Display Style:
Column Style
येँ कोरोना संक्रमित मिसा मच्छेगायाम्ह
लहनान्युज | बछलागा षष्ठी ११४०, बैसाख ३१ बुधवाः
येँ ३३ दँयाम्ह कोरोना संक्रमित मिसा चन्द्रागिरि नगरपालिकाया मच्छेगामय् च्वम्ह धका सिइदुगु दु । उम्ह मिसा कन्चनपुरया महेन्द्रनगरं २९ गतेय् येँ लिहा वम्ह खः ।
येँ थ्यःगु इलय् वयाःगु स्वाब परीक्षणया लागि नमूना संकलन यासे जनस्वास्थ्य प्रयोगशाला टेकुइ छ्वःगु इलय् वयात कोरोना पोजेटिभ खनेदुगु खः ।
येँे ३३ दँया म्ह मिसा नाप येँ खनेदुगु थ्व नाप न्याम्ह खः । येँय् संक्रमित खनेदुपि प्यम्ह हे वास याका छेँय् लिहा वने धुकुगु खः ।
म्हिगः मंगलवाः चान्ह्य येँय् छम्ह व ख्वपय् निम्ह नाप मेपि २६म्हसिके कोरोना संक्रमण पुष्टि जुगु धका स्वास्थ्य मन्त्रालयं जानकारी बिःगु खः ।
ख्वपय् संक्रमित २७ दँयाम्ह मिजं सशस्त्र प्रहरीयाम्ह खः । उम्ह मनू रामेछाप स्थायी ठेगाना जुया ख्वपया चाँगुनारायण नगरपालिका १ दुवाकोटय् च्वना च्वम्ह खः ।
उम्ह मनू नेकपा नेता नाप पूर्वगृहमन्त्री भीम रावलया सुरक्षाकःमि खः ।
मेम्ह छम्ह मिसा सुनसरीपाखे ख्वपया न्हुगुठिमीइ पासाया थाय् वम्ह खः ।
येँ महानगरं लकडाउनया इलय् ८० हजारयात राहत इने धुकल
नृपेन्द्रलाल श्रेष्ठ | बछलाथ्व नवमी ११४०,बैसाख २० सनिवाः
लकडाउन इलय् येँ महानगरपालिका अतिविपन्न, असाहय व मजदुरयात न्हि न्हि जा नकेगु ब्यवस्था याना वयाच्वंगु दु । महानगरपालिकाया थःगु हे स्रोत व थीथी ग्वाहालिं संघ–संस्था तयेगु कुतलय् आतक ८१ हजार स्वया अप्वो राहत इने धुकुगु दु । अथेहे आतक छगु लाख हाराहारी मनू तयेत जा नकेगु धुकुगु दु धका येँ महानगरपालिकां जानकारी बिःगु दु ।
येँँ महानगरपालिकाया मेयर बिद्यासुन्दर शाक्यं लकडाउनया कारण सिर्जना जुगु थज्याःगु थाकुगु परिस्थितिइ स्थानीय सरकारपिन्स थः थःगु क्षमता फुगु राहत वितरण व जा नकेगुे लगायतया नाप नाप मेमेगु प्रयास न जुया च्वंगु धका धयादिगु दु ।
‘महानगरपालिका दुने च्वपि असाहय, अतिविपन्न व बेरोजगार तयेत नयेगु अभाव जुपिन्त राहत वितरण नाप जा नकेगु ब्यवस्था याना वयाच्वनागु दुु धयादिसे,’ मेयर शाक्यं, ‘लकडाउनया इलय् सु न महानगर च्वपिं द्यालाना च्वने म्वालेमा अज्यापि सु न दु सा जनप्रतिनिधिपिन्त जानकारी बियादिस इमिगु जिम्मेवारी जिमिस कायेत तयार दु ।’
इमित लकडाउनया इलय् द्यालाना च्वने म्वालेमा धका परोपकारी संस्था नाप सहकार्य याना नयेगु ब्यवस्था यानागु दु धका जानकारी बियादिगु खः । गुलि थासय् थः न वना अनुगमन यानागु दु । छु दिं न्ह्य अथेहे निरिक्षणया लागि चःमती वना मेयर शाक्यं स्थानीय नाप च्वना ज्यःना यानादिगु खः ।
