Display Style:
Column Style
चितवनय् डाक्टर व नर्स नाप २७म्ह कोरोना पुष्टि
लहनान्युज | गुंलागा १२ ११४०,साउन ३२ आइतवाः
चितवनय् डाक्टर व नर्स नाप छन्हु हे २७म्हेसित कोरोना भाइरस संक्रमण पुष्टि जूगु दु ।
भरतपुर अस्पताल कोभिड–१९ प्रयोगशालाय् याःगु परीक्षणय् शनिवाः चान्ह्य तक चितवनया २७ म्हेसित कोरोना संक्रमण पुष्टि जूगु दु । अथेतु सर्लाहीय् थप छम्हेसित संक्रमण जूगु दु ।
संक्रमण पुष्टि जूपि भरतपुर महानगरपालिकायापि २१म्ह जूगु दु । भरतपुर अस्पताल, भरतपुर सेन्ट्रल अस्पताल व बीपी कोइराला मेमोरियल क्यान्सर अस्पतालपाखे स्वाब संकलन याःगुलि उगु परीक्षणय् झीम्ह मिजंपि व झींछम्ह मिसापिन्त कोरोना संक्रमण पुष्टि जूगु खः ।
अथेतु क्यान्सर अस्पतालया न्याम्ह नर्सपिन्त न संक्रमित जूगु दु । संक्रमित मध्ये बीपी कोइराला मेमोरियल क्यान्सर अस्पतालया न्याम्ह नर्सपि खः ।
शनिवाः चान्ह्य ४७४ म्हेसिगु नमुना परीक्षण यागुलि ४४६ म्हेसिगु रिपोर्ट नेगेटिभ वःगु खः ।
येँ कोरोना सक्रमित च्यासः स्वया अप्वल
लहनान्युज | गुंलागा १२ ११४०,साउन ३२ आइतवाः
येँ महानगरपालिका दुने कोरोना सक्रमितपि च्यासः स्वया अप्व जुइ धुकुगु दु । प्यम्ह सी धुकुगु दु सा १५५४म्ह कन्ट्याक्ट ट्रेसिङ याना च्वंगु दु ।
महानगर दुने ३३ वडा दुने आःतक वडा न. २ लय् जक खने मदुगु दु ।
महानगर दुनेया १ नम्वर वडाय् ३७म्ह, ३ नम्वर वडाय् ३४म्ह नेपाल प्रहरी बाहेक, ४ नम्वर वडाय् अख्तियारपि ६१म्ह, ५ नम्वर वडाय् १७ म्ह, ६ नम्वर वडाय् १५म्ह, ७ व ८ नम्वर वडाय् झीम्ह झीम्हसित सक्रमण जूगु दु ।
अथेहे ९ नम्वर वडाय् न्याम्ह, १० नम्वर वडाय् ३८म्ह, ११ नम्वर वडाय् १९ म्ह, १२ नम्वर वडाय् १२ म्ह, १३ नम्वर वडाय् ३३ म्ह, १४ नम्वर वडाय् ५६ म्ह, १५ नम्वर वडाय् १३म्ह, १६ नम्वर वडाय् ४६म्ह व १७ नम्वर वडाय् १४ म्हेसित सक्रमणपि पिहा वःगु दु ।
अथेतु, १८,१९,२० व २१ नम्वर वडाय् छम्ह निम्ह जक खनेदुगु दु । २३ नम्वर वडाय् झीम्ह, २४ नम्वर वडाय् २५ म्ह, २६ नम्वर वडाय् १७म्ह, २७ नम्वर वडाय् ३४ म्ह, २८ नम्वर वडाय् २७ म्ह, २९ नम्वर वडाय् ३०म्ह, ३१ नम्वर वडाय् ३०म्ह, ३१ नम्वर वडाय् ३०म्ह व ३२ नम्वर वडाय् ३०म्हेसित सक्रमित जुइ धुकुग दु ।
येँ महानगर दुने २२०म्ह वासः याका छेँ लिहा वने धुकुग दु ।
मध्यपुर थिमिइ सार्वजनिक यातायात व बजाः बन्द
लहनान्युज | गुंलागा ११ ११४०,साउन ३१ शनिवाः
मध्यपुर थिमि नगरपालिकां कन्ह्य आइतवाः निसे सार्वजनिक यातायात व बजाः बन्द याये त्यःःगु दु ।
कोरोना संक्रमण अप्वया वःगुलि व नेपाल कोरिया मैत्री अस्पताल समेत शिलबन्दी याःगुलि नगरपालिकां कन्ह्य साउन ३२ गते निसे ९ भदौ तक नगर दुने दक्को ब्यापार व्यवसाय बन्द यायेगु निर्णय याःगु दु ।
