Display Style:
Column Style
येँँ महानरं बरिष्ठ ज्येष्ठ नागरिक भत्ता छेँय् वना बिइगु सुरु
सुरेन्द्रभक्त श्रेष्ठ | तछलाथ्व दशमी ११४०,जेठ १९ सोमवाः
लकडाउनया इलय् येँ महानगरपालिका वडा–१८ या अध्यक्ष न्हुच्छेकाजी महर्जन इखापोखरीया ८९ दँया विष्णुप्रिया मालीया छेँय् वना बरिष्ठ ज्येष्ठ नागरिक भत्ता वःगु इलय् तसक लय्ताःगु दु । वडाध्यक्ष महर्जनं मालीया ल्हातय् बरिष्ठ ज्येष्ठ नागरिक भत्ताया रुपय् १२ द्धः बियागु इलय् तसक लय्तागु धका धयादिगु दु ।
येँ महानगरपालिकाय् पूर्ण अपाङ्गता जुपि ४४५ म्हेसित लकडाउनया इलय् बिशेष भत्ता छेँय् छेँ वना बिइगु याःगु दु । थुकिया लागि महानगरं ३२ गु हे वडाय् ध्यवा निकासा याये धुकुगु दु । गन बिइ धुकुगु दु गन बिइगस सुरु याये त्यःगु दु ।
‘येँ महानगरपालिकां जेष्ठ नागरिकयात समाजं बियाच्वंगु योगदानया सम्मान स्वरुप दँय् दँसं वरिष्ठ जेष्ठ नागरिकपिन्त बिशेष भत्ता बिया वय च्वंनागु खः धका,’ येँ महानगरपालिकाया मेयर बिद्यासुन्दर शाक्यं धयादिसे, ‘आः देय् हे बन्दाबन्दीया अवस्थाय् दु । थज्यागु इलय् बरिष्ठ ज्येष्ठ नागरिकपिन्त महानगरपालिकां बिया वयाच्वनागु बिशेष भत्तां छु भचा सा राहत महशुस जुइमाः धका छेँय् छेँय् वना बिइगु व्यवस्था यानागु खँ धका धयादिगु खः ।’
मेयर शाक्य दुःखया इलय् न महानगरपालिका जिमिगु साथय् दु धका महशुस बिइगु कथं थुगु इलय् भत्ता उपलब्ध यानागु दु धका धयादिगु खः । ‘३२ गु वडाय् ९ द्ध व ११७म्ह बरिष्ठ ज्येष्ठ नागरिक दुगु तथ्याङ्क दु धयादिगु दु ।’ पूर्ण अपाङ्गता जुपि नागरिकपिन्त महानगरपालिकां दच्छिया स्वद्धः बिया वयाच्वनागु दु धका धयादिगु दु ।
येँ महानगरपालिकाया प्रशासन विभाग प्रमुख नमराज ढकालं ९११७ म्ह बरिष्ठ ज्येष्ठ नागरिक व पूर्ण अपाङ्गता जुपि ४४५ म्हेति महानगर बिशेष भत्ता उपलब्ध यायेत ३२ गु वडाय् ११ करोड ६ लाख व १७ द्धःःनिकासा बिइ धुुकुगु दु धका जानकारी बियादिगु दु ।
थप १३म्ह नाप कोरोना पुष्टि जुपि १८११म्ह थ्यन
लहनान्युज | तछलाथ्व दशमी ११४०,जेठ १९ सोमवाः
थौं सोमवाः बहनि हाकनं थप १३ म्हेसित कोरोना संक्रमण पुष्टि जुगु दु ।
थौ जुगु नियमित पत्रकार सम्मेलनय् २२६म्ह संक्रमित जुगु धका स्वास्थ्य तथा जनसंख्या मन्त्रालयं धाःगु खःसा हाकन बहनिया ६ बजे मेपि थप १३ म्हेसित कोरोना संक्रमण पुष्टि जुगु धका विज्ञप्ति पाखे जानकारी बिःगु दु ।
थ्व नाप नेपालय् कोरोना संक्रमितपि १८११ थ्यःगु दु ।
थौं सोमवाः जक छन्हु हे २३९ म्ह कोरोना संक्रमण जुगु दु ।
