Display Style:
Column Style
पूच्वय् ज्वंपिन्त त्वःतेत नेपाः पार्टीया माग
शोभा श्रेष्ठ | ञंलागा ४ ११४० (भाद्र २१) आइतवाः
नेपाः राष्ट्रिय पार्टिं वंगु भाद्र १८ गते यल महानगरपालिकाया पूच्वय् जूगु झडप व प्रहरी दमनमा गम्भीर ध्यानाकर्षण जूगु न्ह्यथंगु दु ।
नेपाः पार्टिं प्रेस वक्तव्य जारी यासें पूच्वया झडपया झ्वलय् प्रहरीपाखें जूगु धरपकडया विरोध समेत याःगु दु ।
‘नेवाः जाति व संस्कृति थुज्वःगु जनविश्वासयात लापरवाही याःगु अले प्रसाशन र सरोकारवाला संयमित मजूगु खनेदु । अथेजुयाः ज्वनायंकूपिं सकसितं विना शर्त रिहा यायेत नेपाः रा. पार्टीपाखें इनाप यानाच्वना’ विज्ञप्तीइ धयातःगु दु ।
घटना सम्वन्धी सत्यतथ्य छानबिन यानाः दोषी पक्षयात कारवाही नं यायेमाःगु विज्ञप्तीइ न्ह्यथनातःगु दु ।
बुंगद्यः याः न्यात फोटो फिचर
लहनान्युज | ञंलागा ४ ११४०,भाद्र २१ आइतवाः
बुंगःद्यः जात्राया झ्वलय् थौं बुंगद्यःयात सोह्रखुट्टे तक सालाः याः न्यायेकूगु दु । बुंगद्यः सालेगु निंतिं जात्रालिसे सरोकारवाला ज्यापु समाजया लिसें १९ गू खलःपुचःतय्सं स्वयंसेवकत खटे याःगु खः ।
द्यः सालेगु झ्वलय् कोरोना संक्रमणपाखें सुरक्षित जुइगु कथं मापदण्ड पूवंकाः द्यः साःगु खः । द्यः याः न्यायेवं गुर्जुया पल्टनपाखें तोप नं मुइकूगु खः ।
आः कन्हय् हे द्यः भुज्या यानाः द्यःयात लित बिज्याकेगु निंतिं साइट स्वइगु जूगु दु । ज्योतिषतय्सं बिउगु साइट कथं द्यःयात बुंगःय् लित बिज्याकी । मलमासया कारणं द्यःयात याकनं बुंगय् लित बिज्याकेमाःगुलिं २६ गते तकया दुने हे द्यःयात बुंगय् लित बिज्याकेगु तयारी जुयाच्वंगु दु ।
किपा रमेश शाक्य
सिजी ग्रुपया चाउचाउ उद्योगय् ज्या याइपि ४२म्ह कोरोना संक्रमण
लहनान्युज | ञंलागा ४ ११४०,भाद्र २१ आइतवाः
बर्दियाय् छन्हु हे ४३ म्हेसित कोरोना संक्रमण पुष्टि जूगु दु । वःगु २४ घण्टाय् भेरी अस्पताल नेपालगञ्जया प्रयोगशालाय् याःगुु कोरोना परीक्षणया झ्वलय् बर्दियाया ४३म्हेसित संक्रमण पुष्टि जूगु दु ।
संक्रमण पुष्टि जूपि ४३म्ह मध्ये ३४म्ह बाँसगढी नगरपालिकाया, प्यम्ह बढैयाताल गाउँपालिका न्याम्ह व बर्दिया जिल्ला पिने च्वपि धका धाःगु दु ।
स्वास्थ्य कार्यालय बर्दियाया प्रमुखया कथं संक्रमित पुष्टि जूपि मध्ये ४२म्ह बाँसगढीया सिजी फुड कम्पनी ज्या याइपि कर्मचारीपिन्त खः । संक्रमण पुष्टि जूपि २९म्ह मिसापि जक खः ।
