Display Style:
Column Style
पूच्वया करोडौं तकयाजग्गा अतिक्रमण
लहनान्युज | तछलाथ्व तृतिया ११३९ (जून ६ २०१९)
मापदण्डय् लाःगु धकाः स्कूलया अनुमति हे मकासे पःखाः पियाः पिल्लर लिसेंया पःखाःदन
देय्न्यंक हे सार्वजनिक सम्पत्तियात भूमाफिया तसें थःगु नामय् याना तःगु, कब्जायाना तःगु धकाः मदिक्क बुखँ वयाच्वंगु इलय् लिपांगु अवस्थाय् यल महानगरपालिकाया छगू ब्वनेकुथिया थ्यं मथ्यं ७ गू करोड तका बराबरया जग्गा नं अतिक्रमणय् लाना च्वंगु खँपिहां वःगु दु ।
यल महानगरपालिका वडा नं. ३य् लाःगु उगु ब्वनेकुथिया कम्पाउण्ड दुनेया जग्गा हे अतिक्रमय् लाःगु दु । सतक विस्तारया नामय् ब्वनेकुथिया ८ आना जग्गा अतिक्रमय् लाकूगु दु । यल महानगपालिका वडा नं.३ व वडा नं. २०या सिमानय् लाःगु उगु ब्वनेकुथिया पूर्वपाखेया खाली जग्गाय् सतक विस्तारया झ्वलय् निम्ह हे वडा अध्यक्षपिन्सं मापदण्ड अःखः यकःति कथं निर्णय याःगुलिं अतिक्रमणय् लाःगु स्थानीयवासी पिनिगु धापू दु ।
योजनाबद्ध कथं उपभोक्ता समिति हे दय्काः ब्वनेकुथिया जग्गायात सार्वजनिक जग्गा धकाः नियम, ऐन, सर्वोच्च अदालतया आदेशयात तकं हाचां गायाःउगु ब्वनेकुथिया जग्गायात अतिक्रमण याय्गु ज्या याःगु खनेदु । सर्वोच्च अदालतं तकं छुं नं ब्यक्तिवा संस्थाया जग्गा सतक विस्तारया नामय् काय्गु खःसा मुआब्जा व क्षतिपूर्ति बिया जक काय् माः धकाः आदेश ब्यूगु
खःसा उगु आदेशयात तकं हाचां गायाः जनप्रतिनिधित हे न्ह्याःवंगुलिं मनूतय्सं न्ह्यसःतया हःगु दु ।
महानगरपालिकां धाःसा २०४४ सालय् लागू याःगु ‘गाइडलाइन डेभलपमेण्ट’ कथं सतक विस्तार याय्गु झ्वलय् पिने पःखाः थुनेगु आज्जु तयाः विस्तारया ज्या यानागु खः धकाः धाःगु दुसा महानगरपालिकाया प्रमुख चिरिबाबु महर्जनं उगु ज्या नियम संगत जूगु दावीयाना वया च्वनादीगु दु । सतक विस्तारया झ्वलय् वडाया तप्यंक हे हस्तपक्षेपय् ब्वनेकुथियात जानकारी हे मब्यूसे कम्पाउण्ड दुनेया पक्की पिल्लर लिसेंया न्हूगु पःखाः दय्कूगु दु ।
थु कथं ब्वनेकुथिया भौतिक सम्पत्तिइ हे क्षति जुइ कथंया ज्या जूसां नं विद्यालय व्यवस्थापनयात जानकारी याकेमाःगु खः, तर थःपिन्त जानकारी हे मब्यूसे थ्व ज्या यात धकाः विद्यालय व्यवस्थापन समितिं धाःगु दु । थ्व जग्गाया मू थौंकन्हय् प्रतिआना ७० लख तका निसें छगू करोड तका तक थ्यना च्वंगु दु । वडा नं. २या वडाध्यक्ष चन्द्रलाल महर्जनं नगरपालिकाया मापदण्ड कथं पुलांगु मिश्रित बसोबास दुगु लागाय् लाःगु व अजाःगु थासय् खालि जूसा थासय् त्वःतेमाः धाःगु अलय् व हे कथं मदन स्मारक विद्यालयया जग्गा कयाः अथे ज्या यानागु जानकारी बियादिल ।
