Display Style:
Column Style
प्रदेश २ लय् १७९ म्हेसित कोरोना संक्रमण पुष्टि
लहनान्युज | गुंलागा ४ ११४०,साउन २३ शुक्रवाः
प्रदेश २ लय् थौं शुक्रवाः नेपाली सेनाया न्याम्ह व जिल्ला प्रहरी कार्यालय, पर्साया ४५ म्ह नाप १७९ म्हेसित कोरोना संक्रमण पुष्टि जूगु दु ।
सामाजिक विकास मन्त्रालयया कथं थौं शुक्रवाः बहनि जारी याःगु प्रेस विज्ञप्ती कथं जिल्ला प्रहरी कार्यालय, पर्साया छम्ह मिसा नाप ४५ म्ह, श्रीपुर आर्मी ब्यारेकय् न्याम्ह व वीरगन्ज कारागारय् छम्ह मिसा ना निम्हेसित कोरोना संक्रमण पुष्टि जूगु खः ।
अथेहे, वीरगंज महानगरपालिकाया वडा नम्बर २ निसे २१ तक या १४म्ह मिसा नाप ४२म्ह, वीरगंज –२५, सिरसियाया २७ म्ह, वीरगंज चिनी मिलय् निम्ह मिसा नाप प्यम्ह, नेश्नल मेडिकल कलेजय् छम्ह नाप मेपि न्याम्ह याना मुक्क १३३ म्हेसित कोरोना पुष्टि जूगु खः ।
जनकपुरधाम उपमहानगरपालिकाय् छम्ह मिसा नाप न्ह्यम्ह व शहिदनगर नगरपालिकाय् छम्ह मिसा मेपि निम्ह नाप धनुषा जिल्ला यकं झीम्ह, बाराय् न्याम्ह, रौतहटय् निम्ह मिसा नाप प्यम्ह, सप्तरीइ झींच्याम्ह व सर्लाहीइ गुम्हेसित कोरोना संक्रमित जूगु धका मन्त्रालयं धाःगु दु ।
नारायणी कोभिड अस्पतालय् छम्ह मनू कोरोना संक्रमण मन्त
लहनान्युज | गुंलागा ४ ११४०,साउन २३ शुक्रवाः
वीरगञ्जया नारायणी अस्थायी कोभिड विशेष अस्पतालय् छम्ह मनू कोरोना संक्रमण पुष्टि जूग दु ।
वीरगञ्ज–३ छपकैयाया ६५ दँ दुम्ह उम्ह मनू परीक्षण याःगु इलय् कोरोना संक्रमण पुष्टि जूगु धका नारायणी अस्पतालं धाःगु खः ।
कोभिड अस्पतालया इमर्जेन्सी कक्षय् वासः यायेगु झ्वलय् थौं सुथय मदुगु खः । उम्ह मनू प्यन्हु न्यान्हु न्ह्य ज्वरो वःगुलि अस्पतालय् वःगु खः ।
तर साउन २२ गते चान्ह्य हाकन अचानक सासः ल्हाये थाकुलि अस्पताल वःगु खः ।
थ्व नाप पर्साय् कोरोना संक्रमणया कारण सीपिनिगु ल्याः १६ म्ह थ्यःगु दु । कोरोना संक्रमणया कारण वीरगञ्जया एक छम्ह मिजंम्ह येँ मदुगु खः ।
येँ न्युरोड, असं, वघः व टेकुइ सिल यात
लहनान्युज | गुंलागा ४ ११४०,साउन २३ शुक्रवाः
येँया व्यापारिक थाय् न्युरोड, असं, वघः व टेकुइ सिल याःगु दु । जिल्ला प्रशासन कार्यालय काठमाण्डौं थौं शुक्रवाः चान्ह्य १२ बजे निसे लागू जुइ कथं न्युरोड, असं, वघः व टेकुया व्यापारिक
केन्द्र सिल यायेगु निर्णय याःगु दु ।
कोरोना सङ्क्रमण खने दुगुलि उगु थासय् सिल यायेगु तयारी जुया च्वंगु दु ।
वःगु छु दिं न्ह्यने निसे स्वनिगलय् कोरोनाया तसक जोखिम जुया वया च्वंगु खः । वःगु २४ घण्टाय् येँ जक १०६ म्हेसित कोरोना भाइरसको सङ्क्रमण पुष्टि जुगु धका स्वास्थ्य तथा जनसङ्ख्या मन्त्रालयं धाःगु खः ।
थौं ४६४म्हेसित कोरोना संक्रमण पुष्टि
लहनान्युज | गुंलागा ४ ११४०,साउन २३ शुक्रवाः
वःगु २४ घण्टाय् थप ४६४म्ह कोरोना भाइरस (कोभिड–१९) संक्रमण पुष्टि जूगु दु । देय् यक याःगु प्रयोगशालाय् ७ हजार ९२६म्हेसिगु नमुना परीक्षण याःगु इलय् थौं ४६४म्हेसित संक्रमण पुष्टि जूगु दु ।
थ्व नाप संक्रमितपि आः २२ हजार २१४म्ह थ्यःगु दु । उकि मध्ये ७० म्ह सीउगु दु । आः तक १५ हजार ८१४म्ह वासः याका छेँय् लिहा वने धुकुगु दु ।
स्वास्थ्य तथा जनसंख्या मन्त्रालयया कथं थौं दकलय् अप्वः पसाया १३८म्हेसित कोरोना संक्रमण पुष्टि जूग दु ।
थ्व नाप येँ ८८म्ह, मोरङय् ६४म्ह, बाँकेय् २९म्ह, सप्तरीइ २९म्ह, कैलालीइ १८म्ह, बर्दियाय् १५म्ह, सर्लाहीइ १२म्ह कास्की झींछम्ह व झींछम्ह, यलय् १० म्ह व बाराय् ९ म्हेसित कोरोना संक्रमण पुष्टि जूगु दु ।
अथेतु नुवाकोटय् ८म्ह, रौतहटय् न्याम्ह, ख्वप, नवलपरासी व कालीकोटय् प्यम्ह प्यम्ह, झापा व तनहुँ निम्ह निम्हव सुनसरी, सिन्धुपाल्चोक, नवलपुर, गुल्मी, स्याङ्जा, अछाम, सुर्खेत, कञ्चनपुरय् छम्ह छम्हेसित कोरोना संक्रमण पुष्टि जूगु दु ।
येँ ९२म्हेसित कोरोना खने दत
गुंलागा ४ ११४०,साउन २३ शुक्रवाः
वःगु २४ घण्टाय् येँ ९२ म्हेसित कोरोना खने दुगु दु ।
थौं जक स्वनिगलय् १०२ म्हेसित कोरोना भाइरस (कोभिड–१९) संक्रमण पुष्टि जूगु दु ।
स्वास्थ्य तथा जनसंख्या मन्त्रालयया कथं येँ ९२ म्ह यलय् १०म्ह व ख्वपय् प्यम्हेसित संक्रमण पुष्टि जूगु दु ।
