Display Style:
Column Style
लकडाउनय् न हिदान ज्याझ्वः जुल
शोभा श्रेष्ठ | चौलागा चतुर्थी ११४०, चैत्र २९ शनिवाः
कोरोना भाईरस (कोभिड १९)या कारण लकडाउनया अवस्थाय् हिंया अभाव मजुकेइत नेपाल रेडक्रस सोसाईटी महाबौद्ध उपशाखा व काठमाण्डू जिल्ला शाखाया मंकाः ग्वसालयु छखाः छेँय् छम्ह हिंदाता अभियान शुरू जुगु निवाः दये धुकुगु दु ।
थुगुु अभियान अन्तर्गत नेपाल रेडक्रस सोसाईटी महाबौद्ध उपशाखाया संयोजनय् ध्वका जेन शाहिया संयोजनय् भक्तपुर रक्त संचार केन्द्र (ब्लड बैंक) मार्फत थौं २९ गते हिदान ज्याझ्वः जुगु दु । कामपा १९ वडाया ईनात्वाः, ध्वका त्वाः, ताम्सीपाखा, न्यत व ढल्कोय् याना मुक्क १८ म्हसिया हिदान याःगु दु ।
लकडाउनया इलय् हिया अभाव मजुकेत सामाजिक सञ्जाल फेशबुक मार्फत पासापिन्त हिदानया जानकारी बिया थुगु ज्याझ्वः यानागु धका जेन शाही धयादिगु खः ‘छखाः छेँय् छम्ह हिंदाता अभियान जानकारी प्राप्त जुगुलि रेडक्रस सोसाइटीया सहकःमिपिन्त सःता ज्याझ्वः यानागु धका धयादिगु खः ।
लकडाउनया इलय् न थौं हिदान यानादिपि थुकुथ दु । जेन शाही, रितेश शाही, निरज महर्जन,कुमार खड्गी, कमला शाही, प्रिसल शाही, अमन भुजेल, प्रगुन महर्जन, कविर कुमार शाही, आशा काजी डंगोल, सुमन भन्डारी, प्रविन खड्गी, अनित खड्गी, रिक्चना शाही, लक्ष्मी खड्गी, प्रवीन महर्जन, बाल कृष्ण महर्जन व उज्जव श्रेष्ठपिन्स थौं हिदान यानादिगु खः ।
यलया ठेच्वया नवदुर्गा प्याखँ तजिक जुइगु
लहनान्युज | कौलाथ्व पंचमी ११३९ (अक्टुवर ३ २०१९)
पिदँ दँ लिपा हाकन न्ह्याःगु यलया ठेच्व च्वःगु नवदुर्गा प्याखँया जानकारी बिइगु लागि ग्वसाः ग्वःगु पत्रकार भेटघाट ज्याझ्वलय् पायो (खड्ग) जात्रानाप सम्बन्धित थी थी गुथिया गुथियार, पत्रकारपि नाप यल महानगरपालिका १६ या वडाध्यक्ष निर्मलरत्न शाक्य आ हाकन बालक्क न्ह्याइ धका थौं छगु पत्रकार सम्मेलनयाना जानकारी बियादिगुु दु ।
नेपाःया ख्वाःपा प्याखँ मध्ये यलया ठेच्वय् च्वःगु नवदुर्गा प्याखँ न छगु खँ धका धयादिगु खः । यलया लायकुलि लिच्छवीकालीन, मल्लकालीन व शाहकालीनया स्वगुगु जात्रा मध्ये यलया ठेच्वय् च्वःगु नवदुर्गा प्याखँ यलया हे पुलागु प्याखँ खः धका वडाध्यक्ष शाक्यं धयादिगु खः ।
थुथु प्याखँ लिच्छवीकालीन राजा मानदेवया इष्टदेवता मानमानेश्वरी देवी व मल्लकालिन तुलेजु भवानी देवीनाप सम्बन्धित खः धका धयादिसे थुगु प्याखँ लाय्कुया मूलचुकय् दँय् दसं मोहनिया चालं कुन्हि व कति पुन्हि प्यन्हु तका प्याखँ हुकेगुु परम्परा दु ।
थुगु प्याखँ वःगु नीप्यँ निसे बन्द जुयाच्वंगु खःसा नेवाः पत्रकार राष्ट्रिय दबू यल जिल्ला, यल सांस्कृतिक पर्व संरक्षण समिति, नवदुर्गा गुथियार, यल लाय्कुया मू छे, आगः छेँया पुजारी, यल महानगरपालिका पिनिगु कुतलं हाकन न्ह्याकुगु खः ।