थ्व स्वया न्ह्य उगु कम्पनी ज्या याइपि निम्ह कोरोना संक्रमण पुष्टि जुगु खःसा उपि नाप सम्पर्कय् च्वपिन्ते कन्याक्ट टे«सिङ याःगुलि थुलि अप्वो संक्रमण खने दुगु धका धाःगु खः ।
थ्व नाप बर्दियाय् कुल संक्रमितपि ४०७म्ह थ्यःगु दु ।
स्वास्थ्यमन्त्री ढकालया छम्ह सदस्ययात कोरोना संक्रमण
लहनान्युज | ञंलागा ४ ११४०,भाद्र २१ आइतवाः
स्वन्हु न्ह्यः परिवारया छम्ह सदस्ययात कोरोना संक्रमण खने दुगुलि मन्त्री ढकाल थःगु निवास हे क्वारेन्टिनय् च्वना च्वंगु दु।
मन्त्री ढकालं क्वारेन्टिनपाखे हे मन्त्रालयया ज्या याना वयाच्वंगु दु।
मन्त्री ढकालं थःत संक्रमण जुगु मखु परिवारया सदस्ययात संक्रमण जुगुलि थः क्वारेन्टिनय् च्वना च्वंगु दु धका धाःगु खः।
९८०म्ह कोरोना संक्रमण, १८१४म्ह डिस्चार्ज
लहनान्युज | ञंलागा ४ ११४०,भाद्र २१ आइतवाः
वःगु २४ घण्टाय् ९८० म्हेसित कोरोना भाइरस (कोभिड–१९) या संक्रमण पुष्टि जूगु दु । देय् यकया प्रयोगशालाय् १० हजार ३८२ म्हेसिगु नमुना परीक्षण यागुलि २९०म्ह मिसा व ६९० म्ह मिजंपिन्त संक्रमण पुष्टि जूगु दु ।
थ्व नाप संक्रमितपि ४६ हजार २५७म्ह थ्यःगु दु । उकि मध्ये २८९म्ह सी धुकुगु दु सा २८ हजार ९४१ म्ह कोरोना मुक्त जूगु दु ।
वःगु २४ घण्टाय् १८१४म्ह डिस्चार्ज जूगु दु धका स्वास्थ्य तथा जनसंख्या मन्त्रालयं धाःगु दु ।
मन्त्रालयया कथं स्वनिगः दुने ३५४म्हेसित कोरोना संक्रमण पुष्टि जूगु दु । उकि मध्ये येँ २९०म्ह, यल व ख्वपय् ३२, ३२म्हेसित कोरोना पुष्टि जूगु दु ।
अथेहे सुनसरी ८६म्ह, बाराय् ७३म्ह, सुर्खेतय् ४४म्ह, रुपन्देही ३५म्ह, चितवनय् ३०म्ह, मोरङय् २९म्ह, झापाय् २८म्ह, पर्साय् २५म्ह, स्याङ्जाय् २२म्ह, कास्की व कैलालीइ २१,२१म्ह, पाल्पाय् १९म्ह, नवलपुरय् १२म्ह, सप्तरी, अर्घाखाँची व अछामय् ११, ११म्ह, धनुषा, धादिङ व बझाङय् १०, १०म्ह संक्रमितपि जूगु ।
रौतहटय् ८म्ह, दोलखा व तनहुँय् ७,७म्ह, संखुवासभा, सिराहा, बर्दिया व बाँकेय् ६,६म्ह, सर्लाही, गोरखा व जुम्लाय् ५, ५म्ह, कपिलवस्तु व प्युठानका ४र४ जना, महोत्तरी, दाङ, बाग्लुङ र कञ्चनपुरका ३र३ जना, सिन्धुली, नवपरासी, लमजुङ, जाजरकोट, दैलेख व डडेलधुराय् निम्ह निम्ह व उदपयुर, ओखलढुंगा, ताप्लेजुङ, भोजपुर, काभ्रे, सिन्धुपाल्चोक व कालीकोटय् छम्ह छम्हेसित संक्रमण पुष्टि जूगु धका मन्त्रालयं धाःगु दु ।
