Display Style:
Column Style
येँय् प्यम्ह व ख्वपय् छम्ह नाप ३२३म्हेसित कोरोना
लहनान्युज | तछलागा पारु ११४०,जेठ २४ शनिवाः
नेपालय् कोरोना संक्रमितपि स्वद्धः स्वया अप्वःगु दु ।
थौं नीप्यघौया दुने थप ३२३म्हेसित कोरोनाया संक्रमण खने दुगु दु । थुकथं संक्रमित पिनिगु ल्याः ३२३५म्ह थ्यंगु दु ।
थौं कोरोना संक्रमण खने दुपि २८६म्ह मिजंपि व ३७म्ह मिसात खः ।
स्वास्थ्य तथा जनसंख्या मन्त्रालयया प्रवक्ता डा. विकास देवकोटां बिगु जानकारी कथं येँया राष्ट्रिय जनस्वास्थ्य प्रयोगशालाय् याःगु परीक्षणय् येँय् ४म्ह व ख्वपय् १म्ह नाप १२० म्हेसित
कोरोनाया संक्रमण खनेदुगु दु ।
येँय् खनेदुपि ३१ व ३५दँया मिसा व ३६ व ४६दँया मिजंपिन्त संक्रमण जूगु खः । अथेहे ख्वपया कमलविनायकय् च्वम्ह ३१दँया मिसायात कोरोनाया संक्रमण जूगु खः ।
येँया प्रयोगशाला बाहेक देय्या थीथी थासय् याःगु परीक्षणय् थप २ सय ३म्हेसित कोरोनाया संक्रमण जूगु दु ।
थौं न्हिच्छि वाः वइ
लहनान्युज | तछलागा पारु ११४०,जेठ २४ शनिवाः
थौं न्हिच्छि वाः वइगु धका मौसम पूर्वानुमान महाशाखा धाःगु दु ।
निसर्ग आँधीया कारण थौं देय् यकं वाः वइगु धको मौसम पूर्वानुमान महाशाखा धाःगु खः ।
अरब सागरया चक्रवातया कारणं मौसम प्रणाली भारत जुया नेपाल दुहा वःगुलि थौं न्हिच्छि वा वइगु महाशाखा धाःगु खः ।
महाशाखाया कथं न्हिनय् वाः वया भचा दिउसा बहनि तक वा दिइ धका न धागु दु ।
कन्ह्य स्थानीय वायुया कारण भचा वा वःसा देय् यकं वा वइगु सम्भावना मदु धका महाशाखा धाःगु दु ।
अथेहे मनसुन दुहा वयेत प्रणालीया विकास जुया च्वंग दु धका धाःग दु ।
न्याःगु प्रणाली मध्ये छु विकास वये धुकुगु दु सा छु भचा दुवा वयेग झ्वलय् दु ।
थुगु वाःया लिपा तक मनसुन दुहा वइगु धका मौसमविदं धाःगु दु ।
लकडाउनय् नेपाल एअरलाइन्सं ३४क्वः चार्टर्ड उडान यात
लहनान्युज | तछलागा पारु ११४०,जेठ २४ शनिवाः
लकडाउनया इलय् नेपाल वायुसेवा निगमं ३४ गू चार्टर्ड उडान याःगु दु ।
निगमं २३ क्वः अन्तर्राष्ट्रिय व ११ क्वः आन्तरिक उडान याःगु दु ।
अन्तर्राष्ट्रियपाखे निगमं गुक्वः कार्गो उडान याये धुकुगु दु ।
ग्वान्झाउमा व चाङसा, बेइजिङ नाप कुम्निङय् न उडान याये धुकुगु खः ।
अथेहे, निगमले लकडाउनया इलय् झींप्यकः यात्रुबहाक चार्टर्ड याये धुकुगु दु ।
उकि मध्ये न्ह्यकः जापान, स्वकः हङकङ, निकः अष्ट्रेलिया, ढाका व नयाँ दिल्लीइ छकः छकः उडान याये धुकुग दु ।
गण्डकी प्रदेशय् थप १७म्हेसित कोरोना
लहनान्युज | तछलागा पारु ११४०,जेठ २४ शनिवाः
गण्डकी प्रदेशय् थप १७म्हेसित कोरोना भाइरस संक्रमण पुष्टि जुगु दु ।
थ्व नाप गण्डकी प्रदेशय् कोरोना संक्रमित जूपि ७५ म्ह थ्यःगु दु ।
प्रदेश स्वास्थ्य निर्देशनालय पोखराया निर्देशक डा.विनोद विन्दु शर्माया कथं स्याङ्जाय् झीम्ह, कास्की व पूर्वी नवलपरासीइ स्वम्ह स्वम्ह व बागलुङय् छम्हेसित कोरोना संक्रमण पुष्टि जूगु दु
।
कोरोना संक्रमण पुष्टि जूपिन्त जिल्ला अस्पतालया आइसोलेसनय् यकेगू तयारी यानाच्वना दू धका जानकारी बियादिगु दु ।
नेपालय् २७८ म्ह कोरोनाया संक्रमण
लहनान्युज | तछलाथ्व पुन्ही ११४०,जेठ २३ शुक्रवाः
नेपालय् थौं शुक्रवाः हाकन थप २७८म्हेसित कोरोनाया संक्रमण खने दुगु दु । संक्रमण खने दुपि मध्ये २६७म् ह मिजंत व ११म्ह मिसापि खः ।
थौं स्वास्थ्य तथा जनसंख्या मन्त्रालयया प्रवक्ता डा. विकास देवकोटाया कथं येँया राष्ट्रिय जनस्वास्थ्य प्रयोगशालाय् याःगु परीक्षणय् थप ७४म्हेसित संक्रमण खने दुगु धका धाःगु दु ।
उकी मध्ये कपिलवस्तुया ४४म्ह, मोहतरीया १७म्ह, रौतहटया ६म्ह, धनुषाय् ४म्ह व बाराय् १म्ह दु । अथेहे येँया अस्पतालय् वासः याकाच्वंपिं गुल्मी व कास्कीया छम्ह छम्हेसित नं संक्रमण खन् दुगु खः ।
कर्णाली स्वास्थ्य विज्ञान प्रतिष्ठानय् याःगु परीक्षणय् ९७म्हेसित कोरोनाया संक्रमण खनेदुगु खः । अप्व दैलेखया ९०म्हेसित संक्रमण जूगु खः ।
अथेहे देय्या थीथी थासय् जूगु मेगू परीक्षणय् थप १ सय ७ म्हेसित संक्रमण जूगु दु । थ्व नापं नेपालय् संक्रमण जूपिनि ल्याः २०९१२ म्ह थ्यंगु दु ।
थौं कास्की, गोरखा व हुम्लाय् नं संक्रमण खनेदुगु दु । थ्व नापं नेपाःया ६८गू जिल्लाय् कोरोनाया संक्रमण खने दये धुकुगु दु ।