पट्को त्वालय् वःगु पीदँ निसे बन्द जुयाच्वंग थुगु प्याखँ थुगुसी मोहनि निसे न्ह्याइ धका वडा अधक्ष्य शाक्यं जानकारी बियादिगु खः । जात्रा न्ह्याकेगु लागि नवदुर्गा गुथियार, पट्को टोल सुधार समिति व यल महानगरपालिका १६ वडा ज्याकु नाप त्रिपक्ष निर्णय जुगु खः ।
थुगु दँय् वडा कार्यालय पाखे पूजा ज्वःलं व बली बिइगु खःसा मेगु दँनिसे पूजा ज्वःलं व बलीया लागि माःगु ध्यवा महानगरं दरबन्दीया ब्यवस्था यायेगु क्वछिगु खः ।
एनआईशी एसिया बैंक यल शाखाया उलेज्या
लहनान्युज | कौलाथ्व पंचमी ११३९ (अप्टुवर ३ २०१९)
अरनिको व्यावसायिक प्रर्वद्धन तथा सांस्कृतिक समाजया अध्यक्ष अजरमान जोशीं बैंक तथा वित्तीय संस्थां यलय् कला व संस्कृति नाप परम्परा जर्गेना यायेगु लागि विशेष ग्वाहालि यायेमा धका धयादिगु दु ।
प्रयागपोखरी च्वंगु एनआईसी बैंकया उलेज्या यानादिसे अध्यक्ष जोशीं थथे धयादिगु खः ।
बैंक तथा वित्तीय संस्थां सामाजिक दायित्व अन्तर्गत यलय् कला, संस्कृति, भाषा नाप परम्परा जर्गेना ज्या यायेगु लागि बः बियादिगु दु ।
उगु ज्याझ्वलय् एनआईशी एसिया बैंक प्रदेश नं ३ या उपप्रमुख लक्ष्मण चालिसे बैंकं यलया उद्यमी व्यवसायी, सर्वसाधारण, हस्तकला व्यवसायीया आकाक्षा ध्यान तया ज्या यायेगु लागि प्रतिबद्धता प्वकादिगु खः ।
सम्पदालिसेया दिव्य भ्रमण सोमवाः क्वचाइगु
राजेश बज्राचार्य | ने.सं. ११३८ सिल्लाथ्व एकादशी (२७ जनवरी, २०१७)
‘एक दिव्य भ्रमणः विगतसँगका भेटहरु’ शिर्षकय् लुम्बिनी बौद्ध विश्व बिद्यालय, डेनमार्कया आह्रुस युनिभर्सिटी व मोज्गार्ड म्यूजियमलिसेया सहकार्यं न्ह्यानाच्वंगु झिन्यान्हुया सम्पदा सचेतना सम्बन्धित किपा ब्वःज्या ज्याझ्वः सोमवाः क्वचाइगु जूगु दु ।
वंगु पुष २८ गते पाटन संग्रहालयसं स्वन्हूयंकया प्रदर्शनीपाखें न्ह्याःगु यात्रा लुम्बिनी विश्व विद्यालयका उपकूलपति नरेश बज्राचार्यं उलेज्या यानादिगु खः । लिपा प्रदर्शनी यलया नागबहाः, येँया इटुम्बहालय्, ख्वपःया द हेरिटेज ग्यालरीलिपा हाकन यलया ज्यापू समाज भवनय् थुगु प्रदर्शनीयात निरन्तरता बिइगु ज्याः जूगु समाजया न्वकू एवं संग्रहालय व्यवस्थापनया अध्ययेता शान्तमान महर्जनं जानकारी बियादिल ।
लुम्विनी विश्वबिद्यालयया स्नातक तह अन्तर्गत संग्रहालय अध्ययन विषयया न्हापाँगु ब्याचया ब्वनामि जुयादिम्ह भाजु महर्जनया धापूकथं थुगु प्रदर्शनीइ संलग्न निकाय, डेनमार्कया पुरातत्वविदयागु संग्रह व थौकन्हेया संग्रहालय अध्ययन नापं सम्पदा संरक्षणयानितिं न्ह्याइगु सचेतना अभियानया दृष्टिकोणं नं थुकियात अन्तर्राष्टिय स्तरया प्रदर्शनीकथं कायेछिं ।
