Display Style:
Column Style
असाहय व मजदूरपिन्स जक राहत कायेत : मेयर शाक्यया इनाप
नृपेन्द्रलाल श्रेष्ठ | चौलाथ्व नवमी ११४०, चैत्र २०
येँ महानगरपालिकाया मेयर बिद्यासुन्दर शाक्यं नेपाल सरकार याउगु घोषणा ‘लकडाउन’ निवाः दये धुकुगु दु ।
‘लकडाउन’ उल्लंघन यायेगु छिटफुट गतिविधि जुया दु धयादिसे थुकि याःगु जिम्मेवार ढंगं सकसिया पू वयेकेत इनाप यानादिगु खः । येँ महानगरवासीपिन्त छगु अपिल यानादिसे वयकलं थःथे इनाप यानादिगु खः
‘कोरोना संक्रमणयात सामान्य कायेगु तधःगु गल्ती जुइ धका धयादिसे लकडाउन घोषणायात पूर्ण पालना याना छेँय् च्वना कोरोना संक्रमण विरुद्धया राष्ट्रिय अभियानय् ग्वाहालि यायेत सकल महानगरवासीपिन्त इनाप यानादिगु खः,’ मेयर शाक्यं ‘माहामारीया रूपय् हलियकं फैले जुगुया च्वंगु कोभिड–१९ (कोरोना भाइरस) संक्रमण नियन्त्रणया लागि नेपाल सरकारं घोषणा याःगु निवाःया ‘लकडाउन’ यात उल्लंघन यायेगु छिटफुट गतिविधि जुयाच्वंगु दु धका धयादिसे म्वायेक छेँय् न पिहामवनेत इनाप यानादिगु दु ।’
मेयर शाक्य अमेरिका लगायत युरोप नाप विकसित देशय् तसम महामारीया रूपय् संक्रमण फैले जुयाच्वंगु छगु हे कारण सरकार याःगु ‘लकडाउन’ या वेवास्ता जुगुलि खः धका धयादिसे नेपाःमि तयेस अझ अप्वो सचेत व सतर्क जुइमा धका धयादिगु खः ।
‘नेपाल सरकारं लकडाउन इलय् असहाय, अति विपन्न व न्हिया न्हिथं ज्यायाइपिन्त राहत बिइगु निर्णय याःगु खः व उगु ज्याया लागि स्थानीय निकायपाखे लगत संकलन यायेगु ज्या न्ह्यने वनाच्वंगु दु धका धयादिगु दु,’ वयकलं येँं महानगरपालिकां महानगर दुने तत्काल राहत इनेगु ज्यायात अपुक व व्यवस्थित यायेत ‘कामपा कोरोना भाइरस (कोभिड – १९) सम्बन्धी राहत वितरण मापदण्ड, २०७६’ पारित याये धुकुगु दु ।’
वयकल अभिभावक मदुपि, आयश्रोत तथा जायजात मदुपि, वृद्धाश्रम, संरक्षणगृह, देगलय्, गुम्बा, मस्जिदय् च्वनिपि, आम्दानीया स्थायी श्रोत मदुपि, न्हिन्हि ज्यायाना न नये थाकुपि महानगर दुने च्वपिन्त राहत इनेगु सुरु जुगु जानकारी बियादिगु दु ।
थुुुगु ज्याया लागि ३२ गु वडाया जनप्रतिनिधिपिन्स ज्यायाना च्व.गु दु धका न धयादिगु खः । ‘येँ महानगरपालिकां असाहय, अतिविपन्न व न्हिया न्हिया ज्यायाइपि मजदूरपिन्त राहत बिइगु जुइ धका धाःगु खःअथहे मेपिन्स सामग्री कयामदि इनाप यानादिगु दु ।
अथहे,‘लकडाउनया इलय् छु न समस्या वःसा ग्वाहालि यायेगु लागि थःगु जनप्रतिनिधिपिन्त तपिक स्वापु तये फइ धका न धयादिगु दु । थुकिया लागि महानगरपालिकां टोल फ्री नं. ११८०, महानगर प्रमुख, उपप्रमुख तथा दक्को जनप्रतिनिधिपिन्त स्वापू तयादित इनाप यानादिगु दु
येँ मनपा १७ वडाय् राहत बिवरण कमिति गठन
नृपेन्द्रलाल श्रेष्ठ | चौलाथ्व नवमी ११४०, चैत्र २०
येँ महानगरपालिका १७ वडापाखे बिइत्यःगु राहत सम्वन्धि बिषय सहलह जुगु दु ।
थौं जुगु उगु सहलह ज्याझ्वलय् शहरी बिकास राज्यमन्त्री रामवीर मानन्धर, बागमती प्रदेशया सांसद बसन्त मानन्धर, सुरक्षकःमि व वडावासीपिनाप छगु सहलह ज्याझ्वः जुगु दु ।