महानगरपालिकाया प्रशासन विभागया प्रमुख नमराज ढकालं महानगरपालिका दुने सु न द्या लाना च्वने म्वालेम्वा धका राहत वितरण नाप अथे जा नकेगु थीथी वडाय् याना वयाच्वनागु दु धका जानकारी बियादिगु खः। ‘लकडाउन सुरु जुसा निसे आतक महानगरपालिका थःहे न मेपि थीथी दातापि नाप समन्वयय् याना करीव ८२ हजार राहत वितरण याये धुनागु दु व १ लाख मनूत तयेत नयेगु ब्यवस्था याये धुकगु दु धका धयादिगु दु ।
आतक याःगु तथ्याङ्क कथं ६ नम्बर वडाय् जक २५ हजार स्वया अप्वो पिन्स जा नकेगु ब्यवस्था याये धुकुगु दु । १४ वडाय् १९ हजार मनू तयेत जागरण बस्ती सुधार संघ, सामूदायिक टोल सुधार समिति लगायतपिनिगु समन्वयय् याना नकेगु ब्यवस्था जुगु दु ।
३ वडाय् न्हि निद्ध मनूतय्त बोधिसतुवा बिहार नाप अव्यबस्थित बस्ती जुपि परिवार, टिचिङ् हस्पिटल महाराजगञ्ज व कान्ति बाल अस्पतालय् भर्ना जुपि बिरामीया कुरुवा तयेत नकेगु
ब्यवस्थ यानागु धका वडाध्यक्ष दिपक केसीं जानकारी बियादिगु खः ।
येँ महानगरपालिकाया प्रवक्ता नाप वडा–१५ या अध्यक्ष इश्वरमान डंगोल न थःगु वडाय् झीं खुसः मनू तयेत नकेगु ब्यवस्था याना वयाच्वनागु जानकारी बियादिगु दु । ‘१५ वडाय् भूँइख्यः,
चःमती, बुद्धपार्क, जनगल्ली विजयश्वरी याना प्य थाय् नका वया च्वनागु दु धका,’ प्रवक्ता डंगोल धयादिगु दु।
सहरी विकास राज्यमन्त्री रामवीर मानन्धरया कुतलं महानगरपालिकाया थीथी थाय् बाइपासया तरुण मावि, गंगाहल नाप होलीगार्डेन स्कुल नाप, बाइसधारा स्विमिङ पुल लिउने, वनस्थली खरिबोट, सानोभर्याङ, म्हपी द्यःया थाय् व नयाँबजारया सासा बैंक्वेटय् नकेगु ब्यवस्था याना च्वनागु दु धका मन्त्री मानन्धरं जानकारी बियादिगु दु ।
अथेहे, महानगरया १७ वडाया लुँति अजिमा द्यःया थाय् न बहनि नकेगु ब्यवस्था याना वया च्वंगु दु ।
१८ वडाय् २ हजार व २७ वडाय् ३ हजार, ५ वडाय् २ हजार, ८ वडाय् पसुपति विकास क्षेत्र कोष नाप समन्वयय् याना न्यासः मनू तयेत नका वयाच्वंगु दु । कोटेश्वर समाज सुधार युवा क्लव, सेती ओपी क्लव कोटेश्वर समन्वयय् याना ३२ वडाय् न्ह्यसः मनू तयेत व २२ वडाय् उपकार सेवा समितिया कुतल न्युरोडय् न सच्छिम्ह स्वया अप्वो मनू तयेत नकेगु ब्यवस्था याना वय च्वंगु दु ।
विद्यार्थीपिन्त इने धका थःगु कोठाय् सुचुकातःगु राहत जफत यात
लहनान्युज | चौलागा चतुर्दशी ११४०, बैसाख १० बुधवाः
त्रिभुवन विश्वविद्यालयय् च्वनाच्वंपिं विद्यार्थीपिन्त राहत इनेगु यानाच्वना धकाः दावी याना वयाच्वंम्ह तथाकथित विद्यार्थी नेता हेमराज थापाया क्वथां हे राहत सामग्री सुचकातःगु बरामद याःगु दु ।
किपू नगरपालिकाया मेयर रमेश महर्जनंं पत्रकार सम्मेलनपाखे थापाया क्वथां सामान बरामद यानागु जानकारी बियादीगु खः ।
मेयर महर्जनं थापाया क्वथाय् राहतया सामग्री सुचुकातःगु धयागु सुचं वयेवं नगरपालिका, किपूया प्रहरी, स्थानीय जनप्रतिनिधि सहीत छापा मारे यानाः उगु सामान बरामद याःगु खः । वयागु क्वथाय् जाकि २५–२५ किलोया २२ बोरा, ७० लिटर चिकं, २५–२५ केजीया खुब्वरा दाल बरामद याःगु खः ।
