Display Style:
Column Style
न्हूबहाः पुचःया हिदान
लहनान्युज | तछलागा द्धितीया ११४०,जेठ २५ आइतवाः
न्हूबहाः पुचःया ग्वसालय् व दौतरी संस्थाया ग्वाहालिइ थाय्मदुया न्हूबहालय् हिदान ज्याझ्वः जुगु दु ।
उगु ज्याझ्वलय् ४८ पिन्ट हि संकलन जूगु दु । ज्याझ्वलय् हिदान याःपिंत मू पाहां राज्यमन्त्री रामवीर मानन्धरं दसिपौ लःल्हानादीगु खः ।
हिदान ज्याझ्वलय् येँ मनपा २५ वडा अधक्ष्य निलकाजी शाक्य, दुजः दार्विन शाक्य, न्हूबहाः पुचःया पदाधिकारीपिं, ब्लोदानया सदस्य नाप कामपा २४ वडाया दुजः बिनोद तुलाधर, ब्लोदान काठमाडौं जिल्लाया सचिव नाप काठमाडौं जिल्ला रक्तदान संयोजक अनिल रत्न तुलाधर, मनाङ मस्यान्दी क्लब अध्यक्ष छिमी गुरुङ, स्थानीय बुद्धिजिवी, महिला स्वयंसेवि व
स्थानीयवासितय् उपस्थिति दुगु खः ।
ज्याझ्वलय् तारामण्डल महिला सशक्तिकरण अभियानपाखें ब्लड डोनर्स एशासियशनयात पिपिइ प्यपा नं बिउगु खः ।
२१३ म्ह कोरोना भाइरस संक्रमणया पुष्टि
लहनान्युज | तछलागा द्धितीया ११४०,जेठ २५ आइतवाः
थौं नेपालय् थप २१३ म्हेसित कोरोना भाइरसया संक्रमणया पुष्टि जूगु दु ।
थौं स्वास्थ्य तथा जनसंख्या मन्त्रालयया प्रवक्ता डा. विकास देवकोटां २०९म्ह मिजं व ४ मिसा सहित २१३म्हेसित कोरोनाया संक्रमण जूगु धका धाःगु खः ।
थ्व नापं आः नेपालय् संक्रमितपि ३४४८म्ह थ्यंगु दु ।
कोरोना भाइरस आतक ४६७म्ह डिस्चार्ज जुल
लहनान्युज | तछलागा द्धितीया ११४०,जेठ २५ आइतवाः
नेपालय् थौं आइतवाः तक ४६७म्ह मनूत अस्पतालं डिस्चार्ज जूगु दु ।
वंगु २४ घण्टाया दुने १०२म्ह मनूत अस्पतालं डिस्चार्ज जुइ धुकुगु दु । थौं डिस्चार्ज जूपिं मध्ये सच्छिम्ह मिजं व निम्ह मिसापि खः ।
डिस्चार्ज जूपि धरानया बीपी कोइराला स्वास्थ्य विज्ञान प्रतिष्ठानं झापाया १२म्ह, बाराया कैलाली अस्पतालं बाराया ३४म्ह व येँया बलम्बुइ च्वंगु कोभिड९१९ युनिफाड अस्पतालं महोत्तरीया छम्ह डिस्चार्ज जूगु दु ।
अथेतु बुटवलया कोरोना आइसोलेसन सेन्टरं रुपन्देही व कपिलवस्तुया २७म्ह, दाङया कोरोना विशेष अस्पतालं दाङ, बर्दिया, कपिलवस्तु व बाँकेया १०म्ह व गौरया नर्सिङ इन्सिच्युटपाखें रौतहटया १८म्ह डिस्चार्ज जूगु दु ।
प्रादेशिक रुपं प्रदेश नम्बर १य् ९१म्ह, प्रदेश २लय् १ सय ८६म्ह, बागमति प्रदेशय् ३२म्ह व गण्डकी प्रदेशय् ३म्ह डिस्चार्ज जूगु दु ।
अथेहे प्रदेश नम्बर ५य् ९म्ह, कर्णाली प्रदेशय् १३म्ह व सुदूरपश्चिम प्रदेशय् १३म्ह डिस्चार्ज जूगु दु ।
गोरखाय् झीम्हेसित कोरोना
लहनान्युज | तछलागा द्धितीया ११४०,जेठ २५ आइतवाः
गोरखाय् न्हापां कोरोना संक्रमण खने दुगु दु ।
थौं आइतवाः छन्हु हे गण्डकी गाउँपालिकाया गुम्हेसित व पालुङटार नगरपालिकाय् छम्हेसित संक्रमण पुष्टि जुगु दु ।
गण्डकी गाउँपालिकाय् संक्रमित जुपि २० दँ निसे ४३दँयापि खः ।
उपि मध्ये गुुम्ह क्वारेन्टिनय् व छम्ह प्रहरी हिरासतय् च्वम्ह खः ।
उमिगु थ्व हे जेठ २० गते पीसीआर परीक्षणया लागि नमूना संकलन याना प्रदेश जनस्वास्थ्य प्रयोगशाला पोखरा छ्वःगु खः ।
गोरखाय् झीम्हेसित कोरोना
डोटीइ क्वारेन्टिनय् छम्ह सीत
लहनान्युज | तछलागा द्धितीया ११४०,जेठ २५ आइतवाः
डोटीया क्वारेन्टिनय् च्वम्ह छम्ह सीगु दु । जिल्लाया केआई सिंह गाउँपालिका–३ या सिताराम आधारभूत स्कूलया क्वारेन्टिनय् च्वम्ह १९ दँ दुम्ह मनू सीगु खः ।
भारतया लुधियानापाखे वःम्ह उम्ह मनू १९ गते डोटी वया २० गते निस गाउँपालिकाया व्यवस्थापन संचालन याना च्वंगु क्वारेन्टिनय् च्वना च्वम्ह खः ।
थौं आइतवाः सुथय् ३ बजे मदुगु खः ।
उम्ह मनू मुटुया रोगी जुगु धका धाःगु दु ।
अनया क्वारेन्टिनय् स्वम्ह मिसा नाप झीम्ह च्वना च्वंगु खः ।
घटनास्थलय् प्रहरी टोली थ्यःके धुकुगु दु ।
स्वाबया लिच्वः मवः तले शव प्रहरीया निगरानीइ तयातःगु दु ।
