Display Style:
Column Style
जागरण मचं नेवाः अधिकारकःमि छथाय् वयेत इनाप
नृपेन्द्रलाल श्रेष्ठ | ११३९ तछलाथ्व सप्तमी (जुन ९ २०१९)
नेपालय् संघीय गणतान्त्रिक संविधान वयेधुंकाः नं भाषा, जाति सम्बन्धी अधिकारयात सुनिश्चित नाप ३ नम्बर प्रदेश नामांकन, गुथि सम्बन्धी व्यवस्थायात संशोधन विधेयक, स्थानीय निकाय कर्मचारी भर्ना, लोकसेवा आयोगया विज्ञापन, सतक विस्तार योजनाय् अदालतया फैसला लिपाया स्थिति, फास्ट ट्रायक ,चोभारया ड्राइपोर्ट सम्पदा संरक्षण आदि थीथी सवालत कया नेवाः जागरण मञ्च नायः सुजिव बज्राचार्य थौंं छगु प्रेस बक्तब्य पिथना दिगु दु ।
आः अवस्थाय् संघीयताया लिसेलिसें समावेशीता व समानुपातिकतायात संविधानं हे नालाकाःगु जूसां केन्द्रीय सरकार व मूल राज्यसत्ताया प्रवृत्ति थुज्वःगु खँया सवालयात नकारे यायेगु, गुखें ज्यू उखें केन्द्रीय सत्तायात हे सर्वशक्तिमान दयेकाः प्रदेश व स्थानीय निकाययात मातहतया निकायथें दयेकेगु प्रवृत्ति हावी जूगु दु ।
थौं या अवस्थाय् सूं न सत्तापक्ष, विपक्षी धइगु मानसिकता मतसें नेवाः हकहितया सवालय् नेवाःतय्गु दथुइ फुक्कं कथंया विभाजनयात चीकाः नेवाः हकहित प्राप्तियात हे सर्वोच्च विन्दु तायेकाः थःगु कार्यदिशा तय यानाः वनेमाः धकाः न्ह्याः वनेमा धकाः न वक्तब्य उल्लेख यानादिगु दु ।
नेवाः आन्दोलनय् प्राप्तिकार सुं व्यक्ति विशेष नं मखु, संस्था विशेष नं मखु ं सकलें जानाः सामूहिक व लोकतान्त्रिक पद्वति कथं संस्थागत नेतृत्व दयेकाः न्ह्यायेगुया मेगु विकल्प मदगु खँ उल्लेख यासे नेवाः सरोकारया विषयस नेवाः न्ह्यलुवाःपिं सकलें मुनाः छगू मोर्चा संगठन दयेकाः व ठोस कार्यदिशा व ज्याझ्वः तय यानाः न्ह्यायेमाःगु थौंया आवश्यकता खः धका मंञ्च नायः बज्राचार्य थौं पिथना दिगु वक्तब्य उल्लेख यानादिगु दु ।
इंग्ल्याण्डं बंगलादेश त्याकल
लहनान्युज | ११३९ तछलाथ्व सप्तमी (जुन ९ २०१९)
इंग्ल्याण्डं बंगलादेश यात १०६ रनं त्याकुगु दु ।
विश्वकप क्रिकेट अन्तरगत शनिवाः जुगु कासाय् इंग्ल्याण्डं जेसन रोयया १५३ रनया ग्वाहालिं बंगलादेशयात २८७ रनया विशाल लक्ष्य बिगु खः ।
बंगलादेशं ४८.५ ओभरय् दक्को विकेट गुमे याना २८० रन जक दयेकेगु तालाःगु खः। ८ रन हे न्हापांगु विकेट गुमे याये माःगु खः । बंगलादेशया लागि सकिब अल हसनं १२१ रन दयेकुगु खः ।
इंग्ल्याण्डया जोफ्रा आर्चर व बेन स्टोक्सं स्वंगु स्वंगु विकेट काःगु खः ।
न्हापां ब्याटिङ यासे इंग्ल्याण्डं ५० ओभरय् ६ विकेटउा क्षतिइ ३८६ रन दयेकुगु खः । रोय व जोनी बेयरस्टां १२८ रनया साझेदारी यासे ठोस शुरुवात याःगु खः । जोनी ५१ रन,जोस बट्लरं ६४ रन दयेका विशाल स्कोर दयेकेगु लागि ग्वाहालि याःगु खः ।
प्रधानमन्त्री ओली युरोप भ्रमणय्
लहनान्युज | बछलाथ्व पंचमी ११३९ (जुन ८ २०१९)
