Display Style:
Column Style
थौं थप ५५४म्हेसित कोरोना संक्रमण पुष्टि
नृपेन्द्रलाल श्रेष्ठ | दिल्लाथ्व षष्ठी ११४०,असार १३ सनीवाः
वःगु २४ घण्टाया दुने थप ५५४म्हेसित कोरोना भाइरस (कोभिड(१९)या संक्रमण पुष्टि जूगु दु ।
थ्व नाप आःतक संक्रमितपिनिगु ल्याः १२३०९ म्ह थ्यःगु दु ।
स्वास्थ्य तथा जनसंख्या मन्त्रालयया कथं नेपाःया दक्को ७७ जिल्लाय् हे संक्रमितपि पिहावःगु दु ।
मन्त्रालयया कथं वःगु २४ घण्टाय् ४६०६म्हसिगु नमुना पीसीआर टेष्ट याःगु खः ।
कैलालीइ छम्ह सङ्क्रमितया ज्यान वन
लहनान्युज | दिल्लाथ्व षष्ठी ११४०,असार १३ सनीवाः
कैलालीइ छम्ह कोरोना सङक्रमितम्हेसिगु ज्यान वःगु दु ।
गोदावरी नगरपालिका–७ याम्ह ५० दँ दुम्ह मिजंम्ह शनिबार सुथय् ९ बजे चितवनया भरतपुर अस्पतालया आईसीयू कक्षय् ज्यान वःगु दु ।
उम्ह मनू क्यान्सरया बिरामी जुम्ह खः । चितवन मेडिकल कलेजय् उपचार याना च्वम्ह बिहीवाः चान्हय कोरोना सङ्क्रमण पुष्टि जुइव भरतपुर अस्पतालय् यंकूगु खः ।
शुक्रवाः न्हिनय् स्वास्थ्य अवस्था समस्या जुगुलि आइसोलेशन वार्डं आइसीयूलय् सारे याःगु खः । स्वास्थ्य मन्त्रालय धाःसा थुकियाःगु पुष्टि याये ल्यःदनि ।
थ्व नाप कैलालीइ जक कोरोनाया कारण प्यम्हेसिगु ज्यान वःगु दु ।
सुदूरपश्चिमय् कोरोनाया कारण ज्यान वःपि खुम्ह थ्यःगु दु । थ्व नाप देय् यकं कोरोनाया कारण २८म्हेसिगु ज्यान वने धुकुगु दु ।
कैलालीइ छम्ह सङ्क्रमितया ज्यान वन
किपूया ल्याव परिक्षणय् स्वास्थ्य मन्त्रालयया अधिकारीपिन्स अनुगमन
लहनान्युज | दिल्लाथ्व षष्ठी ११४०,असार १३ सनीवाः
किपू नगरपालिकां त्रिभुवन विश्वविद्यालयया त्रिवि लायन्स रक्त सञ्चार केन्द्र भवनय् दयेकूगु Polymerase chain reaction (पीसीआर) ल्याव स्वास्थ्य मन्त्रालयया अधिकारीपिन्स
अनुगमन याःगु दु ।
नेपाल सरकारं २१ क्वःगु पीसीआर ल्याबया रुपय् दयेकूगु प्रयोगशाला कन्ह्य आइतवाः निसे सञ्चालन यायेगु तयारी दुगु खः । तर मन्त्रालयया अनुगमन लिपा अझ मेगु पूर्वाधार ल्यःदनिगुलि छु भचा ई लिपा जक प्रयोगय् हयेगु जुइ धका धाःगु दु ।
मन्त्रालयया विज्ञपि खेमराज सापकोटा व बलराम गौतमं उगु प्रयोगशालाया अनुगमन याःगु खः । त्रिभुवन विश्वविद्यालय, बायोटेक्नोलोजिया विद्यार्थीपिनिगु ग्वाहालिं किपू नगरपालिकां उगु प्रयोगशाला दयकूगु खः ।
उगु अनुगमनय् किपू नगरपालिकाया मेयर रमेश महर्जन, उप–प्रमुख सरस्वती खड्का लगायत जनप्रतिनिधि, कर्मचारीपि व त्रिभुवन विश्वविद्यालयया उच्च पदाधिकारीपिनिगु ब्बति दुगु खः ।
पत्रकारपिन्त दुर्वब्यवहार प्रति पत्रकार दबूया आपति
नृपेन्द्रलाल श्रेष्ठ | दिल्लाथ्व पंचमी ११४०,असार १२ शुक्रवाः
नुवाकोटया तारकेश्वर गाउँपालिकाय् वःगु असार १० गते गाउँसभाया समाचार संकलन यायेगु लागि वःपि पत्रकारपिन्त दुब्र्यवहार प्रति नेवाः पत्रकार राष्ट्रिय दबू न छगू बिज्ञप्ति पिकया बिरोध याःगु दु ।
प्रेस स्वतन्त्रताया संरक्षण एवं ब्यापक अभ्यासय् सक्रिय जुइ माःगु स्थानीय तह व जनप्रतिनिधिपिन्स हे पत्रकारपिन्त दुब्र्यवहार, आक्रमण प्रयास एवं क्यामेरा तक तोडफोड याःगु घटनाप्रति नेवाः पत्रकार राष्ट्रिय दबूया ध्यानाकर्षण जूगु खः ।
