Display Style:
Column Style
कालापानीलिसेंया लागायात दुथ्याकाः नेपाःया न्हूगु नक्सा पिथनेत नेपाल सरकारयात उजं
लहना न्यूज | ने.सं. ११४० कछलाथ्व चतुर्दशि (११ नोभेम्बर, २०१९), सोमवाः
प्रतिनिधिसभाया राज्य व्यवस्था लिसें सुशासन समितिं भारतं थःगु सीमाय् दुथ्याकूगु कालापानी, लिपुलेक व लिम्पियाधुरा लागायात दुथ्याकाः नेपाःया न्हूगु नक्सा पिथनेत नेपाल सरकारयात उजं ब्यूगु दु ।
थौं सोमवाः सिंहदरवारय् च्वंगु समितिया मुँज्यां सरकारयात थुकथं उजं ब्यूगु खः । नेपाःया शैक्षिक हलंज्वलनय् छ्यला वयाच्वंगु नेपाःया नक्सायात भिंकाः ब्वनेगु हलंज्वलं दयेकेगुया नापनापं आःतक प्रचलनय् हयातःगु नेपाःया नक्साय् लिम्पियाधुरातकया भूभाग दुथ्याकाः न्हूगु नक्सा तयार यायेत नं नेपाल सरकारयात उजं बीगु समितिं क्वःछ्यूगु दु ।
समितिं कूटनीतिक व राजनीतिक पहलपाखें समस्या ज्यंकेत सुझाव ब्यूगु दु । ‘कालापानीलिसें मेमेगु सीमा लागाय् नेपाःपाखें सीमा सुरक्षा बलया स्थायी ब्यारेक तयाः सीमाया स्थायी सुरक्षाया व्यवस्था यायेत नं नेपाल सरकारयात इनाप यायेगु’ समितिं क्वःछ्यूगु दु ।
रुपज्योतियात त्वःतेत माग ज्वना माईतीघरय् धर्ना
लहनान्युज | कछलाथ्व चर्तुदशी ११४० (नोभेम्वर ११ २०१९)
नांजाःम्ह उद्योगी नाप व्यवसायी डा.रुपज्योति कंसाःयात ठगी मुद्दाय् ज्वंगुया विरोध असनय् मुना माईतीघरय् धर्ना ज्याझ्वः जुगु दु ।
डा. रुपज्योति ज्वंगुयात कया नेपालउद्योग वाणिज्य महासंघ, उदाय् समाजलिसें थीथी संस्थां विज्ञप्ति जारी यानाः भत्सर्ना याःगु दु ।
डा.रुपज्योतियात त्वःतेगु माग यासें उदाय् समाजया ग्वसालय् येँया माईतीघर मण्डलाय् धर्ना ज्याझ्वः जूगु दु । येँया असनय् मुनाः नाराबाजी यासें माईतीघर वंगु खः ।
धर्नाय् थ्यंपिं प्रदर्शनकारी तय्सं ‘व्यक्तिगत रिसइबी छ्यले दइमखु, पूर्वाग्रहतयाःथुनाय् तय् दइमखु, सुया दबाबय् धरपकड यानाःथुनाय् तया?’ लिसें च्वयातःगु प्लेकार्ड ज्वनावःगु खः ।
ठगी याःगु द्वपनय् वंगु बिहिबाःप्रहरीं रुपज्योतिलिसें वय्कःया म्ह्याय् सुरुचियात त्रिभुवन अन्तर्राष्ट्रिय विमानस्थलय् नं ज्वना यंकूगु खः ।
काष्ठमण्डप पुननिर्माणया ज्याः ५० प्रतिशत क्वचाल
लहनान्युज | कछलाथ्व त्रयोदशी ११४० (नोभेम्वर १० २०१९)
काष्ठमण्डप पुननिर्माणया ज्याः ५० प्रतिशत क्वचाःगु दु ।
नेपाःया लागि जापानया राजदूत मासामिचि साइगोें काष्ठमण्डप अवलोकन भ्रमण यायेगु झ्वलय् पुननिर्माण समितिया संयोजक नाप ३ नम्वर प्रदेशसभाया सदस्य राजेश शाक्यं आःतक जुयाच्वंगु ज्याया जानकारी बियादिगु खः ।
संयोजक शाक्य निर्धारिति यलय् हे काष्ठमण्डप पुननिर्माण ज्या क्वचाइगु धका न धयादिगु खः ।
