Display Style:
Column Style
येँ ४९५म्ह नाप स्वनिगलय् ५७२म्ह
लहनान्युज | ञंलागा ८ ११४०,भाद्र २५ बिहीवाः
स्वनिगः दुने छन्हु हे ५७२म्हेसित कोरोना संक्रमण खने दुगु दु ।
स्वास्थ्य तथा जनसंख्या मन्त्रालयं थौं बिहीवाः ग्वसाः ग्वगु पत्रकार सम्मेलनय येँ जक ४९५म्हेसित कोरोना संक्रमण खने दुगु दु धका धाःगुु दु ।
अथेहे ख्वपय् ४३ व यलय् ३४ म्हेसित संक्रमण पुष्टि जुगु धका जानकारी बिःगु दु ।
थ्व स्वया न्ह्यः बुधवाः नियमित मिडिया ब्रिफिङया झ्वलय् स्वनिगलय् जक ४६४ म्हेसित कोरोना संक्रमण खने दुगु धका धाःगु दु ।
आःतक नेपालय् कोरोना संक्रमितपि ५० हजार ४६५ म्ह थ्यःगु खः।
देय् यकं ८१८म्ह डिस्चार्ज
लहनान्युज | ञंलागा ८ ११४०,भाद्र २५ बिहीवाः
नेपालय् आःतक ३५ हजार ७ सय म्ह कोरोना संक्रमित डिस्चार्ज जुइ धुकुगु दु धका स्वास्थ्य तथा जनसंख्या मन्त्रालयं धाःगु दु । थ्व ल्याः धइगु संक्रमितपि ७० प्रतिशत खः ।
वःगु २४ घण्टाय् देय् यकं १ हजार ८१८म्ह कोरोना संक्रमित डिस्चार्ज जुइ धुकुगु दु । थ्व नाप नेपालय् ३५ हजार स्वया अप्वो वासः याना छेँ लिहा वने धुकुगु दु ।
आःतक नेपालय् कोरोना संक्रमितपि ५० हजार ४६५म्ह थ्यःगु दु । वःगु २४ घण्टाय् १२४६ म्ह जक कोरोना संक्रमण खने दुुगु धका मन्त्रालयया प्रवक्ता डा. जागेश्वर गौतमं मिडिया ब्रिफिङय् धाःगु खः ।
वःगु २४ घण्टाय् ११ हजार १४४म्हेसिगु पीसीआर परीक्षण याःगु खः । आःतक क्वारेन्टाइनय् च्वपि ५ हजार ८०६ म्ह थ्यःगु दु ।
आःतक देय् यकं पीसीआर परीक्षण ८ लाख १० हजार ४८५म्हेसिगु याये धुकुगु दु धका मन्त्रालयं धाःगु दु ।
नेपालय् कोरोना संक्रमितपि ५० हजार स्वया अप्वोल
लहनान्युज | ञंलागा ८ ११४०,भाद्र २५ बिहीवाः
वःगु २४ घन्टाय् जक नेपालय् थप १२४६ म्हा कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाःगु दु ।
मन्त्रालयया नियमित प्रेस ब्रिफिङय् थौं बिहीवाः प्रवक्ता डा जागेश्वर गौतमया कथं नेपालय् कोरोना संक्रमितपि ५० हजार ४६५म्हेसित थ्यःगु दु धका धाःगु दु ।
थ्य नाप वःगु २४ घन्टाय् कोरोनामुक्त जुपि ८१८म्ह डिस्चार्ज जुगु दु । थ्व नाप नेपालय् आःतक कोरोनामुक्त जूपि ३५ हजार ७ सय थ्यःगु दु ।
अथेहे वःगु २४ घन्टाय् नेपालय् थप न्याम्ह कोरोना संक्रमणपाखे सी धुकुगु दु धका स्वास्थ्य तथा जनसंख्या मन्त्रालयं धाःगु दु ।
थ्व नाप नेपालय् कोरोना संक्रमण सीपि ३१७म्ह थ्यःगु दु ।
टुटल व पठाओ न थःगु सेवा न्ह्याकल
लहनान्युज | ञंलागा ८ ११४०,भाद्र २५ बिहीवाः
निषेधाज्ञाया कारण बन्द जुगु राइड सेयरिङ सेवा आः हाकन नियमित जुइगु सुरु जुगु दु । राइड सेयरिङ सेवा बिइगु नेपाली कम्पनी टुटल व पठाओ न नियमित सेवा बिइगु याये धुकुगु दु ।
स्वनिगलय् निषेधाज्ञा छ्वाःसुया वःगुलि राइडिङ सेयर यायेगु एप पाखे सेवा न्ह्याःगु दु ।
नेपाली राइडिङ सेयर यायेगु कम्पनी टुटलं राइडर सतर्कता नाप सेवा न्ह्याकुगु दु । राइडरं पञ्जा, मास्क, चस्मा व सेनिटाइजर छ्यले माःगु मापदण्ड तयार याना सेवा सुरु यानागु धका कम्पनीया संस्थापकं जानकारी बिःगु दु ।
