Display Style:
Column Style
लुँ तोला प्यसः थहा वन
लहनान्युज | ञंलागा ८ ११४०,भाद्र २५ बिहीवाः
नेपाःया लुँ बजारय् थौं बिहीवाः प्यसः थहा वःगु दु ।
नेपाल सुनचाँदी व्यवसायी महासंघं थौं लुँ छगु तोलां ९६ हजार ८ सय रुपैयाँ जुगु दुु धका धाःगु दु । म्हिगः छगु तोलाय् ९६ हजार ४ सय रुपैयाँ कायम जुगु खः ।
अथेहे तेजाबी लुँ छगु तोलाया ९६ हजार ३ सय कायम जुगु दु । म्हिगः छगु तोलाया ९५ हजार ९ सय रुपैयाँ खः ।
अथेतु वहः न थौं थहावःगु दु । म्हिया तुलनाय् थौं छगु तोलाय् झींतका थहा वःगु दु । महासंघ बिःगु जानकारी कथं थौं वहः छगु तोलाया १३२५ रुपैयाँ कायम जुगु धका धाःगु दु ।
कन्ह्यनिसे वँ पसः,ठेला ब्यापार याये दइगु
लहनान्युज | ञंलागा ७ ११४०,भाद्र २४ बुधवाः
बँ पसः व ठेलाया व्यापार न खुले याःगु दु । थ्व नाप स्टेशनरी, इलेक्ट्रिक व इलेक्ट्रोनिक्स पसः व डिपार्टमेन्टल स्टोर सथय् ११ बजे तक व बहनि ४ निसे ७ बजे तक चायेके दइ ।
सवारी साधन मर्मत यायेगु वर्कसप न सुथय् ८ निसे बहनि ८ बजे तक चायेके दइ ।
मेमेगु पसःया बार तोके याःगु दु
स्वनिगलय् मेमेगु व्यापार व्यवसाय सञ्चालनया लागि धाःसा बार तोके याःगु दु । आः सपिङ मल, फेन्सी व लँ पसः, लाका, कस्मेटिक पसः सोमवाः, बुधवाः व शनिवाः जक चायेके दइ ।
भाँडा व भान्साया सामान पसः आइतवाः, मंगलवाः ज शुक्रवाः जक चायेके दइ सा फर्निचर व अटोमोवाइल सम्बन्धी पसः सोमबार व बुधवाः जक चायेके दइ ।
अथेहे निर्माण सामग्रीया पसः हरेक दिं न्हिनय् २ बजे निसे ७ बजेतक चायेके दइ । टेक अवे व होम डेलिभरी न्हिनय् १२ निसे बहनि ७ बजे तक सञ्चालन याये दइ ।
संस्था ११ निसे निसे ३ बजे तक चायेके दइ । बैक धाःसा थ्व स्वया न्ह्य हे नियमित चायेके दइ याये धुकुगु खः ।
छु छु चायेके दइ मखु ?
प्रशासन कार्यालयया कथं स्वनिगलय् अय्न गन न भेला जुइ दइ मखू, भीड यायेगु, सभा जुलुस यायेगु, जात्रा, महोत्सव व भ्वँय् यायेगु प्रतिबन्ध याना तःगु दु ।
अथेहे धार्मिक, साँस्कृतिक थासय् न्हि नित्य पूजाबाहेक मेगु गतिविधि याये दइ मखु, शैक्षिक संस्था सञ्चालन याये दइ मखु, छु न कथंया सभा, गोष्ठी, तालिम, सेमिनार, सिनेमा हल, पार्टी प्यालेस, मनोरञ्जनस्थल, शैलुन, ब्युटीपार्लर, स्पा, स्वीमिङ पुल, जिमखाना, समूह म्हितेगु कासा,व खेल प्रंस्तुति, प्रदर्शनी, पुस्तकालय, संग्रहालय, चिडियाखाना न सञ्चालन याये दइ मखू ।
उद्योग, ब्यापार, निर्माण ज्याय् स्वास्थ्य सुरक्षा मापदण्ड विपरीत कामदार ओसार पसार यायेगु प्रतिबन्ध याःगु दु ।
कन्ह्यनिसे छ्वासुकल निषेधाज्ञा
लहनान्युज | ञंलागा ७ ११४०,भाद्र २४ बुधवाः
स्वनिगलय् कन्ह्य बिहीवाः निसे पसः व्यवसाय चायेके जिल धइगु सार्वजनिक तथा निजी सवारी साधन न चले याये दइगु जुगु दु । येँ, यलय् व ख्वपया प्रमुख जिल्ला अधिकारीपिन्स स्वगू वाः तक जारी निषेधाज्ञा कन्ह्य निसे छ्वासुकेत न्हुगु आदेश जारी याःगु दु ।