विद्यालय बचाउ अभियानय् सक्रिय जुयादीम्ह पृथविन्दु महर्जन, महेशराज बज्राचार्य नापं स्थानीय तय्सं बैशाख १९गते जिल्ला प्रशासन ज्याकुथि लिखित रुपं हे ध्यानाकर्षण पौ ब्यूगु खः । अनं लिपा प्रशासनपाखें जुयाच्वंगु ज्या दिकेत निर्देशन ब्यूगु खः ।
जग्गा अतिक्रमण जुयाः विद्यालयपाखें थःके दुगु अधिकार तकं उपयोग याय् फया च्वंगु मदु । विद्यालयया कम्पाउण्ड दुने पिल्लर सहितया पःखाः दनेगु ज्या दिके माःगु माग याय् माःगु थासय् पःखाःया बच्छिब्व दय्के धुंकाः तकं छुं नं कथंया प्रतिक्रिया मवल । विद्यालयपाखें थुगु खँय् थःपिन्त जानकारी तकं मदुगु जानकारी बियादिल ।
विद्यालयपाखें स्वीकृति काःगु अवस्थाय् व्यवस्थापन समितिपाखें स्वीकृति याक ेमाःगु खः । थुकथं ज्या न्ह्याकल धाःसा लँ बिस्तार सम्भव मदु धकाः विद्यालयलिसे अनुमति हे मकासे ज्या यानागु खः धकाः वडाध्यक्षं स्पष्ट यानादिल । मापदण्ड कथं सतक विस्तार याय्गु इलय् सतकया केन्द्रपाखें जवय् ९ गू फिट तःबाला याय् माःगु व उकिया नितिं निखेरं बराबर यानाः साढे ४ फिट जक तबाला याय्माःगु खः, तर उकियात बेवास्ता यानाः महानगरपालिकाया निम्ह हे वडाध्यक्षपिन्सं ब्वनेकुथिपाखे जक ९गू फिट तबाला याःगु दु । स्थानीय थीथी मनूतय्गु स्वार्थ कथं अथे ज्या याःगु तकं मनूतसें धाःगु दु । स्थानीयपाखें जिल्ला प्रशासन ज्याकुथिइ लिखित रुपं ध्यानाकर्षण पौ बीधुंकाः जक थःपिन्सं स्यूगु व जिल्ला प्रशासनया आदेशय् आः निर्माणया ज्या दिनाच्वंगु धाःगु दु ।
ब्वनेकुथिया नामय् मुक्कं यानाः २५पी जग्गा दु । थ्व जग्गा तकं थीथी इलय् लीजय् बिया वयाच्वंगु दु । सपिङ कम्प्लेक्सया नितिं निर्माणया अनुमति बिया ब्वनेकुथिया स्वामित्वय् दुगु सार्वजनिक जग्गा अतिक्रमणय् लाना वयाच्वंगु खः । बास्तवय् मापदण्ड दुने लाःगु जग्गा धइगु सार्वजनिक जग्गा धाय्गु अधिकार सुयाके नं मदु । मापदण्ड धइगु भौतिक संरचना निर्माणया नितिं जक खः ।
उकिं जनप्रतिनिधि तय्सं नेपाःया ऐन नियम कानूननिसें सर्वोच्च अदालतं ब्यूगु आदेशयात बेवास्ता याना वनेगु धइगु कानूनयात तकं हाचां गायावनेगु खः । थुगु खँय् सरोकारवाला तय्सं बिचाःयाय्माःगु अवस्था दु ।
