु । अन छम्हसिगु ज्यान वःगु दु ।
कोभिड–१९ या असर व रोकथाम न्युनिकरण प्राथमिकता
नृपेन्द्रलाल श्रेष्ठ | दिल्लाथ्व तृतीया ११४०,असार १० बुधवा:
कोभिड–१९ या असर, उकिया रोकथाम व थुकि याइगु प्रभाबयात न्यूनीकरणया लागि विशेष ज्याझ्वः बजेट विनियोजनय् उल्लेख याःगु दु ।
महानगरया लागि बिशेष महत्व माने याना तःगु योजना येँ महानगरपालिकाया कार्यालय भवनया निर्माण, भर्टिकल पार्किंग भवन निर्माण, पर्यटन पदमार्ग बिकास, कोटेश्वर तीनकुनेय् बुद्ध पार्क निर्माण, मेघा हल निर्माण, सार्बजनिक जग्गा संरक्षण, पार्क निर्माण तथा हरियाली प्रवर्द्धन, खुसी नियन्त्रण तथा कोरिडोर निर्माण, शहरी यातायात ब्यबस्थापन थेज्याःगु ज्याझ्वः बजेटय् प्राथमिकताय् तया तःगु दु ।
सम्वृद्धिया लागि सहकारी अभियान, एकीकृत शिप बिकास कार्यक्रम, मेड इन काठमाडौँ, जीबन निर्वाहया लागि पारिश्रमिक ज्याझ्वः, हप अन हप अफ बस संचालन, प्रबिधीमैत्री सिटि लाइब्रेरी, महानगर महिला सहजिकरण केन्द्र स्थापना तथा संचालन, युवानाप मेयर ज्याझ्वः व वडा–वडाय् मेलमिलाप शिबिर संचालन थेज्याःगु महत्वपूर्ण ज्याझ्वःया लागि न महानगरपालिकां बजेट बिनियोजन याःगु दु ।
गोष्ठी, तालिमय् बजेट कटौती, सम्पदा संरक्षण व पूर्वाधारय् जोड
अथेहे येँ महानगरपालिकां वइगु आर्थिक दँय् सम्पदा संरक्षण तथा सम्बर्दन व पूर्वाधार बिकासयात महत्व बिया बजेट बिनियोजन याःगु दु ।
गोष्ठी, तालिम, सम्मेलन व मेमेगु प्रशासनिक खर्चय् छू बजेट कटौती याःगु दु । ‘महानगरपाखे संचालित बिकास ज्याझ्वः सुनिश्चितताया लागि सुत्रया आधारित बजेट प्रणाली, महानगरपालिकाया प्रशासनिक सुधार, मितव्ययिता व पारदर्शितापूर्ण कार्य प्रणाली, भ्रष्टाचारय् शून्य सहनशिलता थे जाःगु पारित नीति तथा कार्यक्रमं महानगरं निर्धारित याःगु लक्ष्य हासिल याइगु बिश्वास काःगु दु धकाः,’ बजेट प्रस्तुत यानादिसे उपप्रमुख हरिप्रभा खड्की श्रेष्ठं धयादिगु दु, ‘जिमिपाखे संचालित बिकासया गतिबिधि इलय् सिधकेगु लक्ष्य हासिल याना जनअपेक्षा पुरा यायेगु झीं जनप्रतिनिधी, सम्बद्ध कर्मचारी दक्कोसिगु उच्च निष्ठा, प्रतिबद्धता व सकारात्मक सोच आवश्यक दु धइगु छु न शंका मदू धका धयादिगु दु ।’
