Display Style:
Column Style
येँया मेडिकल कलेजय् प्यम्ह स्वास्थ्यकर्मी कोरोना संक्रमण
लहनान्युज | तछलाथ्व एकादशी ११४०,जेठ २० मंगलवाः
येँया सिनामंगलय् काठमाडौं मेडिकल कलेजया प्यम्ह स्वास्थ्यकर्मीयात न कोरोना संक्रमण जुगु दु ।
स्वास्थ्य तथा जनसंख्या मन्त्रालयया कथं २४ निसे ३२ दँया स्वम्ह व २८ दँया छम्ह मिजंयात कोरोना संक्रमण जुगु दु ।
मन्त्रालयया प्रवक्ता डा. विकास देवकोटाया कथं इपि दक्को स्वास्थ्यकर्मी खः धका धाःगु दु ।
कोरोना संक्रमित जुपि निद्धः स्वया अप्वोल
लहनान्युज | तछलाथ्व एकादशी ११४०,जेठ २० मंगलवाः
वःगु २४ घण्टाया दुने थौं मंगलवाः थप २८८ म्हसित कोरोना संक्रमणया पुष्टि जुगु दु ।
स्वास्थ्य तथा जनसंख्या मन्त्रालयं ग्वःसाः ग्वःगु नियमित मिडिया ब्रिफिङमा मन्त्रालयया प्रवक्ता डा. विकास देवकोटां थप २८८म्हेसित संक्रमण पुष्टि जुगु दु धका जानकारी बियादिगु दु ।
थ्व नाप नेपालय् कोरोना संक्रमित जुपिनिगु ल्याः निद्धः स्वया अप्वोगु दु ।
बैतडीया क्वारेन्टाइनय् २२ दँया छम्ह मिसा सीत
लहनान्युज | तछलाथ्व एकादशी ११४०,जेठ २० मंगलवाः
बैतडीया पुर्चौडी नगरपालिका–४ भटनाया छगु स्कूलया क्वारेन्टाइनय् छम्ह मिसा मा एक युवतीको सोमबार साँझ मृत्यु भएको छ ।
मंगलवाः सीम्ह उम्ह मिसा मुटु ल्वय् बिरामी धका धाःगु दु ।
उम्ह मिसा १८ गते क्वारेन्टाइनय् वःगु खःसा म्हिगः चान्हय २ बजे आकाझाकां मदुगु खः ।
मदुम्ह मिसाया भात व मचा नाप छम्ह थःथीतिया न स्वाब संकलनयाना च्वंगु दु ।
उम्ह मनू जेठ १६ गते गौरीफन्टा नाकापाखे जुया बैतडी वःगु खः । मदुम्ह मिसा भारतया पञ्जाबं मुटु ल्वय् या वासःयाका वःगु धका धाःगु दु ।
उम्ह मिसां आर्थिक समस्याया कारण छु दिं न्ह्यःनिसे वास नयेगु याना मच्वगु धका धाःगु दु ।
स्याङ्जा संक्रमण पुष्टि जुपि भारत वःपि खः
लहनान्युज | तछलाथ्व एकादशी ११४०,जेठ २० मंगलवाः
स्याङ्जा जिल्लाय् संक्रमण पुष्टि जुपि न्याम्हं भारत वःपि जुगु दु ।
स्याङ्जाया चापाकोट नगरपालिकाय् च्वपि प्यम्ह व विरुवा गाउँपालिकायाम्ह मुम्बई न १५ गते वम्ह छम्हेसित कोरोना पुष्टि जुगु दु ।
उम्ह मनू विरुवा वया स्थानीय नवज्योति माविया क्वारेन्टिनय् च्वना च्वंगु गु खः ।
उगु गाउँपालिकाया नवज्योति मावि व जामुने डाँडाय् याना निगु क्वारेन्टिन सञ्चालन याना वया च्वंगु खः । उकि मध्ये २६ म्ह पिने वःपि खः ।
थौं मंगलवाः कोरोना पुष्टि जुपि स्याङ्जा चापाकोट नगरपालिकाय् प्यम्ह १३ गते भारतया सुनौली नाका जुया स्याङ्जा वःगु खः ।
इमित जिल्लाया स्थानीय तहपाखे उद्धार याना हःगु खः ।
पर्वतय् न्याम्हेसित कोरोना सङ्क्रमण खने दत
लहनान्युज | तछलाथ्व एकादशी ११४०,जेठ २० मंगलवाः
पर्वतय् न न्याम्हेसित कोरोना सङ्क्रमण खनेदुगु दु । पर्वतया कुश्मा च्वना च्वपि १९, २०, २१ व ४० दँया न्याम्हेसित कोरोना सङ्क्रमण पुष्टि जुगुु दु धका गण्डकी प्रदेश स्वास्थ्य निर्देशनालयं धाःगु दु ।
थ्व नाप स्याङ्जाय् न न्याम्हेसित कोरोना सङ्क्रमित जुगु दु । स्याङ्जाया चापाकोट नगरपालिका क्वरेन्टीनय् च्वना च्वपि २२, २६, ३२ व ४० दँयापिन्त कोरोना सङ्क्रमण खने दुगु दु ।
थ्व नाप गण्डकीइ कोरोना सङ्क्रमितपि ३७ म्ह थ्यःगु दु धका स्वास्थ्य निर्देशक तथा गण्डकी प्रदेश कोरोना नियन्त्रण तथा रोकथाम कार्यक्रमया प्रवक्तां धाःगु दु ।
थन सङ्क्रमित स्वम्ह वासः याका छेँय् लिहा वने धुकुगु दु ।
