Display Style:
Column Style
येँ महानगरय् ४६४ म्हसिगु ¥यापिड टेष्ट, दक्को रिपोर्ट नेगेटिभ
नृपेन्द्रलाल श्रेष्ठ | चौलागा एकादशी ११४०, बैसाख ६ शञ्चवाः
येँ महानगरपालिकाय् दुने विदेशं लिहावःपि महानगरपालिकाय् च्वनाच्वपिन्त व इपि नाप स्वापु दुपिन्त थौं बसन्तपुरय् ¥यापिड डाइनोस्टिक टेस्ट याःगु दु ।
येँया सनसिटी अपार्टमेन्टय् च्वपि कोरोना पोजेटिभ खनेदुगुलि सुरुइ येँ महानगरपालिकाया वडा नम्बर–५ य् ३९ म्हसित न्हापा ¥यापिड डाइनोस्टिक टेस्ट याःगु खः । उकि लिपा वडा–४ य् ५१ म्हसित टेष्ट व म्हिगः शुक्रवाः च्याःगु वडाय् ४०३ म्हसित ¥यापिड डाइनोस्टिक टेस्ट याःगु दु । थौं तक ४६४ म्हसित टेष्ट याये धुकुगु दु ।
येँ महानगरपालिया सहरी स्वास्थ्य महाशाखा प्रमुख नरेन्द्र बिलास बज्राचार्यया कथं थौं दुने शहरय् वडा न. १८, १९, २०, २१, २२, २३, २४ व २९ याना च्यागु वडाय् ७८ म्हसित टेष्ट याःगु दु ।
थौं याःगु टेष्टय् ७८ म्हसिगु हे रिपोर्ट नेगेटिभ वःगु धका महाशाखाया प्रमुख बज्राचार्यं लहनान्युजयात धयादिगु दु । वयकल वडा–१२, १३ व १४ या टेष्ट कन्ह्य जुइगु धका धयादिगु दु ।
म्हिगः शुक्रवाः वडा ९, १०, ३१, ३२ य् टेष्ट याये धुकुगु दु । २४८ म्हसिगु टेष्ट याःगु खः । अथेहे, वडा–१५ य् ४८ म्हसिगु न म्हिगः हे टेष्ट जुगु खः ।
येँ महानगरपालिकाया मेयर बिद्यासुन्दर शाक्यं २०७६ फागुन १८ गतेलिपा विदेश लिहा वपि महानगरय् च्वपिन्त व कोरोनाया लक्षणय् संका दुपि मनूतयेत संक्रमणया अवस्था पत्ता लगे यायेगु लागि ३२ गु वडाय् परीक्षण न्ह्याकेगु जानकारी बियादिगु खः । अथेहे विदेशं लिहावपिनिगु तथ्याङ संकलन यायेगु ज्या न जुयाच्वंगु जानकारी बियादिगु दु ।
येँ मनपा ५ वडाय् ३९ म्हसित यापिड टेस्ट न्ह्याकल
नृपेन्द्रलाल श्रेष्ठ | चौलागा अष्टमी ११४०, बैसाख ३ मगलवाः
येँया सनसिटी अपार्टमेन्टय् निम्ह मनूयात कोरोना पोजेटिभ खनेदुगुलि इपिस येँँ महानगरपालिकाया वडा नम्बर–५ य् जन्म दर्ताया सिफारिस काःवगुलि अन थौं यापिड टेस्ट यायेगु सुरु याःगु दु ।
थौं अन ३९ म्हसिर्त यापिड टेस्ट याःगु दु । येँ महानगरपालिकाया प्रमुख बिद्यासुन्दर शाक्यं अपार्टमेन्ट च्वपिं निम्हसित संक्रमित जुपि वःगु चैत्र ९ गते वडा–५ य् वया जन्म दर्ता या वःगु कारणं वडा–५ य् अनया जनप्रतिनिधि, कर्मचारी व राहत वितरणय् खटे जुपि दक्कोसिर्त यापिड टेस्ट यायेगु जानकारी बियादिगु दु ।
वडा नम्बर–५ या अध्यक्ष रमेश डंगोलं इपि चैत ९ गते न्हिनय् १२ बज वया म्हाय् याःगु जन्मदर्ता यायेगु लागि वडाय् सम्पर्क याः वःगु खः धका धयादिसे इमित अफिसय् चिया त्वंका छ्वयाःगु धका डंगोल धयादिगु ख, ‘लिपा इमित कोरोना पोजेटिभ खनेदुगुलि जिपि जनप्रतिनिधि, कर्मचारी व राहतय् खटे जुपि दक्को यापिड टेस्ट यानाथस धका धयादिगु दु । थौं टेस्टयापि दक्कोसिगु रिपोर्ट नेगेटिभ वःगु न जानकारी बियादिगु दु ।
काठमाडौँ क्षेत्र नम्बर–५ या बागमती प्रदेशया सांसद नारायण सिलवाल न ३९ म्ह्याय् यापिड टेस्ट याःगु व दक्कोसिगु रिपोर्ट नेगेटिभ वःगु जानकारी सामाजिक सञ्जालमार्फत बियादिगु खः ।
कैलालीया ६५ दँयाम्हसित कोरोना संक्रमण जुगु पुष्टि
लहनान्युज | चौलागा षष्ठी ११४०, बैसाख १ सोमवाः
कैलालीया लम्की चुहायाम्ह ६५ दँया मनूयात कोरोना भाइरस (कोभिड(१९) या संक्रमण खनेदुगु दु ।
वीरगञ्ज नाकाय् चिया पसः तया तम्ह उम्ह मनू लकडाउनया कारण समस्या जुया वःगु १७ चैतय् वःगु खः
