Display Style:
Column Style
थौंया फोटो फिचर
नृपेन्द्रलाल श्रेष्ठ | चौलागा पंचमी ११४०, चैत्र ३० आईतवाः
येँया थीथी थासया किपा
येँया मेयर व उपमेयरपाखें चखुंबखुं तयेत नसा
नृपेन्द्रलाल श्रेष्ठ | चौलागा पंचमी ११४०, चैत्र ३० आईतवाः
थौकन्ह्य कोरोना भाइरसया संक्रमण पनेत सरकारं लकडाउन यानातःगुलि लँय् मनूत पिहां मवःगुलिं चखुंबखुंतय् नये मखना च्वंगुदु । ये
थौं येँ महानगरपालिकाया मेयर, उपमेयर व जनप्रतिनिधिपिन्स येँया हनुमाध्वाखा, कालमोचान, जनबहाः वनाः चखुंबखुं, खिचा, माकः, सा लगायतयात नसा नकूगु दु ।
थौं ८ बजे हनुमानध्वाखां सुरु याना मेयर विद्या सुन्दर शाक्य, उपमेयर हरिप्रभा खडगी, २४ वडा २५ व ११ वडाया वडाध्यक्ष नाप जनप्रतिनिधिपिं वनाः नसा नकूगु खः ।
येँ महानगरपालिका बिषेस बजेत ब्यवस्था याना देगलच्वपि बखु व लँय् च्वपि जनवार तयेत नकेगु ब्यवस्था याःगु खः ।
म्हिगः नं मेयर शाक्य स्वयम्भू वनाः माकःतय्त नसा नकूगु खः ।
कालमोचनय् देगलय् च्वपि मनूतयेत नयेगु इना बिगु खः ।
स्वम्ह भारतीय नागरीकयाके कोराना खनेदत
शोभा श्रेष्ठ | चौलागा पंचमी ११४०, चैत्र ३० आईतवाः
वीरगञ्जय् स्वम्ह भारतीय नागरिकपिन्त कोरोनाया संक्रमण जूगु पुष्टि जूगु दु ।
नमुना संकलन यागु झ्वलय् पोजेपटभ पिहा वःगु खः ।
संक्रमित जूम्ह निम्ह उत्तर प्रदेश व छम्ह दिल्ली याःम्ह खः ।
उमिगु परिक्षण हेटौंडाया प्रयोगशालाय् याःगु खः ।
इमिगु रिपोर्ट शंकास्पद जुइवं मेगु परीक्षण यायेगु लागि येँया राष्ट्रिय प्रयोगशालाय् हःगु दु ।
थन नस्वम्हेसियां रिपोर्ट पोजेटिभ हे वःगु दु ।
छपकैया व घुसुकपुर मस्जिदय् च्वनाच्वंपिं २४ म्ह भारतीय धर्म प्रचारकत नारायणी अस्पतालय् स्क्रिनिङया निंतिं वःगु खः ।
नारायणी अस्पतालं स्वाब लिकयाः परीक्षणया निंतिं हेटौंडाय् छ्वःगु खः ।
स्वयम्भुइ १५ बेदया क्वारेन्टाइन निर्माण जुल
शोभा श्रेष्ठ | चौलागा पंचमी ११४०, चैत्र ३० आईतवाः
येँ महानगरपालिका १५ वडाय् झीगु बेड याःगु क्वारेन्टाइनया निर्माया याये त्यःगु दु ।
उगु क्वारेन्टाइन दयेकेगु लागि नेपाली सेना व नेपाल प्रहरीया मंकाः कथं स्वयम्भूया भुइख्यः चौरय् झीगु बेदया क्वारेन्टाइन निर्माण जुइ त्यःगु खः ।
अथेहे येँ मनपाया प्रवक्ता नाप १५ वडाया अध्यक्ष ईश्वरमान डंगोल अन निसम्हसित न्हिन्हि ज्या नकेगु व विदेश लिहावपिन्त अन क्वारेन्टाइनय् तयेगु व्यवस्था यायेगु जानकारी बियादिगु खः ।
येँ मनपाया प्रवक्ता डंगोलं थौं आवश्यक मजुसा कन्ह्य आवश्यक जुपि मनू तयेत क्वारेन्टाइनय् तयेगु जुइ धका धयादिगु दु ।
तोखाय् हिदान ज्याझ्वः जुल
बिनोद तुलाधर | चौलागा चतुर्थी ११४०, चैत्र २९ शनिवाः
देय् यक लकडाउन जुया च्वंगु इलय् थौं कन्ह्य हिया अभाव जुया च्वंगु अवस्थाय् ब्लढ डोनर्स एसोसिएसन न तोखाय् हिदान ज्याझ्वः याःगु दु ।
थौं तोखा नगरपालिका झोरय् पब्लिक इङलिस बोदिङ स्कुलय् ग्वाहालि छगु हिदान ज्याझ्वः जुगु दु ।
उगु ज्याझ्वः ब्लड डोनर्स एशोसिएसन नेपाल ( ब्लोदान ) या ग्वसालय् ३६ म्हसिया हिदान याःगु खः ।
थौं जुुगु उगु ज्याझ्वलय् झोर नगरपालिकाया अध्यक्ष, कामपा.२४ वडाया सदस्य नाप ब्लोदानया केन्द्रीय सदस्य बिनोद तुलाधर, ब्लोदान काठमाडौं जिल्लाया इन्चार्ज, काठमाडौं जिल्लाका सचिब नापं हिदाना ज्याझ्वःया संयोजक अनिल रत्न तुलाधर, ब्लोदान केन्द्रिय सदस्य पुरुषोत्तम खत्री, व ब्लोदानया सदस्यपिनिगु न ब्बति दुगु खः ।
अथेहे कन्ह्य आइतवाः गोगबुया महादेव स्थानय् हिदान ज्याझ्वः तया तःगु धका ब्वोदानया केन्द्रिय सदस्य बिनोद तुलाधरं लहनान्युजयात जानकारी बियादिगु दु ।
किपाः सरिना महर्जन
