Display Style:
Column Style
बुंगद्यःया रथ सालेगु झ्वलय् ज्वपि बिना शर्त त्वःतेगु माग
लहनान्युज | ञंलागा ५ ११४०,भाद्र २२ सोमवाः
बुंगद्यःया रथ सालेगु झ्वलय् ज्वना तःपिन्त त्वःते बिना शर्त त्वःतेगु लागु थौं स्वनिगः थीथी थासय् प्लेकार्डं ज्वना प्रदर्शन याना च्वंगु दु
अथेहे थौं ज्वना तःपि त्वःतेकेगु लागि स्थानीय यलया जिल्ला प्रशासन कार्यालय न घेराउ याना च्वंगु दु ।
थौं सुथय् १०ः३० बजे निसे जिल्ला प्रशासन कार्यालय वना धर्ना तक च्वनेगु याना च्वंगु दु ।
अथेहे थौ यलया ख्वना, थिमि नाप किपूलि रथ सालेगु लागि बिना शर्त त्वःतेमाः धका प्लेकार्ड ज्वना स्थानियपिन्स प्रदर्शन याना च्वंगु दु ।
किपा सामाजिक सञ्जालपाखे
बुंगद्यः रथ सालेगु झ्वलय् ज्वपि खुम्हेसित कोराना सकमण
लहनान्युज | ञंलागा ५ ११४०,भाद्र २२ सोमवाः
वःगु १८ गते पुच्वः बुंगुद्यःया रथजात्राय् झ्वलय् प्रहरी ज्वपि बोडेया श्याम था श्रेष्ठ व नगदेशय् च्वम्ह निरज बादेयात थौं हिरासतपाखे मुक्त याःगु दु ।
उपि नाप उगु द्यः सालेगु झ्वलय् झींन्ह्यम्ह ज्वःगु खः ।
झींन्ह्यम्ह मध्ये खुम्हेसित कोरोना सक्रमण खने दुगु दु ।
कोरोना सक्रमण जुइवं निम्ह श्रेष्ठ व वादे आः ख्वपया खरिपाटी क्वारेन्टाइनय् च्वना च्वंगु दु ।
२९ गते बुंगद्यःयात बुंगय् विज्याकिगु
लहनान्युज | ञंलागा ५ ११४०,भाद्र २२ सोमवाः
कोरोना भाइरसया संक्रमणया कारण बुंगद्यःया रथ व चकबाःद्यःया रथ म्हिगः साला पूच्वय् याः न्याकुगु खः ।
अथेहे थौं द्यःयात बुंगय् लितयंकेत सुथय् साइत स्वयेगु ज्या जुगु दु ।
थौं स्वःगु साइत कथं द्यःयात थ्व हे वइगु भदौ २९ गते बुंगय् लिहाँविज्याकिगु साइत पिहाँवगु दु ।
म्हिगः पुच्वय् तयातगु बुंगद्यःया रथयात सागु खसाः गाबहालय् तयातगु चकबाःद्यःया रथयात पुच्वतक सागु खः ।
किपाः गुणराज शाक्यया फेसबुकपाखे
पाल्पा अस्पताल सिल
लहनान्युज | ञंलागा ५ ११४०,भाद्र २२ सोमवाः
पाल्पा अस्पतालय् वासः याना वयाच्वंपि बिरामीपिन्त कोरोना सङ्क्रमण पोजेटिभ खने दुगुलि अस्पताल सिल याःगु दु ।
अस्पतालय् वासः याका वयाच्वपि बिरामीपिन्त कोरोना सङ्क्रमण खने दुगुलि आकस्मिक सेवावाहेक मेगु दक्को आइतः बहनि निसे बन्द यानागु दु धका पाल्पा अस्पतालया अध्यक्षं धाःगु दु ।
वःगु वाःनिसे अस्पतालय् भर्ना जूपि तानसेन नगरपालिका–११ च्वम्ह ८२ दँया छम्ह मिसायात कोरोना सङ्क्रमण पुष्टि जूगु खः ।
उम्ह पाल्पा अस्पतालय् ज्या याइम्ह कर्मचारीया मां खः ।
अस्पतालय् कोरोना सङ्क्रमण पुष्टि जुइ वः बिरामी, बिरामीया काय्, कार्यालय सहयोगी, चिकित्सक व कर्मचारीपिन्त होम क्वारेन्टिनय् तया तःगु दु ।
पूच्वय् ज्वंपिन्त त्वःतेत हलिं नेवाः दबूपाखें नं माग
शोभा श्रेष्ठ | ञंलागा ४ ११४० (भाद्र २१) आइतवाः
वंगु भाद्र १८ गते यल महानगरपालिकाया पूच्वय् ज्वनायंकूपिन्त तुरन्त रिहाई यायेत हलिं नेवाः दबूपाखें नं माग याःगु दु ।
दबूपाखें प्रेस विज्ञप्ती जारी यासें विहिबाः यलय् प्रहरीपाखें जूगु दमन व विरोधया भत्सर्ना यासें ज्वनायंकूपिन्त तुरन्त त्वःतेत सम्वन्धित निकाययात माग याःगु खः ।
‘राजाकाल व पंचायतकालय् तकं मजूकथं जूगु थुगु सरकारया नृशंस दमनप्रति घोर भत्सर्ना व विरोध यासें हिरासतय् तैतःपिं पत्रकार, अभियन्ता, व स्थानीय व्यक्ति सकलसित तुरन्त रिहाई यायेत सम्वन्धित निकाययात दुनुगलं इनाप यानाच्वना’ विज्ञप्तीइ धयातःगु दु ।
आइएलओ १६९ पाखें नं स्थानीय संस्कृति/परम्परा हनेगु खँय् स्थानीयवासीपिन्सं थःगु स्वविवेक छ्यलेदइगु धासें थथे मजूगु अवस्थाय् हे आन्दोलित जूपिं स्थानीयवासीं रथ साःवंगु दबूपाखें जारी विज्ञप्तीइ न्ह्यथनातःगु दु ।
बुंगद्यःयात रथय् विराजमान जुइधुंकूगु अवस्थाय् नं कोभिड महामारीया हुनिं १६सः दँ पुलांगु ऐतिहासिक जात्रा सम्वन्धित निकाय व सरोकारवालापिन्सं निर्णय यायेमफुबलय् थुगुसी जुइला मजुइला धइगु अन्यौलया अवस्था जूगु नं विज्ञप्तीइ धयातःगु दु ।
