Display Style:
Column Style
प्रधानमन्त्री ओलीं थौं पत्रकार सम्मेलन याइगु
तछलागा पारु ११३९ (जुन १८ २०१९)
प्रमुख विपक्षीं संसद अवरोध यागुनि थौं संसदय् सम्बोधन याये मखगुया कारणं प्रधानमन्त्री केपी शर्मा ओलीं पत्रकार सम्मेलन याये त्यःगु दु ।
उगु पत्रकार सम्मेलन थौं ५ बजे याये त्यःगु दु ।
थौं मंगलवाः संसदय् सम्बोधन यायेगु लागि वःगु इलय् रोष्टम थ्यंगु इलय् विपक्षी सांसदसपिन्स नाराबाजी याःगु खः ।
प्रधानमन्त्री ओलीं कांग्रेसया अवरोधया कारणं युरोप भ्रमण व गुथि विधेयक या खँ तयेगु लागि सदनय् जानकारी ज्याझ्वः तया तःगु खः ।
विपक्षी सांसदपिनिगु नाराबाजीया कारणं संसद स्थगित
लहनान्युज | तछलागा पारु ११३९ (जुन १८ २०१९)
प्रमुख विपक्षी नेपाली कांग्रेसया सांसदपिन्स नाराबाजीया कारणं थौं प्रधानमन्त्री केपी शर्मा ओलीें संसदय् सम्बोधन याये मखःगु दु ।
प्रधानमन्त्री ओलीं युरोप भ्रमणया बारे जानकारी बिगु व समसामयिक विषयलय् न्ववायेगु लागि ई कयादिगु खः । तर, थौं बैठक सुरु जुगु इलय् कांग्रेस सांसदपिं दना विरोध यागुनि संसदया मुँज्या स्थगित जुगु खः ।
थौं मंगलवाः सभामुखयाके प्रधानमन्त्रीं न्ववायेगु ई कयादिगु खः । प्रधानमन्त्री रोष्टमय् थ्यंगु इलय् विपक्षी सांसदपिंन्स हृवेल घेराउ यायेत वःगु खः । विपक्षी सांसदपिन्स संसदीय मर्यादा
कायम याये माःगु धाःसे नाराबाजी यागुनि संसद स्थगित याःगु खः । मेगु बैठक कन्ह्य ४ बजे तःगु दु ।
विपक्षी दलया खँ तये धुका प्रधानमन्त्रीं लिसः बिइगु खः नेता देउवा
लहनान्युज | तछलागा पारु ११३९ (जुन १८ २०१९)
विपक्षी दलया नेता न्हापा न्ववायेकि प्रधानमन्त्रीं न्हापा न्ववायेगु धका विवादया कारण थौं मंगलवा संसद अवरुद्ध जुगु खः ।
कांग्रेसया सांसदपिन्स थःगु दलया नेतायात न्हापा खँ तयेगु ई मबिस्य प्रधानमन्त्री केपी शर्मा ओलीयात ई बिगु नि संसदय् नारावाजी याःगु खः ।
थौं विपक्षीया नाराबाजीया कारणं रोष्टम थ्यंगु इलय् प्रधामनमन्त्री ओली तक सम्बोधन मयासे लिहा वःगु खः ।
बैठक लिपा कांग्रेस नेता देउवां विपक्षी दलया नेतां न्ह्यसः तये धुका प्रधानमन्त्रीं उकिया लिसः बिइगु प्रचलन दु धका धयादिगु खः ।
नेकपाया नेता माधव नेपालं स्वनिगःया सांसदपि नाप सहलह
लहनान्युज | तछलाथ्व पुन्हि ११३९ (जुन १७ २०१९)
नेकपाया बरिष्ठ नेता नाप पूर्वप्रधानमन्त्री माधवकुमार नेपालं गुथि विधेयकया बिषयलय् स्वनिगःया सांसदपि नाप थौं सोमवाः सिंहदरबारय् छलफल यानादिगु दु ।
उगु छलफल करिब डेढ घण्टा तक जुगु खः ।
थौं हे प्रधानमन्त्री केपी ओलीं बालुवाटारय् गुथि विधेयकया बारे छलफल यायेगु तयारी यान च्वगु इलय् वः स्वया न्ह्यः माधव नेपालं ब्यागलं छलफल यानादिगु खः ।
उगु छलफल नेता नेपाल व सांसदपि नाप न्ह्निय् १ बजे जुगु खः ।
गुथि बिधेयक बिरुद्ध थाय्मदुइ सभा
नृपेन्द्रलाल श्रेष्ठ | तछलाथ्व पुन्हि ११३९ (जुन १७ २०१९)
थौं नेवाः संघया ग्वसालय् गुथि बिधेयक बिरुद्ध येँया थाय्मदुइ छगु कोणसभा जुगु दु ।
उगु कोणसभाय् मूपाँहा कथं गुथि विधेयक विरुद्ध संघर्ष समन्वय समितिया संयोजक डा. महेशमान श्रेष्ठ झायादीगु खः ।
उगु सभाय् थःगु खँ तयादिसे संघर्ष समितिया संयोजक श्रेष्ठं संसदय् दर्ता जूगु विधेयकं गुथिया हक, जिम्मेवारी फुक्कं गुथ्याःतय्गु मजूसे प्राधिकरण नीस्वनाः उकियात लःल्हाय्त्यंगु दु । धयादिसे गुथि उकी दुने दुपिं गुथ्याःतय्त गुलि माया दइगु खः, स्वभाविक कथं मेपिन्त उलि माया दइ मखु धका धयादिगु खः ।
संयोजक श्रेष्ठं संसदय् दर्ता जूगु थुगु विधेयक पारित जुल धाःसा गुथिलिसे सम्बन्धित फुक्क थजाःगु अधिकार गुथ्याःतय्त दइमखु । स्वतः समाप्त जुइ । गुथि सञ्चालन याय्गु अधिकार फुक्क राष्ट्रियकरण जुल धाःसा थ्व लिसे सम्बन्धित जग्गा, तिसालिसे फुक्क धनसम्पत्ति नं राष्ट्रियकरण जुइ धकाः धयादिसे वयकलं थ्वहे वइगु असार ४ गते माइतीघर मण्डला वया एकताबद्ध क्यनेत दक्को संपदाप्रेमि व गुथिया व सकल नेवाः तयेत इनाप न यानादिगु खः ।
उगु सभाय् गुथि संस्थानया पुलाम्ह अधक्ष्य पंचलाल महर्जन व नेवाः संघया नायः सत्यनारायण डंगोेल नं बिधेयकया बिरुद्ध थःगु बिचाः तयादिगु खः ।
