Display Style:
Column Style
कालिकोटय् १७ म्हेसित कोरोना संक्रमण पुष्टि
लहनान्युज | तछलाथ्व अष्टमी ११४०,जेठ १७ शनिवाः
कालिकोटय् न्हापागु पटक कोरोना भाइरस (कोभिड(१९) या संक्रमण पुष्टि जुगु दु ।
कर्णाली स्वास्थ्य विज्ञान प्रतिष्ठान जुम्लाय् शनिवाः यागु परीक्षणय् १९ म्हेसित संक्रमण पुष्टि जुुगु दु ।
संक्रमण पुष्टि जुपि मध्ये कालीकोटा १७ म्ह, दैलेखया दुल्लुकाय् छम्ह व बाजुराय् छम्ह जुगु धका सामाजिक विकास मन्त्रालयया स्वास्थ्य महाशाखां धाःगु दु ।
शनिवाः जक ल्याबय् १५९ म्हेसिगु नमूना परीक्षण याःगु खःसा उकि मध्ये १९ म्हेसिगु (कोभिड–१९) पोजिटिभ पुष्टि जुगु धका धाःगु दु ।
उपि दक्को भारतं लिहा वया क्वारेन्टाइनय् च्वना च्वपि खः ।
थ्व नाप कर्णालीइ संक्रमितपि ७७ म्ह थ्यःगु दु । उकि मध्ये छम्ह क्वारेन्टिनय् सीु खः ।
कोरोना दैलेखय् छम्ह मन्त
लहनान्युज | तछलाथ्व अष्टमी ११४०,जेठ १७ शनिवाः
कोरोना भाइरस (कोभिड–१९) या कारण दैलेखय् छम्ह सीगु पुष्टि जुगु दु ।
दुल्लुस्थित विद्युत कार्यालयया क्वारेन्टिनय् थौं शनिवाः सुथय् उम्ह मनूया रिपोर्ट पोजेटिभ वःगु खः ।
दुल्लु–११ या ३५ दँया उम्ह मनू थौं सुथय् सीगु खः ।
कर्णाली स्वास्थ्य विज्ञान प्रतिष्ठान जुम्लाय् पीसीआर विधिपाखे परीक्षण याःगु इलय् उम्ह मनूयात पोजेटिभ वःगु धका सामाजिक विकास मन्त्रालयया स्वास्थ्य महाशाखां धाःगु खः ।
वयाःगु स्वाब तीन स्वन्हु न्ह्य परिक्षण यायेत छ्वःगु खः । उम्ह मनू नाप ७९ म्ह नाप झीगु न्ह्यः भारतया गुजरातं लिहावम्ह खः ।
थ्व नाप नेपालय् कोरोना संक्रमणया कारण सीपिनिगु ल्याः न्ह्यम्ह थ्यःगु दु ।
कोभिडनाप ल्वायेत दक्कोसिगु सहकार्य आवश्यक : मेयर शाक्य
नृपेन्द्रलाल श्रेष्ठ | तछलाथ्व अष्टमी ११४०,जेठ १६ गते
भरपर्दो सुरक्षा सामाग्री मदया ज्यान जोखिम तया संक्रमितपिनिगु उपचारयात निरन्तर खटे जुया वयाच्वपि चिकित्सकपिन्त येँ महानगरपालिकां झीस्वसः पाः ग्वाहालि याःगु दु ।
येँ महानगरपालिकाया मेयर बिद्यासुन्दर शाक्यं नेपाल मेडिकल काउन्सीलया अध्यक्ष डा. भगवान कोइराला व नेपाल चिकित्सक संघया अध्यक्ष डा. लोचन कार्कीयात मंकाः कथं ज्याकेट हस्तान्तरण यानादिगु खः । उगु ज्याया लागि क्षत्रपाटी निःशुल्क चित्किसालयया अध्यक्ष डा. मनोजमान श्रेष्ठ संयोजन यानादिगु खः ।
राष्ट्रिय सभागृहय् ज्याकेट हस्तान्तरण यानादिसे मेयर शाक्यं कोविड–१९ थे ज्यागु अदृष्य शत्रु नाप ल्वायेगु लागि थःगु ज्यान जोखिमय् तया संक्रमित पिनिगु उपचारय् निरन्तर खटे जुया च्वपि चिकित्सकपिन्त महानगरपालिकापाखे थ्व चिधःगु ग्वाहालि याये दया थःत तसक लसता वःगु खँ न्ह्यथनादिगु खः । ‘न्हिया न्हिथं संक्रमितपिनिगु ल्याः अप्वः जुया वया दु धका धयादिसे
