Display Style:
Column Style
१३ क्वःगु साग क्वचाल
नृपेन्द्रलाल श्रेष्ठ | थिंलाथ्व चर्तुदशी ११४० (दिसेम्वर ११ २०१९)
१३ क्वःगु दक्षिण एसियाली खेलकुद साग मंगलवाः क्वचाःगु दु ।
उगु समापन ज्याझ्वलय् आतिशबाजी व ड्रोन छ्यला दयेकुगु थीथी किपा मनू तयेगु ध्यान सालाकागु खनेदु ।
दशरथ रंगशालाय् जुगु समापन समारोहय् १५० गः ड्रोनं आकाश दयेकुगु राष्ट्रिय झण्डा, नक्सा, गौतम बुद्ध व स्वय्म्भुया किपात खः ।
१३ क्वःगु सागय् नेपालं ५१ गु स्वर्ण त्याका न्हुगु इतिहास दयेकुगु खः । १४क्वःगु साग पाकिस्तानय् जुइगु दु ।
प्रहरीं पत्रकारयात दागुया बिरोधय् रंगशालाय् प्रदर्शन
लहनान्युज | थिंलाथ्व चर्तुदशी ११४० (दिसेम्वर ११ २०१९)
१३ क्वःगु दक्षिण एसियाली खेलकुद (साग) या समापनय् दिं मंगलवाः सुथय् समाचार संकलन यायेगु झ्वलय् नागरिक दैनिक तथा नेपाल खेलकुद पत्रकार मञ्चया सदस्य सुमन चापागाई यात नेपाल प्रहरीपाखे जुगु अभद्र व्यवहारं नेपाल खेलकुद पत्रकार मञ्चपाखे घोर भत्र्सना याउगु दु ।
राष्ट्रिय खेलकुद परिषद् (राखेप) या मू लुखाँय् न्ह्यने किपा कायेगु झ्वलय् पत्रकार चापागाईयात नेपाल प्रहरीं अपशब्द छ्यला जथाभावी बुट प्रहार याउगु धकाः धाउगु खः ।
घाइते चापागाईयात ब्लुक्रस अस्पतालय् वासः याका च्वंगु दु । वइत छाती व छ्यनय् घाःलागु खः ।
मञ्चपाखे छगु प्रेस विज्ञप्ति पिथना पत्रकारयात याउगु उगु घटनां नागरिक अधिकारया नाप निर्वाध रुपं समाचार संकलन व सम्प्रेषण याये दइगु न्युनतम लोकतान्त्रिक अधिकार तक हनन जुगु धाःसे मञ्चं घटनाय् संलग्न जुपिन्त तत्काल कारवाही यायेत माग याउगु दु । नाप पत्रकार सुमनया याकन लायेमा धका न कामना याउगु दु ।
प्रधानमन्त्री खेलाडीयात प्रोत्साहन प्याकेज घोषणा याइगु
लहनान्युज | थिंलाथ्व द्धादशी ११४० (दिसेम्वर ९ २०१९)
प्रधानमन्त्री केपी शर्मा ओलीं बुधवाः १३ क्वःगु दक्षिण एसियाली खेलकुद (साग) य् पदक त्याकुपिें खेलाडीपिनिगु लागि प्रोत्साहन प्याकेज घोषणा याइगु जुगु दु ।
तर सागया समापन समारोहय् धाःसा सहभागी जुयादि मखु ।
समापन समारोहय् छन्हु न्ह्यः ग्वसाः ग्वगु पत्रकार सम्मेलनय् राष्ट्रिय खेलकुद परिषद्या सदस्य सचिव रमेश सिलवालं कसः तक प्रधानमन्त्रीं आतक हे तधःगु प्रोत्साहन प्याकेज घोषणा गर्नु याइ धका धयादिगु खः ।
सागया समापन समारोहय् मूपाहाँ कथं उपप्रधानमन्त्री तथा रक्षामन्त्री ईश्वर पोखरेल जुयादिं ।