खाद्यान्न, लः, ग्यास व वासः पसः तक सुथया ११ बजे निसे १ बजे तक जक चायेक दइ कथं निर्णय याःगु दु ।
नगर दुने न सार्वजनिक यातायात बन्द याइगु जुगु दु ।
अरनिको रागमार्गय् धाःसा सार्वजनिक यातायात रोके यायेगु, यात्रु गयेकिगु व क्वकाये मदइ कथं गाडी चले याये दइ ।
कोरोना संक्रमणं वीरगञ्जय् छम्ह सीत
लहनान्युज | गुंलागा ११ ११४०,साउन ३१ शनिवाः
कोरोना संक्रमणपाखे वीरगञ्जय् हाकन छम्ह मेम्ह सीगु दु । वीरगञ्ज २६ अठराह सुगौलीइ च्वम्ह ४७दँया छम्ह मिजंम्ह सीगु दु ।
शनिवाः सुथसिया ७ बजे नारायणी अस्पतालय् वासः यायेगु लागि वयामा च्वम्ह दँय् हे मदुगु दु ।
सीइ धुका स्वाब संकलन याःगु इलय् वयागु पीसीआर रिपोर्ट पोजेटिभ वःगु दु धका नारायणी अस्पतालया मेडिकल सुपरीटेन्डेन्ट डाक्टरं धाःगु दु ।
वयात छगु वाः निसे ज्वरो वया सासः ल्हायेगु समस्या वःगु दु धका धाःगु खः ।
वःगु २४ घण्टाय् ४६८म्ह कोरोना समक्रणया पुष्टि
लहनान्युज | गुंलागा ११ ११४०,साउन ३१ शनिवाः
नेपालय् थौं देय् यकं ४६८म्हेसित कोरोना संक्रमण पुष्टि जूगु दु ।
स्वास्थ्य तथा जनसंख्या मन्त्रालयय् थौं शनिवाः नियमित प्रेस बिफ्रिङय् प्रवक्ता डा. जागेश्वर गौतमं वःगु २४ घन्टाय् ४६८ म्हेसित संक्रमण पुष्टि जूगु दु धका जानकारी बिःगु दु ।
वःगु २४ घन्टाय् १२४म्ह थौं डिस्चार्ज जूगु दु । आःतक १७ हजार २०१ म्ह वासः याका छेँय् लिहा वने धुकुगु दु धका प्रवक्ता गौतमं धाःगु दु ।
मन्त्रालयय् कथं थौंतक पीसीआर विधिपाखे ५ लाख ५ हजार ६६०म्हेसिगु परीक्षण याये धुकुगु दु धका धाःगु दु । अथेहे २४ घन्टाय् ११ हजार ४७ म्हेसिगु पीसीआर परीक्षण याःगु खः ।
आःतक क्वारेन्टाइनय् च्वना च्वंपि १४ हजार ४४८म्ह दु । थ्व नाप आइसोलेसन् च्वनाच्वपि ८ हजार ७१६म्ह दु धका धाःगु दु । मन्त्रालयया कथं देय् यकं होम आइसोलेसनय् ५२३म्ह च्वना च्वगु दु ।
थौं जिल्ला यकं संक्रमितपि थुकथ दु
थौ देय् यक जूपि मध्ये येँ दकलय् अप्व ८०म्हेसित कोरोना संक्रमण पुष्टि जूगु दु । अहथे यल, चितवन व ख्वपय् महोत्तरी, काभ्रेपलाञ्चोकय् गुम्ह गुम्हेति पुष्टि जूगु दु ।
बाँके ११ म्ह, बर्दिया १२ म्ह, धनुषा २७ म्ह, मोरङ ६५सप्तरी २ म्हसिराह ५ म्ह सुनसरी १९ म्ह दोलखा ५म्ह, उदयपुर २म्ह, कपिलवस्तु ३२म्ह, नवलपरासी पूर्व २म्ह, बारा २म्ह, पर्सा २४म्ह, खोटाङ ६म्ह, सर्लाही ५म्ह, कास्की ११म्ह, दैलेख ३म्ह, सुर्खेत ५म्ह, रुपन्देही २म्ह, बागलुङ २म्ह, दाङ ११म्ह, बर्दिया २म्ह, मकवानपुर २१म्ह, रौतहट ४म्ह नाप रामेछाप तेह्रथुम, बझाङ , डडेल्धुरा, गोरखा, स्याङ्जा, तनहुँ, गुल्मी, रसुवा, सिन्धुली छम्ह छम्हेसित कोरोना संक्रमण पुष्टि जूगु दु ।