सहरी प्रबिधि प्रतिस्पर्धाय् एनि टायम ट्वाइलेट न्हाप
नृपेन्द्रलाल श्रेष्ठ | तछलाथ्व द्धितिया ११३९ (जून ५ २०१९)
येँ महानगरपालिकां न्ह्याकुगुु स्मार्ट सहरी प्रबिधि प्रतिस्पर्धाय् समुदाय व वातावरण बिधाय् एनि टायम ट्वाइलेट नांया पुचः नं त्याकुगु दु ।
शहरय् मनू तयेत चःबिया समस्याया समाधान यायेगु प्रबिधि मार्फत हरेक रेष्टुरेष्ट व उपभोक्ताया सम्बन्ध जोडे यायेगु प्रबिधि पाखे हरेक मनूया आवश्यता पूरा याये सोचया आधारित प्रबिधि प्रतिस्पर्धाय् न्हाप लाःगु खः ।
उगु पुचःषत प्रधानमन्त्री के. पि. शर्मा ओलीं नगद ५ लाख नाप थुगु पुचलं बिषयगत बिजेता जुया २ लाख नाप जम्मा ७ लाख नगद पुरस्कार त्याकगु खः । थुगु अन्तिम चरणय् २४ गु पुचः दथुइ जुगु खः ।
हाम्रोकाठमाण्डौं हामि बनाउछौ ज्याझ्वmया मूपाँहा प्रधानमन्त्री के. पि. शर्मा ओलीं प्रतिस्पर्धी पाखे सुना न समस्या मदु मधाः न समस्या समाधान जुइ मखु धका धाः । थुकि थुके फइ समस्या झीके दु समाधान न झीके हे दु धका धयादिगु खः ।
अथेहे महानगरपालिकाया प्रमुख बिद्यासुन्दर शाक्यं ल्याय्म्हपिंन्स थःगु देशय् न सम्भावना दु धका थुगु ज्याझ्व यानागु खः धका धयादिगु खः ।
थौंया उगु ज्याझुवलय् समुदाय व वातावरण पाखे एरो रुट, सहरी पूर्वाधार पाखे सफा सहर, महानगरीय सामुदायिक सेवा पाखे नेपाल मेड व महानगरीय सार्वजनिक प्रशासन नाप ब्यवस्थापन पाखे अटोमाटा उपबिजेता जुगु खः । उगु उपबिजेता यात म्हति १ लाख नगद लल्हाःगु खः ।
पेट्रोलय् १तका कुहांवल ।
लहनान्युज | ने.सं.११३९ तछलाथ्व दुतिया (५ जुन, २०१९)
नेपाल आयल निगमं छगू लिटर पेट्रोलय् १तका क्वकाःगु दु । अन्तर्राष्ट्रिय बजाःया भाः कुहांवःगु न्ह्यथसें निगमं थौं बुधवाः चान्हय् निसें लागू जुइकथं भाः क्वकाःगु खः ।
‘भारतीय आयल निगम (आइओसी)पाखें छ्वयाहःगु न्हूगु भाःया धलःकथं पेट्रोलय् १तका कुहांवःगु खः ।’ निगमया उपनिर्देशक विनितमणि उपाध्यायं धयादिल, ‘न्हूगु भाः बुधवाः चान्हय् १२ताः इलंनिसें लागू जुइ ।’
न्हूगु भाः समायोजन लिपा पेट्रोल १गू लिटरया ११०तका कायम याःगु निगमं न्ह्यथंगु दु । निगमं डिजेल, मचिकं, हवाई इन्धन, एलपी ग्यासया भाः धाःसा यथावत हे कायम याःगु दु ।
नेपाल आयल निगम नोक्सानय् वनेधुंकाः २०७१ असोजय् स्वचालित प्रणाली लागू याःगु खः । उकथं निगमं समायोजन याना वयाच्वनागु दावी याःगु दु । निवाः न्ह्यः बजेट भाषणया झ्वलय् अर्थमन्त्री युवराज खतिवडां लँ दयेकेगु नामय् १गू लिटर पेट्रोल व डिजेलय् १तका १तका थप शुल्क कायेगु निर्णय याःगु खः ।
