Display Style:
Column Style
नेपालय् कोरोना संक्रमितपि झीद्धः थ्यन
लहनान्युज | दिल्लाथ्व दुतीया ११४०,असार ९ मंगलवाः
वःगु २४ घण्टाय् थप ५३८म्ह कोरोना भाइरस (कोभिड(१९)या संक्रमण पुष्टि जूगु ।
थ्व नाप संक्रमितपि आः झीद्धः थ्यःगु दु ।
बागलुङय् ११म्ह कोरोना संक्रमितपि डिस्चार्ज
लहनान्युज | दिल्लाथ्व दुतीया ११४०,असार ९ मंगलवाः
बागलुङय् ११म्ह कोरोना संक्रमित वासः याका छेँय् लिहा वने धुकुगु दु ।
आइतवाः याःगु बार पीसीआर परीक्षणय्े रिपोर्ट नेगेटिभ वःगुलि धौलागिरी अञ्चल अस्पतलाय् डिस्चार्ज याःगु दु ।
डिस्चार्ज जूपि गल्कोट नगरपालिकाया २३ दँ छम्ह, निसीखोला गाउँपालिकाय् २९दँ व २२ दँया निम्ह मिज नाप ताराखोला गाउँपालिकाया ३९दँया छम्ह मिजंपि खः ।
बागलुङय् कोरोना संक्रमितपिनिगु ल्याः १२५म्ह थ्यःगु दु ।
उकि मध्ये १७म्ह डिस्चार्ज जुइ धुुकुगु दु ।
गोरखाय् छम्ह मचा नाप १८म्ह कोरोना संक्रमण पुष्टि
लहनान्युज | दिल्लाथ्व दुतीया ११४०,असार ९ मंगलवाः
गोरखाय् थौं मंगलवाः थप १८म्ह कोरोना संक्रमण पुष्टि जूगु दु ।
भीमसेन थापा गाउँपालिकाय् झीनिम्ह, शहिद लखन गाउँपालिकाय् स्वम्ह व बारपाक सुलिकोट, गण्डकी व अजिरकोट गाउँपालिकाय् छम्ह छम्हेसित संक्रमण पुष्टि जूगु दु ।
थ्व नाप गोरखाय् संक्रमितपि ६९म्ह थ्यःगु दु । उकि मध्ये च्याम्ह वासः याना छेँय् लिहा वने धुकुगु दु ।
थौं मंगलवाः थपे जूपि संक्रमित छम्ह मचायात न खने दुगु खः । उकि मध्ये अधिकांश भारतं लिहा वया क्वारेन्टिनय् च्वना वयाच्वपि खः ।
कर्णाली प्रदेश अस्पतालय् उपचाररत कोरोना संक्रमित सीत
दिल्लाथ्व दुतीया ११४०,असार ९ मंगलवाः
कर्णाली प्रदेश अस्पतालय् उपचार याना वयाच्वंम्ह छम्ह कोरोना संक्रमित थौं मंगलवाः सीगु दु ।
वीरेन्द्रनगर कालागाउँ प्रदेश अस्पतालय् सघन उपचार कक्ष (आईसीयू) लय् उपचारत दैलेख दुल्लु नगरपालिका ३ य् ४५ दँ दुम्ह सीगु दु ।
उम्ह मिजंम्ह कोरोना संक्रमण पुष्टि जुगु लिपा असार ४ गते प्रदेशया अस्पतालय् भर्ना जूगु दु ।
वयागु अवस्था गम्भीर जूगुलि तःपिक आईसीयूलय् तया उपचार याना वयाच्वंगु खः ।
थौं मंगलवाः सीगु धका उपचार याना वया च्वंम्ह डाक्टर धाःगु खः ।
थ्व नाप आः कर्णालीइ कोरोना सीपि न्याम्ह थ्यःगु दु ।
लुँ तोलाय् प्यसः क्वहा वल
लहनान्युज | दिल्लाथ्व दुतीया ११४०,असार ९ मंगलवाः
थौं मंगलवाः लुँ तोलाय् प्यसः क्वहा वःगु दु ।
सोमवाः आःतक दकलय् अप्वःगु लुँया भाः थौं मंगलवाः क्वहा वःगु दु ।
थौं मंगलवाः छगू तोलाया ९० द्धः व खुसः तक कारोबार जूगु धका नेपाल सुनचाँदी व्यवसायी महासंघं धाःगु दु ।
म्हिगः सोमवाः लुँया भाः तोलाया ९१ द्धः तक थ्यःगु दु ।
महासंघया कथं कोरोना सङ्क्रमणया जोखिम याना लकडाउनं लुँया कारोबार लगभग ठप्प जुया च्वंगु खः ।