थःगु क्वथाय् हे राहत सामग्री सुचुकातःम्ह उम्ह विद्यार्थी छुं न्हि न्ह्यः एभेन्युज टेलिभिजनय् न्ववायेगु झ्वलय् धाःसा थःपिं राहत इनाच्वनागु व किपू नगरपालिकां राहतया निंतिं छुं मबिउगु धकाः द्वपं बिउगु खः ।
किपूया मेयर महर्जनं पत्रकार सम्मेलनय् थःपिंसं विद्यार्थी संगठन, त्रिविया पदाधिकारीपिं लिसे समन्वय यानाः विद्यार्थीपिन्ंत इनेगु निंतिं राहत उपलब्ध याकागु खःसां उम्ह थापां धाःसां किपू नगरपालिका, मेयरया हे अपमान जुइकथं टेलिभिजन न्ववानाजूगु खँ नं धयादीगु दु ।
त्रिवि विद्यार्थीपिंत राहत इनेगु बारे नगरपालिकाय् जुयाच्वंगु सहलहय् नं आकाझाकां थ्यंकःवःम्ह उम्ह थापायात अनयाम्ह हे छम्ह स्थानीयपाखें किपूया बेइज्जत जुइकथं टेलिभिजनय् न्ववाःगु धकाः ब्वः बिउगु खः ।
थापां धाःसा थःत नगरपालिकाय् सःताः मेयरया कार्यकक्षय् तयाः दायेकूगु धकाः टेलिभिजनय् न्ववाः जूगु धासें उकिया नं खण्डन यानादीगु दु ।
वय्कलं नगरपालिकां समन्वय यानाः त्रिविया विद्यार्थीपिन्त नं राहत इनागु दु धका धयादिसे सु सु मनू न राहत काःगु दु धयागु थःपिके रेकर्ड दु धका धयादीगु खः । राहतया निंतिं नगरपालिकां नं ग्वाहालि याःगु जूसां राहत इनेगु ज्या यायेत विद्यार्थी संगठन व त्रिविया पदाधिकारीपिंत हे धयागु, तर उकिया म्यान्युट छगू यायेमफुगु कारणं नगरपालिकायात थुकथं आक्षेप बियाच्वंगु खँ नं वय्कलं स्पष्ट यानादीगु दु ।
येँया मेयर बिद्यासुन्दर शाक्यं मस्जिदय् अनुगमन न्ह्याकल
नृपेन्द्रलाल श्रेष्ठ | चौलागा चतुर्दशी ११४०, बैसाख ९ मंगलवाः
येँय् जमातीपि दुगु आशंकामा थौं प्यगु मस्जिदय् अनुगमन याःगु दु । येँय् महानगरपालिकाया मेयर बिद्यासुन्दर शाक्य, मुस्लिम आयोगया अध्यक्ष समिम मियाँ अन्सारी, मानवअधिकार आयोगया मोहना अन्सारी, प्रहरी नायब महानिरीक्षक (डिआइजी) विश्वराज पोखरेलपिन्स रत्नपार्कया नेपाली जामे मस्जिद, कास्मिरी मस्जिद व सुनधारा व स्वयम्भूइ च्वंगु भूँइख्यलय् च्वःगु मस्जिदय् थौं अनुगमन याःगु दु ।
वीरगञ्ज–२ छपकैयाय् जामे मस्जिदय् च्वपिन्त कोरोना पोजेटिभ खने दुगु खः । वया लिपा छु दिं न्ह्यः उयपुरया भुल्केय् छगु मस्जिदय् झींखुम्ह मध्ये १२ म्हसित कोरोना संक्रमण पोजेटिभ खने दुगु खः । निगु हे थासय् मस्जिदय् च्वपिन्त कोरोना पोजेटिभ खने दुगुलि मेमेगु मस्जिदय् जमातीपि च्वना च्वगु दयेफइ व इमि कोरोना संक्रमित जुइ फइ धइगु थीथी सञ्चार
माध्ययमय् बुखँ वयाच्वंगुलि मुस्लिम समूदायया यक्को हुलमुल जुइ थाय् प्यःगु थासय् अनुगमन न्ह्याकुगु खः ।
