Display Style:
Column Style
पोखरय् मेम्ह पोजेटिभ खने दत
लहनान्युज | चौलाथ्व दशमी ११४०, चैत्र २१
पोखरा स्वास्थ्य विज्ञान प्रतिष्ठानय् छम्ह मेम्ह कोरोना परीक्षणय् पोजेटिभ रिपोर्ट खने दुग दु ।
वयात थ्रोट स्वाब पुनः परीक्षणया लागि टेकुस्थित राष्ट्रिय जनस्वास्थ्य प्रयोगशालाय् छ्वःग् दु ।
पोखराय् नकतिनि स्थापना याःगु ल्याबय् उगु परिक्षण याःगु खः ।
उम्ह मनू भारतपाखे लिहावम्ह कास्की च्वम्ह खः ।
यलय् त्वाः त्वालय् घुम्टि पसः
नृपेन्द्रलाल श्रेष्ठ | चौलाथ्व नवमी ११४०, चैत्र २०
नेपाल सरकार लकडाउनया घोषणा याःगु इलय् न यलय् घुम्ती पसः थौंनिसे न्ह्याःगु दु ।
यल महानगरपालिकाया १६ वडाया ग्वाहालिं ललितपुर बुद्ध जयन्ती कोषं उगु पसः थौंननिसे त्वाः त्वालय् वना पसः तयेगु शुरु याःगु खः ।
उगु पसः थौंनिसे नकबहीलय् शुरु याना त्यसपछि धलायचाय् न तःगु खः । न्या वपिनिगु हुल जुगुया कारण थौं कोबहालय् तयेगु ज्याझ्वः दुगु जुसा अन कन्ह्य जक तयेगु धका धाःगु खः ।
उगु पसलय् छगु परिवारया लागि जाकि १० केजी, दाल ५ केजी, चिकं ५ लिटर, छुचू (आँटा) १० केजी, बजी १० केजी व चिनी ५ केजी तक जक न्यायेगु व्यवस्था तया तःगु खः ।
उगु सामानय् मेथाय् स्वया २० प्रतिशत छुट याना उगु पसलं मिइगु याःगु खः ।
कोषया अध्यक्ष धर्मबहादुर शाक्यं बिउगु जानकारी कथं थौं उगु पसलय् निगु थास याना स्वसः मनू तयेस न्यायेगु याःगु खः धका धयादिगु खः । ‘लकडाउनया झ्वलय् खाद्यान्न अभाव मजुकेत सुपथ पसः चाकेगु ज्या यानागु धका धयादगु खः ।
उगु पसलय् खाद्य सामग्री सहज रुपं न्यायेगु मिइगुया लागि यल महानगरया १६ वडाया अध्यक्ष निर्मलरत्न शाक्यया नेतृत्वय १५ म्ह स्वयंसेवक न्हिच्छि यक ज्यायानादिगु खः । न्यायेगु पसलय् या लागि प्रत्येकयात छगु मिटरया सामाजिक दूरी तया टोकनपाखे मिइगु ज्या जुुगु खः ।
सर्वसाधारण खाद्य सामग्री सहज रुपं न्याये मिइत वडाया इनापय् थुगु पसःया व्यवस्था मिले यानागु खः धका वडाअध्यक्ष शाक्यं धयादिगु खः । वडाअध्यक्ष शाक्यं थुगु ‘घुम्ती पसल लकडाउन अवधिभर सञ्चालन जुइ धका न धयादिगु खः ।’
स्वनिगलय् राहतय् एकरुपता हइगु
नृपेन्द्रलाल श्रेष्ठ | चौलाथ्व नवमी ११४०, चैत्र २०
स्वनिगलय् अतिविपन्न, असाहय व मजदुरवर्गया उपभोक्तापिन्त लकडाउन जुया च्वंगु इलय् राहत इनेगुलिइ मापदण्डय् छगु हे याइगु जुगु दु ।
स्वनिगलय् आपूर्ति व राहत इनेगुलि एकरुपता हयेगु विषय थौं उपत्यका नगरपालिका फोरमया छलफल याना थज्याःगु निर्णय याःगु खः ।
थौंतक राहत इनेगु ज्याय् जुसा आ अर्थमन्त्रालयं वःगु चैत १९ गते जारी असंगठित क्षेत्रय् ज्या याइपि श्रमिक वर्ग व असाहय वर्गयात बिया वयाच्वंगु राहत सम्वयन्धि मापदण्ड अनुसार हे राहत इनेगु ज्या यायेगु निर्णय उगु बैठक याःगु दु,’ येँ महानगरपालिकाया प्रमुख एवं उपत्यका नगरपालिका फोरमया संयोजक बिद्यासुन्दर शाक्यं धयादिगु खः, ‘मन्त्रालयं जारी याउगु मापदण्ड स्वया फरक–फरक ढंगं राहत इने इलय् एक रुपता मजुइ धका धयादिसे राहतय् छगु रुपं हयेत थज्याःगु निर्णय यानागु खः धका धयादिगु खः ।’ वयकलं स्वनिगःया दक्को नगरपालिकाय् थौं हे थुगु सर्कुलर जारी यायेगु जानकारी न बियादिगु खः ।