प्रधानमन्त्री केपी शर्मा ओली छःगु वाःया लागि युरोप भ्रमणय् वःगु दु । स्वीट्जरल्याण्डया जेनेभाय् जुइगुहुने अन्तर्रा्ष्ट्रिय श्रम सम्मेलनय् ब्बति कायगु लागि वःगु खः ।
उगु ज्याझ्वः लिपा प्रधानमन्त्रीें युरोप भ्रमण बेलायत व फ्रान्सया भ्रमण न याइगु ज्याझ्वः दु ।
जेनेभाया भ्रमण लिपा प्रधानमन्त्री ओलीं जेठ २७ गते बेलायत वनेगु ज्याझुवः दु ।।
प्रधानमन्त्री ओलीं बेलायती समकक्षी प्रधानमन्त्री टेरेसा मे नाप जेठ २८ गते भेटवार्ता यायेगु ज्याझ्वः दु।
अथेहे प्रधानमन्त्री ओलीं बेलायती समकक्षी समक्ष द्विपक्षीय हितया नाप भूपू गोर्खा सैनिकया बारेय् न छलफल हुने जूइगु ज्याझ्वः दु ।
बेलायतया भ्रमण लिपा प्रधानमन्त्रीं फ्रान्सया भ्रमण याइ । फ्रान्स भ्रमणय् निगु देय् दथुइ व्यापार व लगानी प्रवद्र्धन सम्बन्धी सम्झौता जुइगु ज्याझ्वः दु ।
मिडिया काउन्सिल विधेयकया विरोधय् प्रदर्शन
लहनान्युज | बछलाथ्व पंचमी ११३९ (जुन ८ २०१९)
मिडिया काउन्सिल विधेयकया विरोधय् थौं पत्रकार तयेस मनू माः हना (मानव साङ्लो) दयेका प्रदर्शन याःगु दु ।
नेपाल पत्रकार महासंघया आह्वानय् पत्रकारसपिं बबरमहल निसे माइतीघर तक मनू माः हना अथे बिरोध प्रदर्शन याःगु खः ।
मिखाँय् हाकु पट्टी चिना पत्रकार तयेस स्वतन्त्र प्रेसया पक्षय् नाराबाजी याःगु खः ।
उगु ज्याझ्वलय् पत्रकार महासंघया पुर्व पदाधिकारी नाप थी थी संचारगृहया सम्पादक, पत्रकार पिनिगु ब्बति दुगुु खः ।
आः प्रहरि न नेपालभाषं सेवा विइगु
लहनान्युज | बछलाथ्व पंचमी ११३९ (जून ८ २०१९)
नेपाल प्रहरीं समुदाय प्रहरी साझेदारी ज्याझ्वः अन्तर्गत स्वनिगः दुने नेवाः तयेगु बाहुल्यता दुगु थासय् प्रहरी परिषद् वृत्तय् सेवाग्राहीलिसें नेपालभाषं हे सेवा बिइगु जुगु दु ।
नेवाः ख्यलय् थी थी संचाः ख्यलय ज्या याना च्वपि संचाकःमि पिने खँ ल्हायेगु झ्वलय् ये महानगरीय प्रहरी परिषद् प्रमुख प्रहरी बरिष्ठ उपरिक्षक उत्तम राज सुवेदीं अथे धयादिगु खः ।
उगु ज्याझ्वलय् महानगरीय प्रहरी परिसर प्रमुख सुवेदीं नागरिक नाप समन्वय यासे समाज प्रति उत्तरदायी भूमिका निर्वाह यायेत समुदाय प्रहरी साझेदारी ज्याझ्वः यायेत थुगु पला न छगु बालागु जुइ धयादिसे स्थानीय भाषा प्रयोगय् हया प्रहरी व नागरिक नाप या सम्बन्ध न तसक बालाइ थःगु भलसा कयादिगु खः ।
प्रहरीं आः मेमेगु समुदायया बाहुल्यता दुगु थासय् न थथे सेवा शुरु यायेगु धका न धयादिगु खः ।
छु दिं न्ह्यः प्रहरी महानिरीक्षक सर्बेन्द्र खनाल नाप नेवाः भोलन्टियर्सया अध्यक्ष मनोज नेवा खड्गी नाप संचाःकमिपि नृपेन्द्रलाल श्रेष्ठ, सुरेन्द्रभक्त श्रेष्ठ, अरर्बिन्द्रमान सिं, बिराजकाजि राजोपाध्यायो, बुद्धशरण शाहि व सुरेश श्रेष्ठ नाप लायेगु झ्वलय् समुदाय प्रहरी साझेदारी ज्याझ्वः अन्तरगत स्थानिय भाय् छय्लिगु इलय् अपराध न्यूनिकरण यायेत ं सहयोगात्मक भूमिका जुइफु खँ जुगु खः ।