येँ महानगरपालिकाया मेयर बिद्यासुन्दर शाक्यं थौं येँया प्यगु थासय् अनुगमन यासे उगु थासया अवस्था सामान्य दुगु जानकारी बियादिगु दु । ‘वीरगञ्ज व उदयपुरया मस्जिदय् च्वपिके कोरोना संक्रमण पुष्टि जुगुलि येँया थीथी थासय् या मस्जिदय् जमातीपि विना सूचं च्वना च्वगु आशंकां थौं रत्नपार्कया नेपाली जामे मस्जिद, कास्मिरी मस्जिद व सुनधारा व स्वयम्भू भूँइख्या मस्जिदय् अनुगमन यानागु खँ धका मेयर प्रमुख शाक्य धयादिगु दु, ‘ सञ्चारमाध्ययम व सामाजिक सञ्जालय् आ न मस्जिदय् नवाज ब्बना च्वःगु दु धइगु आशंकाय् मध्यनजर यासे जिमिस अनुगमन यानागु धका धयादिगु खः ।’
मेयर शाक्यं येँ महानगरपालिकां थीथी इलय् माने याना वयाच्वंगु पाहाँचः¥हे, घोडेजात्रा, जनमा द्यःया रथयात्रा लगायतया जात्राय् मौलिक परम्पर, संस्कृति व सम्पदाया जगेर्ना यासे हुलमुल मयासे उगु जात्रा मयायेत इनाप यानागु जानकारी बियादिसिे मस्जिदय् थज्यागु परिस्थितिइ नवाज ब्बनेगु ज्या दिकेत इनाप यानागु जानकारी बियादिगु दु ।
‘जिमिस न्हापा हे सम्वन्धित निकाय नाप इनाप यानागु दु,’ धकादिसे, ‘थौं जिमिस अनुगमन यासे थज्यागु हुलमुल जुइ थाय्, नवाज ब्बना च्वंगु गन खने मदुगु दु धका धयादिगु दु । निगु मस्जिदय् धर्मगुरु, न्हिया न्हिथं सुचुपिचू याना च्वंपि, नयेगु दयेका च्वंपि च्याम्हति जक दुगु धका धयादिगु दु । सुन्धारा व स्वयम्भूइ ला अझ स्वया म्हो जक दुगु ।’
मेयर शाक्य सुन मनू पिने मस्जिदय् वःगु जानकारी दुसा तुरुन्त हे वडाया जनप्रतिनिधि वा प्रहरीयात सुचं बिइत इनाप यानादिगु दु । ‘मुस्लिम आयोगया अध्यक्ष लगायतयापिन्स नियमित च्वनेगु बाहेक सुयात न दुहावये मबिया व नियमित शुक्रवाः नवाज ब्बनेगु न सूचं टिका दिका तयागु दु धका जानकारी बिइगु दु धकादिगु दु । ‘अनुगमनया झ्वलय् अन सुनसान खने
दुगुलि महानगरवासीयात ढुक्क जुइगु फइ, अनुगमन न्हि न्हि यायेगु जानकारी बियादिगु दु ।
मुस्लिम आयोगया अध्यक्ष समिम मियाँ अन्सारीं स्वनिगलय् दकलय् अप्वो मुस्लिम समूदायया हुल जुइगु प्यगु मस्जिदय् अनुगमनया जानकारी बियादिगु खः ।
येँ महानगरपालिकां ५० द्धः स्वया अप्वोसित राहत इने धुकल
लहनान्युज | चौलागा चतुर्दशी ११४०, बैसाख ९ मंगलवाः
येँ महानगरपालिकां कोरोना भाइरसया कारण लकडाउनया झ्वलय् आतक ५० द्धः छेँजःयात राहत इनेगु ज्या जुइ धुकुगु दु ।
कोरोना भाइरसया कारणं लकडाउन जुयाच्वंलि नगरवासी तयेगु सुविधाया निंतिं फुक्क वडाय् राहत इनेगु ज्या जुइ धुकुगु दु ।
येँ मनपापाखे बिउगु जानकारी कथं वःगु शनिवाः तक ४९ द्धः व ८८५ गु परिवारयात राहत इनेगु ज्याः जुइ धुकुगु धका धागु दुु ।
येँ मनपा उगु राहत आन्तरिक स्रोत व दातापाखे इनेगु ज्या याःगु खः ।
येँ मनपाया थःगु स्रोतं ३१ द्धः व ५५७५ व दातापाखे १८ द्धः व ३१० गु परिवारयात राहत इनेगु ज्या याये धुकुगु दु ।