थप जुपि १३म्ह पाल्पा निस्दी गाउँपालिकाया निम्ह, नवलपरासीया सरावल गाउँपालिकाय् छम्ह, गुल्मीया रेसुंगा नगरपालिकाय् छम्ह, कपिलवस्तुया मायादेवी गाउँपालिकाय् न्ह्यम्ह व रुपन्देहीया गैडहवाय् निम्ह खः ।
दैलेख भारत लिहा वम्ह क्वारेन्टिन हे बिस्यु वन
लहनान्युज | तछलाथ्व दशमी ११४०,जेठ १९ सोमवाः
दैलेख सदरमुकामय् छम्ह क्वारेन्टिनय् च्वम्ह बिस्यु वःगु दु ।
नारायण नगरपालिकाया नारायण क्याम्पसय् तया तम्ह उम्ह मनू बिस्यु वःगु खः ।
१०५ म्ह क्षमता दुगु क्याम्पसय् भारतं वपि २१८म्हेसित उगु थासय् तया तःगु खः ।
कोरोना संक्रमितपिन्त निन्हु न्ह्य निसे नाप तया तःगु खः ।
निन्हु न्ह्यः उगु थासयु १७म्हेसित क्वारेन्टिनय् तया तःगु खः ।
२२६ म्ह न्हुपिन्त कोरोना संक्रमण
लहनान्युज | तछलाथ्व दशमी ११४०,जेठ १९ सोमवाः
वःगु २४ घण्टाया दुने २२६ म्ह न्हुपि कोरोना संक्रमणया पुष्टि जुगु दु।
स्वास्थ्य तथा जनसंख्या मन्त्रालयं थौं सोमवाः ग्वःसाः ग्वगु नियमित मिडिया ब्रिफिङय् मन्त्रालयया प्रवक्ता डा. विकास देवकोटां थौं हाकन मेपि थप २२६ म्हेसित संक्रमण पुष्टि जुगुु धका जानकारी बियादिगु दु ।
उकि मध्ये २१३ म्ह मिजं व १३म्ह मिसा धका जानकारी बिःगु दु ।
२ नम्वर प्रदेशय् ८२म्ह कोरोना भाइरसया संक्रमण पुष्टि
लहनान्युज | तछलाथ्व दशमी ११४०,जेठ १९ सोमवाः
प्रदेश २ य् थप ८२ म्ह कोरोना भाइरसया संक्रमण पुष्टि जुुग दु । थ्व नाप थुगु प्रदेशय् संक्रमितपिनिगु ल्याः ६९५ म्ह थ्यःगु दु ।
विपी कोइराला स्वास्थ्य विज्ञान प्रतिष्ठान धरान, राष्ट्रिय जनस्वास्थ्य प्रयोगशाला टेकु व धुलिखेल अस्पतालय् याःगु पीसीआर विधिया परीक्षणय् ८२ म्हेसित कोरोना संक्रमण पुष्टि जुगु धका प्रदेश २ या सामाजिक विकास मन्त्रालयं धाःगु खः ।
धरानय् याःगु परीक्षणय् सप्तरीया राजगढ़ गाउँपालिकाया १२ म्हेसित कोरोना संक्रमण खने दुगु खः ।
येँया राष्ट्रिय जनस्वास्थ्य प्रयोगशालाय याःगु परीक्षणय् सिराहाया सूर्यनारायाण मरवैता क्याम्पस क्वारेन्टिनय् न्याम्ह, धनुषाया धनौजी शंकर मावि क्वारेन्टिनय् प्यम्ह, प्रादेशिक अस्पताल जनकपुरय् छम्ह व हसंपुर नगरपालिकाय् निम्हेसित संक्रमण पुष्टि जुगु दु ।
अथेहे महोत्तरीया लोहरपट्टी नगरपालिका क्वारेन्टिनय् निम्ह, सर्लाहीइ जनता मावि अगरवा क्वारेन्टिनय् स्वीनिम्ह, कविलासी नगरपालिका प्यम्ह व हरिपुर नगरपालिका निम्ह संक्रमण खने दुगु खःसा ।
धुलिखेल अस्पतालय् याःगु परीक्षणय् रौतहटको परोहा नगरपालिकाया झीप्यम्ह व यमुनामाई गाउँपालिकास्थित क्वारेन्टिनय् प्यम्हेसिगु रिपोर्ट पोजेटिभ वःगु धका धाःगु दु ।
अथेतु प्रदेश २ या ९९म्ह संक्रमितपि उपचार लिपा छेँय् लिहा वने धुकुगु दु ।
