Display Style:
Column Style
प्राधिकरणया नामं गुठी नियन्त्रण काये त्यःगु :नेता सिंह
लहनान्युज | बछलाथ्व दशमी ११३९ (जुन १२ २०१९)
प्रमुख प्रतिपक्षी दल नेपाली कांग्रेसया सांसद प्रकाशमान सिंहं सरकारं नेपाःया सस्कृति स्यकिगु कथ गुठी विधेयक हये त्यःगु धका धयादिगु दु ।
प्रतिनिधिसभा संसदय् थौं बुधवाः सांसद सिंहं गुठीया बिधेयक सरकारं खराब नियत थुगु विधेयक हःगु धका आरोप बियादिगु खः ।
वयकलं गुठी विधेयक सूया लागि वःगु नाप थुकिइ सरोकारवाला नाप छाये छलफल मयाःगु धकाः न न्ह्यसः तयादिगु खः।
सरकारं गुठी प्राधिकरणया नामं गुठीयात नियन्त्रण काये त्यःगु आरोप बियादिल ।
लोकसेवाया विज्ञापन प्रधानमन्त्री वयेका निर्णय याये : प्रचण्ड
लहनान्युज | बछलाथ्व दशमी ११३९ (जुन १२ २०१९)
सत्तारुढ नेपाल कम्युनिस्ट पार्टी (नेकपा)या अध्यक्ष पुष्पकमल दाहाल प्रचण्डं लोकसेवा आयोगया विज्ञापनबारे प्रधानमन्त्री लिहा वये धुका जक निर्णय यायेगु जुइ धका धयादिगु दु ।
सञ्चारकःमिपिं लिसे खँ ल्हानादिसे वयकलं समितिया निर्देशनयाःगु अध्ययन याये धुुका सकारात्मक लिच्वः वइगु धका धयादिगु दुसा सरकारं विधेयक हयेगु लागि बालक्क तयारी मगागु न स्वीकार यानादिगु दु ।
अथेहे वयकलं मिडिया काउन्सिल विधेयक, गुठी विधेयक लगायत माःगु हिइका यकिगु न धयादिगु खः ।
विधेयकया विरोधय् जनप्रतिनिधिपि
नृपेन्द्रलाल श्रेष्ठ | बछलाथ्व नवमी ११३९ (जुन ११ २०१९)
परम्परागत ङत त्वाः, न्यतया ग्वसालय् सरकारं संघीय संसदमा दर्ता याःगु गुठी सम्बन्धी कानुन एकीकरण व संशोधन यायेत दयेकुगु विधेयकया विरोधय् छगु ज्याझ्वः जुगु दु ।
उगु ज्याझ्वलय् येँया क्षेत्र नम्बर ८ या सांसद जीवनराम श्रेष्ठ, क्षेत्र नम्बर ७ या रामवीर मानन्धर, क्षेत्र नम्बर ६ या भीमेनदास प्रधान, समाजवादी पार्टी नेपालया सहअध्यक्ष सांसद राजेन्द्र श्रेष्ठ नाप प्रदेश ३ या सांसद राजेश शाक्य व जीवन डंगोल गुठी सम्बन्धी संशोधन विधेयकय् थ थःगु बिचाः तयादिगु खः ।
उगु ज्याभ्वलय् थःगु बिचाः तयादिसे सांसद जीवनराम श्रेष्ठं गुठी विधेयक दुने थःत न षड्यन्त्र जुगु महसुस जु धयादिसे थुगु बिधेयकं किसान व मोहीया हितय् मदु धयादिगु खः ।
अथेहे समाजवादी पार्टीया सह अधक्ष्य राजेन्द्र श्रेष्ठं सदनपाखे जबरजस्ती विधेयक पारित यासा सतक संघर्षया बाहेक मेग्ु विकल्प मदु धयादिसे थुगु विधेयकं नेवाः तयेगु जकः मखुसे नेपाःया हे पहिचान व आस्थाय् प्रहार याःगु बिचाः तयादिगु खः।
पूर्व रक्षामन्त्रीनाप नेपाली कांग्रेसया सांसद भीमसेनदास प्रधानं सरकारं पेले याना विधेयक पासयात धासा थःपि सुकः मच्वनिगु धयादिसे देय् या संस्कृ ितबचे यायेगु निति थःपिन्स अन्तिम तक सर्घष यायेगु जुइ धका न धयादिल ।
अथेहे मेम्ह सांसद रामवीर मानन्धरं सरकारं विधेयक लित कायेगु बाहेक मेगु विकल्प मदु धका धयादिसे आतक प्रधानमन्त्री जुपि नेतापिं येँय् डेराय् हे हुर्के जुगु लिपा सत्ता कब्जा याना थनया संस्कार व संस्कृतिइ आक्रमण याःगु आरोप लगे यानादिसे थपिनिगु पुर्खा ल्यःका तःगु गुठी न्हका छ्येगु स्वल धासा थः सुकः च्वने जु मखु धयादिगु खः ।
