Display Style:
Column Style
गोरखाय् झीम्हेसित कोरोना
लहनान्युज | तछलागा द्धितीया ११४०,जेठ २५ आइतवाः
गोरखाय् न्हापां कोरोना संक्रमण खने दुगु दु ।
थौं आइतवाः छन्हु हे गण्डकी गाउँपालिकाया गुम्हेसित व पालुङटार नगरपालिकाय् छम्हेसित संक्रमण पुष्टि जुगु दु ।
गण्डकी गाउँपालिकाय् संक्रमित जुपि २० दँ निसे ४३दँयापि खः ।
उपि मध्ये गुुम्ह क्वारेन्टिनय् व छम्ह प्रहरी हिरासतय् च्वम्ह खः ।
उमिगु थ्व हे जेठ २० गते पीसीआर परीक्षणया लागि नमूना संकलन याना प्रदेश जनस्वास्थ्य प्रयोगशाला पोखरा छ्वःगु खः ।
गोरखाय् झीम्हेसित कोरोना
डोटीइ क्वारेन्टिनय् छम्ह सीत
लहनान्युज | तछलागा द्धितीया ११४०,जेठ २५ आइतवाः
डोटीया क्वारेन्टिनय् च्वम्ह छम्ह सीगु दु । जिल्लाया केआई सिंह गाउँपालिका–३ या सिताराम आधारभूत स्कूलया क्वारेन्टिनय् च्वम्ह १९ दँ दुम्ह मनू सीगु खः ।
भारतया लुधियानापाखे वःम्ह उम्ह मनू १९ गते डोटी वया २० गते निस गाउँपालिकाया व्यवस्थापन संचालन याना च्वंगु क्वारेन्टिनय् च्वना च्वम्ह खः ।
थौं आइतवाः सुथय् ३ बजे मदुगु खः ।
उम्ह मनू मुटुया रोगी जुगु धका धाःगु दु ।
अनया क्वारेन्टिनय् स्वम्ह मिसा नाप झीम्ह च्वना च्वंगु खः ।
घटनास्थलय् प्रहरी टोली थ्यःके धुकुगु दु ।
स्वाबया लिच्वः मवः तले शव प्रहरीया निगरानीइ तयातःगु दु ।
गण्डकी प्रदेशय् थप ३८म्हेसित कोरोना संक्रमण पुष्टि
लहनान्युज | तछलागा द्धितीया ११४०,जेठ २५ आइतवाः
गण्डकी प्रदेशमा थप ३८म्हेसित कोरोना भाइरस संक्रमण पुष्टि जुगु दु ।
थौं पुष्टि जुूपि स्याङजाय् १४म्ह, गोरखाय् १० म्ह, बागलुङय् १० म्ह व नवलपरासी बर्दघाट सुस्ता पूर्वय् प्यम्हेसित संक्रमण पुष्टि जुगु धका प्रदेश स्वास्थ्य निर्देशनालयं धाःगु दु ।
न्हूपि संक्रमितपिन्त सम्बन्धित जिल्लाया आइसोलेसनय् तयेगु तयारी याना च्वंगु धका निर्देशनालयं धाःगु दु खः ।
थ्व नाप गण्डकी प्रदेशय् कोरोना पोजेटिभ दूपि ११३ म्ह थ्यःगु दु ।
उकि मध्ये बागलुङय् निम्ह व लमजुङय् छम्ह याना स्वम्ह छेँय् वने धुकुगु दु ।
गण्डकीं आतक मनाङ व मुस्ताङ बाहेक दक्का जिल्लाय् कोरोना भाइरसया संक्रमण खने दये धुकुगु दु ।
ख्वपय् प्वाय् दूम्ह न कोरोना संक्रमण पुष्टि
लहनान्युज | तछलागा पारु ११४०,जेठ २४ शनिवाः
ख्वपया कमल विनायकय् बालंच्वम्ह प्वाथय् दुम्ह मिसायात न कोरोना भाइरस (कोभिड १९) या संक्रमण पुष्टि जूगु दु ।
स्वास्थ्य तथा जनसंख्या मन्त्रालयं थौं शनिवाः नियमित व्रिफिङय् ख्वपया ३० दँया मिसायात न कोरोना संक्रमण पुष्टि जूगु दु धका धाःगु दु ।
उम्ह मिसा कमल विनायकय् बालं च्वनाच्वम्ह धाःगु खः ।
उम्ह मिसा थौंकन्ह्य कोटेश्वरय् थःथीतिया थाय् च्वना च्वःगु धका धाःगु खः ।
कोरोना थौ निम्ह सित, सीपिं १३म्ह थ्यन
लहनान्युज | तछलागा पारु ११४०,जेठ २४ शनिवाः
नेपालय् कोरोना भाइरसया कारण थौं निम्ह सीगु दु । थौं सीपि डोल्पा व धनगढीइ छम्ह छम्हयाना निम्ह मनू सीगु दु ।
कार्णाली स्वास्थ्य विज्ञान प्रतिष्ठान जुम्ला व सेती प्रादेशीक अस्पतालय् याःगु परीक्षणय् निम्हेसियां रिपोर्ट पोजेटिभ वःगु खः । थ्व नापं नेपालय् कोरोना संक्रमणया कारणं सीपि १३म्ह थ्यःगु खः ।
डोल्पाया जगदल्ला गाँउपालिका वडा नम्बर ३य् च्वम्ह ५८दँ मिजं कोरोना संक्रमणया कारणं सीगु खः ।
उम्ह सीम्ह मनू जेठ २१ गते दमया ल्वय् दुगु खँ धाःगु दु । दमया ल्वय्या वासः यायेगु निंतिं सुर्खेतय् वनाः जेठ १६ गते डोल्पा लिहांवःगु खः ।
क्वारेन्टाइनय् हे च्वनाच्वम्ह उम्ह मनू मदयेधुंकाः जेठ २२ गते स्वबा संकलन याःगु खः । कार्णाली स्वास्थ्य विज्ञान प्रतिष्ठान जुम्लाय् याःगु परीक्षणय् उम्ह मनूयात कोरोना जूगु पुष्टि जूगु खः ।
अथेहे धनगढी ४या ५५दँया मिसा डायलासिस यानाच्वंगु इलय् अस्पतालय् मदुगु खः । जेठ २३ गते मुदुम्ह मिसाया पीसीआर परीक्षण याःगु इलय् पोजेटिभ वःगु खः ।