इमित स्थानीय जनप्रतिनिधि पिन्स लम्की बहुमुखी क्याम्पसया क्वारेन्टाइनय् तया तःगु खः । अन च्वपिन्त यापिड डायग्नोस्टिक टेष्ट किटं परीक्षण याःगु खः ।
इमिगु रिपोर्ट नेगेभिट वःगुलि दक्को सित चैत्र २८ गते छेँय् छवःगु खः ।
उम्ह संक्रमित जुम्ह भुरुवाय् थःथिति नाप ला वम्ह खः ।
तर पीसीआर विधिपाखे येँय् परीक्षण याःगु इलय् न कोरोना संक्रमण जुगु पुष्टि जुगु खः
येँ मनपाया मेयर बिद्यासुन्दर शाक्यपाखे न्हूदँ २०७७ या भिंतुना
शोभा श्रेष्ठ | चौलागा पंचमी ११४०, चैत्र ३० आईतवाः
विक्रम संवत् २०७७ न्हूदँया लसताय् सकल महानगरवासीपिन्त भिंउसाँय्, ताःआयु व उत्तरोत्तर प्रगतिया लागि दुनुगलंनिसें भिंतुना देछानाच्वना । विश्वन्यंकं हे महामारीया रूपय् न्यना वनाच्वंगु कोरोना भाइरस
(कोभिड–१९) पाखें झी सकलें याकनं हे मुक्त जुइ फयेमा धकाः भिंतुना देछासें थुकिया विरुद्ध ल्वायेत साहस व हःपाः चूलायेमा धकाः नं कामना यानाच्वना ।
कोरोना भाइरसया संक्रमण विरुद्ध ल्वायेया निंतिं झी सकलें थःथःगु हे छेँय् लकडाउनया अवस्थाय् च्वंच्वनागु दु । थज्याःगु स्थितिइ न्हूदँ मेमेगु सामान्य अवस्थाय् थें तःजिक न्यायेकेगु मयासे सरकारं लागू यानातःगु लकडाउनया पालना यासें छेँजःपिं जक च्वनाः न्यायेकादीत सकल महानगरवासीयात दुनुगलंनिसें इनाप यानाच्वना । थुगु विषम परिस्थितिइ महानगरवासीपिंत जूवंगु असुविधाया निंतिं दुःख नं प्वंकाच्वना ।
कोरोना भाइरसया संक्रमण विरुद्ध ल्वायेगु झ्वलय् येँ महानगरपालिकां न्हियान्हिथं थीथी वडाय् किटनाशक वासः छ्वाकेगु, ब्रुमरं सतक यचुपिचु यायेगु, छेँय् छेँय् मदिक्क फोहोर काः वनेगु ज्यायात तीव्र गतिं न्ह्याका वयाच्वंगु दु । लकडाउनया कारणं ल्हाःम्हुतु चूलाकेत समस्याय् लाःपिंत वडा कार्यालयपाखें राहत सामग्री इनेगु ज्या यानाच्वंगु दु ।
थ्वहे झ्वलय् छुं छुं मनूत लकडाउनया इलय् नं येँदेय् त्वःताः थःथःगु गामय् लिहां वनाच्वंगु समाचारत वयाच्वंगु दु । थ्व संकटया इलय् सुं नं नगर त्वःताः पिहा मवनेत व बरु नये–त्वनेया समस्या दुसा थः च्वंच्वनागु वडा कार्यालय वा येँ महानगरपालिकाया टोलफ्रि फोन नं. ११८० स स्वापू तयादीत नं इनाप यानाच्वना । लिसें महानगरपालिकां महानगरवासीया लागिं छ्यलाबुलाय् हःगु कोभिड–१९ संक्रमणया स्वमूल्यांकन याये फइगु Nepal COVID-19 Surveillance डाउनलोड यानाः छ्यलादीत व विरामी अस्पताल यंकेत समस्या जूसा महानगरपालिकाया सहकार्यय् सञ्चालित नेपाल एम्बुलेन्स सेवाया १०२ नम्बरय् स्वापू तयादीत नं दुनुगलंनिसें इनाप यानाच्वना ।
अन्त्यय्, वि.सं. २०७७ न्हूदँया लसताय् हानं छक्वः दुनुगलंनिसें भिंतुना देछानाच्वना । सुभाय् !
‘छेँय् हे च्वनाः सुरक्षित जुइ । Stay Home, Stay Safe.'
ग्वंगःबुँइ हिदान ज्याझ्वः जुल
विनोद तुलाधर | चौलागा पंचमी ११४०, चैत्र ३० आईतवाः
कोरोना भाइरसया कारणं सरकारं याःगु लकडाउन लिपा न्ह्याःगु डोर टु डोर हि संकलनया झ्वलय् ग्वंगःबुँइ जूगु ३४ औं ज्याझ्वः जुगु दु ।
ब्लड डोनार्स एशोसियसन (ब्लोडान)या आह्वानय् जुयाच्वंगु डोर टु डोर हिदान ज्याझ्वः ग्वंगःबुइ जुगु दु ।
थौं आइतवाः ग्वंगःबुँइ जूगु उगु हिदान ज्याझ्वलय् ११० म्हसिया हिदान याःगु दु । थौं जुगु हिदान ज्याझ्वः सामुदायिक सेवा केन्द्र ग्वंगःबुँया बसपार्क लिक्क जुगु खः ।
हिदान ज्याझ्वलय् ब्लोडानया केन्द्रीय नायः सानुबाबु प्रजापति, केन्द्रीय दुजःपिं विनोद तुलाधर, पुरुषोत्तम खत्री, किशोर वन्त, ब्लोडान येँया सचिव व संयोजक अनिलरत्न तुलाधरपिंसं सहजीकरण यागु खः ।
किपाः सरिना महर्जन
