Display Style:
Column Style
बुटवल कोरोना अस्पतालय् निम्ह संक्रमित मन्त
लहानान्युज | अनलाथ्व अष्तमी ११४०,असोज ८ बिहीवाः
रुपन्देहीया बुटवलय् कोरोना विशेष अस्पतालय् थौं बिहीवाः सुथय् निम्ह संक्रमितपि सीगु दु ।
उपि पश्चिम नवलपरासी व कपिलवस्तुइ च्वििप खः । स्वास्थ्यय् समस्या वये वः भदौ २७ गते बुटवल हःम्ह पश्चिम नवलपरासीयम रामग्राम–३ य् ४९ दँ दुम्ह मिजंम्ह कोरोना पुष्टि जुइवं कोरोना विशेष अस्पतालय् तया वासः याना वयाच्वंगु खः ।
असोज २ निसे भेन्टिलेटरय् तया वासः याना वयाच्वम्ह बिहीवाः सुथय् ४ बजे सी गु खः धका अस्पतालया फोकल पर्सनधाःगु खः । अस्पतालया कथं उम्ह मनू कलेजा ेसम्बन्धी समस्या दुम्ह खः ।
अथेहे असोज १ गते अस्पताल हम्ह कपिलवस्तुया बुद्धभूमि–६ या ५० दँ दुम्ह मिजंम्ह बिहीवाः सुथय् ७ बजे सीगु दु धका धाःगु खः । वयात २ गते निसे भेन्टिलेटर तया वास याना वयाच्वम्ह खः । अस्पतालया कथं उम्ह मनू चिनी ल्वय् दुम्ह खः ।
थ्व नाप उगु अस्पतालय् सीपि १७ म्ह थ्यःगु दु । आः उगु अस्पतालया आईसीयूलय् च्वना वासः याना वयाच्वपि १४ म्ह संक्रमितपि दु।
आइसोलेसनं कोरोना संक्रमितम्ह कैदी बिस्यु वन
लहानान्युज | अनलाथ्व अष्तमी ११४०,असोज ८ बिहीवाः
भीरकोट नगरपालिका अन्तर्गत कालिका सामुदायिक अस्पतालया आइसोलेसन सेन्टरय् वासः याका वयाच्वम्ह २८ दँया छम्ह मनू थौं बिहीवा सुथय् बिस्यु वःगु दु ।
२ लाख रुपैयाँ धरौटी रकम बुझे याये मफया १६ दिं निसे जिल्ला कारागारय् च्वना च्वम्ह अर्जुनचौपारी गाउँपालिका–४, रापाकोटया दीपक नेपाली वःगु भदौ २८ गते कोरोना पुष्टि जुगु धका स्वास्थ्य कार्यालय स्याङ्जाका प्रमुखं धाःगु दु ।
कोरोना पुष्टि जुइ वं २८ गते हे कालिका अस्पतालया आइसोलेसन सेन्टरय् यकूगु धका जिल्ला प्रहरी प्रमुख धाःगु खः ।
कारागारय् थाय् मदुगुलि आइसोलेसन सेन्टरय् यकेत सल्लाह जुगु, तसक वाः वःगुलि थौं सुथय् २ बजे मत वःगु मौकाय् आइसोलेसन सेन्टरया लियनेयो झ्यालं बिस्यु वःगु खः । वयात मालेगु ज्या न जुया च्वंगु दु।
निगु ठेकदार कम्पनीयात कारबाही न्ह्यने यकेत उच्च अदालत लँ चायेकल
लहानान्युज | अनलाथ्व अष्तमी ११४०,असोज ८ बिहीवाः
इलय् मल महपि निम्ह ठेकदार कम्पनीयात कारबाही न्ह्यने यकेत उच्च अदालत पाटनं लँ चायेका बिःगु दु ।
शैलुङ इन्टरप्राइजेज व होनिको मल्टिपल कम्पनीं ठेक्का सम्झौता रद्ध, धरौटी जफत व कालोसूची सिफारिस रोके यायेत माग यासे दायर याःगु उत्प्रेषण रिटय् उच्च अदालत पाटनं अन्तरिम आदेश बिइत अस्वीकार याःगु दु ।