तर बजेट भाषण लिपा हे निगमं चांचां भाः समायोजन यानाः पेट्रोल व डिजेलया छगू छगू लिटरय् १.५० तका दां थकागु खः ।
इदुल्ल फित्रया लसताय्मा राष्ट्रपतिपाखे भिंतुना
लहनान्युज | तछलाथ्व द्धितिया ११३९ (जुन ५ २०१९)
इस्लाम धर्मावलम्बीया तधःगु नखः इदुल्ल फित्रया लसताय् राष्ट्रपति विद्यादेवी भण्डारीं देश व विदेशय् च्वपि दक्को इस्लाम धर्मालवम्बीया सुख, शान्ति, समृद्धि व सुस्वास्थ्यया कामना यानादिगु दु ।
राष्ट्रपति भण्डारीं थौं बुधवाः छगु शुभकामना सन्देश जारी यासे थुगु नखः पाखे दक्को समुदायया नेपाःमि दथुइ राष्ट्रिय एकता, सहिष्णुता व सद्भाव कायम यासे समृद्ध व विकसित समाज निर्माण यायेत प्रेरणा प्रदान जुइग विश्वास प्वकादिगु दु ।
संविधानं दक्को धर्मु व संस्कृतिया संरक्षण व संवद्र्धन यायेर्गुे उद्देश्यं मुस्लिम समुदायया संस्कृतिया संरक्षण यायेत थुगु इदुल्ल फित्रया महत्त्वपूर्ण भूमिका दइगु बिश्वास प्वकादिगु दु ।
इदुल्ल फित्र मुस्लिम समुदायया नखः जुगु नि थौं सरकारं देशभर सार्वजनिक बिदा याःगु खः ।
प्रधानमन्त्री ओलीं इदुल्ल फित्रया लसताय् भिंतुना सन्देश
लहनान्युज | तछलाथ्व द्धितिया ११३९ (जुन ५ २०१९)
इदुल्ल फित्रया लसताय् प्रधानमन्त्री केपी शर्मा ओलीं इस्लाम धर्मावलम्बीया नखः इदुल्ल फित्रं दक्को धर्म व संस्कृति माने याइपि नेपाःमि दथूइ सौहार्दता व राष्ट्रिय एकता भावना मजबुत जुइगु विश्वास प्वंकादिगु दु ।
इदुल्ल फित्रया लसताय् थौं बुधवाः छगु भिंतुना सन्देश जारी यासे प्रधानमन्त्री ओलीं रमदानया झ्वलय् लच्छि तक याःगु भक्तिं आदर्श जीवनयापनया माग क्यंगु धकाः न धयादिगु खः ।
नेपालया संविधानय् प्रस्तावना हे देशय् बहुजातीय, बहुभाषिक, बहुधार्मिक, बहुसांस्कृतिक व भौगोलिक विविधतायुक्त विशेषतायात आत्मसात् याःगु उल्लेख यासे प्रधानमन्त्री ओलीया सन्देशय् न्ह्यागुहे धर्म व संस्कृति अवलम्बन याइपि हरेक नेपाःमि पिनिगु नागरिकया धार्मिक व सांस्कृतिक जीवनय् हर्षोल्लासया साथ ब्बति काये फइगु अधिकार संविधानय् हे सुनिश्चित जुगु दु धका धयादिगु दु ।
उगु सन्देशय् प्रधानमन्त्री ओलीं देशय् इस्लाम धर्मावलम्बीया धार्मिक स्वतन्त्रता, हकअधिकारयात सुव्यवस्थित नाप सुनिश्चित यायेत संवैधानिक व्यवस्था अनुरुप मुस्लिम आयोग न क्रियाशील जुगु स्मरण यागु दु ।
