Display Style:
Column Style
रेडक्रस सोसाइटीया ग्वसालय् हिदान ज्याझ्वः
शोभा श्रेष्ठ | दिल्लाथ्व अष्टमी ११४०,असार १४ आइतवाः
नेपाल रेडक्रस सोसाइटी क्षत्रपाटीया ग्वसालय् छगू आकस्मिक हिदान ज्याझ्वः जुगु दु ।
उगु ज्याझ्वः येँ मनपा १७ वडा भवन जूगुलि ७८ म्हेसि नं हिदान याःगु खः ।
धु्रव मानन्धरया संयोजकत्वय् जूगु उगु ज्याझ्वलय् येँ मनपा १७ वडाया अध्यक्ष नवीन मानन्धर, वडा दुजःपिं लिसें नेपाल रेडक्रस सोसाइटीया जिल्ला सभापति मथुराराम श्रेष्ठ, ब्लोदानया सल्लाहकार राजेन्द्र श्रेष्ठ, ब्लोदानया केन्द्रीय दुजः व २४ वडा दुजः विनोद तुलाधरया लिसें थीथी संघसंस्था व स्थानीयपिनिगु न ब्बति दुगु खः ।
कीर्तिपुर अस्पतालय् थौं न निसे डायलायसिस सेवा सुरु
नृपेन्द्रलाल श्रेष्ठ | दिल्लाथ्व अष्टमी ११४०,असार १४ आइतवाः
दँच्छि न्ह्यनिसेया प्रयास लिपा कीर्तिपुर नगरपालिकाया ग्वाहालिं कीर्तिपुर अस्पतालय् मृगौला ल्वगिपिनिगु लागि डायलायसिस सेवा थौंनिसे सुरु जुगु दु ।
थौं छगु ज्याझ्वः दथुइ किपू नगरपालिकाया मेयर रमेश महर्जनं कीर्तिपुर अस्पतालय् ज्याझ्वःया उलेज्या यानादिगु खः । थौंया ज्या झ्वलय् उप–मेयर सरस्वती खड्का, डा. भरत प्रधान, पुर्व मन्त्री दिलिप महर्जन पिनिगु न ब्बति दुगु खः ।
डायलायसिस सेवा सुरु यायेगु लागि कीर्तिपुर अस्पतालय् किपू नगरपालिकां १ करोड १० लाख ग्वाहालि याःगु खः ।
थौं किपू नगरपालिका वडा नः ३ या सन्तु तण्डुकारया डायलायसिस याना असपतालय् उगु सेवा न्ह्याःगु खः । डायलायसिस यायेगु लागि डा.अर्चन शम्सेर राणा यानादिगु खः ।
नेपाल सरकारपाखे डायलायसिस सेवाया सूचिकृत मजुगु कारण आः या लागि निगः मेसिनपाखे सेवाः संचालनयाना करिव नीम्ह बिरामीपिन्त जक सेवा याये फइगु जुगु दु । न्यागः मेसिन
सेवा न्ह्यातकि करिव २००म्हेसित सेवा बिफइगु धका धाःगु दु ।
अथेहे, कीर्तिपुर नगरपालिकाया ग्वाहालिं कीर्तिपुर अस्पतालय् आः वइगु सुक्रावाःनिसे पिसिआरया टेस्ट न न्ह्याइगु जुगु दु ।
येँ महानगरंया झिलिमिली ज्याझ्वः
नृपेन्द्रलाल श्रेष्ठ | दिल्लाथ्व षष्ठी ११४०,असार १३ सनीवाः
न्हिया न्हिथं फरक–फरक प्रकारया आन्दोलन, धर्ना, अनशन जुइगु थाय् माइतीघर मण्डलाया पहिचान हे फरक दयेकुगु दु ।
आः माइतीघर मण्डलाय् मनमोहक दृष्य स्वये खने दइ । येँ महानगरपालिकां ‘रात्रिकालिन सहरी सौदर्य कार्यक्रम’ या नमूना परीक्षणया लागि उगु थासय् ‘एलइडी कलर पाइप लाइट’ जडान याना बहनि उगु दृष्य स्वये खनिगु जूगु दु ।
येँ महानगरपालिकाया सह–सचिव राजेश्वर ज्ञवाली सहर सौदर्य दयकेत येँ महानगरपालिकां बहनि झिलिमिली खने दयेकेत ‘एलइडी कलर पाइप लाइट’ जडानया ज्याझ्वः न्ह्याकुगु दु धका धाःगु दु । ‘यक्को चहल–पहल जुइगु व आवत–जावत न यक्को जुइगु थाय् माइतीघर मण्डलाय् न्हापां नमूना परिक्षणया रुपय् थुगु ज्याझ्वः न्ह्याकागु खँ धका,’ ज्ञवाली धयादिगु दु ।’
सह–सचिव ज्ञवालीें माइतीघर मण्डलाय् नमूना परिक्षणया रुपय् न्ह्यने यकागु धका धयादिसे येँयात बिश्वस्तरीय तधःगु सहरया आकर्षक क्यनेत वइगु दिं यक्को चहः पहः दइगु धार्मिक,
पर्यटकीय व सम्पदासूचिइ सूचिकृत जूगु थासय् थज्यागु मत तया वनिगु जुइ धका धयादिगु दु ।
महानगरं गन थम्हेसया गन निजी क्षेत्रया सामाजिक उत्तरदायित्वया रुपं थज्यागु मत तयेगु ज्या जुया वनि धका धयादिगु दु ।