स्वनिगः दुने निगु महानगरपालिका व १६ गु नगरपालिकाया मंकाः संस्थाया रुपय् उपत्यका नगरपालिका फोरमं म्हिगः न थुगु बिषय गृह, संघीय मामिला, आपूर्तिमन्त्री लगायत नाप सहलह याःगु खः । ‘जिमिसं थज्याःगु वर्गया उपभोक्ताया लागत संकलन सुरु याये धुनगु दु धका धयादिगु खः । आः बिइगु राहतय् चिं, जाकि, चिनी, व दाल थेज्यागु छगु हे प्रकारया खाद्यान्न बिइ त्यःगु खः ।’
आ न्हुगु मापदण्ड कथं स्वम्ह परिवारयात १५ केजी जाकि व १.५ केजी दाल व स्वम्हसिया अप्वो दुपिन्त ३० केजी जाकि व स्वगु केजी दाल काये दइ ।
अथेहे, स्वम्ह जक दुपिन्त छगु प्याकेट चिं व छगु लिटर चिकं स्वम्हसिया अप्वो दुपि परिवारयात निगु प्याकेट चिं व २ निगु लिटर चिंक दइ । स्वम्ह जक दुपिन्त छगु केजी व स्वम्ह स्वया अप्वो दुपिन्त निगु केजी चिनी दइ । उगु राहतय् साबुन न तया तःगु दु ।
मेम्ह छम्हसित कोराना जुल
लहनान्युज | चौलाथ्व नवमी ११४०, चैत्र २०
स्वास्थ्य तथा जनसंख्या मन्त्रालयया प्रवक्ता डा. विकास देवकोटां थौं बिहीवाः हाकन मेम्ह छम्ह कोरोना संक्रमणया लिच्वः पोजेटिभ वःम्ह बागलुङया ६५ दँया मिसा जुगु धका पुष्टि याःगु दु ।
उम्ह मनू न कोरोना संक्रमित येँय् वःम्ह १९ दँया मिसा नाप हे कतार एयरवेजया क्युआर ६५२ य् वःगु चैत ४ गते नेपालय् वःगु खः ।
उगु जहाजय् वःपि स्वम्ह नेपालीयात आतक कोरोना संक्रमण पुष्टि जुइ धुकुगु दु ।
बिहीवाः स्वास्थ्य मन्त्रालयय् ग्वसाः ग्वगु पत्रकार सम्मेलनय् प्रवक्ता देवकोटांं नेपालय् खुम्हं कोरोना संक्रमित जुइ धुकुगु दु धका जानकारी बियादिगु खः ।
आतक वयात छेँयु हे वासः याका च्वंगु धयादिसे वयात येँ हयेगु तयारी याना च्वंगु धुका न जानकारी बियादिगु खः ।
टेकुइ वासः याका च्वपिनिम्ह पोजेटिभ पिहावल
लहनान्युज | चौलाथ्व नवमी ११४०, चैत्र २०
टेकुस्थित शुक्रराज ट्रपिकल तथा सरुवा रोग अस्पतालय् वासः याका च्वपि निम्ह कोरोना भाइरस (कोभिड–१९) संक्रमित जुगु लिच्वः पोजेटिभ पिहावःगु दु ।
निक्वःगु व स्वक्वःगु कोरोना संक्रमित ल्वगि तयेगु वःगु मंगलवाः थ्रोट स्वाब संकलन याना परीक्षणया लागि राष्ट्रिय जनस्वास्थ्य प्रयोगशाला छ्वःगु खः ।
निक्वःगु रिपोर्ट नेगेटिभ वःगुलि इमित डिस्चार्ज यायेगु तयारी याःगु खः ।
बुधवाः रिपोर्ट पोजेटिभ वगुलि आः निन्हुलिपा नमुना संकलन याना मेगु परीक्षण याइ धका टेकु अस्पतालं धाःगु दु ।
वःगु चैत ४ गते फ्रान्स जुया कतारया दोहा लिह वम्ह १९ दँया मिसा याके चैत १० गते व चैत ६ य् यूएईपाखे लिहा वम्ह धादिङया ३४ दँया छम्ह मिजंयात न चैत १२ गते कोरोना संक्रमण पुष्टि जुगु खः ।