उगु ज्याझ्वः पाखे येँ महानगर १७ वडाध्यक्ष नबिन मानन्धरया संयोजकत्वय् वडा सचिव राजेश श्रेष्ठ सदस्य सचिव व ज्यााझ्वलय् सहभागिपि दुगु राहत बितरन कमिति गठन याmगु दु ।
१७ वडा दुने च्वपि लकडाउनया झ्वलय् सु न नये मखंक च्वने म्वाले म्वालेम्वोमा धका राहत इनेगु ज्या न्ह्याकेत्यःगु खः ।
खुसिबुँइ मिं नल
लहनान्युज | चौलाथ्व नवमी ११४०, चैत्र २०
येँया खुसिबुँइ वंगु चान्हय् छगू फर्निचर कारखानाय् न्ह्यने ट्रान्सफर्मरय् सर्ट जुया मिं नःगु दु ।
खुसिबुँया नर्सरी चोकय् च्वंगु राजु महर्जनं चले यानाच्वं फर्निचरय् मि च्याःगु खः ।
चान्हया ११ः३० बजे पाखे च्याःगु मि स्यायेत प्यंगः दमकल हःगु खः ।
उगु मिं प्यघौतक लः छ्वाकेधुंकाः चान्हय् २ बजे जक मि नियन्त्रणय् वःगु खः ।
लिटर झीतका क्वाहा वल डिजेल पेट्रोलय्
लहनान्युज | चौलाथ्व नवमी ११४०, चैत्र १९
नेपाल आयल निगम लिमिटेडं चिकंया भाः क्वकाःगु दु ।
कोरोनाया कारणं अन्तर्राष्ट्रिय बजारय् कच्चा चिकंया भाः ब्वहा वःगुलि पेट्रोलियम पदार्थया भाः क्वहावःग् खः ।
थौं चान्ह्यःनिसे पेट्रोल व डिजलय् व मचिकंय् प्रतिलिटर झीतक क्वहा वःगु खः ।
थुगु भाः थौं चान्ह्यःया १२ बजे लिपा लागु जुइ ।
येँय् या लागि पेट्रोलया भाः ९६ तका व डिजेल व मचिकंया भाः ८५ तका न्याये फइ ।
लिटर झीतका क्वाहा वल डिजेल(पेट्रोलय्
थिमिया निगुपुखूलि हिदान ज्याझ्वः जुल
केके मानन्धर | चौलाथ्व नवमी ११४०, चैत्र १९
ख्वपया मध्यपुर थिमिइ निगुपुखूलि लकडायन जुया च्वंगु इलय् न हिंदान ज्याझ्वः जुगु दु । ब्लड डोनर्स एसोसियन नेपाल, ब्लोडानं घरदैलो रगत संकलन अभियान अन्तर्गत १३ क्वःगु ज्याझ्वः मध्यपुरय् जुगु खः ।
भक्तपुर चेम्बर अफ कमर्श व लायन्स क्लब अफ भक्तपुर रियलटेकया समन्वयय् नेपाल रेडक्रस सोसाईटी, भक्तपुरया प्राविधिक ग्वाहालिं उगु ज्याझ्वः जुगु खः ।
नेपाल सरकारं कोरोना भाइरसया संक्रमण नियन्त्रण यायेगु लागि देय् यकं लकडाउन घोषणा याना तःगु दु । भक्तपुर चेम्बरया अध्यक्ष तथा संयोजक न्हुछेरत्न मानन्धरं लकडाउनया चुनौतीयात सामना यासे थौंकन्है देय् यकं हे हिया अभाव जुया च्वंगुलि थुगु ज्याझ्वः याना गु खँ कनादिगु खः ।
लकडाउन जुया च्वंगुलि थौंकन्है दक्को धयाथे छेँय् छेँय् जुयाच्वंगुलि देय् यकं हिंया अभाव जुया च्वगु दु ।
अथे जुया हे थज्यागु ज्याझ्वः न्ह्यने हइगु धका ब्लोडान भक्तपुरया सचिव रूकेश रञ्जितंं धयादिगु खः । थुगु ज्याझ्वः थीथी स्थानिय संघसंस्थायात समन्वय याना वना च्वनागु दु धका धयादिसे येँया असं, ठमेल, किपूलि न याये धुकुगु दु ।
मध्यपुरय् हिदान यानादिपि अनिला श्रेष्ठ, राजेश मानन्धर, निर्जला श्रेष्ठ, तुलसीराम श्रेष्ठ, दिलिपकुमार श्रेष्ठ, मुकुन्द रंजित, नारायण बहादुर मानन्धर, सुजित श्रेष्ठ, सरद श्रेष्ठ, निर्मला श्रेष्ठ, सुविन श्रेष्ठ, पञ्चकृष्ण श्रेष्ठ, सुसन श्रेष्ठ, सरोज मानन्धर, पुष्पराम श्रेष्ठ, सुदर्शन श्रेष्ठ, दिपक श्रेष्ठ, हरिभक्त श्रेष्ठ, व सुदर्शन श्रेष्ठपिन्स यानादिगु खः ।
