Display Style:
Column Style
पोखरा कोभिड अस्पतालय् छम्ह सीत
लहनान्युज | तछलाथ्व दशमी ११४०,जेठ १९ सोमवाः
पोखरा स्वास्थ्य विज्ञान प्रतिष्ठानय् उपचारया झ्वलय् म्हिगः आइतवाः बहनि मदुग दु ।
पोखराया स्याङ्जा फेदीखोला गाउँपालिका ५१ दँयाम्ह खड्क बहादुर कार्की कोरोना विशेष अस्पतालय् सीगु खः ।
निवाः न्ह्यः भारतया आई क्वारेन्टिनय् च्वना च्वम्ह कार्कीयात ज्वरो वःगु खः । तर यम्ह मनूयात १४ दिं न्ह्य क्वारेन्टिन च्वंगु इलय् कोरोना परीक्षणय् रिपोर्ट नेगेटिभ वःगु खः ।
छेँय् लिहा वःगु झ्वलय् ज्वरो अप्वोया प्रतिष्ठानय् उपचारया लागि हःग् खः ।
उपचारया झ्वलय् कार्की सीगस धका प्रतिष्ठान प्रशासनं पुनः कोरोना परीक्षणया लागि स्वाब संकलन यायेत प्रयोगशाला छ्वःगु खः धका जानकारी बिःगु खः ।
कर्णालीइ ४३ म्हेसित कोरोना संक्रमण पुष्टि
लहनान्युज | तछलाथ्व दशमी ११४०,जेठ १९ सोमवाः
कर्णाली प्रदेशया जुम्लाय् निम्ह प्रहरी नाप थप ४३ म्हेसित कोरोना भाइरस (कोभिड–१९) या संक्रमण पुष्टि जुग दु । संक्रमित मध्ये जुम्लाया १९म्ह व दैलेखया २४म्ह खः ।
कर्णाली स्वास्थ्य विज्ञान प्रतिष्ठान जुम्लाय् याःगु पीसीआर परीक्षणय् निम्ह प्रहरी नाप ४३ म्हेसित कोरोना संक्रमण पुष्टि जुगु धका प्रयोगशालापाखे जानकारी बिःगु दु ।
जुम्लाया हिमा गाउँपालिका वडा नं. १, ५, ६ व ७ वडाया ८ म्ह व सिंजा गाउँपालिका वडा ३, ४, ५, व ६ या गुम्हेसित जुगु खः ।
अथेहे दैलेखया २४ म्ह न्हुपि संक्रमित जुपि मध्ये नारायण नगरपालिका वडा नं. २, ४, ५ व ९ या १७म्ह मिजंपि खः ।
दुल्लु नगरपालिका वडा नं. ८ व १२ या न्ह्यम्हेसित संक्रमित पुष्टि जुगु खः । उकि मध्ये निदँया मचा जव निम्ह मिसापि खः ।
थ्व नाप दैलेखय् संक्रमितपिनिगु ल्याः ७२म्ह थ्यःगु दु ।
अथेतु कर्णाली प्रदेशय् १६६ म्हेसित संक्रमण पुष्टि जुइ धुकुगु दु ।
बुटवलय् प्यम्हेसित डिस्चार्ज यात
लहनान्युज | तछलाथ्व नवमी ११४०,जेठ १८ आइतवाः
बुटवल धागो कारखानाय् दयेका तःगु कोरोना विशेष अस्पतालय् थौं प्यम्ह कोरोना संक्रमित वासः याका डिस्चार्ज जुगु दु ।
डिस्चार्ज जुपि कपिलवस्तुइ स्वम्ह व रुपन्देहीया छम्ह डिस्चार्ज जुगु दु । उपि वैशाख २९ व ३० गते अस्पतालया आइसोलेसन वार्डय् भर्ना जुपि खः ।
वासः याना छेँय् लिहा पिन्त डाक्टर नाप स्वास्थ्यकःमिपिन्स स्वां बिया विदाइ याःगु खः । वःगु २४ घण्टाया दुने इमिगु निकः तक कोरोना परीक्षणय् नेगेटिभ रिपोर्ट वःगुलि डिस्चार्ज याःगु खः ।
थ्व स्वया न्ह्यः थुगु अस्पतालं रुपन्देहीइ न्हापा कोरोना संक्रमित कोटहीमाई गाउँपालिकाया २५ दँया छम्ह मनूयात वैशाख ३० गते व कपिलवस्तुया १० म्हेसित जेठ १० गते छेँय् छ्वःगु खः ।
आतक थुथु अस्पताल तया तःपि १५म्हेसित छेँय् छ्वये धुकुगु दु ।
प्रदेश पाँचय् ५२म्ह वासः याका छेँय् लिहा वने धुकुगु दु । थ्व स्वया न्ह्य बाँकेय् २१ म्ह व कपिलवस्तुया छम्ह नर्स न वासः याका छेँय् लिहा वने धुकुगु दु ।
प्रदेश १य् थप न्याम्ह कोरोना संक्रमण पुष्टि
लहनान्युज | तछलाथ्व नवमी ११४०,जेठ १८ आइतवाः
प्रदेश १य् हाकन कोरोना संक्रमण पुष्टि जुगु दु । थौं आइतवाः झापाय् प्यम्ह व मोरङय् छम्हेसित कोरोना संक्रमण पुष्टि जुगु दु ।
कोसी अस्पताल विराटनगरया प्रयोगशालाय् याःगु परीक्षणय् झापाया गौरीगञ्ज गाउँपालिकाया प्यम्हेसित व विराटनगर महानगरपालिकाया छम्हेति कोरोना पुष्टि जुगु दु धका प्रदेश १ सामाजिक विकास मन्त्रालयं धाःगु दु ।
संक्रमितपि दक्को भारतपाखे वःगु धका धाःगु खः ।
गौरीगञ्ज ६ य् प्राथमिक स्वास्थ्य चौकीइ च्वपि ५१म्ह मध्ये प्यम्ह मिजंयात कोरोना संक्रमण पुष्टि जुगु दु ।
संक्रमित पिनिगु अवस्था सामान्य जुगु धका न धाःगु दु ।
संक्रमित मिसा भारतं वया होम क्वारेन्टाइनय् च्वना च्वपि खः ।
थौं १६६ म्हेसित कोरोना संक्रमण पुष्टि
लहनान्युज | तछलाथ्व नवमी ११४०,जेठ १८ आइतवाः
वःगु २४ घण्टाया दुने थौं आइतवाः थप १६६म्हेसित कोरोना संक्रमण पुष्टि जुगु दु ।
थ्व नाप संक्रमित जुपिनिगु ल्याः १५६७ म्ह थ्यःगु दु धका स्वास्थ्य तथा जनसंख्या मन्त्रालयं धाःगु दु ।
संक्रमित मध्ये १४५० म्ह मिजं व ११७ म्ह मिसा जुगु धका मन्त्रालयया प्रवक्ता डा. विकास देवकोटां जानकारी बियादिगु खः ।
