Display Style:
Column Style
बझाङय् छम्ह क्वारेन्टिनय् हे आत्महत्या यात
लहनान्युज | दिल्लाथ्व दुतीया ११४०,असार ९ मंगलवाः
बझाङय् छम्ह मनू क्वारेन्टिन हे आत्महत्या याःगु दु । छबिस पाथिभेरा गाउँपालिका ७ य् छगू स्कूलया क्वारेन्टिनय् च्वना च्वंम्ह ३० दँया छम्ह मनूखं आत्महत्या याःगु दु ।
उगु थासय् अलग्गै कोठाय् च्वना च्वम्ह मनू दना मवगुलि स्वः वःगु इलयु उम्ह मनू झुण्डे जूया च्वंगु अवस्थाय् लूगु धका धाःगु दु ।
उम्ह मनू भारत लिहावया असार ६ गते निसे क्वारेन्टिनय् च्वना वया च्वंगु खः । मदुम्हेसित सोमवाः हे अन्त्येष्टि याःगु खः ।
सीम्ह मनूयाःगु स्वाब संकलन याना पीसीआर जाँचय् यायेत डडेल्धुरा छ्वःगु खः । भारत लिहा वये धुका परिवार नाप नाप लायेगु मजुनिगु खः ।
थौं महाराजगञ्जया इलाकाय् मत छ्रू ई मवइगु
लहनान्युज | दिल्लाथ्व दुतीया ११४०,असार ९ मंगलवाः
येँ थौं छू छू थासय् गन गन छू ई तक मत वनी जूगु दु।
थौं मत वनीगु थाय् महाराजगञ्ज वितरण केन्द्रया गणेश थासं फिडरापाखे बिइगु लाइनं बूढानीलकण्ठ नगरपालिका २ गणेश चोकय् जीर्ण लाइनया पोल हिले माःगुलि अथे मत वने त्यःगु खः ।
थौं न्हिनया १२ बजे निसे सनिलया ५ बजे तक मत वनि धका नेपाल विद्युत प्राधिकरणं धाःगु दु ।
प्राधिकरणया कथं घुम्ती, धापासी, च्यासिन्टोल, हात्तीगौडा, बालुवाडीपो, हेपाली लगायतया थासय् मत वनि धका धाग् दु ।
क्वःछिगु इलय् स्वया याकन सिधःगु अवस्थाय् मत याकन वइ धका धाःगु दु ।
ङातापोल्ँह (पाँचतले) द्यःया ३१९ बर्षबन्ध (बुसादाँ) हन
लहनान्युज | दिल्लाथ्व दुतीया ११४०,असार ९ मंगलवाः
दिल्लाथ्व पारु कुन्हु ख्वपया बिश्व प्रसिद्ध ङातापोल्ँह (पाँचतले) देगःया ३१८ दँ पुरा जूगु ३१९ बर्षबन्ध (बुसादाँ) हःगु दु ।
दय् दसं दिल्लाथ्व पारु कुन्हु ङातापोल्हँ देगलय् बिशेष पुजा याना देगःया गजूलय् ध्वाँय् ब्बकेइगु परम्परा दु । थुगु दँय् लकडाउन जूया च्वंगु कारण सामान्य पुजायाना याना ध्वाँय् जक ब्बके ज्या जुगु धका पुजारी पदम कार्माचारं धयादिगु दु । उगु देगलय् पुजा यायेगु लागि राजोपाध्यायो, कार्मचार्य, जोशी, व ताल्चाभडेल लगायत पुजारीपिन्स पुजा यायेगु परम्परा दु ।
तुछिमला त्वालय् अवालय् द्यःया गजूलय् ध्वाँय् ब्बकेगु याना वयाच्वंगु खः । उगु देगलय् ध्वाँय् तयेगु लागि तुछिमलाको अवाल बाहेक मेपिन्त देगः वने मदइगु परम्परा दु । थुगु दँय् न करिव छगू दर्जन अवाल थाय् देगलय् गजूलय् ध्वाँय् ब्बकूगु दु ।