थज्यागु इलय् अग्रमोर्चामाय् च्वना ज्या याना वयाच्वपि चिकित्सकपिनिगु मनोबल थकायेगुु लागि संक्रमितपिनिगु वासः यायेत सकसिगु ग्वाहालि माःगु खँय् बः बियादिगु दु ।
मेयर शाक्यं ‘छिकपिनिगु ज्ञान–सीपया उच्चतम सदुपयोग यायेगु ई थ्व हे खः धयादिसे थज्यागु ग्वाहालि व सहकार्य नाप समन्वय याना वनेत येँ महानगरपालिका तयार दु धका धयादिगु खः ।
मेयर शाक्यं मेगु थाय् स्वया येँय् तुलनात्मक रुपं शान्त दुगु थ न चालिस लाख स्वया अप्वो जनसंख्या दुगु स्वनिगलय् संक्रमण फैले जुलकि भयावह अवस्था सिर्जना जुइगुलि स्वनिगलय् च्वपिन्त थप सचेतना फैले यायेत चिकित्सकपिनिगु न तधःगु भूमिका दइ धका धयादिगु दु ।
नेपाल मेडिकल काउन्सीलया अध्यक्ष डा. भगवान कोइरालां संयमता अपने यायेगु व अप्वो चिउता मकायेगु खःसा कोरोनापाखे यक्को तक बचे जुइफइ धका धयागिदुगु खः ।
यलय् छम्ह नाप थप १८९म्हेसित कोरोनाया संक्रमण
लहनान्युज | तछलाथ्व अष्टमी ११४०,जेठ १७ शनिवाः
नेपालय् हाकन मेपि थप १८९म्हेसित कोरोनाया संक्रमण खनेदुगु दु । स्वास्थ्य तथा जनसंख्या मन्त्रालयं बिःगु जानकारी कथं ४म्ह मिसा नाप १८९म्हेसित संक्रमणया पुष्टि जूगु दु ।
संक्रमित जुपि मध्ये छम्ह यलया २३दँया मिसा न जुगु दु । येँया राष्ट्रिय जनस्वास्थ्य प्रयोगशालाय् याःगु परीक्षणय् उम्ह मिसयात संक्रमणया पुष्टि जूगु खः ।
अथेहे जनस्वास्थ्य प्रयोगशालाय् याःगु परीक्षणय् कपिलवस्तुया ७७म्ह, धनुषया ७म्ह, झापाया १म्ह, महोत्तरीया ४म्ह व रौतहटया ६म्ह, सर्लाहीया १७म्ह व सिरहाया ११म्ह नापं १ सय २४म्हेसित संक्रमण खनेदुगु खः ।
अथेहे देय्या मेमेगु थासय् याःगु परीक्षणय् कपिलवस्तुया ३२म्ह, सप्तरीया ९म्ह, दाङया १३म्ह, बाराया १म्ह, पर्साया २म्ह, दैलेखया १४म्ह, संखुवासभाया २म्हेसित संक्रमणया पुष्टि जूगु दु । थ्व
नापं संक्रमिततय् ल्याः १ हजार ४ सय १म्ह थ्यंगु दु ।
खड्गी सेवा समितिं बसन्तपुरय् हिदान यात
नृपेन्द्रलाल श्रेष्ठ | तछलाथ्व अष्टमी ११४०,जेठ १७ शनिवाः
नेपाल खड्गी सेवा समितिं लकडाउनया इलय् न येँया बसन्तपुरय् हिदानया ज्याझ्वः याःगु दु ।
समितिया ४७ क्वःगु बुदिं नाप १२ क्वःगु नायः दिवसया लसताय् हिदान ज्याझ्वः याःगु खः ।
येँया बसन्तपुरय् जूगु उगु ज्याझ्वलय् ३८म्हेसिया हिदान याःगु खः ।
कोभिड(१९ विरुद्धया अभियान सफल यायेनु धाइगु नारा सहित हिदान ज्याझ्वः जूगु खः ।
हिदान याःपिंत समितिया अध्यक्ष अञ्जिता खड्गीं दसिपौ लःल्हानादीगु खः ।