कोरोना संक्रमण अप्वोया वःगुलि स्वनिगः दुने वःगु ४ भदौपाखे निषेधाज्ञा जारी याःगु खः । सुरुइ निवाःया लागि कडा याःगु निषेधाज्ञा स्वगू वाःय् निश्चित ई तोके याना निर्माण सामाग्री ढुवानी तथा बिक्री वितरण खुला याःगु खः ।
बिहीवाः निसे थप सहज जुइ त्यःगु दु ।
सवारीइ जोर विजोर
स्वनिगलय् कन्ह्य बिहीवाः निसे जोर विजोर प्रणालीया आधारय् सवारी साधन सञ्चालन यायेगु ब्यवस्गा याये त्यःगु दु ।
निजी सवारी साधन न जोरविजोरया आधारय् दक्को चले याये दइगु जुगु दु । तर मोटरसाइकल व स्कुटरयात भौतिक दुरी व स्वास्थ्यया मापदण्ड पालना यायेमाःगु जुगु दु ।
सार्वजनिक यातायातया हकय् १६ सिट स्वया अप्वो दुगु क्षमताय् जक चले याये दइ । थथे याना चले याइगु सवारी साधनय् कुल सिट क्षमताया बच्छि स्वया अप्वो मयासे छगु लहरय् छम्ह जक तया यात्रुयात मास्क अनिवार्य याःगु दु ।
चालक व सहचालकं मास्क व पञ्जा अनिवार्य तयेमाः । सवारी साधनया लुखाय् स्यानिटाइजर तयेमा न्हि न्हि निसंक्रमित याये माः ।
अथेहे भाडाया ट्याक्सीइ चालक नाप स्वम्ह व परिवार दुने न्यादँ दुने क्वयाम्ह निम्ह मचा जक तय दइ । मालबाहक सवारी साधन धाःसा जोर विजोर प्रणाली लागू जुइ मखु धका निषेधाज्ञा आदेशय् उल्लेख दु ।
अत्यावश्यक वस्तुया पसः बहनि न चायेके दइ
स्वनिग दुने अत्यावश्यक वस्तु तथा सेवाया पसः आः बहनिया इलय् न चायेके दइगु जुगु दु । भदौ १७ गतेनिसे ११ बजे तक चायेके दइगु पसः आः कन्हयनिसे ५ निसे ७ बजे तक चायेक दइगु जुगु दु ।
थ्व निर्णयया कथं आः खाद्यवस्तु, दुरु, दुरुजन्य पदार्थ, फलफूल तरकारी ला पसः सुथय् ११ बजे तक व बहनि ५ देखि ७ बजे तक चायेके दइ ।
स्वनिगल् छु वाः छु पसः चायेकेगु दइ ?
लहनान्युज | ञंलागा ७ ११४०,भाद्र २४ बुधवाः
स्वास्थ्य सम्बन्धी मापदण्ड अपने याना सपिङमल, फेन्सी स्टोर, लँपसः, लाका पसः, कस्मेटिक लगायतया पसः वाःया सोमवाः, बुधवाः व शनिवा जक चायेके दइगु जिल्ला प्रशासन कार्यालय काठमाडौंं जानकारी बिःगु दु ।
अथेहे भाँडा व भान्साजन्य नाप उगु प्रकृतिया मेमेगु पसः वाःया आइतवाः, मंगलवाः व शुक्रवाः जक चायेके दइगु जुगु दु ।
अथेतु फर्निचर व अटो मोवाइल सम्बन्धी पसः वाःया सोमवाः व बुधवाः जक चायेके दइगु जुगु दु ।
जिल्ला प्रशासन कार्यालय काठमाडौें जारी याःगु सूचंया कथं बिहीवाःनिसे भदौ ३१ गतेतक लागू जुइ कथं स्वास्थ्य तथा जनसंख्या मन्त्रालयं तोकेयाःगु मापदण्ड अपने याना थ्व स्वया न्ह्यया निषेधित अधिकांश विषयय् सहजीकरण याना व्यापार तथा व्यवसाय सञ्चालन याये दइ ।
धादिङय् भुखाय् ब्बःल
लहनान्युज | ञंलागा ७ ११४०,भाद्र २४ बुधवाः
धादिङया नीलकण्ठ नगरपालिका केन्द्रविन्दु जुया भुखाय् ब्बःगु दु ।
थौं बुधवाः न्हिनया ३ बजे जुया ४८ मिनेटय् वःगु इलय् नीलकण्ठ नगरपालिका केन्द्र जुया भुखाय् ब्बःगु दु ।
राष्ट्रिय भूकम्प मापन तथा अनुसन्धान केन्द्रया कथं, थौं ब्बःगु भुखाय् ४ रेक्टर स्केलया मापन जुगु दु धका धाःगु दु ।
केन्द्रया कथं भुखाय् ब्बःया धक्का धादिङ जःखः जिल्लाय् तक महसुस जुगु धका धाःगु दु ।