नेपाल सम्वत ८२२ य् भुपतेन्द्र मल्लं दिल्लाथ्व पारु कुन्हु न्हापागु (बुसादाँ) पुजा शुरु याःगु खः । थुगु पुजा थौंतक न निरन्तर जूया वयाच्वंगु धका सास्कृतिबिद अोम धौभडेलं धयादिगु दु । थौं नेपाल सम्वत ११४० य् न ङातापोल्ँह (पाँच तल्ले) द्यःया गाय् ३१८ दँ पुरा जूगु धका तलेजया मुल पुजारी नरेन्द्र जोशी जानकारी बियादिगु दु ।
कोरोना संक्रमण ७६ जिल्लाय् थ्यन
लहनान्युज | दिल्लाथ्व पारु ११४०,असार ८ सोमवाः
वःगु २४ घण्टाय् दुने थप ५३५म्ह कोरोना भाइरस (कोभिड–१९) या संक्रमण पुष्टि जूगु दु ।
थ्व नाप संक्रमितपि ९५०म्ह थ्यःगु दु । स्वास्थ्य तथा जनसंख्या मन्त्रालयया कथं रसुवा बाहेक दक्को जिल्लामा कोरोना संक्रमण खने दुगु दु । वःगु लिपागु पटक ओखलढुंगाय् छम्हेसित कोरोना संक्रमण पुष्टि जूगु दु ।
मन्त्रालयया बिगु कथं थौं दकलय् अप्वो पाल्पाय् ९०म्ह कोरोना संक्रमित जूगु दु । अथेहे, कैलालीइ ५८म्ह, गुल्मीइ ५५म्ह, सर्लाहीइ ४७म्ह, रौतहटय् ३४म्ह, स्याङ्जाय् ३३म्ह, प्युठानय् ३०म्ह, सिराहाय् २३म्ेह, नवलपुरय् १६म्ह, डडेलधुरा व सप्तरीइ १५÷१५ म्ह, बैतडीइ १४म्ह, दाङय् १३म्ह, मोरङ व रुपन्देहीइ १२ व १२म्ह, तनहुँइ ११म्ह व धनुषाय् झीम्हेसित संक्रमण पुष्टि जूगु दु ।
अर्घाखाँचीइ ९ म्ह, नवलपुरय् ८म्ह, डोटीइ ७म्ह, नवलपरासी व चितवनय् ५ व ५म्ह, झापाय् ३म्ह, अछाम व सिन्धुपाल्चोकय् निम्ह निम्ह, महोत्तरी, गुल्मी, जाजरकोट व ओखलढुंगाय् छम्ह छम्हेसित कोरोना संक्रमण पुष्टि जूगु दु ।
थ्व नाप संक्रमितपि ९५६१म्ह थ्यःगु दु । उकि मध्ये २३म्ह सीगु दु । अथहे, २१४२म्ह डिस्चार्ज जुइ धुकुगु दु ।
कोरोना संक्रमण पुष्टि जूम्ह क्वारेन्टिनं बिस्यू वन
लहनान्युज | दिल्लाथ्व पारु ११४०,असार ८ सोमवाः
सप्तरीइ कोरोना संक्रमण पुष्टि जुइवं छम्ह मनू क्वारेन्टिनं बिस्यू वःगु दु ।
हनुमाननगर कंकालनी नगरपालिका वडा नम्बर १ भारदहया वीपी माविया क्वारेन्टिनय् च्वम्ह २४दँ दुम्ह छम्ह ल्याय् म्ह क्वारेन्टिनं बिस्यू वःगु दु ।
वयागु पीसीआर परीक्षणया रिपोर्ट थौं सोमवाः वःगु खः ।
रिपोर्ट पोजेटिभ वःगुलि वयात बिस्कं कोठाय् तःगु खः । वयात बिस्कं कोठाय् तःगु सिइवः क्वारेन्टिनं बिस्यू वःगु खः ।
सर्लाही छेँय् दुम्ह उम्ह मनू सप्तरी हे च्वना वया च्वंगु खः । छु ई न्ह्यः जक भारतं लिहा वया क्वारेन्टिनय् च्वना वयाच्वंगु खः ।
कोरोना संक्रमण पुष्टि जूम्ह क्वारेन्टिनं बिस्यू वन
