Display Style:
Column Style
जागरण मञ्चं मानवीय ग्वाहालि भावना जायेकेत आह्वान
लहनान्युज | तछलाथ्व नवमी ११४०,जेठ १८ आइतवाः
लकडाउनया ई ताःहाकः जुयावःगुलि थुकिं विकराल रुप कयाः विविध समस्या न्ह्यःने हयाच्वंगु सन्दर्भय् नेवाः जागरण मञ्चं छगू वक्तव्य पिथनाः नेवाः समुदायनं यायेमाःगु पहलत न्ह्यब्वःगु दु ।
मञ्चया नायः सुजीव वज्राचार्यं थौं आइतवाः पिथंगु छगु वक्तव्यय् लकडाउनया इलय् थवंथवय् मानवीय आर्थिक ग्वाहालि यायेगु भावना जायेकाः व्यक्तिगत व संघ संस्थामार्फत् पहल कायेत इनाप यानातःगु दु ।
अथेहे, लकडाउन धुंकाः पिहांवइगु आर्थिक, व्यापारिक समस्यायात बिचाः यासें कार्ययोजना दयेकेगु अले बहाः पुलेगु समस्या छेँ थुवाः व बालं च्वनीपिनि दथुइ सहलह जुयाः तय जुइमाःगु व थुकी सुयांपाखें अनावश्यक हस्तक्षेप जुइके मबीत सचेत जुइत नं इनाप यानातःगु दु ।
लकडाउन आन्तरिक रुपं पालना याकेगु तर पिनें मनू दुकायेगु थुज्वःगु प्रवृत्तिया विरोध यासें नेवाः जागरण मञ्चं स्वनिगःदुने पिनें मनू दुमकायेगु खँय् सतर्क व सचेत जुयाः प्रशासनयात दबाब बीत नं धाःगु दु ।
लकडाउनया इलय् सरकारपाखें वयेफुगु नेवाः विरोधी विधयेक, थीथी कथंया निर्णय इत्यादि खँय् सतर्क व सचेत जुयाः थवंथवय् थीथी माध्यमं सम्पर्क दयेकाः च्वनेमाःगु धासें मञ्चं कोभिड–१९ या हुनिं जुयाच्वंगु लकडाउनया विषम परिस्थितिइ बेरोजगार मनूत खुँज्या, डकैटी, ठगी थुज्वःगु ज्याय् प्रवृत्त जुयावःगु खनेदुगुलिं सुरक्षाया सवालय् नं सतर्क व सचेत जुइत वक्तव्यय् इनाप यानातःगु दु ।
लिसें, नेवाः जागरण मञ्चं नेवाः ख्यःया समस्याग्रत अभियन्ता, कार्यकर्र्तािपनि पहिचान यानाःग्वाहालि यायेगु पहल जुइधुंकूगु जानकारी नं ब्यूगु दु ।
निदँया मचा कोरोनाया कारण सीगु पुष्टि
लहनान्युज | तछलाथ्व नवमी ११४०,जेठ १८ आइतवाः
बाजुराया निदँ मचा कोरोनाया कारण सीगु पुष्टि जुगु वया माम न संक्रमित जुगु दु ।
निदँया मचा कोरोना भाइरस (कोभिड–१९) या कारण सीगु पुष्टि जुगु दु ।
जिल्ला अस्पताल बाजुराया आइसोलेसनय् उपचार याना च्वम्ह म्हिग शनिवाः चान्ह्य २ बजे सीगु खः ।
प्रदेश २ य् थप ६० म्ह कोरोना पुष्टि
लहनान्युज | तछलाथ्व नवमी ११४०,जेठ १८ आइतवाः
प्रदेश २ य् थौं आइतवाः सुथय् जक ६० म्ह कोरोना संक्रमण पुष्टि जुगु दु । थौं पुष्टि जुपि रौतहटय् २९ म्ह, धनुषाय् २१ म्ह, सर्लाहीइ १० म्हेसित संक्रमित जुगु दु ।
रौतहटय् संक्रमति जुपि दुर्गाभगवती क्वारेन्टिनय् च्याम्ह, मदरसा क्वारेन्टिनय् झीम्ह व गौर क्वारेन्टिनय् ११म्ह ख ।
अथेहे, धनुषाय् संक्रमति जुपि मध्ये मुखियापट्टी मुसहरनिया क्वारेन्टिनय् ११ म्ह, गोपाल धर्मशालाया ९ म्ह व छम्ह गणेशमान चारनाथ नगरपालिकायापि खः ।
अथेतु,सर्लाहीया संक्रमित जुपि मध्ये हरिपुर नगरपालिकाया ७ म्ह व बहम्पुरी गाँउपालिका क्वारेन्टिनया स्वम्ह जुगु दु । इमिगु दक्को स्वाब टेकुस्थित प्रयोगशालाय् परीक्षण याःगु खः ।
तछलाथ्व नवमी ११४०,जेठ १८ आइतवाः
लहनान्युज | बाजुराय् आइसोलेसनय् निदँया मचा सीत
जिल्ला अस्पताल बाजुराया आइसोलेसनय् निदँया मचा सीगु दु । भारतं नेपाः वम्ह वयाःगु स्वास्थ्यय् समस्या वःगुलि बाजुराया जिल्ला अस्पतालय् भर्ना जुगु दु ।
उपचारया झ्वलय् वयागु शनिवाः चान्हय २ बजे सीगु धका अस्पतालया मेडिकल सुपरिटेन्डेन्टपाखे जानकारी बिःगु खः ।
उपि ‘कैलालीया गौरिफन्टा नाकापाखे च्यान्हु न्ह्य वया गांया क्वारेन्टाइनय् च्वना स्वास्थ्यय् समस्या वःगुलि अस्पताल यंकुगु खः ।
१५ गते उम्ह मचायात अस्पताल भर्ना याःगु खः ।
उम्ह मचायात वःसानिसे ज्वरो वयेगु, बान्ता जुया वया च्वंगु खः ।
बुडिगंगा १ या धुरालचैन क्वारेन्टाइनय् च्वना च्वंगु इलय् सामान्य औषधि वासः याःगु इलयुु ठीक मजुगुलि अस्पताल यंकुगु खः ।
सानेपाया हिदान ज्याझ्वः
लहनान्युज | तछलाथ्व नवमी ११४०,जेठ १८ आइतः
सानेपाया साँचल त्वालय् आकस्मिक हिदान ज्याझ्वः जुगु दु ।
उगु ज्याझ्वः हेलो ब्रडरया ग्वसालय् ११० म्हेसिया हिदान याःगु खः ।
यल महानगरपालिका वडा नम्बर २या अध्यक्ष राजेश कुमार महर्जनं हिदानय् सहभागीपिंत जूपिन्त मतिनाया चिं लःल्हानादीगु खः ।
अथेहे, ज्याझ्वलय् पुर्व साांसद मदन बहादुर अमात्य, कलाकार सुरेन्द्र केसि, येँ महानगरपालिका वडा नम्बर २४या दुजः नापं ब्लोदानया केन्द्रिय दुजः बिनोद तुलाधर, ब्लोदान येँ जिल्लाया सचिव अनिलरत्न तुलाधर, ब्लोदान मध्य क्षेत्रया पदाधिकारी, स्थानीय जनसमुदाय, मिसा पुचःया दुजःपिं लगायतया ब्वति दुगु खः ।
रेडियन स्कुलय् जूगु ज्याझ्वलय् शान्ति महर्जन सुवेदीया संयोजन याःगु खः ।
