Display Style:
Column Style
स्वनिगःपाखे लित छ्वयेगु निर्णयपाखे लिचिल
लहनान्युज | चौलागा पारु ११४०, चैत्र २७
येँ लकडाउनया कारण अलपत्र जुयाच्वपिन्त स्वनिगः पिने छेँय् छ्वय्गु निर्णय नं सरकार लिचिगु दु ।
थुगु निर्णयलय् प्रदेश सरकार लिचिगु कारणं संघीय सरकार याःगु थःगु निर्णयय् या डेढ घण्टा लिपा हे लिचिगु दु ।
कोरोना भाइरस (कोभिड(१९)या सक्रमण फैले मजुइमा धका सरकारं वःगु ११ चैत निसे लकडाउन याना तःगु खः ।
सरकार याःगु लकडाउन वैशाख ३ तक याना तःगु दु ।
थुकिया कारणं येँ च्वपि मनूत नयेगु समस्या जुया न्यासि वना तक छेँय् लिहा वःगु दु ।
थुकिया कारण स्वनिगलय् अलपत्र जुया च्वपिन्त छेँय् लित छ्वयगु निर्णय याःगु खः ।
उपप्रधान तथा रक्षामन्त्री ईश्वर पोखरेलं सरोकारबाला मन्त्रीपिन्त सःता स्वनिगलय् च्वपिन्त कन्ह्य व कसं छेँय् लितः छ्वयेगु निर्देशन बिःगु खः ।
तर, प्रदेश सरकारपिन्स विरोध याःगु खः ।
बजारय् वासःया अभाव मदु
शोभा श्रेष्ठ | चौलागा पारु ११४०
बजारय् वासःया अभाव मदुग वासः व्यवसायीतयसं धाःगु दु ।
बजारय् वासः न्यायेगु मदु धकाः वयाच्वंगु खँ दक्वं हल्ला जक जूगु व दक्वं वासः बजारय् दुगु व्यवसायीतयसं धाःगु खः ।
छुं दिं न्ह्यः जक बजारय् सिटामोल तकं न्यायेगु मदु धकाः हल्ला जूगु खः । थुगु खँया खण्डन यासें वासः व्यवसायी अनुपरत्न बज्राचार्य सिटामोल जक मखु, सुगर, प्रेसर लगायतया दक्वं वासः माःगु ल्याखय् दुगु स्पष्ट यानादिल ।
वासः मदइ धइगु ल्याखं मनूतयसं वासः अप्वः न्यानाः छेँय् स्टक तयेगु याःगुलिं जक छुं दिं बजारय् वासःया अभाव थें खनेदुगु बज्राचार्यया धापू खः ।
उत्पादन व वितरण न्हापा सामान्य अवस्थाय् थें हे जुयाच्वंगु दुगु व गुगु नं कथंया अभाव मदुगु वयकलं धयादिल ।
‘थःत माःगु ल्याखय् जक वासः न्यायेगु यानादिसँ, वासः मदइ धकाः ग्यायेमाःगु अवस्था मदु । वासः अप्वः न्यानाः स्टक तलकि जक समस्या खनेदयेफु’ शाक्यं सकसितं इनाप यानादिल ।
स्वनिगः पिने कन्ह्य व कसं छ्वयेगु ब्यवस्था याइगु
लहनान्युज | चौलागा पारु ११४०, चैत्र २७
सरकारं लकडाउनया कारण स्वनिगलय् अलपत्र जुया च्वपिन्त स्वनिग स्वनिगन पिहा वने बिइगु जुगु दु ।
उपप्रधान तथा रक्षामन्त्री ईश्वर पोखरेलया नेतृत्वय् च्वंगु बैठकं कन्ह्य व कसं पिने वने बिइगु निर्णय याःगु दु ।
वःगु चैत्र ११ गते निसे लागू जुगु लकडाउन ताहाकःगुलि मनूत न्यासि वना न छेँय् वनेगु याना च्वंगु दु ।
विद्यार्थी थीथी ख्यलय् ज्या यानाच्वपि थःगु छेँय् वने मखना च्वंगु खः ।
भौतिक पूर्वाधार तथा यातायातमन्त्री बसन्त नेम्वाङं स्वनिगलय् अलपत्र जुया च्वपिन्त राजमार्गया थीथी थासय् थ्यका बिइगु निर्णय याःगु खः।
स्वनिगःया न्ह्यने च्वपिन्त छु यायेगु धइगु धाःसा निर्णय मजुनि ।
तर, स्वनिग पिने च्वना च्वपिन्त धाःसा स्वनिगलय छ्वया हइ मखु ।
सक्वय् हिंदान ज्याझ्वः जुल
किचः सीं ज्यापु | चौलागा पारु ११४०, चैत्र २७
हलिमय् यकं महामारी जुयाच्वंगु खः कोरोना भाइरस ।
थुकिया कारण नेपाः सरकार देय् यकं लकडाउन याना तःगु दु ।
लहडाउनया इलय् न सक्वया शंखरापुर नगरपालिका वडा नम्वर ७ य् हिंदान ज्याझ्वः जुग दु ।
थुगु हिंदान ज्याझ्वः ब्लद दोनर्स एसोसियसन नेपाल येँ जिल्ला शंखरापुर च्याप्तरया ग्वसालय् जुग खः ।
मुकं ३५ म्हसिया हिदान याना दिगु खः ।
सक्व जेसिस,सक्व रोतरिक्लब, लायन्स क्लब, सक्व रेडक्रस व वेभ सहकारि संस्थाया ग्वाहालि उगु हिंदान ज्याझ्वः जुगु खः ।
आइतवाः निसे पुरा सिलिण्डर ग्यास मिइगु
लहनान्युज | चौलाथ्व पुन्हि ११४०, चैत्र २६
नेपाल आयल निगमं आइतवाः निसे पुरा ग्यास सिलिण्डर मिइगु निर्णय जुगु दु ।
निगमया सञ्चालक समितिं थौं बुधवाःया बैठकं १४.२ किलो (पूरा जाःगु) या सिलिण्डर ग्यास मिइगु निर्णय याःगु दु ।
निगमं दक्को ग्यास उद्योगपिन्त बिहीवाः निसे पुरन जाःगु सिलिण्डरय् ग्यास भरे यायेत निर्देशन बिःगु दु ।
थौंकन्ह्य बजारय् बच्छि जाःगु सिलिण्डर मिया च्वंगु खः ।
आः आइतवाः पुरा सिलिण्डरया ग्यास मिइगु त्यःगु खः ।
निगमं वःगु चैत १२ गते निसे वच्छि जाःगु सिलिण्डरया ग्यास मिइगु निर्णय याःगु खः ।
चैत १६ गतेनिसे बच्छि जाःगु सिलिण्डरया ग्यास मिया वयाच्वंगु खः ।