थ्व स्वया न्ह्य मुख्य न्यायाधीश नहकुल सुवेदी व न्यायाधीश टेकनारायण कुँवरया इजलासं थ्व स्वया न्ह्यः अदालतं बिःगु अन्तरिम कालिन आदेशयात निरन्तरता मबिसे कृषि सामाग्री कम्पनी लिमिटेडं धाःगु दु ।
कारबाही रोके यायेगु माग यासे स्वःगु रिटय् अन्तरिम आदेश बिइत अदालतं अस्वीकार याःगु खः, बुधवाः चान्ह्य ८ बजे थुकिया बारे आदेश वःगु खः,’ कृषि सामाग्री कम्पनी लिमिटेडया सञ्चालक प्रबन्धकं धाःगु खः ।
मल महपि निगु कम्पनीं भदौ २१ या ठेक्का रद्ध व २९ गतेय् कालोसूची सिफारिस रोके यायेत माग यासे स्वगु मुद्धा उच्च अदालतय् दायर याःगु खः। भदौ २० गते तक २५ व २५ हजार मेट्रिकटन युरिया मल हयेगु ठेक्का काःगु कम्पनीं इलय् मल महःगु खः ।
लुँया भाः स्वन्हुया दुने ४१ सय क्वहावल
शोभा श्रेष्ठ | अनलाथ्व अष्तमी ११४०,असोज ८ बिहीवाः
नेपाली बजारय् लुँया भाः क्वहा वयेगु सुरु जुगु दु । निन्हु निसे लुँया भाः क्वहा वया च्वंगु थौं बिहीवाः न तोलाया १२ सय क्वहा वःगु दु ।
लुँया भाः मंगलवाः १७ सय व बुधवाः १२ सय क्वहा वःगु खः । थौं बिहीवाः लुँ तोला ९३ हजार १ सय रुपैयाँ कायम जूगु दु ।
नेपाल सुनचाँदी व्यवसायी महासंघया कथं स्वन्हुया दुने ४१ सय क्वहा वःगु दु धका धाःगु खः । छापावाल लुँ क्वहा वये वः तेजाबी लुँ न १२ सय क्वहा वःगु दु ।
अथेहे वहःया भाः न तोलाय् ७० रुपैयाँ क्वहा वःगु दु । थौं छगु तोलाया ११२० रुपैयाँ कारोवार जुगु दु धका महासंघ धाःगु दु।
वहः मंगलवाः ९० रुपैयाँ क्वहा वःगु खःसा बुधवाः ४० रुपैयाँ क्वहा वःगु खः । वहः स्वन्हुया दुने निसः क्वहा वःगु खः।
अनुगमन टोली खने वः प्याजया भाः बच्छि क्वहा वल
लहानान्युज | अनलाथ्व अष्तमी ११४०,असोज ८ बिहीवाः
बिहिवाः सुथय् महानगरपालिकाया बजार अनुगमन टोली मनोहरा तरकारी बजार थ्यःगु दु।
बजारय् सुनापति आलु प्याज सप्लायर्सं अनुगमन टोलीयात प्याजया भाः छगु किलो १२० रुपैयाँ धाःगु खः । प्याजया खरिद मूल्य अनुगमन टोलीं फ्वने वः न्ह्यने प्याज पसलय् छक्वल ग्याःगु दु ।
अनुगमन टोलीया छम्ह प्रतिनिधिया कथं सलेज आलु प्याज भण्डारं तत्कालै छगु किलो ६० रुपैयाँय् प्याज मिइगु खः।
म्हिगः बहनि १४० धाःगु अनुगमन टोली वःगुलि ८० रुपैयाँ घटे याना छम्ह उपभोक्तां धाःगु खः।
अनुगमनया झ्वलय् बजारय् पनौती सैजु आलु प्याज भण्डारं १०५ रुपैयाँ किलो त क प्याज मिइगु दु । अथेहे युपी आलु प्याज भण्डारका सञ्चालकं खुद्रा मूल्य ११५ रुपैयाँ व बोरा न्यायेगु इलय् १०५ रुपैयाँ तक कायेगु याः।
अप्वो भावं प्याज मिइपिन्त, न्यायेगु व मिइपि व्यापारीयात अनुगमन टोलीं भ्वँ ज्वना वया महानगरया कृषि विभागय् सम्पर्क तयेत निर्देशन बिःगु दु।
