Display Style:
Column Style
प्रदेश २ स ४१९म्हेसिगु र्यापिड टेष्ट याःगु इलय् निम्हेसिके पोजिटिभ
लहना न्यूज | ने.सं. ११४० चौलागा अष्टमि (१५ अप्रिल २०२०), बुधवाः
प्रदेश २ स र्यापिड डाइग्नोस्टिक टेष्ट (आडीटी) विधिपाखें कोरोना संक्रमणया परीक्षणयात तीब्रता ब्यूगु दु । लिपांगु निन्हुया दिनय् प्रदेशया च्यागू जिल्लाया ४१९म्ह मनूतय्गु आडीटी टेष्ट याःगु खः ।
थीथी अस्पताल व क्वारेन्टाइनय् तयातःपिनिगु र्यापिड टेष्ट विधिपाखें परीक्षण याःगु प्रदेशया सामाजिक विकास मन्त्रालयया सचिव रामप्रसाद घिमिरें धयादीगु दु । घिमिरेया कथं ४१९म्हेसिगु र्यापिड टेष्ट याःगु इलय् निम्हेसिके पोजिटिभ खनेदुगु खः । पोजेटिभ खनेदुपिं निम्हं सप्तरीइ च्वंपिं खः ।
र्यापिड टेष्टय् पोजिटिभ खनेदुपिनिगु प्रयोगशाला परीक्षणया नितिं छ्वःगु दु ।
सचिव घिमिरेया कथं सप्तरीइ ७८म्ह, सिरहाय् ४७, धनुषाय् ९म्ह, महोत्तरीइ २६म्ह, सर्लाहीइ ५७म्ह, रौटहतय् १६९, बाराय् १०म्ह व पर्साय् ११म्हेसिगु र्यापिड टेष्ट याःगु खः ।
कोरोना संक्रमितयाःगु म्हसिका पितमबिइत इनापयात
लहनान्युज | चौलागा अष्टमी ११४०, बैसाख ३ मगलवाः
स्वास्थ्य तथा जनसंख्या मन्त्रालयं कोभिड–१९ (कोरोना भाइरस) संक्रमित मनूया म्हसिकाया विवरण सार्वजनिक मयायेत इनाप याःगु दु ।
मन्त्रालयया प्रवक्ता डा. विकास देवकोटां थौें बुधवाः नियमित पत्रकार सम्मेलनपाखे थथे इनाप यानादिगु खः ।
वयकलं थीथी सञ्चार माध्यमपिन्स कोरोना संक्रमित मनू तयेगु म्हसिका नां व विस्तृत विवरण प्रकाशन याना वयाच्वंगु दु धका धयादिसे डा. देवकोटां ल्वगि तयेगु अनुमति मदेक थज्यागु
विवरण प्रकाशन व प्रसारण याये मदु धका धयादिगु खः ।
सनसिटी अपार्टमेन्टय् च्वपि भौंम्हयिाःगु नेगेटिभ रिपोर्ट वःगु दु
लहनान्युज | चौलागा अष्टमी ११४०, बैसाख ३ मगलवाः
पेप्सीकोलाया सनसिटी अपार्टमेन्टय् च्वपि कोरोना भाइरस (कोभिड–१९) संक्रमित परिवारय् छम्हेसिगु नेगेटिभ रिपोर्ट वःगु दु ।
वःगु सोमवाः याःर्गु यापिड टेष्टय् स्वम्हेसित एन्टीबडी पोजेटिभ वःगुलि पाटन अस्पताल भर्ना याःगु खः ।
उकि मध्ये ८१ दँया मां व ५८ दँया काय् यात कोरोना संक्रमण खनेदुगु खः । ५२ दँया भौंयात धासा रिपोर्ट पोजेटिभ वःगु दु ।
थौं रिपोर्ट नेगेटिभ वःगु धका स्वास्थ्य मन्त्रालयया प्रवक्ता डा. विकास देवकोटा धाःगु खः ।र्
यापिड टेष्टय् इमिगु रिपोर्ट पोजेटिभ वःगुलि थ्व स्वया न्ह्य इपि कोरोना संक्रमण जुगु धकुगु आः लने धुकुगु दु धका धाये फइगु जनस्वास्थ्य विज्ञं धाःगु दु ।
जिल्ला प्रशासन काठमाडौं गये याना कायेगु ई–पास
