Display Style:
Column Style
येँ २९०म्ह नाप स्वनिगः दुने ३५४म्ह सक्रमित
लहनान्युज | ञंलागा ४ ११४०,भाद्र २१ आइतवाः
वःगु २४ घण्टाय् स्वनिगः दुने ३५४म्हेसित कोरोना संक्रमण पुष्टि जूगु दु ।
स्वास्थ्य तथा जनसंख्या मन्त्रालयया कथं येँ जक २९०म्हेसित कोरोना संक्रमण पुष्टि जूगु दु ।
अथेहे यलय् व ख्वपय् ३२, ३२म्हेसित कोरोना संक्रमण पुष्टि जूगु दु ।
वःगु २४ घण्टाय् १० हजार ३८२म्हेसिगु पीसीआर परीक्षण याःगुलि देय् यकं ९८०म्हेसित कोरोना संक्रमण पुष्टि जुगु दु ।
वःगु २४ घण्टाय् कोरोना भाइरस संक्रमणपि जूपि थौं १८१४म्ह डिस्चार्ज जूगु दु ।
थौं आइतवाः तक कोरोना संक्रमणपि २८ हजार ९४३म्ह डिस्चार्ज जूगु दु ।
आइतवाः तक देय् यकं कोरोना भाइरसया सक्रिय संक्रमितपिनिगु ल्याः १७ हजार २७ म्ह थ्यःगु दु । संस्थागत आइसोलेसनय् ९ हजार २०१ म्ह दु । होम आइसोलेसनय् ७ हजार ८२६म्ह च्वना च्वंगु दु ।
बुंगद्यःया रथ सालेगु तयारी जुयाच्वन
शोभा श्रेष्ठ | ञंलागा ४ ११४०,भाद्र २१ आइतवाः
थौं बिहीवाः बुंगद्यया रथ सालेगु सुरु जुइ त्यःगु दु ।
यलय् पुच्वः न सालेगु तयारी याना च्वगु दु । द्यः सालेगु लागि महानगरीय प्रहरी परिसर, यलं कडा सुरक्षा व्यवस्था लागू याना च्वंगु दु ।
यलय् दुहा वनेगु बालकुमारी निसे बल्खु तक सिल याना तःगु दु ।
जिल्ला प्रशासन कार्यालय, प्रहरी ज्यापु समाजया पदाधिकारीपि दथूइ सहलह कथं सीमित मनूत जक मुना रथ साले त्यःगु खः ।
स्वनिगलय् सक्रमित प्रहरी ६२९म्ह थ्यःन
लहनान्युज | ञंलागा ४ ११४०,भाद्र २१ आइतवाः
स्वनिलयकं जक मखु देय् यकं हे कोरोना संक्रमित प्रहरीपिनिगु ल्याः न अप्वोया वःगु दु ।
स्वनिगः दुने जक हे ६२९ म्ह प्रहरीपिन्त कोरोना सक्रिय संक्रमित दु ।
आःतक प्रहरीया निम्ह डीआईजी नाप कोरोना संक्रमितपि २ हजार १११म्ह थ्यःगु दु । उकि मध्ये १२११म्ह सक्रिय संक्रमित दु ।
अथेहे ९५०म्ह वासः याना डिस्चार्ज जुइ धुकुगु दु । प्रहरी प्रधान कार्यालयय् ज्या यानाच्वपि ७१म्ह व स्वनिगः दुने ५५८म्ह सक्रिय संक्रमित दु ।
प्रहरी प्रवक्ताया कथं प्रदेश १ य् २१०म्ह, प्रदेश २ य् ७३म्ह, वाग्मती प्रदेशय् ६०म्ह, गण्डकीय् ८१म्ह, प्रदेश ५ य् १०४म्ह, कर्णाली प्रदेशय् ३७म्ह व सुदूरपश्चिम प्रदेशय् १७म्ह प्रहरीयात कोरोना सक्रिय संक्रमितपि दु ।
लुँया भाः क्वहा वल, वहः थहा वन
लहनान्युज | ञंलागा ४ ११४०,भाद्र २१ आइतवाः
थौं नेपाःया लुँया भाः क्वहा वःगु दु सा वहःया भाः धाःसा थहा वःगु दु ।
नेपाल सुनचाँदी व्यवसायी महासंघया कथं थौं लुँया छगु तोलाया भाः वःगु शुक्रवाः स्वया स्वसः क्वहा वया ९६ हजार १ सय थ्यःगु दु ।
छापावाल लुँ न छगु तोलाय् स्वसः क्वहा वया ९५ हजार ६ सय रुपैयाँ कायम जूगु दु ।
अथेहे वहः छगु तोलाय् झीतका थहा वःगु दु । थौं छगु तोलाया १३२० रुपैयाँ कायम जूगु दु धका महासंघं धाःगु दु ।
१९गू जातीय संगठन ज्वंपिंत त्वःतेगु माग यात
नृपेन्द्रलाल श्रेष्ठ | ञंलागा ३ ११४०,भाद्र २० सनीवाः
बुंगद्यःया रथ सालेगु झ्वलय् ज्वंपिंत बिना सर्त त्वःतेत नेपालभाषा मंकाः खलः यल नाप ज्यापू समाज नाप१९गू जातीय खलः पुचःपिन्स माग यासे थौं छगु पत्रकार सम्मेलन याःगु दु ।
१९गू जातीय खलःपुचः तयेगु थौंं छगु मुँज्यां रथ सालेगु इलय् ब्वलंगु परिस्थितिइ संलगन पुचःया पहिचान यासें प्रहरी प्रशासनं छेँ छेँय् वनाः ज्वनेगु यानाच्वंगु खँय् विरोध प्वंकूगु दु ।
उगु मुँज्यां छगु मंकाः रुपं पिथंगु बिज्ञप्तिइ छेँय् छँय् धरपकड यायेगु ज्या तत्काल दिका नाप ज्वंपिं सकसित बिना सर्त त्वःतेत माग याःगु दु ।
अथेहे उगु विज्ञप्तिइ १९गू जातीय संगठनतय् मुँज्यां बुंगद्यःया जात्रायात संयमित व सुरक्षित रुपं यायेगु सर्वमान्य सहमति कथं न्ह्याः वनाच्वंगु धासें थुगुसी नखत्याः मसतेगु व मवनेगु नं इनाप याःगु दु ।
