Display Style:
Column Style
थौंनिसे फुटपाथ पसः चिइकेत तयारी
शोभा श्रेष्ठ | तछलागा तृतीया ११४०,जेठ २६ सोमवाः
थौं येँ महानगरया दुनेया थीथी थासय् फुटपाथ पसः चिइकेत तयारी याःगु दु । परोपकार ताँ निसें असंया जमः तक फुटपाठ पसः चिइकेगु नीति स्थानीय मनू तयेगु पुचलं आ फुटपाथ पसः चिइकेत तयारी याःगु खः ।
फुटपाथ पसः चिइकेगु लागि किलागःया स्टार क्लबया नायः चन्द्र कुमार महर्जनया संयोजकत्वय् छगु कमिति गठन याःगु खः । थौं गठन याःगु कमिटि जागरुक युवा समूह नामं गठन याःगु खः ।
उगु कमिटिं परोपकारया ताँ निसें मरु, प्याफः, न्यत, किलागः, जनबहाः, थाय्मदु, असं, त्यंगः, त्यःर, भोताहिति, जमलय् तयेगु याना वयाच्वंगु थासय् तया वयाच्वंगु फुक्क फुटपाथ पसः चिइकिगु जूइ धका २४ वडा सदस्य विनोद तुलाधरं धयादीगु दु । वडा सदस्य तुलाधरं आः थ्व लागाय् गु नं हालतय् फुटपाथ पसः तयेकेमबीगु लक्ष्य कथं न्ह्यागु दु धका धयादिगु दु ।
थुगु कमिटिं पसः चिइकिगु लागाय् लाःगु फुक्क स्थानीय क्लबया प्रतिनिधिपिं व वडा सदस्यपिं दुजः जुइगु खँ धाःगु दु । थ्व पुचलं सोमवाः हे ब्यानरसहित थुगु लागा चाःहिला फुटपाथय् पसः तयाच्वंपिंत थनेगु व लिपां निसें तः मवयेत ख्याच्वः बियाथकूगु खः ।
उपत्यका विकास प्राधिकरण खारेज यायेत सरकारयात ध्यानाकर्षण
नृपेन्द्रलाल श्रेष्ठ | तछलागा तृतीया ११४०,जेठ २६ सोमवाः
उपत्यका नगरपालिका फोरमं स्थानीय सरकारया ज्या, कर्तव्य व अधिकारय् हस्तक्षेप यानाच्वंगु काठमाडौं उपत्यका विकास प्राधिकरण खारेज यायेत सरकारयात इनाप याःगु दु ।
विज्ञप्ति जारी यायेगु न्ह्य फोरमका अध्यक्ष तक जुयादिम्ह येँ महानगरपालिकाया मेयर बिद्यासुन्दर शाक्य, उपाध्यक्ष एवं ललितपुर महानगरपालिकाका मेयर चिरिबाबु महर्जन व सचिव एवं मध्यपुर ठिमी नगरपालिकाया मेयर मदनसुन्दर श्रेष्ठं सहरी विकास राज्यमन्त्री मानन्धर नाप छलफल यानादिगु खः ।
२०४५ सालय् नीस्वंगु प्राधिकरण आःया नेपाःया संविधान व हिलावंगु राज्यसंरचना, विद्यमान कानून कार्यन्वयनय् तकं लिच्वः लाकीगु व समग्र संघीय संरचना कार्यान्वयनय् हे बाधा लाकीगु प्रकृतिया संस्थाया कथं दुगु खँ नं फोरमं धाःगु दु ।
२०४५ सालय् तत्कालिन जुजु वीरेन्द्रं लालमोहर तया ऐनया आधारय् न्ह्याकुगु उपत्यका विकास प्राधिकरणयात आतक संविधानं म्हमसिगु धका धाःसे नगरपालिका फोरमं पटक–पटक खारेजीया माग याना वयाच्वंगु खः । काठमाडौं उपत्यका विकास प्राधिकरण २०६८ य् न्हापागु पटक संशोधन याःगु खः ।
२०७६ साल बैशाख २५ गते फोरमया अध्यक्ष शाक्यया अध्यक्षताय् क्वचाःगु प्यक्वःगु बिस्तारित बैठकं तत्काल प्राधिकरण खारेजीया माग याःगु खः । ‘प्राधिकरण २०४५ सालय् गठन जूगु संस्था ख । थुगु संस्था जुजु विरेन्द्रं जारी याःगु पञ्चायती अवशेषया ऐनय् टेके जुया च्वंगु खः । थुकिया जग हे बः मलागु धका फोरमया सचिव श्रेष्ठ धाःगु दु ।
‘प्राधिकरणयात खारेज यायेगु निंतिं नेपाल सरकारयात इनाप यायेगु धइगु फोरमया निर्णय जूगु खँ हानं इनाप यासें प्राधिकरणयात अविलम्ब खारेज यायेगु प्रकृया न्ह्यःने यंकेत शहरी वि
कास मन्त्री व राज्यमन्त्रीयात इनाप यानाच्वना ।,’ विज्ञप्तिइ न्ह्यथनातःगु दु ।