‘वंगु ६०दँ निसें न्ह्यानाच्वंगु उपत्यकाया भौतिक विकासदुने सम्पदाया महत्व व भविष्यया संरक्षणपाखे खनेदैच्वंगु चुनौतीयात स्वयेगु दृष्टिकोण थपू यायेत नं थुगु प्रदर्शनीें तधंगु भूमिका म्हितेफु ।’ महर्जनं धयादि, ‘थुगु फोटो प्रदर्शनीदुने सुलाच्वंगु तथ्यपाखें भावी पुस्तां झीगु सम्पदायात गथे ल्यंकेगु वा पर्यटकीय दृष्टिकोणं स्थानीय संस्कृति व सम्पदायात जीवन्त संग्रहालयया स्वरुप गुकथं बिइफै धैगु गम्भीर न्ह्यःसपाखे ध्यान सालेगु कुतः जुवंगु दु ।’
थौकन्हेया भौतिक परिवेशय् सम्बन्धित समुदायपाखें नृवंश विज्ञानय् जुइगु अमूल्य अवशेष संग्रहया अभ्यासयात गुकथं मूल्याकंन याइ धैगु खँया अध्ययन नं थुगु परियोजनाया लक्ष्य जूगु मोज्गार्ड म्यूजियमया क्यूरेटर एवं डेनमार्कय् थुगु विषयसं विद्यावारिधी यानाच्वनादीम्ह उर्लिक जोन्सनं धयादिल ।
‘सन १९५०य् नेपाल पर्यटकपिनित खुला जुइधुंका १९५७ निसें १९७९ तक नेपालय् विशेष ध्यान तयादिम्ह डेनमार्कया पुरातत्वविद वेर्नेर याकोब्सनयागु संग्रहयात नेपाली स्वकुमिदथुइ क्यनेगु कुतः यानागु खःं ।’ जोन्सनं धयादिल, ‘डेनमार्कया म्यूजियमय् हलिन्यंकया ५०द्वः मल्याक्क दुगु संग्रहमध्ये पुरातत्वविद स्वर्गीय वेर्नेरया जक ८८गू सामग्री संग्रहित जुयाच्वंगु दु । थुपिंमध्ये १९गू सामग्रीया किपा व स्वनिगःया पुलाँगु किपातः नापं थौकन्हेया अवस्था तुलना यायेकथं किपातः संग्रह याना प्रदर्शनीइ दुथ्याकागु दु ।’
स्वर्गीय वेर्नेरं संग्रह यानाथकुगु सामग्री हे प्रदर्शनीइ छाय् तये मफुत धैगु न्ह्यसःलय् जोन्सनं धयादिल, ‘डनमार्कं सामाग्री हे हयेगु कुतः जूगु खः तर प्रदर्शनीलिपा थुपिं सामग्री सुरक्षित याना लितेयंकेगु शर्त दुगु जुल । थुखेर नेपाल सरकारया नियमकथं थुजोगु पुलाँगु सामग्री लितेयंकेमज्यूगु नापं उकीया संरक्षण जिम्मा सुना कायेगु यकीन मजुसेंलि किपात जक प्रदर्शन यायेगु जुवंगु खः ।’
परियोजना अन्तर्गत किपा ब्वःज्यानापं पुरातात्विक महत्वया सम्पदा सामग्रीत गन संग्रहित यायेगु उचित जुइ धैगु विषयसं स्थानीयलिसे नं सहलह ज्याझ्वः जूगु वयेकलं कनादिल । ब्वःज्याय् थ्यंपिंमध्ये करीव न्यासः मनूतसें ब्यूगु प्रतिक्रिया सर्र्वक्षणय् संचित यायेगुनापं करीव ५०म्हेसिनं सहलहसं ब्वति काःगु वयेकलं जानकारी बियादिल ।
‘सहलहसं ब्वतिकापिं सकसिनं थुपिं संग्रहित सामग्रीया थौंतक नं विशेष महत्व दुगु धाःगु दु । थुपिं सामग्री नेपालय् हे लितहयेमा वा डेनमार्कया संग्रहालयसं हे थुकिया उचित संरक्षण जुइ धैगु धापू नं वःगु खनेदु ।’ जोन्सनं धैदिल ।
सोमवाः नेपाल पर्यटन बोर्डया हलय् बिस्कंया ज्याझ्वः याना थुगु किपा ब्वःज्या क्वचाई । प्रदर्शनी अवलोकनकर्ता व सहलहपाखें दुथ्यागु खँ नापं अध्ययनया निष्कर्ष न्ह्यब्वयेगुलिसें वरिष्ठ पत्रकार कनकमणि दिक्षित, लुम्बिनी विश्वबिद्यालय लगायतया विशिष्ट व्यक्तित्वपिनिगु धापू न्यनेगु याना थुगु प्रदर्शनीया समापन जूइगु धाःगु दु ।
वातावरण प्रदुषण सचेतनायानितिं वडाया अभियान
