Display Style:
Column Style
येँ मनपा २५वडाय् थौं राहत इनेज्या जुल
राजीव राजोपाध्यायो | चौलाथ्व द्धादशी ११४०, २३
२५ वडा दुने लाःगु केलत्वाः, न्ह्योखा, थाय्मदु ,न्हाय्कं त्वाः व ध्वाखा बहाः राहत इनेज्या याःगु खः ।
२५ वडाध्यक्ष निलकाजी शाक्यया नेतृत्वय् राहत इनेगु ज्यायानादिगु खः ।
सदस्यपिं डार्विन श्रेष्ठ, रमिता कमल स्थापित व राजेश डंगोल उपस्थित जूगु उगु राहत इनेज्याया ब्यवस्थापन केल
त्वाःया मच्छिन्द्र क्लब, न्हाय्कं त्वाःया, श्री उग्रतारा टोल सुधार समिति, थाय्मदुया नारायण टोल सुधार समिति, न्ह्योखाया श्री कृष्ण समाज सेवी क्लब व ढोका बगाया ध्वाका बहाः खलः नं याःगु खः।
थौंया राहत इनेज्याय् बागमती प्रदेसया सांसद वसन्त मानन्धर, राजेन्द्र श्रेष्ठ पुलाम्ह वडाध्यक्ष बाबुराजा महर्जन उपस्थित जुयादीगु खः।
किपा : राजीव राजोपाध्यायो
येँ महानगर १८ वडा किलागः व भुरुख्यलय् राहत बिल
नृपेन्द्रलाल श्रेष्ठ | चौलाथ्व द्धादशी ११४०, २३
येँ महानगरपालिका वडा नम्वर १८ पाखे थौं किलागः व भुरुख्यलय् राहत बिःगु दु ।
येँ मनपा १८ वडाध्यक्ष न्हुच्छकाजी महर्जनया नेतृत्व् थौं उगु वडाया दुने २५० म्ह परिवारयात राहत इनेगु ज्या जुगु दु ।
थौंया राहत इनेगु लागि येँ महानगरपालिका, हेल्प च्यारिटि फन व मारवाडी सेवा समिटिं राहतया लागि ब्यवस्था याःगु खः ।
कन्ह्य रक्तmकाली राहत बितरण यायेगु ज्याझ्वः तया तःगु दु ।
येँ २४ वडाय् राहत इनेगु ज्या क्वचाल
नृपेन्द्रलाल श्रेष्ठ | चौलाथ्व द्धादशी ११४०, २३
येँ महानगरपालिका वडा नम्वर २४ पाखे २७८ म्ह परिवारयात राहत बिःगु दु ।
म्हिगः शनिवाः व थौं आइतवाः यटखा, ह्यपुनःनी, लाय्कुबःही,प्याफः तमोगल्ली व न्यतय् राहत इनेगु ज्या जुगु खः ।
येँ मनपा २४ वडाया वडाध्यक्ष बालकृष्ण श्रेष्ठया नेतृत्वय् २४ वडा यक राहत इनेगु ज्या क्वचाःगु दु ।
२४ वडा सदस्य बिनोद तुलाधरं थपिनि वडाय् छु न आयस्रोत मदुपि छेँ थुवा, न्हिया न्हिथं ज्या याइपि असाहयपिन्त राहत इनगु धका लहनान्युजयात धयादिगु दु ।
वयकलं आः छेँ थुवाः तयेत थौं कन्ह्य सरकारं घोषण याःगु लकडाउनया कारण पसः व छेँय् बाः मवगुनि छेँ थुवाःपिन्त न समस्या जुयाच्वंगु दु ।
उकि लागि इमित न जिमिस बिचाः याये मेगु निर्णय याये त्यःनागु दु धका लहनान्युजयात धयादिगु दु ।
येँ मनपा १७ थौं न इन राहत
नृपेन्द्रलाल श्रेष्ठ | चौलाथ्व द्धादशी ११४०, २३
येँ महानगरपालिका १७ वडापाखे वःगु शुक्रवाः निसे वडा अधक्ष्य नविन मानन्धरया नेतृत्वय् राहत इनेगु ज्या निरन्तर थौं न जुयाच्वुगु दु ।
येँ मनपा १७ वडाय् थौं क्वाःबहाः निसे क्षत्रपाटी, खलीगा व ढल्कोय् याना ३४४ गु परिवारयात राहत इनेगु ज्या जुगु दु ।
येँ मनपा १७ वडा अधक्ष्य नविन मानन्धरं थौं ३४४ गु परिवारयात छेँय् छेँय् वना राहत इनेगु ज्या जुगु दु ।
कन्ह्य पुरानो ढल्को त्वालय् वना राहत इनेगु ज्या जुइ धका लहनान्युजयात कनादिगु दु ।
येँ ९ वडापाखे राहत बिल
नृपेन्द्रलाल श्रेष्ठ | चौलाथ्व द्धादशी ११४०, २३
येँ महानगरपालिका वडा नम्वर ९ पाखे ८८९ म्ह परिवारयात राहत बिःगु दु ।
थुगु वडाय् बिपन्न, असहाय व न्हिया न्हिथं ज्यायाइपिन्त १२०० म्हसिया निवेदन बिःगु खः ।
९ वडाया वडाध्यक्ष रामकृष्ण जयखु श्रेष्ठं महानगरकापाखे ४३५ गु परिवारयात बियाःगु धका धयालिगु खःसा राष्ट्रिय गैरसरकारी संस्था महासंघपाखे २६० प्याकेट व मारवाडी सेवा समितिपाखे १९१ प्याकेट राहत इनगु दु धकाः धयादिगु खः ।
उगु राहत मारवाडी समुदायपाखे २०० म्हसित ग्वाहालि याःगु खः । थौं इगु राहात गैरी गाउँ सिनामंगल, बाग्मती खुसीइ व पहेँलो पुलय् ३०० गु परिवार यात खः ।
उगु वडाय् ९ द्धः छेँय् ११ द्धः मतदाता दुग् खःसा करीब ६५ द्धः मनू तयेत च्वना च्वंगु दु ।