वयकलं नगरपालिका व उपत्यका प्राधिकरणया ज्या, कर्तव्य व अधिकार ९० प्रतिशत स्वया अप्वो मिले जुगु धका धयादिसे संघीय संरचना अनुसार स्थानीय सरकारयात बाइपास याना प्राधिकरणयात न्ह्यने छु न हालतय् स्वीकार्य मजुगु धका दाबी यानादिगु खः । ‘उपत्यकाया १८ गू नगरपालिकाया मेयरया न मेयर खः धइगु भ्रम प्राधिकरणया नेतृत्वय् दु धयादिगु ।
वंगु वैशाख महिनाय् च्वंगु स्वनिगः दुनेया झिंच्यागू नगरपालिकातय् मंकाः फोरमया विस्तारिक मुँज्यां याःगु निर्णय यात हानं ध्यानकर्षण याःगु दु ।
फोरमं आइतवाः छगू विज्ञप्ति पिथना फोरमया काठमाडौं विस्तारित मुँज्यां छगूमतं प्राधिकरण खारेज यायेमाःगु ठहर याःगु खँयात याकनं कार्यान्वयन यायेत सहरी विकास मन्त्री व राज्यमन्त्री समक्ष माग याःगु दु ।
लुम्बिनी मेडिकल कलेजय् उपचाररत निम्हसित कोरोना संक्रमण
लहनान्युज | तछलागा तृतीया ११४०,जेठ २६ सोमवाः
पाल्पाया तानसेन प्रभासय् लुम्बिनी मेडिकल कलेजय् उपचारत निम्हेसित कोरोना संक्रमण पुष्टि जूगु दु ।
प्रदेश जनस्वास्थ्य प्रयोगशाला भैरहवाय् याःगु परीक्षणय् पाल्पा पूर्वखोला गाउँपालिका–१ सिलुवाया २३दँया व गुल्मीया रूरू गाउँपालिका–१ या ३२ दँया मिजंम्हेसित कोरोना पोजेटिभ खनेदुगु खः ।
संक्रमित निम्हेसिया स्वास्थ्य अवस्था सामान्य दूगु धका धाःगु दु ।
निम्ह कोरोना संक्रमण खनेदुपिन्त आइसोलेसनय् तय उपचार जुयाच्वंगु धका अस्पतालया सूचना अधिकारीं जानकारी बिःगु दु ।
थप ३१४म्ह कोरोना संक्रमण
लहनान्युज | तछलागा तृतीया ११४०,जेठ २६ सोमवाः
नेपालय् हाकन थौं ३१४म्हेसित कोरोनाया संक्रमण जूगु दु ।
थौं स्वास्थ्य तथा जनसंख्या मन्त्रालयय् बिःगु जानकारी कथं थप २९० म्ह मिजं व २०म्ह मिसा पिन्त संक्रमण जूगु धका धाःगु दु ।
थ्व नापं आतक नेपालय् संक्रमितपि ३७६२म्ह थ्यंगु दु ।
वंगु २४ घण्टाया दुने येँया राष्ट्रिय जनस्वास्थ्य प्रयोगशालाय् याःगु परीक्षणय् १३२म्हेसित कोरोनाया संक्रमण खनेदुगु धका धाःगु दु ।
थौं संक्रमण जुपि मध्ये सर्लाहीया १०६म्हय् महोत्तरीया १२म्ह व कपिलवस्तु व रौतहटया न्ह्यम्ह न्ह्यम्ह खः । अ
थेहे देय्या थीथी थासय् याःगु परीक्षणय् १८२म्ह संक्रमित जूगु दु । नेपालय् आः संक्रमण ७१गू जिल्लाय् थ्यंगु दु ।
बजेटय् सम्बन्धित मन्त्रीं लिसः बिया थौं हे पारित यायेगु तयारी
लहनान्युज | तछलागा तृतीया ११४०,जेठ २६ सोमवाः
प्रतिनिधि सभा बैठकया बजेटय् वःगु न्ह्यसःया लिसः सम्बन्धित मन्त्रीं थौं लिसः बिइगु ज्याझ्वः दु ।
लिसः बिइ धुका थौं हे विनियोजन विधेयक पारित यायेगु कार्यसूची तया तःगु दु ।
विनियोजन विधेयक पारित जुलकि न्हुगु आर्थिक वर्ष सुरु जूगु अथे धइगु साउन १ निसे रकम खर्च यायेत सरकारयात लँ चाइगु दु ।
संसद भवन नयाँ बानेश्वरय् थौं सोमवाः सुथय् ११ बजे च्वनेगु बैठकय् प्रधानमन्त्री कार्यालय सहित २१ गू मन्त्रालयया विनियोजित बजेटबारे सांसदपिन्स न्यःगु न्ह्यसःया सम्बन्धित मन्त्रीं लिसः
बिइ ।
बैठकय् सांसदपिन्स पेश याःगु निगु दर्जन स्वया अप्वगु खर्च कटौतीया प्रस्ताव न निर्णयार्थ पेश यायेगु कार्यसूचीइ दु ।
मन्त्री याःगु लिसः व खर्च कटौतीका प्रस्ताव निर्णयार्थ पेश याये धुका अर्थमन्त्री डाक्टर युवराज खतिवडां विनियोजन विधेयक निर्णयार्थ याइगु ज्याझ्वः दु ।