नुवाकोट जिल्ला, तारकेश्वर गाउँपालिकाय् वःगु २०७७ असार १० गते बुधवाः जूगु गाउँसभाया गाउँपालिका अध्यक्षं नीति तथा कार्यक्रम प्रस्तुत याये त्यःगु इलय् समाचार संकलन याः वःपि नेवाः पत्रकार राष्ट्रिय दबूया सदस्य त्रिशुली खबर साप्ताहिकया सम्पादक नवदीप श्रेष्ठ व मिक्स एफएमया प्रमुख विष्णुप्रसाद अधिकारीयात दुब्र्यवहार यासे आक्रमण यायेगु प्रयास जूगु नाप टिभी त्रिशुलीया समाचार प्रमुख सुजित भण्डारीयात तक आक्रमण प्रयास, सवारी साधन तथा क्यामेरा तक लाका कया तोडफोड याःगु घटनायात बिरोध याःगु दु ।
पत्रकार भण्डारी असुरक्षाया कारण थःगु थःगु मोटरसाइकल घटनास्थलय् त्वःता प्रहरीया सवारी साधनं विदुर लिहाः वने माःगु अवस्थां पत्रकारिता क्षेत्रय् संरक्षण व प्रोत्साहन याये मापि मनूपि पाखे हे जोखिम अप्वया वःगु दु धका धाःगु दु ।
तारेकश्वर गाउँपालिका वडा नं. १ या अध्यक्ष दयानिधि अधिकारी, वडा नं. ३ या अध्यक्ष सुर्यमान श्रेष्ठ व वडा नं. ६ या अध्यक्ष ज्ञानेन्द्र तामाङंपिन्स क्यामरा लाका कया अथे दुब्र्यवहार याःगु खः ।
प्रेस स्वतन्त्रताया लागि हाकुगु धब्बा जुगु उगु घटनाय् संलग्न दोषीयात कारवाही नाप क्षतिपूर्तियो जोडदार माग याःगु दुं । पत्रकारिता क्षेत्र मर्यादित व सुरक्षित दयेका पत्रकारपिन्त न्हयावलय् प्रोत्साहित जुइ माःगु वातावरण निर्माण यायेत जनप्रतिनिधि, प्रशासन तथा नागरिक समाज, सम्पूर्णयात अपिल याःगु दु । कोरोना संक्रमणया जोखिम दुगु इलय् थःगु ज्यानया तक पर्वाह मयासे क्रियाशील पत्रकारपिन्त निरुत्साहित याइगु थज्याःगु घटना दोहोरे मयायेत सकसित प्रतिवद्ध जुयादिगु लागि दबू न इनाप याःगु दु ।
उगु घटना प्रति पत्रकार दबू नाप नेपाल आदिवासी पत्रकार महासघ व नेपाल पत्रकार महासंघ न बिज्ञप्ति पिकया बिरोध याःगु दु ।
थप ५९३म्ह कोरोना संक्रमण पुष्टि
लहनान्युज | दिल्लाथ्व पंचमी ११४०,असार १२ शुक्रवाः
वःगु २४ घण्टाया दुने थप ५९३म्हेसित कोरोना भाइरस (कोभिड–१९) या संक्रमण पुष्टि जूगु दु । अथेहे छम्ह मनू कोरोना भाइरसं सीगु दु ।
स्वास्थ्य तथा जनसंख्या मन्त्रालयया कथं दाङय् छम्ह कोरोना संक्रमणं सीगु दु । प्रहरीं अचेत अवस्थाय् नापलाम्ह राप्ती स्वास्थ्य विज्ञान प्रतिष्ठानय् थ्यकुम्ह बिरामीयात चिकित्सक सीगु घोषणा याःगु दु ।
उम्ह मनूयात कोरोना परीक्षण याःगु इलय् शुक्रवाः पोजेटिभ रिपोर्ट वःगु धका मन्त्रालयं धाःगु खः । उम्ह मनूयाःगु पहिचान याये ल्यः दनिगु व परिवार नाप सम्पर्क स्थापित यायेगु कुतः जूया च्वंगु दु धका मन्त्रालयया प्रवक्ता डा. जागेश्वर गौतमं जानकारी बिःगु दु ।
थ्व नाप नेपालय् कोरोना भाइरसया संक्रमणपाखे सीपिनिगु ल्याः २७म्ह थ्यःगु दु ।
मन्त्रालयं बिःगु जानकारी कथं दकलय् अप्व पाल्पाय् ७६म्हेसित कोरोना संक्रमण पुष्टि जूगु दु । अथेहे, दाङय् ७५म्ह, रौतहटय् ५६म्ह, डोटीइ ४६म्ह, कञ्चनपुरय् ४२म्ह, कैलालीइ ३१म्ह, बाजुराय् २७म्ह, बैतडी व गुल्मीइ नीन्याम्ह नीन्याम्ह, नवलपुरय् २३म्ह, कपिलवस्तुय् २१म्ह, प्युठानय् २०म्ह, धनुषाय् १५म्ह, चितवन व सुर्खेतय् झीनिम्ह झीनिम्ह व सुनसरी १०म्हेसित संक्रमण पुष्टि ।
अथेतु, बझाङय् ९म्ह, सिराहा, गोरखा, सिन्धुली, रुपन्देही व लमजुङय् खुम्ह खुम्हेसित, दैलेखय् न्याम्ह, झापा व महोत्तरीइ प्यम्ह, अछाम, सल्यान, नुवाकोट, बाग्लुङ, स्याङ्जा,
नवलपरासी व मुगु छम्ह छम्हेसित संक्रमण खने दुगु खः ।
थ्व नाप आःतक संक्रमितपि ११७५५म्ह थ्यःगु दु । उकि मध्ये २७म्ह सीगु दु । निद्धः व ६९८म्ह डिस्चार्ज जुइ धुकुगु दु ।
