Display Style:
Column Style
लगम निसे मसाल जुलुस पिकाल
नृपेन्द्रलाल श्रेष्ठ | बछलाथ्व पंचमी ११३९ (जुन ९ २०१९)
सरकारं गुथि ऐन विधेयक हयेत्यंगु विरुद्ध थौं जुगु आइतवाः जुगु माइतीघर मण्डलाय् प्रदर्शन लिपा असन मुना छगु जुलुुस पिथःगु दु ।
उगु जुलुस असंपाखे वघः, न्हु सतक जुया लगन वना छगु कोणसभा याःगु खः ।
कोणसभा लिपा लगं पाखे छगु मसाल जुलुस पिकागु खः ।
उगु मसाल जुलस बसन्तपुरय् वना क्वचाःगु खः ।
किपाः बालकृष्ण डंगोल
नेवाः न्ह्यलुवा डा.महेशमान लगायत सकसिकत त्वःतल
नृपेन्द्रलाल श्रेष्ठ | ११३९ तछलाथ्व सप्तमी (जुन ९ २०१९)
सरकारं गुथि ऐन विधेयक हयेत्यंगु विरुद्ध थौं जुगु आइतवाः जुगु माइतीघर मण्डलाय् प्रदर्शन यायेगु झ्वलय् ज्वना यकूपि नेवाः न्ह्यलुवा डा.महेशमान श्रेष्ठ, अनिश श्रेष्ठ, कृष्ण भायो व बिकाश महर्जनयात त्वःते धुकुगु दु ।
आः लगनय् छगु सभा याना च्वगु दु ।
सभा लिपा येँया लगनं हे छगु मसाल जुलुस पिकायेगु तयारी याना च्वंगु दु ।
माइतीघर मण्डलाय् नेवाः न्हयलुवा डा.महेशमानयात ज्वन
नृपेन्द्रलाल श्रेष्ठ | ११३९ तछलाथ्व सप्तमी (जुन ९ २०१९)
सरकारं गुथि ऐन विधेयक हयेत्यंगु विरुद्ध थौं आइतवाः जुगु माइतीघर मण्डलाय् थीथी संघसंस्था नाप सरोकारावालापाखें उगु ऐन खारेज यायेमाःगु माग यासें प्रदर्शन याःगु खः ।
उगु प्रदर्शन यायेगु ज्याझ्वलय् थौं माइतीघर मण्डलाय् लँ पनेत स्वःबलय् प्रहरीं लःया फोहरां क्ययेकूगु दुसा लाठी चार्ज तकं जुगु दु ।
उगु प्रदर्शन थौं १२ ताः निसे न्ह्याःगु खः । प्रदर्शनय झ्वलय् नेवाः न्ह्यलुवा डा.महेशमान श्रेष्ठ, अनिश श्रेष्ठ व बिकाश महर्जनयात ज्वना यंकुगु दु । वयकःपिन्त सिंहदरवारया पुलिश चौकि तयातःगु दु ।
थौं उगु प्रदर्शन यायेगु ज्याझ्वलय् थौं जुगु लाठी चार्जय् लाना महेश कारंजित कृष्ण मानन्धर व सजिव बज्राचार्य घाःपाः जुगु दु । घाःपाः जुपिन्त थापथलिया अन्नपुर्णं न्युरो हस्पितलय् वासः याका च्वंगु दु ।
थौं जुगु माइतीघर मण्डलाय् प्रहरी ब्यापक दमन याःगु दु । शान्ति पुर्वक धर्ना ज्याझ्वलय् लःया फोहरा तक छ्वाकिगु ज्या याःगु खः ।
गुथियारपिनिगु हक लाका कयाः गैर मनूतय्त गुथियार दयेकेफूगु लिसें गुथियारपिन्त कडा कानून लागू यानाः गुथि हे मदयेकेगु षडयन्त्र यायेत हःगु विधेयक धासें उगु विधेयक तत्काल खारेज यायेमाःगु माग थ्व इलय् छचाखेरं ल्ह्वनाच्वंगु दु ।
संसदय् थुगु विधेयकयात कयाः कन्हय् सोमवाःनिसें सहलह न्ह्याकेत्यंगु दु ।
किपा: बिकाश माली
जागरण मचं नेवाः अधिकारकःमि छथाय् वयेत इनाप
नृपेन्द्रलाल श्रेष्ठ | ११३९ तछलाथ्व सप्तमी (जुन ९ २०१९)