येँ महानगर दुने भुखाय् ब्बयाः दुना वउगु मूर्त सम्पदा पुननिर्माणया लागि महानगर थक्य हे पर्याप्त श्रोत दु धयादिसे महानगरया प्रमुख बिद्यासुन्दर शाक्यं नेपाः नाप दौत्य सम्बन्ध दुगु देय् पिनिगु ग्वाहालिया सदुपयोग याना सम्पदा दयेकेगु ज्या जुयाच्वंगु दु धका वयकलं जानकारी बियादिगु खः ।
नाप मेयर शाक्यं परम्परागत निर्माण शैलीं दयेकेत जापान सरकारपाखे वःगु ग्वाहालि सम्पदा पुननिर्माणय् छ्यलिगु जुइ धका धयादिगु खः ।
किपूया ज्याथःजिथिपि पोखरा भ्रमणय्
लहनान्युज | कछलाथ्व त्रयोदशी ११४० (नोभेम्वर १० २०१९)
किपू नगरपालिका वडा नम्वर ३ या ९० म्हः ज्याथःजिथिपिंत स्वक्वःखुसि सितिकं भ्रमण यंकूगु दु ।
किपू नगरपालिका वडा नम्वर ३ या ग्वसालय् दँय्दसं अथे धार्मिक व साँस्कृतिक भ्रमण यंकाच्वंगु खःसा स्वन्हुया लागि पर्यटकिय व धार्मिक स्थल पोखरा भ्रमणया यंकुगु खः ।
किपू नगरपालिकाया मेयर रमेश महर्जन, उपमेयर सरस्वति खड्का रिजाल, वडा नम्वर ३ या अध्यक्ष राजेन्द्र महर्जन, वडा १ या अध्यक्ष हर्ष महर्जन नाप वडा ९ या अध्यक्ष गंगाराम महर्जनपिंसं खादां क्वखायेका, सिन्हःतिकाः विदाइ याउगु खः ।
उगु पुचःयात बिचाःयायेत स्वास्थ्यय् प्यम्हलिसें नीम्ह स्वयम् सेवकत नाप प्यंगः बसय् पोखरा, छाब्दी बाराही देगः दर्शनयाका लिहाँवइगु ग्वसाःखलकं जानकारी ब्यूगु दु । लुमंकेबहःजु थ्वयां न्ह्यः लुम्बिनी, मनकामना व जानकी मन्दिरय् चाःहिका हयेधुंकूगु खः ।
किपाः ज्ञानकुमार महर्जन
हीरा ब्यापारी समीर महर्जनयात सम्मान
लहनान्युज | कछलाथ्व द्धादशी ११४० (नोभेम्वर ९ २०१९)
अमेरिकाया व्यवसाय याइपिनि दथुइ उत्कृष्ट १० म्ह दुने लायत ताःलानादिम्ह न्यूयोर्कया हीरा ब्यापारी समीर महर्जनयात हलिं नेवाः दबू नेपाः देय् मू कवलं थौं छगू ज्याझ्वः दथुइं हनेज्या याउगु दु ।
नेपाः देय् मू कवःया नायः शाक्य सुरेनं स्वांमा क्वखायेकाः महासचिव रश्मिला प्रजापति, सचिव महर्जन रत्नं, दांभरी सुरेन्द्रभक्त श्रेष्ठ पिन्स खादां न्ययेका नाप नेवाः परम्परा खें सगं यिबा भिंतुना देछायेगु ज्या जुगु खः।
हलिं नेवाः दबू अमेरिका कवःया न्वकू समीर महर्जनं थपिन्त टप टेन दुने लाकेगुलिइ ज्याय् नेवाः तयेगु ख ल्हाः दुगु खँ कनादिसे ब्याबसायिक सफलताया ल्याखं जक मखु समाजया नितिं याउगु योगदानयात कदरय् थः लुमकुगुलि लसता प्वकादिल ।
अमेरिकाया बिजिनेस म्यागेजिन ईन्क डटकम (Inc.com) पाखें वंगु अक्टोबर २९ य अमेरिकाया झिम्ह चिधंगु व्यापार यानाच्वपिं मध्ये सफल ब्यापारी व ब्यवसायीतय् लिष्टय् महर्जनयात “The Peak Performer” या उपमा बिसें ब्यापारया सफलता बारे च्वःगु ख ।
न्यूयोर्कया क्विन्स डाईमण्ड ज्वेलरी पसः मार्फत हिरा लुँ वहःया ब्यापार याना च्वनादीम्ह महर्जन यलय् च्वनादिम्ह खः