समापन ज्याझ्वः कन्ह्यः ५ ताः इलय् त्रिपुरेश्वरया दशरथ रंगशलाय् जुइगु ज्याझ्वः दु ।
वीर अस्पतालय् स्वीनिक्वःगु विश्व एड्स दिवस हन
पुर्णिमा शाक्य | थिंलाथ्व द्धादशी ११४० (दिसेम्वर ९ २०१९)
विश्व एड्स दिवसया लसताय् येँया बीर अस्पतालय् बिशेषज्ञपिं दथुइ प्यानल डिस्कसन यासे ३२क्वःगु विश्व एड्स दिबस तःजिक हन ।
बीर अस्पतालया ए.आर.टी. क्लिनिकया एच.आई.भी. बिशेषज्ञ डा. सुशील कुमार शाक्य मोडरेटर जुयाः न्ह्याकूगु उगु ज्याझ्वलय् बिशेषज्ञपिं वीर अस्पतालया सर्जरी बिभाग प्रमुख डा. किरण श्रेष्ठ, इन्टर्नल मेडिसिनया कोअर्डिनेटर डा. मनेन प्रसाद गोर्खाली, एफ.एच.आई. लिंकेज नेपाःया टेक्निकल एड्भाईजर डा. दुर्गा भण्डारी, राष्ट्रिय एड्स तथा यौन रोग नियन्त्रण केन्द्रया वरिष्ठ जनस्वास्थ्य अधिकृत मदनकुमार श्रेष्ठ, संक्रमितपिनीगु महासंघया नायः राजेश दिदिया व ए.एच.एफ.नेपाःया कन्ट्री प्रोग्राम म्यानेजर दिपक ढुंगेलपिन्सं थःथःगु क्षेत्रं यानावयाच्वंगु योगदान व एच.आई.भी.संक्रमितपिन्त याय्फइगु ग्वाहालिया खँय् न्ह्यसः लिसःनिसें सहलह ब्याकेगु ज्या जुल ।
वीर अस्पतालया का.मु.निर्देशक डा. बिष्णु दत्त पौडेलया सभाध्यक्षताय् न्ह्याःगु उगु ज्याझ्वः पूर्णिमा शाक्यं न्ह्याकादीगु खः । ज्याझ्वलय् थ्यंमथ्यं निसलं मयाक्क मनूतयसं ब्वति काःगु खः ।
मध्यपुर सञ्चार समाजय् न्हूगु नेतृत्व
लहनान्युज | थिंलाथ्व द्धादशी ११४० (दिसेम्वर ९ २०१९)
मध्यपुर सञ्चार समाजया स्वक्वःगु अधिवेशनं बाबुकाजी साःछेँ श्रेष्ठया नेतृत्वय् न्हुगु ज्यासना पुचः ल्यःगु दु ।
थिमिइ जूगु ज्याझ्वलय् उपाध्यक्षय् सागर गुरागाइँ, छ्याञ्जे सुमन श्रेष्ठ, दांभरि चन्द्रकृष्ण श्रेष्ठ, ल्यूछ्याञ्जे पृथ्वीराम श्रेष्ठ, दुजःपिं कृष्णकाजी मानन्धर, विश्वेश्वर श्रेष्ठ, ज्ञानदेव श्रेष्ठ, ईश्वरलाल श्रेष्ठ, जगत प्रजापतिपिन्त सर्वसम्मत ल्यःगु खः ।
निवर्तमान नायः हरिवहादुर श्रेष्ठयात सल्लाहकारलिसें पदेन दुजलय् मनोनित याःगु खः ।
उगु ज्याझ्वलय् पत्रकार दानदास श्रेष्ठयात “थेम्मृङ पत्रकारिता पुरस्कार”पाखें हंगु खः । स्वंगू दशक न्ह्यःनिसे पत्रकारिता ख्यलय् सक्रिय जुयादीम्ह श्रेष्ठ नेपाल समाचारपत्र दैनिकय् १८दँ तक समाचार डेस्कय् ज्या यानाः थौंकन्हय् स्वतन्त्र सञ्चारग्राम साप्ताहिकय् सम्पादक जुयाः पत्रकारिता ख्यलय् सक्रिया जुयाच्वनादिम्ह खः ।
मध्यपुर थिमि नगरपालिकाया प्रमुख मदनसुन्दर श्रेष्ठं तथ्यगत रिपोर्टिङ याय्माःगु खँय् बः बियादिल ।