पठाओ न नियमित सेवा सुरु मयासा निश्चित राइडर मार्फत सतर्कता नाप सेवा न्ह्याकगु धका धाःगु दु । पठाओ न अत्यावश्यक अवस्थाय् अत्यावश्य सेवा माःपिन्त नियमित सेवा बिइ धका धाःगु दु ।
राइडरपिन्त सेनिटाइजर, प्रोटेक्टिभ मास्क, सुरक्षात्मक लँफिना जक सेवा बिइत धयागु दु धका धाःगु दु ।
सार्वजनिक सवारी चले मजुगुलि समस्या जुपिन्त ग्वाहालि यायेत सामाजिक भावना ज्वना थुगु सेवा बिइ त्यनागु धका धाःगु दु । आः नियमित सेवाय् वनेपिनिगु लिपागु तयारी जुया च्वंगु धका पठाओ न धका धाःगु दु ।
सरकारं अनुमति बिल अनलाइन कक्षाया शुल्क कायेत
लहनान्युज | ञंलागा ८ ११४०,भाद्र २५ बिहीवाः
सरकारं निजी स्कूलयाःगृु अनलाइन कक्षाया शुल्क कायेगु लँ चायेका बिःगु दु । शिक्षा, विज्ञान तथा प्रविधि मन्त्री गिरीराजमणि पोखरेलं मन्त्रीस्तरीय निर्णयपाखे शुल्क कायेगु व्यवस्था याना बिःगु दु ।
विद्यार्थीपिन्त स्यनेगु सहजीकरण निर्देशिकाय् निजी स्कूलयात स्थानीय तहया स्वीकृत याना शुल्क कायेगु व्यवस्था याना बिःगु खः । निर्देशिकाय् धयातःगु दु ‘स्कूलं कायेगु शुल्क प्रचलित कानुनया अधीनय् च्वना स्थानीय तहया स्वीकृत याःगु बमोजिम जुइ ।’
थ्व स्वया न्ह्य शिक्षा मन्त्रालयं अनलाइन वा अन्य माध्यमं छु न कथंया दूरशिक्षाया नामय् शुल्क काये दइ मखु धका निर्णय याःगु खः । मन्त्रालयं जारी याःगु निर्देशिकाया कथं असार १ गतेनिसे स्कूलं अनलाइन कक्षा सञ्चालन याना वया च्वंगु खः ।
सरकारं कोरोना भाइरस (कोभिड–१९) या कारण कम्ति न वइगु असोज १ गते स्वया न्ह्य विद्यार्थी भर्ना व परीक्षा सञ्चालन याये दइ मखुगु निर्णय याःगु दु ।
मासिक शुल्क ५० प्रतिशत स्वया कम जुइमाः अभिभावक संघ
अभिभावकपिन्स कोरोना महामारीया इलय् संक्रमणकालीन शुल्क निर्धारण याये माःगुलि बःबिउगु दु । नेपाल अभिभावक संघया अध्यक्षं अनलाइन कक्षा कथं हे संक्रमणकालीन शुल्क निर्धारण याये माःगुलि बः बिउगु दु ।
कानुन कथं कम्ति न १० प्रतिशत विद्यार्थीपिन्त छात्रवृत्ति बिइ हे माः ।
संस्थागत विद्यालय अभिभावक संघ नेपालया अध्यक्षया कथं मासिक शुल्कया ५० प्रतिशत स्वया अप्वो शुल्क काये दइ मखु धका धाःगु दु । ‘लकडाउन व निषेधाज्ञाया असरं अभिभावकपिन्त न लाःगु दु धका स्कूलया सञ्चालकपिन्स न लुमकेमाः धका धाःगु दु ।’ जव स्कूल हे बिद्यार्थीपि मवसा यातायात, खाजा लगायतया शीर्षकया खर्च काये दइ मखु धका धाःगु दु ।
सरकारयात थुइकेत खुला माल : प्याब्सन
निजी तथा संस्थागत विद्यालय अर्गनाइजेसन (प्याब्सन)या अध्यक्ष टीकाराम पुरी अनलाइन कक्षाया शुल्क विना निजी विद्यालय सञ्चालन जुइ फइ मखु धका थुइकेत हे खुला माःगु धका धाःगु दु ।
संघीय सरकारं हःगु निर्देशिया कथं स्थानीय सरकारपिनिगु निर्णय या अपेक्षा याःगु वयागु धापु दु । ‘अभिभावकपिनिगु न समस्या दु तर स्कूलया छगु हे जक स्रोत शुल्क हे खः धका धाःगु दु ।