नेपालय् संघीय गणतान्त्रिक संविधान वयेधुंकाः नं भाषा, जाति सम्बन्धी अधिकारयात सुनिश्चित नाप ३ नम्बर प्रदेश नामांकन, गुथि सम्बन्धी व्यवस्थायात संशोधन विधेयक, स्थानीय निकाय कर्मचारी भर्ना, लोकसेवा आयोगया विज्ञापन, सतक विस्तार योजनाय् अदालतया फैसला लिपाया स्थिति, फास्ट ट्रायक ,चोभारया ड्राइपोर्ट सम्पदा संरक्षण आदि थीथी सवालत कया नेवाः जागरण मञ्च नायः सुजिव बज्राचार्य थौंं छगु प्रेस बक्तब्य पिथना दिगु दु ।
आः अवस्थाय् संघीयताया लिसेलिसें समावेशीता व समानुपातिकतायात संविधानं हे नालाकाःगु जूसां केन्द्रीय सरकार व मूल राज्यसत्ताया प्रवृत्ति थुज्वःगु खँया सवालयात नकारे यायेगु, गुखें ज्यू उखें केन्द्रीय सत्तायात हे सर्वशक्तिमान दयेकाः प्रदेश व स्थानीय निकाययात मातहतया निकायथें दयेकेगु प्रवृत्ति हावी जूगु दु ।
थौं या अवस्थाय् सूं न सत्तापक्ष, विपक्षी धइगु मानसिकता मतसें नेवाः हकहितया सवालय् नेवाःतय्गु दथुइ फुक्कं कथंया विभाजनयात चीकाः नेवाः हकहित प्राप्तियात हे सर्वोच्च विन्दु तायेकाः थःगु कार्यदिशा तय यानाः वनेमाः धकाः न्ह्याः वनेमा धकाः न वक्तब्य उल्लेख यानादिगु दु ।
नेवाः आन्दोलनय् प्राप्तिकार सुं व्यक्ति विशेष नं मखु, संस्था विशेष नं मखु ं सकलें जानाः सामूहिक व लोकतान्त्रिक पद्वति कथं संस्थागत नेतृत्व दयेकाः न्ह्यायेगुया मेगु विकल्प मदगु खँ उल्लेख यासे नेवाः सरोकारया विषयस नेवाः न्ह्यलुवाःपिं सकलें मुनाः छगू मोर्चा संगठन दयेकाः व ठोस कार्यदिशा व ज्याझ्वः तय यानाः न्ह्यायेमाःगु थौंया आवश्यकता खः धका मंञ्च नायः बज्राचार्य थौं पिथना दिगु वक्तब्य उल्लेख यानादिगु दु ।
इंग्ल्याण्डं बंगलादेश त्याकल
लहनान्युज | ११३९ तछलाथ्व सप्तमी (जुन ९ २०१९)
इंग्ल्याण्डं बंगलादेश यात १०६ रनं त्याकुगु दु ।
विश्वकप क्रिकेट अन्तरगत शनिवाः जुगु कासाय् इंग्ल्याण्डं जेसन रोयया १५३ रनया ग्वाहालिं बंगलादेशयात २८७ रनया विशाल लक्ष्य बिगु खः ।
बंगलादेशं ४८.५ ओभरय् दक्को विकेट गुमे याना २८० रन जक दयेकेगु तालाःगु खः। ८ रन हे न्हापांगु विकेट गुमे याये माःगु खः । बंगलादेशया लागि सकिब अल हसनं १२१ रन दयेकुगु खः ।
इंग्ल्याण्डया जोफ्रा आर्चर व बेन स्टोक्सं स्वंगु स्वंगु विकेट काःगु खः ।
न्हापां ब्याटिङ यासे इंग्ल्याण्डं ५० ओभरय् ६ विकेटउा क्षतिइ ३८६ रन दयेकुगु खः । रोय व जोनी बेयरस्टां १२८ रनया साझेदारी यासे ठोस शुरुवात याःगु खः । जोनी ५१ रन,जोस बट्लरं ६४ रन दयेका विशाल स्कोर दयेकेगु लागि ग्वाहालि याःगु खः ।