लहनान्युज | चौलागा सप्तमी ११४०, बैसाख २ मगलवाः
लकडाउनया अवस्थाय् वयेगु वनेगु लागि सवारी साधनया लागि जिल्ला प्रशासन कार्यालय, काठमाडौं आ अनलाइन हे अनुमति (ई(पास) बिइत्यःगु दु ।
कोरोना भाइरस (कोभिड–१९) विरुद्ध ल्वायेत सरकारं लकडाउन आह्वान याःगु लगत्तै जिल्ला प्रशासन ज्याकुथि, काठमाडौंया ज्याकुथिइ हे उपस्थित जुया सवारी पास कायेमाःगु ब्यवस्था याना तःगु खः ।
थज्याःगु पास कायेगु लागि हुल व जोखिम निगुलि हे याना अनलाइन हे ई–पास बिइगु व्यवस्था याना मिले याःगु दु ।
अत्यावश्यक ज्या या लागि सवारी पास मागु अवस्थाय् आः ई–पासया व्यवस्था मिले याःगु दु ।
थज्यागु पास कायेगु लागि आवेदकं मोबाइलया म्यासेजबक्सय् वना १११२ य् एसएमएस यायेमा । उगु एसएमएस यायेत न्ह्यागुसा आवेदकं कोड तये फइ ।
एसएमएस लिपा https://epass.moha.gov.np लिंक उपलब्ध जुइ व इच्छुकपिन्स उगु लिंक चायेका उगु विवरण भरे यायेमा धका प्रशासनं धाःगु दु ।
पासया लागि अनलाइन दरखास्त अध्ययन लिपा निर्णय यायेगु अधिकार काठमाडौंया सहायक प्रमुख जिल्ला अधिकारी तुलसीराम पौडेलं याइ । प्रशासनं माःगु अवस्थाय् आवेदकया मोबाइलया कोड नम्बर (पास) उपलब्ध याइ ।
म्हासुगु पास कया तःपिन्स मेगु पास कायेम्वाःगु ब्यवस्था याना तःगु दु ।
लकडाउन वैशाख १५ तक मन्त्रिपरिषदया निर्णय
चौलागा सप्तमी ११४०, बैसाख २ मगलवाः | चौलागा सप्तमी ११४०, बैसाख २ मगलवाः
सरकारं लकडाउन झिंनिन्हु तनाः बैशाख १५ गतेतक यायेगु क्वःछ्यूगु दु । विश्वव्यापी महामारीकथं न्यना वनाच्वंगु कोभिड १९ (कोरोना भाइरस)या संक्रमण पनेगु नितिं चैत्र ११गतेनिसें शुरु याःगु लकडाउन स्वक्वःखुसी तनेगु क्वःछ्यूगु खः ।
नकतिनि जक च्वंगु मन्त्रीपरिषदया मुँज्यां थुकथं क्वःछ्यूगु सीदुगु दु । छवाःया नितिं घोषणा याःगु लकडाउन संक्रमण जूपिं मनूत लुइवं लकडाउनया म्याद नं तनेगु ज्या जुयाच्वंगु खः । कन्हय् बैशाख ३ गते सरकारं घोषणा याःगु लकडाउनया ई फुइगु खः । नेपालय् आःतक १६म्हेसिके संक्रमण खनेदुगु दु । थौं मंगलवाः जक येँया सनसिटी अपार्टमेण्टय् च्वनीपिं निम्हेसिके संक्रमण पुष्टि जूगु खः ।
अथे हे, लकडाउनया हुनिं ज्या मदयाः अलपत्र जुयाच्वंपिन्त स्वनिगलं थःथःगु छेँय् वनेबीगु खः कि धइगु विषयस नं मन्त्रीपरिषदय् सहलह जूगु खः । श्रोतया कथं थुकथं वय् वनेगु ज्या जुल धाःसा लकडाउन फ्यासुइगु जूगुलिं थुकथंया छुट मबीगु नं सरकारं क्वःछ्यूगु दु ।
अथे हे, अन्तर्राष्ट्रिय उडानत बैशाख १८ गतेतक बन्द यायेगु नं सरकारं क्वःछीधुंकूगु दु । थौं हे जःलाखःला देय् भारतं लकडाउन १९न्हुया नितिं तनेगु घोषणा याःगु दु ।