राजेश बज्राचार्य | ने. सं. ११३८ पोहेलागा अमाइ (जनवरी १६, २०१७) यँ
जनसमस्याकथं वातावरण प्रदुषण उप्वयाच्वंगु धापूया थी थी पक्षयात बिचाःयाना येँ महाराजगंजस्थित वडा नम्वर ३ या वडाध्यक्ष दिपक के.सीं. छगू अभियान न्ह्याकूगु दुु ।
वडाया ज्याकू लिक्क च्वंगु कान्ति बाल अस्पताल मथ्यंवं लँ या निखेरंच्वंगु पेटीइ गमलासहितया स्वाँ व्यवस्थापन यासें अध्यक्ष के.सीं. “सफा, हराभरा सुन्दर सडकपेटी अभियान”या घोषणा याःगु खः ।
“सफा हरियाली व प्रदुषणमुक्त लकसय् च्वनेगु वडावासीपिनिगु जायज अपेक्षायात वडाया हैसियतकथंं सम्भव दूगु ज्याः पाखें अभियान न्ह्याकाःगुु खः ,” वयेकलं धैदिइ , “न्हापाँगु ब्वय् कथं शान्ग्रिला होटलनिसें न्यूरो अस्पताल क्षेत्रया सडकपेटीइ न्यासः मल्याक गमला व स्वाँम्हाःया व्यवस्थापन यायेगु जुइ, लिपा नीजि क्षेत्रनापं सहकार्य न्ह्याःका वडादनुेया दक्वः सडकपेटीइ थुगु अभियान पलिस्था यायेगु तातुना दु ।”
अभियानकथं वडापाखें बिइगु गमला व स्वाँमा थपु याइम्ह सु जुइ धैगु न्ह्यःसया सवालय् अध्यक्ष के.सी. स्पष्ट जुयादी । वयेकलं शुरुवातयानितिं वडाया हे आह्वानय् प्रगतिशील धारा सुधार समिति वातावरण समूह (पिडिएसएस)नापं सहकार्य याना अभियान न्ह्याकादीगु दु । नमूनाकथं जूगु थुगु शुरुवातनापं थी थी स्थानीय संघसंस्था व वडास्थित व्यवसायिक संस्थापाखेें थःथगु लागाया सडकपेटी बाँलाकेत अभियानय् ग्वाहाली दैगु व अभियान निरन्तर जुइगुलि वयेक विश्वस्त जुयादी ।
“तःतधंगु म्हगसः सिबेंं बरु चिधंगु ज्याः पाखें वडा क्षेत्र न्यंकभनं वडाध्यक्षज्यूया वातावरणमैत्री सडक स्थापनाया सन्देश बिइकेत न्ह्याकूगु व्यवहारिक ज्याझ्वःलय् जिमिसं ग्वाहाली यानागु ख ः।” पिडिएसएस या अध्यक्ष कृष्ण पौडेलं जानकारी बियादिल । वयेकया धापू कथं अभियानयात तजिकेत स्थापना याःगु गमला व स्वाँया निरन्तर संरक्षण व व्यवस्थापनपाखें कमसेकम थःथगु छेँ, पसः व ज्याकूलिक्कया सडकपेटीयात फोहोर मयायेगु, मयाकेगुलिइ वडावासी सचेत जुुइगु लकस ब्वलनी ।
करीब ७लाः न्ह्यः प्रकाशित छगु तथ्यांकं येँं विश्वया प्रदुषित शहरमध्ये ५औं स्थानय् लानाच्वंगु न्ह्यथनातःगु दु । विश्व स्वास्थ्य संगठन नापं मेमेगु सम्बन्धित अध्ययन आधारय् पिथनातःगु उगु तथ्यांक अनुसार हलिंन्यंकया २६९ शहरहरुमध्ये अफ्रिकाया घाना व भारतया फरिदाबादलिपा येँ रत्नपार्कया प्रदुषण मापन ९६.५७ थ्यंगु क्यनातःगु दु ।
नेपाल सरकार वातावरण विभागया अनुसार यँे रत्नपार्कय् २.५ माइक्रोन सिबे चिधंगु हानिकारक कण (पिएम २.५) सिबें उप्वः (१०७ µg³) जुयाच्वंगु क्यनातःगु दु । थीथी कारकमध्ये लँबिस्तार कार्यसुस्तता, मेलम्ची खानेपानी व्यवस्थापननापँ सवारीसाधनया इन्धनपाखें पिलूइगु कुँ आदिपाखें शहरवासीपिं विशेषतः श्वासप्रश्वास व छयंगु सम्बन्धित ल्वचं पिडित जुगु खनेदु ।