उगुु ज्याझ्वलय् प्रदेश न ३ या सांसद राजेश शाक्यं सरकारं आ हःगु विधेयक गुठी व्यवस्थापन यायेगु मखुसे जग्गा हडेपे यायेगु विधेयक ख धयादिगु खः धयादिसे थःपि सत्तापक्ष जुसा विधेयकया विरुद्धय् सतकय् कुहा मवसा थःपिे जनप्रतिनिधि जुगुया छु हे अर्थ मदु धका धयादिल ।
गुथि विधेयकया विरुद्धय् असनय् बिरोध सभा
नृपेन्द्रलाल श्रेष्ठ | तछलाथ्व नवमी ११३९ (जुन ११ २०१९)
नेपाल कम्युनिष्ट पार्टी क्रान्तिकारी माओवादीया भ्रातृ संगठन नेवाः राष्ट्रिय मुक्ति मोर्चाया ग्वसालय् थौं मंगलवाः असनय् छगु बिरोध सभा याःगु दु ।
वःगु जेठ २६ गते आइतवाः येँया माइतीधर मण्डलाय् गुथि विधेयकया विरुद्धय् शान्तिपूर्ण धर्ना व विरोध ज्याझ्वलय् प्रहरी दमन याःगु विरोधय् व सरकारं हःगु गुथि ऐनयात कयाः उगु ज्याझ्वः जुगु खः ।
थौं जुगु उगु ज्याझ्वलय् देशभक्त जनगणतान्त्रिक मोर्चाया केन्द्रीय नायः सीपि गजुरेल, नेवाः राष्ट्रिय मुक्ति मोर्चा नायः पवनमान श्रेष्ठ व डा. ओम गुरुङ पिन्सं गुथि विधेयकं जनविरोधी ऐन दयेकेगु षडयन्त्र खः धका धयादिगु खः ।
मुक्ति मोर्चाया ग्वसालय् छगु जुलुस न याःगु खः । सभा लिपा संसदय् दर्ता जुगु विधेयक च्याकाः बिरोध याःगु खः ।
पत्रकार महासंघपाखें स्वंगूगु चरणया आन्दोलनया घोषणा
लहनान्युज | ने.सं. ११३९ तछलाथ्व नवमि (११ जुन, २०१९), मंगलवाः
नेपाल पत्रकार महांघपाखें सरकारं संसदय् दर्ता याःगु मिडिया काउन्सिल विधेयक लित कायेत माग यासें स्वंगूगु चरणया आन्दोलनया घोषणा याःगु दु ।
थौ मंगलवाः येँय् दुपिं केन्द्रीय दुजःपिनिगु मुँज्यां असार ३ गते निसें ३० गतेतक स्वंगूगु आन्दोलनया घोषणा याःगु खः ।
स्वंगूगु चरणया आन्दोलनय् प्रेस स्वतन्त्रताया पक्षय् ल्हाःचिं अभियाननिसें सिट्ठी जुलुस व सभा यायेगुतकया ज्याझ्वः दु ।
महासंघं असार ३गते प्रेस स्वतन्त्रताया पक्षय् ल्हाःचिं मुंकेगु, ६ गते उगु ल्हाःचिं जिल्ला प्रशासन ज्याकूपाखें प्रधानमन्त्रीयात छ्वयेगु, १० गते मिडिया काउन्सिल विधेयक विरुद्ध कार्टुन ब्वज्या यायेगु ज्याझ्वः घोषणा याःगु दु ।
अथे हे असार १५ गते फुक्क जिल्ला कचापाखें थःथःगु क्षेत्रपाखें निर्वाचित संघीय व प्रदेशसभाया सांसदपिन्त एसएमएस मार्फत सन्देश छ्वयाः ध्यानाकर्षण याकेगु, असार २० गते प्रेस स्वतन्त्रता सभा यायेगु, असार २५ गते न्हिनसिया १२ताः इलय् लालटिन जुलुस पिथनेगु व असार ३० गते देय्न्यंक सिट्ठी जुलुस व सभा यायेगु महासंघं न्ह्यथंगु दु ।
महासंघं प्रेस जगतया जायज माग न्ह्यब्वयाः आन्दोलन याःगु इलय् पत्रकार महासंघ व समग्र सञ्चार ख्यःयात सरकारं उपेक्षा याःगु धासें विरोध याःगु दु । मिडिया काउन्सिल विधेयकय् तयातःगु प्रावधानं सञ्चार क्षेत्रया नियमन यायेगु मजूसे नियन्त्रण यायेगु प्रष्ट जूगु धासें महासंघं थुकियात लित कयाः सरोकारवालालिसे सहलह यानाः समस्या ज्यंकेत इनाप याःगु दु ।
प्रेस स्वतन्त्रता विरोधी मिडिया काउन्सिल विधेयक लित मकाःतलय् अझ सशक्त आन्दोलन न्ह्याकाच्वनेगु नं महासंघं क्वःछ्यूगु दु ।
