Display Style:
Column Style
छन्हु १५६ म्ह कोरोना संक्रमित
लहनान्युज | तछलाथ्व षष्ठी ११४०,जेठ १५ बिहिवाः
थौं छन्हु हे १५६ म्हेसित कोरोना संक्रमित थपे जुगु दु, आः संक्रमित जुपि १०४२ म्ह थ्यःगु दु ।
वःगु २४ घन्टाय् थप १५६ म्हेसित कोरोना भाइरस (कोभिडङ–१९) या संक्रमण पुष्टि जुगु धका स्वास्थ्य तथा जनसंख्या मन्त्रालयं धाःगु दु ।
थ्व नाप नेपालय् संक्रमित जुपिनिगु ल्याः द्धःछि ४२ म्ह थयःगु दु ।
आतक नेपालय् न्याम्ह कोरोनाया कारण सीगु दु । अथेहे १९० म्ह वासः याका छेँय् लिहा वने धुकुगु दु ।
थौं ७६ म्ह कोरोना संक्रमण पुष्टि
लहनान्युज | तछलाथ्व षष्ठी ११४०,जेठ १५ बिहिवाः
२ न. प्रदेशय् थप ७६ म्हेसित कोरोना भाइरस (कोभिड–१९) या संक्रमण पुष्टि जुगु दु ।
राष्ट्रिय जनस्वास्थ्य प्रयोगशाला, टेकुइ याःगु परिक्षणय् ७४ म्ह व वीपी कोइराला स्वास्थ्य विज्ञान प्रतिष्ठान, धरानय् याःगु परीक्षणय् २ म्हेसिगु रिपोर्ट पोजेटिभ वःगु दु ।
थौं दकलय् अप्वो धनुषाय् २९ म्ह, सप्तरीइ १४ म्ह, सर्लाहीइ ७ म्ह, सिरहाय् ६ म्ह व रौतहटय् स्वम्हेसिगु रिपोर्ट पोजेटिभ वःगु दु ।
संक्रमित जुपि रौतहया राजदेवीयु च्वपि २१ दँ, २४ दँ व ३० दँ दुपि मिजंपि खः । धनुषाया जनकनन्दीनी ४ या १९ दँया मिजं, लक्ष्मनियाँ स्वास्थ्य चौकीइ च्वपि २७, ५०, ४०, २०, २९, २२, १८, ४०, २०, ४८, १८, ५७, ४२ दँया मिजंपिं, २९ व १४ दँया मिसा, ४ दँया मचायात पुष्टि जुगु दु ।
त्यसैगरी सप्तरीया बोदेबसाईन ३०, ४२, २१, ३०, ३३, २९, १८, ३७, ३०, १९, २७ व ३७ दँया मिजंपि खः । सप्तरीं स्वाब संकलन याःगु ३७ दँया छम्ह मिजयाःगुु थाय् फर्मय् क्लियर मजुगु प्रयोगशालां धाःगु दु
बिहीवाः जक स्याङ्जाय् स्वम्ह व नवलपुरया छम्हेसित कोरोना पुष्टि जुगु दु ।
थ्व नाप नेपालय् कोरोना संक्रमितपि ९८२ म्ह थ्यःगु दु ।
उकि मध्ये १८३ म्ह डिस्चार्ज जुइ धुकुगु दु सा न्याम्ह सी धुकुगु दु ।
कोरोनाया कारण यलय् छम्ह मन्त
लहनान्युज | तछलाथ्व पंचमी ११४०,जेठ १४ बुधवाः
कोरोना भाइरस (कोभिड–१९) या कारण यलय् छम्ह सीगु दु । थ्व नाप नेपालय् कोरोनां सीपि न्याम्ह थ्यःगु दु ।
यल महानगरपालिका २२ या ५७ दँ दुम्ह मनू किष्ट अस्पतालय् कोरोना संक्रमणया कारण थौं बुधवाः मदुगु खः ।
थौं बुधवाः हे वयागु कोरोना परीक्षणया रिपोर्ट पोजेटिभ वःगु धका स्वास्थ्य कार्यालय धाःगु खः ।
वयाःगु रिपोर्ट पोजेटिभ वःगु दु सा कोरोनाया कारण सीगु धका औपचारिक घोषणा जुइ बाँकी दनी ।
सेनां कन्ह्य चीनं २८ टन स्वास्थ्य सामग्री हइगु
लहनान्युज | तछलाथ्व पंचमी ११४०,जेठ १४ बुधवाः
कोरोना महामारीया इलय् स्वास्थ्य सामग्री न्यायेगु जिम्मा कया तःगु नेपाली सेनां कन्ह्य बिहीवाः चीनं २८ टन स्वास्थ्य सामग्री हयेत्यःगु दु ।
उगु सामनया लागि नेपाल एयरलाइन्सया वाइडवडी विमान थौं बुधवाः चीनया ग्वान्झाआपाखे वःगु दु ।
चीनं २८ टन स्वास्थ्य सामग्री हयेत्यःगु खः । उकि पर्सनल प्रोटेक्टिभ इक्यूपमेन्ट (पीपीई), कोरोना जाँचया लागि माःगु पीसीआर किट लगायत सामान खः ।
थ्व स्वया न्ह्यः ६ जेठ गते सेनां १८.९ टन स्वास्थ्य सामग्री न्हापागु चरणय् हवाई मार्गपाखे हःगु खः ।
ओम्नी विजनेस कर्पोरेसन इन्टरनेशनल नाप जुगु सम्झौता विवादित लाःगुलि सरकारं उकियात रद्द यासे स्वास्थ्य सामग्री न्यायेगु जिम्मा सेनायात बिःगु खः ।
आः मेगु अत्यावश्यक स्वास्थ्य सामग्री स्थलमार्गं हयेगु सेना तयारी याःगु खः ।
सेनां स्वसः व ४२ टन स्वास्थ्य सामग्री हयेगु लागि निगु अर्ब २५ करोढ अप्वोयो सम्झौता ९ वैशाखय् याःगु खः ।
बाग्लुङ खुम्हेसित कोरोना भाइरसया संक्रमण
लहनान्युज | तछलाथ्व पंचमी ११४०,जेठ १४ बुधवाः
थौं बुधवाः बाग्लुङय् जक खुम्हेसित कोरोना भाइरसया संक्रमण पुष्टि जूगु दु ।
बाग्लुङ जिल्लाय् बढीगाड गाँउपालिका स्थायी छेँदुम्ह क्वारेन्टाइनय् च्वनाच्वंपिं १९ व २०दँया मिजंपिंन्त संक्रमण जूगु खः ।
अथेहे तमनखोला गाँउपालिकाय् क्वारेन्टाइनय् च्वनाच्वपिं २१, २७, २७ व २९दँया मिजंपिन्त संक्रमण जूगु खः ।
अन संक्रमित जुपि दक्क भारतं वःपिं खः । भारत लिहांवयेधुंकाः तप्यंक क्वारेन्टाइनय् च्वनाच्वंपिंत याःगु पीसीआर परीक्षणय् संक्रमण खनेदुगु खः ।