येँ महानगरपालिकां थुगु दँया नीति तथा कार्यक्रमय् येँ महानगरय् दुने प्रमुख चोकय् आधुनिक सिग्नलाईज्ड प्रणालीइ आधारित ट्राफिक मत जडान याना ट्राफिक व्यवस्थापनय् थप सहज व व्यवस्थित दयेकेगु, मेयर उज्यालो कार्यक्रमयात प्रभावकारी रुपं न्ह्यने वनेगु, मुख्य चोकय् हाइमास्ट मत जडान यायेगु लगायतया लक्ष्य तया तःगु दु ।
दमाईचाघाटया लखः आः लःया हाहाकार मजुइगु
नृपेन्द्रलाल श्रेष्ठ | दिल्लाथ्व षष्ठी ११४०,असार १३ सनीवाः
लःया हाहाकारया समस्या समाधान यायेगु निति येँ महानगरपालिका– १९ या स्थानीयपिन्स दमाईचाघाटया लः ट्यांकी (रिजर्भ भ्वाएर) दयेकेगु शुरु याःगु दु
थौं छगु ज्याझ्वः दथुइ येँं क्षेत्र नं ८ या संघीय सांसद् जीवनराम श्रेष्ठ, प्रदेश सांसद् राजेश शाक्य व येँ महानगरपालिका– १९ या वडाअध्यक्ष शशिलाल श्रेष्ठं मंका कथं लः ट्याकी शिलान्यास यानादिगु दु ।
शुद्ध लः त्वःनेगु लागि प्रदेश पूर्वाधार विकास साझेदारी कार्यक्रम अन्तर्गत उगु थासय् लःया ट्ंयाकी व वाटर फिल्टर प्लान्ट दयेकेगु लागि वाग्मती प्रदेशया सांसद् राजेश शाक्यंया बिकास बजेतं उगु ज्या थौंनिसे न्ह्याकूगु दु ।
सांसद् शाक्यया कथं चालू आर्थिक वर्षय् रिर्जभ ट्रंयाकी दयेकेगु लागि ३९ लाख ७८ द्धः ५ ४३ तका ध्यवा खर्च जुइगु अनुमान याःगु दु । कूल लागत मध्ये प्रदेशपाखे ३५ लाख ८० द्धः ६८९ ध्यवा व्यहोरे याइ । बाँकी ३ लाख ९७ द्धः व ८५४ ध्यवा जनसहभागिता पाखे मुकेगु जुइ ।
फिल्टर प्लान्ट दयेकेत प्रदेशं वइगु आर्थिक वर्षया नीति तथा कार्यक्रमय् बजेट विनियोजित यानागु दु धका सांसद् शाक्यं धयादिगु दु । सांसद् शाक्यया कथं प्रदेशं १ करोड ७५ लाख बजेट विनियोजित याःगु दु ।
‘थुकि याना वइगु आर्थिक वर्ष दुने फिल्टर प्लान्ट दयेके धुकुइ जुइ धका धयादिगु दु । थुकि लिपा लःया हाहाकार समस्या समाधान जुइ । थुगु योजनां कथं येँ महानगर दुनेया वडा १५, १७, १८, १९, २०,व २४ या लःया समस्या समाधान जुइ धका सांसद शाक्यं धयादिगु दु ।
२०६५ सालय् तत्कालीन भौतिक आवास तथा निर्माण मन्त्री हिसिला यमीया कुतलय् काठमाडौं उपत्यका खानेपानी लिमिटेड (केयुकेएल) नं दमाईचा घाटमा डिप बोरिङ याःगु खः। ‘बोरिङ लः प्राविधिक जाँच याःगु यलय् आइरन व एमोनियाया मात्रा अप्वगुलि उगु लखं स्वास्थ्यया हिसाब त्वनेगु योग्य मजुगु धका दमाईचाघाट उपभोक्ता समितिया संयोजक मिलन शाहीं धयादिगु दु ।
उगु ट्रंयाकीइ छगू लाख क्षमताया दुगु धयादिसे उगु थासय् बोरिङ लः प्रति सकेन्ड १५ लिटर व निगु घण्टाया दुने ९०द्धः लः वइ । फिल्टर प्लान्ट दयेके धुका करिब न्याद्धः परिवार लाभान्वित जुइ धका धाःगु दु ।
थौ १३६म्ह डिस्चार्ज जूल
लहनान्युज | दिल्लाथ्व षष्ठी ११४०,असार १३ सनीवाः
नेपालय् वःगु २४ घण्टाय् १३६म्ह डिस्चार्ज जूगु दु । उकि मध्ये १८म्ह मिसा व ११८म्ह मिजंपि खः ।
थ्व नाप कोरोना वासः याका छेँय् लिहा वःपि २८४३ म्ह थ्यःगु दु धका स्वास्थ्य तथा जनसंख्या मन्त्रालयं धाःगु खः ।
थौं डिस्चार्ज जूपि गोठगाउँ आइसोलेसन सेन्टरपाखे भोजपुरय् छम्ह, इलामय् निम्ह, झापाय् २९म्ह, मोरङय् ११म्ह, पाँचथरय् छम्ह, सुनसरीय् २०म्ह , ताप्लेजुङय् छम्ह व उदयुरय् प्यम्ह खः ।
अथेहे, पोखरा स्वास्थ्य विज्ञान प्रतिष्ठानपाखे गोरखाय् छम्ह, कास्की १४म्ह, पर्वतय् छम्ह व स्याङजाय् छम्ह न डिस्चार्ज जूगु दु ।
जलेश्वर असपताल महोत्तरीं न्ह्यम्ह, कोरोना विशेष अस्पताल दाङं छम्ह, मेहलकुना अस्पताल सुर्खेतपाखे १३म्ह व सुशील कोइराला प्रखर अस्पताल बाँकेया बर्दियां खुम्ह व बाँकें २२म्ह
मिजंपि पुरुष डिस्चार्ज जूगु दु ।
